Menja Tiz Kernuak buz gasowas

	Original	SWF	Translation
1	Menja Tiz Kernuak buz gasowas tha kanna vee gy el e glowas Rag fyr ha mescack thew e gwreze Ubba en Tale gullas en Beze	'Menja tus Kernowek bus goslowes dhe' kana vy jei 'ell y glowes Rag fur ha muskok yth yw ev gwres Obma en toll goles an bes	Would that Cornish people but listen to my songs, they can hear it For wise and mad he is made Here in the bottom hole of the Earth
2	Rag me a venja cowas na peath della na vee a denneth tha weath Rag an pocar ez en pedd’n ha peege gungans mee a vedd’n	Rag my a venja kawas neppeth 'della na via a den veth dhe weth Rag an pekar eus en pedn ha peji ganjans my a vedn	For I would have something so it would not be of any man [...] For the like that is in head and pray with them I will
3	Ma tha ni Materne da ha maternes maga Ta Besca Rig dane Roul en Gwalaze buz nag ew an Pobel vaze	'Ma dhen ni mytern da ha myternes magata Byskath wrug den rowlya en gwlas bus nag yw an bobel vas	We have a good King and a fine Queen ever did man rule in the land but the people are not good
4	Eve Rig doaz thurt pow e whonnen Tiz da gunju Leeas wonnen Gorolyon da droaze e war dower Sowias E vownas kerra vel ow’r	Ev 'wrug dos dhort pow y honen Tus da ganjo, lies onen Gorholyon da a dhros ev war dhowr Sawyas y vownans kerra 'vel owr	He did come from his own land Good people with him, many a one Good ships brought him on water Saved his life more precious than gold
5	pereeg eve gurra Trooze war Tîr Eve welcumbes me ore Gwîr ha tha vethes tha Careesk maga sowe besca ve pesk	Pan wrug ev gorra troos war dir Ev 'veu wolkobmys, my 'wor gwir ha dhe vedhes dhe Geresk maga saw [dell] byskath veu pesk	When he did put foot on land He was welcomed, I know true and to [...] to Exeter as safe ever was a fish
6	Enna na rig eve Trigass pel Buz eath tha wheelas an peath o gwel an Jooal rag gurra war e bedd’n ha e weetha eve a vedd’n	Ena na wrug ev trigas pell Bus eth dhe hwilas an peth o gwell An Jowel rag gorra war y bedn ha y witha ev a vedn	There he did not stay long But went to seek that which was better The jewel to put on his head and keep it he will
7	Mattern james rig quachas e stoppia bus E na allja e theath tha gloppia Eve rig quachas moaze tha an gwella ternuan bus e gothas drez an ne wharn	Mytern Jamys 'wrug gwaytyas y stoppya bus ev na allja, ev 'dheuth dhe gloppya. Ev 'wrug gwaytyas moas dhe’n gwella ternewen bus ev a godhas dres en duwon	King James did hope to stop him but he could not, he came to limp He did hope to go to the best side but he fell between in grief
8	Ha ul e poble poonias tha Gova Hemma e bra gwarre why na gova Ha e tha worthen eath e whonnen rag cowas gen e gare Trip-Cunnen	Ha oll y bobel 'bonyas dhe gova Hemma, [....] gwari, hwei na gova Ha ev dhe Wordhen eth y honen rag kawas gen y gar Tripconin	And all his people ran to remember This, [...] play, you do not remember And he to Ireland went himself to get by his dear Tripconin
9	Enna e wraze Lowar wheal tha weel Bowneege kelles Leeas meel buz materen Wille wraze an wheal ha fesias gy car vez an gweal	Ena ev 'wras lowr hwel dhe wul Bownansow kellys, lies mil bus mytern Wella 'wras an hwel ha fesyas jei 'kerdh 'ves a'n gwel	There he made enough work to do Lives lost, many a thousand but King William made the work and chased them away out of the field
10	Nenna e eath car rag Frink rag debre an Tacklow ewe per trink ma enna whath eve me ore gwîr ha plodia gen an hagar veer	Nena ev eth 'kerdh rag Frynk Rag debri an taklow yw pur drynk 'Ma ena hwath ev, my 'wor gwir ha plodya gen an hager vir	Then he went away for France To eat the things that are very [...] There is there still him, I know true and [...] with the ugly sight
11	ha enna ni e ved’n e ara amesk an poble ez e gara ha moaz tha wellaz an peath ez gwreze en pow an Flemmen amesk an Tîz	ha ena ni a vedn y ara en-mesk an bobel eus y gara ha moas dhe weles an peth eus gwres en Pow an Flemen en-mesk an dus	And there we will leave him amongst the people who love him and go to see that which is made in Flanders amongst the people
12	Enna ma Leeas wonnen kelles Kana geegans tha boaze gwelles ha muy dale moaz tha an gletha stella an lacca berra a mesk an gwellah	Ena 'ma lies onen kellys Kana [....] dhe vos gwelys ha moy a dal mos dhe'n gledha stella an lacka [...] en-mesk an gwella	There there is many a one lost Sing [...] to be seen and more should go to the sword still the worst [...] amongst the best
13	Ma Materen ni doaz Tre beddn wave ha moaze car arta pe teffa have Dewe reffa e sowia Tre ha leaze ha gweel e vownas mear a heaze	Yma 'metern ni 'toas tre 'bedn 'wav ha moas 'kerdh arta pan dheffo hav Duw r'effo y sawya, tre ha 'les ha gwul y vownans meur a hes	Our King is going home before winter and going away again when summer comes God save him, home and abroad and make his life much of length
14	menja e buz gweel dua an Streef ter ni ha’n Creege thua Materen Frink thera vee a menia na venja hedda whath gun greevia	A menja ev bus gwul diwedh an strif dre ni ha'n [...] Mytern Frynk 'th erov vy ow menya Na venja hedna hwath 'gan grevya.	Would he but make an end the struggle through us and the [...] The King of France I am meaning That one would not still trouble us.

Notes

Henry Jenner comments: "Song on James II and William of Orange, by John Tonkin of St Just, a tailor, who appears to have been a solitary Whig in a nation of Jacobites, as with very few exceptions the Cornish certainly were. It begins, "Menja tiz Kernuak buz galowas," and consists of fourteen four-lined stanzas of modern Cornish, probably composed in 1695" (Handbook)

• SGMC calls this TT (Thomas Tonkin) but Neil Kennedy says it's confused (Te ha Tesednow)

Links

• Modern Cornish http://www.moderncornish.net/late-texts/Tonkin-John-kannakernuak.html
• Te ha Tesednow http://nebesgeryow.blogspot.co.uk/2015/05/kanna-kernuak-cana-kernowek.html

Reference

(BM Add MSS 28554, f.130) OC no12 Winter 1930 (Not in own hand-some errors in copy?)