|
Cousow do ve che dean mor ferre
De leba es meare a peath ha lease Teer
Ha me reeg clowaz an poble compla
Fa Ethreaz do chee Ethick gwreage dah
Hye oare gwell padn dah gen hy glane
Ha ete eye ollas hye dalveha gowas tane
Na dale deez perna Kinnis war an Sawe
Na moase cuntle an drize dro dan Keaw
Rag hedda vedn boaz couzese dro dan pow
Gwell eye veeha perna nebas glow
Ha hedna vedn gus tubma a theller e aragg
Ha whye ell evah cor gwella mor sease du bragg
Na dale deiw gwell treaven war an treath
Dreath hedna why vedn kelly meare a peath
Buz mor menow dereval worbidn an pow yeine
Why dalveha gowas an brossa mine
Ha ryny vedn diria bidn moar ha gwenz
Nagez drog vyth gwres lebben na kenz.
|
Kowsowgh dhe'vy, chy den mar fur,
dhe neb eus meur a peth ha lies tir,
ha my 'wrug klowes an pobel [ow] kampolla
fatl'yw gwres dhe'jy uthik gwreg dha.
Hei 'wor gwul padn da gen hy gwlan,
hag et hy oles hi 'dalvia kawas tan.
Na dal dhis perna kunys orth an sawgh,
na moas [ow] kuntel an dreys 'dro dhe'n keow;
rag hedna 'vedn boas kowsys 'dro dhe'n pow,
gwell hei via [ow] perna nebes glow.
Ha hedna 'vedn 'gas tobma a-dhelergh ha a-rag;
ha hwei 'ell eva kor' gwella mars eus dhewgh brag.
Na dal dhewgh gwul treven war an treth;
dres hedna hwei a vedn kelli meur a peth.
Bus mar mednowgh derevel warbydn an pow yeyn,
hwei 'dalvia kawas an broassa meyn,
ha'n re-na 'vedn durya 'bydn mor ha gwyns,
nag eus drog vyth gwres lebmyn na hens.
|
Talk to me, you very wise man,
to he who has much and many a land,
and I did hear the people comment
how it was done to you a terrible good wife.
She knows how to sew well with her wool,
and in her hearth she should find a fire.
It's not worth buying firewood by the horse-load,
nor going to collect the brambles around the hedges;
for that will be spoken about the land,
better she would be buying some coal.
And that will warm you behind and in front;
and you can drink the best beer if you have malt.
It's not worth you making houses on the beach;
through that you will lose many things.
But if you wish to build against the cold land,
you should get the largest stones,
and those will last against sea and wind,
there is no bad done now nor before.
|
