View source for Cousow do ve che dean mor ferre

{| width="100%"
!Original || Transliteration || Translation
|-
|
Cousow do ve che dean mor ferre<br>
De leba es meare a peath ha lease Teer<br>
Ha me reeg clowaz an poble compla<br>
Fa Ethreaz do chee Ethick gwreage dah<br>
Hye oare gwell padn dah gen hy glane<br>
Ha ete eye ollas hye dalveha gowas tane<br>
Na dale deez perna Kinnis war an Sawe<br>
Na moase cuntle an drize dro dan Keaw<br>
Rag hedda vedn boaz couzese dro dan pow<br>
Gwell eye veeha perna nebas glow<br>
Ha hedna vedn gus tubma a theller e aragg<br>
Ha whye ell evah cor gwella mor sease du bragg<br>
Na dale deiw gwell treaven war an treath <br>
Dreath hedna why vedn kelly meare a peath<br>
Buz mor menow dereval worbidn an pow yeine<br>
Why dalveha gowas an brossa mine<br>
Ha ryny vedn diria bidn moar ha gwenz<br>
Nagez drog vyth gwres lebben na kenz.
|
Kowsowgh dhe'vy, chy den mar fur,<br>
dhe neb eus meur a peth ha lies tir,<br>
ha my 'wrug klowes an pobel [ow] kampolla<br>
fatl'yw gwres dhe'jy uthik gwreg dha.<br>
Hei 'wor gwul padn da gen hy gwlan,<br>
hag et hy oles hi 'dalvia kawas tan.<br>
Na dal dhis perna kunys orth an sawgh,<br>
na moas [ow] kuntel an dreys 'dro dhe'n keow;<br>
rag hedna 'vedn boas kowsys 'dro dhe'n pow,<br>
gwell hei via [ow] perna nebes glow.<br>
Ha hedna 'vedn 'gas tobma a-dhelergh ha a-rag;<br>
ha hwei 'ell eva kor' gwella mars eus dhewgh brag.<br>
Na dal dhewgh gwul treven war an treth;<br>
dres hedna hwei a vedn kelli meur a peth.<br>
Bus mar mednowgh derevel warbydn an pow yeyn,<br>
hwei 'dalvia kawas an broassa meyn,<br>
ha'n re-na 'vedn durya 'bydn mor ha gwyns,<br>
nag eus drog vyth gwres lebmyn na hens.
|
Talk to me, you very wise man,<br>
to he who has much and many a land,<br>
and I did hear the people comment<br>
how it was done to you a terrible good wife.<br>
She knows how to sew well with her wool,<br>
and in her hearth she should find a fire.<br>
It's not worth buying firewood by the horse-load,<br>
nor going to collect the brambles around the hedges;<br>
for that will be spoken about the land,<br>
better she would be buying some coal.<br>
And that will warm you behind and in front;<br>
and you can drink the best beer if you have malt.<br>
It's not worth you making houses on the beach;<br>
through that you will lose many things.<br>
But if you wish to build against the cold land,<br>
you should get the largest stones,<br>
and those will last against sea and wind,<br>
there is no bad done now nor before.
|}

==Notes==
*John Jenkins c.1700
==Links==
*Modern Cornish http://moderncornish.net/late-texts/Jenkins-John-cousowdovechedeanmorferre.html

==Further reading==
*Nicholas Williams, Desky Kernowek. page 210.

==Reference==
*(Gw MSS OC.Vol IV No 8 Winter 1948)