View source for Pascon agan Arluth

{| class="ms4" width="100%"
! || Original || SWF || Translation
|-
|1|| class="ms4top" width="32%" |
Tays ha mab han speris sans
<br>wy abys a levn golon
<br>Re wronte ȝeugh gras ha whans 
<br>ȝe wolsowas y basconn
<br>Ha ȝymmo gras ha skyans
<br>the ȝerevas par lauarow
<br>may fo ȝe thu ȝe worthyans
<br>ha sylwans ȝen enevow
| width="28%" |
Tas ha Mab ha'n Spyrys Sans,
<br> hwi a bys a leun golon,
<br> re wrontyo dhywgh gras ha hwans
<br> dhe woslowes y bacyon.  
<br> Ha dhymmo gras ha skians 
<br> dh'y dherivas par lavarow,  
<br> may fo dhe Dhuw dh'y wordhyans
<br> ha selwans dhe'n enevow.  
| width="38%" |
May Father, Son, and the Holy Ghost grant to you who pray with a full   
heart, grace and a desire to hear his passion, and to me grace and    
knowledge to tell it in words that it may be to the glory of God and for 
the salvation of souls.
|-
|2||
Suel a vynno bos sylwys
<br>golsowens ow lauarow
<br>a ihesu del ve helheys
<br>war an bys avel carow
<br>Ragon menough rebekis
<br>ha dyspresijs yn harow
<br>yn growys gans kentrow fastis
<br>peynys bys pan ve marow
|
Seul a vynno bos selwys 
<br> goslowens ow lavarow,   
<br> a Yesu dell veu helghys 
<br> war an bys avel karow, 
<br> ragon menowgh rebekys   
<br> ha dispresys yn harow,  
<br> y'n grows gans kentrow festys, 
<br> paynys bys pan veu marow. 
|
Let all who wish to be saved listen to my words about how Jesus was   
hunted on Earth like a stag; for us often rebuked and cruelly despised;     
to the cross secured with nails; tortured till he was dead.
|-
|3||
Du sur dre virtu an tas
<br>ȝynny a ȝyttyas gweras
<br>En mab dre y skyans bras
<br>pan gemert kyg a werhas
<br>han sperys sans leun a ras
<br>dre y ȝadder may fe guris
<br>Goȝaff paynys pan vynnas
<br>neb na ylly gull peghes
|
Duw sur, dre vertu an tas,
<br> dhyn ni a dhyghtyas gweres 
<br> an Mab dre y skians bras
<br> pan gemer't kig a werghes, 
<br> ha'n Spyrys Sans leun a ras,
<br> dre y dhader may feu gwrys
<br> godhav paynys pan vynnas  
<br> neb na ylli gul peghes. 
|
Indeed, God, through the power of the Father, the Son through his      
great wisdom when he accepted a virgin's flesh, and the holy ghost full     
of grace, through his goodness by which he who could do no sin willingly    
suffered torture, prepared help for us.   
|-
|4||
An dus vas a ȝeserya
<br>ȝeȝe gulas nef o kyllys
<br>gans aga garm hag olua
<br>ihesus crist a ve mevijs
<br>may fynnas dijskynna
<br>yn gwerhas ha bos genys
<br>gans y gyk agan perna 
<br>arluth du gwyn agan bys
|
An dus 'vas a dhesirya 
<br> dhedha gwlas nev o kellys. 
<br> Gans aga garm hag olva 
<br> Yesus Krist a veu mevys, 
<br> may fynnas diyskynna   
<br> yn gwerghes ha bos genys, 
<br> gans y gig agan perna - 
<br> Arlodh Duw, gwynn agan bys! 
|
The good people wanted for themselves the Kingdom of Heaven which had      
been lost. Jesus Christ was moved by their cries and lamentations so      
that his will was to come down into a virgin and be born to redeem us  
with his flesh. Lord God, how happy we are!
|-
|5||
Ihesu crist mur gerense   
<br>ȝe vab den a ȝysweȝas
<br>an vghelder may ȝese
<br>ȝen bys pan deyskynnas
<br>Pehadoryon rag perna
<br>o desevijs dre satnas
<br>rag henna gorȝyn neffra
<br>ihesus neb agan pernas
|
Yesu Krist meur gerensa  
<br> dhe vab-den a dhiskwedhas  
<br> a'n ughelder mayth esa  
<br> dhe'n bys pan dhiyskynnas,  
<br> peghadoryon rag perna   
<br> o desevys dre Satnas.  
<br> Rag henna gordhyn nevra   
<br> Yesus neb a'gan pernas.
|
Jesus Christ showed great love to mankind when he came down to Earth     
from the height where he was, to redeem sinners who had been deceived by    
Satan. Therefore let us always praise Jesus who redeemed us.
|-
|6||
A(n) peynys a wotheuys
<br>ny ve ragtho y honan
<br>lemmyn rag pobyll an bys
<br>pan vons y kefis mar wan
<br>an ioull ȝe adam kewsys
<br>an aval te kemer tam
<br>a vell du y fethyth gurys
<br>pan yn provas nyn io mam
|
An paynys a wodhevis  
<br> ny veu ragdho y honan, 
<br> lemen rag pobel an bys 
<br> pan vons i kevys mar wann.
<br> An Jowl dhe Adam gewsis, 
<br> "An aval ty kemmer tamm! 
<br> Avel Duw y fedhydh gwrys!" 
<br> Pan y'n provas nyns o mann!
|
The tortures he suffered were not for himself  alone but for the     
people of the world as they were found (to be) so frail. The Devil spoke   
to Adam: "The apple, you take a bit! You will become like God!" When   
he tried it, in no way was it so!
|-
|7||
War lyrgh mab den ȝe begha
<br>reson prag y fe prynnys
<br>yw ihesus crist ȝe ord(na)
<br>yn neff y vonas tregys
<br>y vos kyllys ny vynna
<br>y doull ganso o tewlys
<br>rag henna ȝe bob dyȝgthtya
<br>forth a rug the vos sylwys
|
War-lergh mab-den dhe begha, 
<br> reson prag y feu prenys 
<br> yw Yesus Krist dhe ord'na 
<br> yn nev y vones trigys. 
<br> Y vos kellys ny vynna, 
<br> y dowl ganso o tewlys, 
<br> rag henna dhe bub dyghtya  
<br> fordh a wrug dhe vos selwys
|
After mankind had sinned, the reason he was redeemed is that Jesus      
Christ ordained that he should dwell in heaven. He did not intend that     
he should be lost. By him his plan was made. Therefore he prepared a way   
for everyone to be saved.  
|-
|8||
Kyn na goff den skentyll pur
<br>par del won lauaraff ȝys
<br>yn tre du ha pehadur
<br>acord del ve kemerys
<br>rag bonas gonn pegh mar vur 
<br>mayn yn treȝe a ve gurys 
<br>eff o crist a theth dhen leur 
<br>mab du ha den yw kyffris
|
Kyn nag ov den skentyl pur,
<br> par dell wonn lavarav dhis: 
<br> yntra Duw ha peghador  
<br> akord dell veu kemerys.  
<br> Rag bones 'gan pegh mar veur,
<br> mayn yntredha a veu gwrys. 
<br> Ev o Krist a dheuth dhe'n leur,
<br> mab Duw ha den yw keffrys.
|
Although I am not a very learned man, I will tell you what I know:   
how an accord was made between God and sinner. Because our sin was so    
great, an intermediary was made between them. He was Christ who came      
down to Earth.  He was the son of God and man alike.
|-
|9||
Ragon y pesys y das
<br>oll y sor  may fe gevys
<br>gans y gorff dre beynys bras
<br>agan pegh may fo prennys
<br>mab marea leun a ras
<br>oll  y voth a ve clewys 
<br>ha kemmys a theseryas
<br>ȝoȝo eff a ve grontis
|
Ragon y pesis y das 
<br> oll y sorr may fe gevys,
<br> gans y gorf dre baynys bras
<br> agan pegh may fe prenys. 
<br> Mab Maria leun a ras, 
<br> oll y vodh a veu klewys,
<br> ha kemmys a dhesiryas  
<br> dhodho ev a veu grontys. 
|
He begged his Father for us that all his wrath should be remitted,     
that our sin should be redeemed with his body through extreme torture.      
Mary's son, full of grace - all his will was heard and all he desired   
was granted to him. 
|-
|10||
I vam pan yn drehevys
<br>hay vos deueȝis ȝe oys
<br>gull penans ef a '''pesys'''
<br>henna ganso nyn io poys
<br>(d)evguans dyth ow '''penys''' 
<br>y speynas y gyk hay woys
<br>ha woteweth rag densys 
<br>eff an geue '''awell''' boys
|
Y vamm pan y'n drehevis 
<br> ha'y vos devedhys dhe oos, 
<br> gul penans ev a besis, 
<br> henna ganso nyns o poos. 
<br> Dew ugens dydh ow penys 
<br> y spenas y gig ha'y woos,
<br> ha wor'tiwedh rag denses  
<br> ev a'n jeva awell boos. 
|
When his Mother brought him up, and when he was come of age, he    
continued to do penance, that was no hardship for him. For forty days he    
spent his flesh and blood in fasting, and eventually, because he was      
human, he had a craving for food.
|-
|11||
Han ioull henna pan glewas 
<br>y demptye a brederys 
<br>ha ȝoȝo y tysqueȝas
<br>cals meyn hay leuerys
<br>Mars sos mab du leun a ras
<br>an veyn ma gura bara ȝis
<br>ihesus crist par del vynnas 
<br>ȝoȝo ef a worthebys
|
Ha'n Jowl henna pan glewas, 
<br> y demptya a brederis  
<br> ha dhodho y tiskwedhas  
<br> kals meyn, hag a leveris, 
<br> "Mars os mab Duw leun a ras,
<br> a'n veyn ma gwra bara dhis."
<br> Yesus Krist par dell vynnas 
<br> dhodho ev a worthybis:  
|
And when the Devil heard this, he thought he would tempt him and he    
showed him a heap of stones and said, "If you are God's beloved son,    
make these stones bread for yourself." Jesus Christ answered him        
exactly as he intended:
|-
|12||
Mab den heb ken ys bara
<br>nyn geuas ol y vewnans
<br>lemmen yn lauarow da 
<br>a the ȝe worth an '''dremas'''
<br>dre worȝyp crist  yn urna
<br>lemmyn ny a yll gwelas 
<br>lauar du maga del wra
<br>neb a vynno y glewas
|
"Mab-den hepken es bara  
<br> ny'n jeves oll y vewna's, 
<br> lemen yn lavarow da  
<br> a dheu dhyworth an dremas". 
<br> Dre worthyp Krist y'n eur na,
<br> lemmyn ni a yll gweles 
<br> lavar Guw maga dell wra 
<br> neb a vynno y glewes. 
|
"Man does not find all his life in bread alone, but in the good    
words that come from God." Now we can see by Christ's answer at that    
time, how the word of God feeds whoever will hear it.
|-
|13||
Gans gloteny ef pan welas
<br>cam na ylly y dolla
<br>en tebell el a vynnas
<br>yn ken maner y demptye
<br>war penakyll yn goras
<br>dyantell ȝe eseȝa
<br>a vgh eglos tek yn wlas
<br>an yset(h)va y ȝesa
|
Gans glotni ev pan welas 
<br> kamm na ylli y dolla, 
<br> an tebel-el a vynnas 
<br> yn ken maner y demptya. 
<br> War bynakyl y'n gorras  
<br> diantel dhe esedha.   
<br> A-ugh eglos teg y'n wlas, 
<br> an esedhva yth esa. 
|
When he saw that he could not trick him at all with gluttony, the    
evil angel decided to tempt him in another way. He put him to sit    
dangerously on a pinnacle. The seat was above a beautiful church in the     
land.
|-
|14||
An ioul ȝe grist a gewsys
<br>yn delma rag y demptya
<br>a hanas y thew scrifys
<br>bos eleth worth ȝe wyȝe
<br>rag own yw ȝom desevys
<br>ȝe droys worth meyn ȝe dochye
<br>mar sos mab du a vur '''brys'''
<br>dijskyn ha ȝen dor ke
|
An Jowl dhe Grist a gewsis
<br> yndelma rag y demptya,  
<br> "Ahanas yth yw skrifys  
<br> bos eledh orth dha witha, 
<br> rag own yth omdhisevys  
<br> dha droos orth men dh'y dochya.
<br> Mars os mab Duw a veur brys,
<br> diyskyn ha dhe'n dor ke." 
|
The Devil spoke to Christ thus to tempt him: "It is written of you    
that angels are guarding you for fear you are going to stumble by     
catching your foot on a stone. If you are God's son of great worth, come   
and drop down to the ground."
|-
|15||
Ihesus crist a leueris
<br>ȝe thu ny goth thys temptye
<br>yn neb ehan a seruys
<br>lemmyn prest y honore
<br>Ha whath an Ioul a dewlys
<br>towll ken maner mar calle
<br>dre neb forth a govaytis
<br>guȝyll ȝy gowsys tryle
|
Yesus Krist a leveris,  
<br> "Dha Dhuw ny goodh dhis temptya
<br> yn neb eghen a servis, 
<br> lemen prest y enora."  
<br> Ha hwath an Jowl a dewlis
<br> towl ken maner mar kalla, 
<br> dre neb fordh a govaytys, 
<br> guthyl dh'y gowses treylya. 
|
Jesus Christ said, "You must not tempt your God into any kind of     
enthralment, but always honour him." And again the Devil cast a plan of     
another kind to see if, in some way involving greed, he could make him    
change his mind.
|-
|16||
A lene yn hombronkyas
<br>vghell war ben vn meneth
<br>ha ȝoȝo y tysquethas
<br>owr hag arghans gwels ha gweth
<br>ha kymmys yn bys vs vas
<br>yn meth an ioul te a feth
<br>ha me ad wra arluth bras
<br>ow honore mar mynnyth
|
Alena y'n hembronkyas   
<br> ughel war benn unn menedh, 
<br> ha dhodho y tiskwedhas  
<br> owr hag arghans gwels ha gwedh
<br> ha "Kemmys y'n bys eus 'vas",
<br> yn-medh an Jowl, "ty a' fydh.
<br> Ha my a'th wra arlodh bras
<br> ow enora mar mynnydh."  
|
From there, he led him high up to the top of a mountain, and showed   
him gold and silver, grass and trees, and the Devil said, "You shall     
have all there is of value in the world, and I will make you a great  
lord if you are willing to honour me."
|-
|17||
Ihesus crist a leueris
<br>y vos scryfys yn lyffrow
<br>yn pub gwythres ycoth thys
<br>gorȝye ȝe ȝu hay hanow
<br>Ke ȝe ves omscumvnys
<br>ȝe ȝyveyth veth yn tewolgow
<br>the vestry a vyth leȝys
<br>neffre war an enevow
|
Yesus Krist a leveris  
<br> y vos skrifys y'n lyvrow: 
<br> "''Yn pub gweythres y koodh dhis
<br> gordhya dha Dhuw ha'y hanow.'' 
<br> Ke dhe-ves, emskemunys,  
<br> dhe dhifeyth yn tewolgow.  
<br> Dha vaystri a vydh ledhys 
<br> nevra war an enevow."  
|
Jesus Christ said that it was written in the Scriptures, "In       
everything that is done you must worship your god and his name. Go away,    
accursed one, to a desert in darkness. Your dominion over souls will be     
destroyed for ever."
|-
|18||
An ioul a trylyas sperys 
<br>hag eth ȝy tyller tythy
<br>tergweyth y fe convyctijs
<br>evn yw ȝyn y voleythy
<br>ȝe ihesu may fons parys
<br>ȝy gomfortye yredy
<br>an neff y fe danvenys
<br>ȝe worth an tas eleth dy
|
An Jowl a dreylyas serrys 
<br> hag eth dh'y dyller teythi. 
<br> Teyrgweyth y feu konviktys,  
<br> ewn yw dhyn y vollethi. 
<br> Dhe Yesu may fens parys, 
<br> dh'y gonfortya yredi   
<br> a'n nev y feu danvenys 
<br> dhyworth an Tas eledh di. 
|
The Devil turned angrily and went home to his lair. Three times he     
was overcome. It is right for us to curse him. To Jesus were sent    
heavenly angels from the Father to be ready indeed to support him there.
|-
|19||
Ha satnas gans y antell
<br>hay scherewneth hay goyntis
<br>crist mab an arluth vghell
<br>y demptye pan prederis
<br>besy yw ȝyȝ bos vuell
<br>ha seruabyll yth seruys
<br>manno allo an tebell
<br>ogas ȝys bonas trylys
|
Ha Satnas, gans y antell 
<br> ha'y sherewneth ha'y goyntis,  
<br> Krist, mab an Arlodh Ughel, 
<br> y demptya pan brederis,  
<br> besi yw dhis bos uvel 
<br> ha servabyl y'th servis,  
<br> ma na allo an tebel 
<br> ogas dhis bones treylys. 
|
And since Satan thought he would tempt Christ, Son of the Supreme      
lord, with his treachery, malice and cunning, it is important for you to     
be humble and diligent in your service so that the evil one cannot be    
turned upon you.
|-
|20||
Rag y hyller ervyre
<br>hay welas yn suredy
<br>y vos prest worth ȝe vetye
<br>ȝe veth ȝys ha belyny
<br>te na yllyth omweȝe
<br>vn pres yn geyth na peghy
<br>pan omsettyas ȝe demptye
<br>guȝyll pegh neb na ylly
|
Rag y hyllir ervira  
<br> ha'y weles yn surredi,  
<br> y vos prest orth dha vetya
<br> dhe veth dhis ha bileni, 
<br> ty na yllydh omwitha  
<br> unn pres y'n jydh na beghi,
<br> pan omsettyas dhe demptya  
<br> guthyl pegh neb na ylli! 
|
For you may be sure, and see indeed that he is always waylaying you    
to your shame and disgrace, you who cannot keep yourself from sinning      
for a single moment in the day! After all, he undertook to tempt him who   
could not commit sin!
|-
|21||
Del yw scrifys prest yma
<br>adro ȝynny ganso try
<br>mara kyll ȝe worth an da
<br>ȝe weȝyll drok agan dry
<br>folle yn ta y whela
<br>ys del wra lyon y pray
<br>drey den yn peyn a calla
<br>neffre ny vnsa moy ioy
|
Dell yw skrifys prest yma 
<br> a-dro dhyn ni gans outray, 
<br> mara kyll dhyworth an da 
<br> dhe wuthyl drog agan dri. 
<br> Folla yn ta y hwila 
<br> es dell wra lion y bray.
<br> Dri den yn payn a kalla,
<br> nevra ny yeunsa moy joy.
|
As it is written, he is always round about us with violence in case    
he can bring us from the good to do evil. Much more furiously he seeks   
us than does a lion his prey. If he could bring a man to woe, never  
would he desire more joy.
|-
|22||
Gans ioul kyn fy temptijs
<br>anoȝo na ro dymme
<br>rag comfort yw henna ȝys
<br>scrifys yw yn leas le
<br>yt allos y vos gorrys
<br>kyffris seuell ha cothe
<br>ha ganso kynfes tewlys
<br>te a yll seuell arte
|
Gans an jowl kyn fi temptys,
<br> anodho na ro demma.  
<br> Rag konfort yw henna dhis: 
<br> skrifys yw yn lies le 
<br> y'th hallos y vos gorrys 
<br> keffrys sevel ha kodha,  
<br> ha ganso kyn fes tewlys 
<br> ty a yll sevel arta. 
|
Though you are tempted by the Devil, do not give a halfpenny for him!    
For it is written in many places that it is put into your power both to  
stand and to fall, and though you are cast down by him, you may rise   
again. That is a comfort for you!
|-
|23||
Ihesu crist yn pow a dro
<br>pub eroll pregoth a wre
<br>han virtu an pregoth o
<br>mab den ȝe ase peghe
<br>ha gevys may fe ȝoȝo
<br>kyffrys y begh hay fyltye
<br>degis na ve ȝe worto
<br>gulas nef (h)a  roys ȝe gen re
|
Yesu Krist y'n pow a-dro 
<br> pub eur oll pregoth a wre,
<br> ha'n vertu a'n pregoth o 
<br> mabden dhe asa pegha,  
<br> ha gevys may fe dhodho 
<br> keffrys y begh ha'y vilta, 
<br> degys na ve dhyworto  
<br> Gwlas Nev ha res dhe gen re.
|
Jesus Christ preached in the country round about all the time, and      
the substance of the preaching was that mankind should cease from       
sinning so that his sin as well as his evil might be forgiven him, lest   
the Kingdom of Heaven be taken away from him and given to others.
|-
|24||
Benegas yw neb a gar
<br>du dris pub tra vs yn bys
<br>hag a woȝaffo yn  whar
<br>ȝoȝo kymmys vs ordnys
<br>bo clevas bo peth kescar
<br>po dre breson presonys
<br>ol en da han drok kepar
<br>ȝe ihesu beȝens grassys
|
Benygys yw neb a gar 
<br> Duw dres pub tra eus y'n bys,
<br> hag a wodhaffo yn hwar 
<br> dhodho kemmys eus ord'nys,  
<br> po kleves po peth-keskar  
<br> po dre brison prisonys.  
<br> Oll an da ha'n drog kepar,
<br> dhe Yesu bedhens grassys.  
|
Blessed is he who loves God beyond everything there is in the world,     
and who will meekly suffer all that is ordained for him, whether it is    
illness or dispersion of wealth, or being shut up in prison. For all     
good and bad alike, let Jesus be thanked.
|-
|25||
Ihesu crist yn pow may the
<br>ef a sawye an glevyon
<br>dal na boȝar ny ase
<br>nag omlanar na gonon
<br>na claff vyth ow crowethe
<br>mar pesy a leun golon
<br>whare sawijs y feȝe
<br>del vynna crist y honon
|
Yesu Krist y'n pow mayth e,
<br> ev a sawya an glevyon. 
<br> Dall na bodhar ny asa, 
<br> nag omlavar nagonan   
<br> na klav vyth ow krowedha. 
<br> Mar pesi a leun golon 
<br> hware sawys y fedha  
<br> dell vynna krist y honan. 
|
Wherever he went in the country, Jesus Christ healed the sick. He did     
not abandon the blind or the deaf or the dumb - not one, nor any   
bedridden invalid. If he prayed with a full heart, straight away he      
would be cured in accordance with the will of Christ himself.
|-
|26||
Pan welas en ethewon
<br>bos crist au cuthyll meystry
<br>ow care eȝomogyon
<br>hag a neȝe na wre vry
<br>rag henna an vuscogyon
<br>orto a borȝas avy
<br>dre vraster bras yn golon
<br>y chungfyons y ȝestrewy
|
Pan welas an Edhewon  
<br> bos Krist ow kuthyl maystri, 
<br> ow kara edhomogyon   
<br> hag anedha na wre vri, 
<br> rag henna an vuskogyon   
<br> orto a borthas avi.  
<br> Dre vraster bras y'n golon 
<br> y chonsyons y dhistrui.  
|
When the Jews saw that Jesus Christ was exercising power, caring for      
people in need and that he paid no heed to them, for that reason the   
crazy ones bore him malice. Because of arrogance in their hearts they      
attempted to destroy him.
|-
|27||
Dewsull blegyow pan ese
<br>yn mysc y abestely
<br>y wreg ȝe re a neȝe
<br>mos ȝen dre ha degylmy
<br>an asen ha dry ganse
<br>ha leuerell yredy
<br>mar teffa tus ha gweȝe
<br>bos ȝe ȝu ȝe wull gynsy
|
De Sul Bleujyow pan esa 
<br> yn mysk y abesteli,  
<br> y hwrug dhe re anedha 
<br> mos dhe'n dre ha digelmi 
<br> an asyn ha dri gansa, 
<br> ha leverel yredi,   
<br> mar teffa tus ha gwitha, 
<br> bos dhe Dhuw dhe wul gensi.
|
When he was among his apostles on Palm Sunday, he made some of them    
go to the town and untie the ass and bring it with them, and if any man
came to prevent it, to say indeed that it was on God's business.
|-
|28||
Del yrghys ihesus ȝeȝe
<br>y a rug a ȝesympys
<br>ol y voth ef del vynne
<br>an asen a ve kerghys
<br>war neȝy rag eseȝe
<br>dyllas pan a ve gorrys
<br>rag morogeth a vynne
<br>ȝen Cyte ȝe vos gorthijs
|
Dell erghis Yesus dhedha  
<br> i a wrug a-dhesempis,  
<br> oll y vodh ev dell vynna.
<br> An asyn a veu kerghys. 
<br> Warnedhi rag esedha   
<br> dillas pan a veu gorrys, 
<br> rag marghogeth a vynna  
<br> dhe'n cita dhe vos gordhys. 
|
Straight away they did as Jesus instructed; all his will as he      
intended. The ass was fetched. A cloth garment was placed upon it for    
sitting on, because he wanted to ride to the city to be honoured.
|-
|29||
Mur a dus ha benenas
<br>a ierusalem yn dre
<br>erbyn crist rag y welas
<br>y eth ha rag y worȝye
<br>war an fordh dyllas a les
<br>a ve gurris ȝe ragthe
<br>palm ha floris kekyffris
<br>er y byn degis a ve
|
Meur a dus ha benenes 
<br> a Yerusalem y'n dre,  
<br> erbynn Krist rag y weles, 
<br> i eth ha rag y wordhya.
<br> War an fordh, dillas a-les 
<br> a veu gorrys dheragdho.  
<br> Palm ha flourys kekeffrys  
<br> er y bynn degys a veu.
|
Many men and women of Jerusalem came into the town towards Christ in     
order to see him and honour him. On the road, clothes were spread out    
before him. Palms and flowers also were carried to meet him.
|-
|30||
I helwys a leun golon
<br>gans mur ioy ha lowene
<br>yn hanow du yn treȝon
<br>benegas yw neb a the
<br>crist a gafas gorkorian
<br>yn templys a berth yn dre
<br>ef a rug ȝeȝe yn scon
<br>monas yn mes a lene
|
Y helwis a leun golon 
<br> gans meur joy ha lowena 
<br> "Yn hanow Duw yntredhon  
<br> benygys yw neb a dheu!" 
<br> Krist a gavas gwikoryon  
<br> y'n templys a-berth y'n dre. 
<br> Ev a wrug dhedha yn skon
<br> mones yn-mes alena.   
|
There was a wholehearted cry with much joy and gladness: "Blessed is      
he who comes among us in the name of God!" Christ found traders in the   
temples inside the town. He made them go away from there quickly.
|-
|31||
En scherewys a sorras
<br>rag bonas crist honoris
<br>ha bos y ober mar vras 
<br>ha dris an bys ol notijs
<br>grussons cusyll na go vas
<br>rag may fo ihesus dyswris
<br>ha kymmys y an cablas
<br>may fe an dre (crehe)lys
|
An sherewys a sorras  
<br> rag bones Krist enorys,  
<br> ha bos y ober mar vras
<br> ha dres an bys oll notys.
<br> Gwrussons kusul nag o 'vas 
<br> rag may fe Jesus diswrys, 
<br> ha kemmys i a'n kablas 
<br> may feu an dre kreghellys. 
|
The wicked were angry because Christ was honoured and because his       
work was so great and known throughout all the world. They made a plan    
which was not any good to destroy Jesus, and they accused him so much    
that the town was in an uproar.
|-
|32||
En gusyl o may fe dris
<br>ȝe rag crist  pehadur(es)
<br>ol ȝy voth may rollo bres
<br>a neȝy del ve ȝe gres
<br>rag an lahys ȝynny es
<br>a vyn y dampnye porres
<br>ym meȝens y forth nyn ges
<br>may hallo bos deflam guris
|
An gusul o may fe dres
<br> dherag Krist peghadores,   
<br> oll dh'y vodh may rolla breus
<br> anedhi dell vedha gwres.  
<br> "Rag an laghys dhyn ni eus
<br> a vynn hy dampnya porres," 
<br> yn-medhons i. "Fordh nyns eus 
<br> may hallo bos diflam gwrys." 
|
The plan was that a sinful woman should be brought before Christ so     
that he might give a decision of his own accord as to what was to be  
done in her case. "For the laws which we have will condemn her     
outright," they said. "There is no way in which she may be made blameless."
|-
|33||
Then tyller crist re dethye
<br>han eȝewon o dygnas
<br>I ȝesa an venyn ganse
<br>paris ens ȝy huhuȝas
<br>hedre vons y ov plentye
<br>ihesus yn dour a scryfas
<br>ha dre virtu an scrife
<br>peb ȝe ves a omdennas
|
Dhe'n tyller Krist re dhodhya 
<br> ha'n Edhewon o dignas.  
<br> Yth esa an venyn gansa; 
<br> parys ens dh'y huhudhas.  
<br> Hedre vens i ow plentya, 
<br> Yesus y'n dor a skrifas, 
<br> ha dre vertu an skrifa, 
<br> peub dhe ves a omdennas. 
|
Christ had come to the place and the Jews were truculent. The woman     
was with them; they were prepared to accuse her. While they were making     
a charge, Jesus wrote on the ground, and by the power of what he wrote   
everyone went away.
|-
|34||
Pan eȝons oll ȝe wary
<br>ancombrys y rebea
<br>pema yn meth crist ȝyȝy
<br>neb a vyn ȝe guhuȝa
<br>denvyth nyn ges yn meȝy
<br>ihesus a gewsys arta
<br>me nyth dampnyaf yredy
<br>ha na wra na moy pegha
|
Pan ethons oll dhe wari, 
<br> ankombrys i re bia,  
<br> "Pyma", yn-medh krist dhedhi,  
<br> "neb a vynn dha guhudha?" 
<br> "Den vyth nyns eus" yn-medh hi. 
<br> Yesus a gewsis arta,  
<br> "My ny'th tampnyav yredi,  
<br> ha na wra namoy pegha." 
|
When they all went away (they had been embarrassed) Christ said to      
her, "Where is he who wants to accuse you?" "There is no one," she    
said. Jesus spoke again: "Well then, I do not condemn you. Go and sin    
no more." 
|-
|35||
Benyn dyr vur cheryte
<br>y box ryche leun a yly
<br>a vgh crist rag y vntye
<br>hy a vynnas y derry
<br>corf ihesus rag comfortye
<br>gures pur sur o yredy
<br>Iudas scharyoth ascable
<br>ha gans mur a falsury
|
Benyn, der veur jeryta,  
<br> hy boks rych leun a eli
<br> a-ugh Krist rag y untya 
<br> hi a vynnas y derri. 
<br> Korf Yesus rag konfortya  
<br> gwres pur sur o yredi. 
<br> Yudas Skaryoth a's kabla,  
<br> ha gans meur a falsuri. 
|
Out of great love a woman wanted to break her rich box of perfume    
over christ to anoint him. indeed it was quite clearly done to refresh     
the body of jesus. judas iscariot accused her very unjustly.
|-
|36||
Iudas fals a leuerys
<br>trehans dynar a vone
<br>en box oll beȝens gwerthys
<br>'''a vos den''' rag y ranne
<br>the vohosogyon yn bys
<br>gwel vya ys y scolye
<br>ihesus crist a worthebys
<br>y gowsys ef a woȝye
|
Yudas fals a leveris,  
<br> "Tri hans diner a vona 
<br> an boks oll bedhes gwerthys, 
<br> a vos den rag y ranna
<br> dhe voghosogyon yn bys.  
<br> Gwell via es y skollya." 
<br> Yesus Krist a worthebis,  
<br> y gowses ev a wodhya: 
|
False Judas said, "Let the whole box be sold for three hundred pence     
in cash to be shared among the poor in the world. It would be better   
than wasting it." Jesus Christ answered (he knew what was in his mind):
|-
|37||
Na thegough sor yn golon
<br>war neb a vyn ow sawye
<br>ow thermyn a the yn scon
<br>genough me nvm byth trege
<br>wy a gyff bohosogyon
<br>pub er warnough ow carme
<br>pan vynnough agis honon
<br>wy a yll gull da ȝeȝe
|
"Na dhegewgh sorr y'n golon 
<br> war neb a vynn ow sawya.
<br> Ow thermyn a dheu yn skon,
<br> genowgh my ny'm bydh triga. 
<br> Hwi a gyv boghosogyon  
<br> pub eur warnowgh ow karma. 
<br> Pan vynnowgh agas honan,  
<br> hwi a yll gul da dhedha."
|
"Do not bear anger in your hearts towards the one who wants to save    
me. My time will soon come, I shall have no dwelling with you. You will   
have the poor calling upon you all the time. You yourselves can do good    
for them whenever you want."
|-
|38||
Wh(are) y s(or)ras Iudas
<br>ny gewsy dre geryte
<br>(lemen) rag cafos ran vras
<br>an pencon mar a calle
<br>eff (o) harlot tebel was
<br>woteweth lader vye
<br>ȝen eȝewon y ponyas
<br>crist y arluth rag gwerȝe
|
Hware y sorras Judas.  
<br> Ny gewsis dre jeryta  
<br> lemen rag kavos rann vras 
<br> a'n penshyon mara kalla.  
<br> Ev o harlot, tebelwas,  
<br> wor'tiwedh lader via.   
<br> Dhe'n edhewon y ponyas  
<br> Krist y Arlodh rag gwertha. 
|
At once Judas grew angry. He did not speak out of love but to get a  
big share of the fund if he could. He was a rogue, a villain; he had  
been a thief to the end. He ran to sell Christ his Lord to the Jews.
|-
|39||
Eff a leveris ȝeȝe
<br>pyth a vynnough why ȝe ry
<br>ha me a ra ȝeugh spedye
<br>ow cafos crist yredy
<br>yfons vnver yn treȝe
<br>kepar ha del wovyny
<br>xxx (leg. dek warn ugens) a vone
<br>yn vn payment y wrens  ry
|
Ev a leveris dhedha,  
<br> "Pyth a vynnowgh hwi dhe ri
<br> ha my a wra dhywgh spedya
<br> ow kavoes krist yredi?"  
<br> Y fons unver yntredha  
<br> kepar ha dell wovynni,  
<br> deg warn ugens a vona 
<br> yn unn pemont y hwrens ri.
|
He said to them, "What will you give me if I do indeed make you   
successful in finding Christ?" They agreed among themselves that they        
would give him thirty in cash in payment, just as he asked.
|-
|40||
Arte Iudas ow tryle
<br>gwan wecor nyn geve par
<br>ny yl den vyth amontye
<br>myns a gollas yn chyffar
<br>worth ihesus ef a fecle
<br>kepar ha pan ve hegar
<br>yn deweth ny acordye
<br>y golon gans y lauar
|
Arta Yudas ow treylya,  
<br> gwann-wikor ny'n jeva par, 
<br> ny yll den vyth amontya 
<br> myns a gollas y'n chyffar. 
<br> Orth Yesus ev a fekla 
<br> kepar ha pan ve hegar. 
<br> Yn diwedh ny akordya  
<br> y golon gans y lavar. 
|
Returning again (without equal as a bad bargainer; no one can work      
out how much he lost on the deal) Judas greeted Jesus falsely, as if he   
were being affectionate. In the end his heart did not accord with his     
speech. 
|-
|41||
Gans iudas del o tewlys
<br>drey ihesus sur del vynne
<br>gans crist y tho cowethys
<br>byth nyn gens y coweȝe
<br>en gyth o deyow hablys
<br>may fenne ihesus sopye
<br>gans an re yn y seruys
<br>war an bys reȝewesse
|
Gans Yudas dell o tewlys, 
<br> dri Yesus sur dell vynna. 
<br> Gans krist yth o kowethys 
<br> bydh nyns ens i kowetha. 
<br> An jydh o de Yow Hablys,
<br> may fynna Yesus sopya  
<br> gans an re yn y servis
<br> war an bys re dhewissa.
|
Just as he intended, so it was plotted by Judas to bring Jesus. He    
was in Christ's company but they were never comrades. The day was Maundy     
Thursday when Jesus intended to have supper with those in his service on     
Earth whom he had chosen.
|-
|42||
Dew ȝen crist a ȝanvonas
<br>ȝe berna boys ha dewas
<br>an keth rena a spedyas
<br>han soper a ve paris
<br>crist worth an goyn a warnyas
<br>dre onan bos treson guris
<br>arluth du y a armas
<br>pv a yl henna bonas
|
Dew dhen Krist a dhanvonas 
<br> dhe berna boos ha diwes. 
<br> An keth re na a spedyas
<br> ha'n soper a veu parys. 
<br> Krist orth an gon a warnyas
<br> dre onan bos trayson gwrys. 
<br> "Arlodh Duw", i a armas, 
<br> "Piw a yll henna bones?" 
|
Christ sent two men to buy food and drink. These same men made good    
speed and supper was prepared. At the supper, Christ warned that       
treachery would be done by one. "Lord God", they cried, "who can that     
be?"
|-
|43||
Ihesus crist a worthebys
<br>ow tybbry genen yma
<br>pub onan ol a ylwys
<br>arluth du yv me hena
<br>ha ihesus a worȝebys
<br>am scudel dybbry a wra
<br>gwef vyth pan veva genys
<br>a dor y vam ȝen bysma
|
Yesus Krist a worthebis,  
<br> "Ow tybri genen yma."  
<br> Pubonan oll a ylwis  
<br> "Arlodh Duw, yw my henna?" 
<br> Ha Yesus a worthebis,  
<br> "A'm skudell dybri a wra. 
<br> Go-ev bydh pan veu va genys 
<br> a dorr y vamm dhe'n bys ma."
|
Jesus Christ replied, "He is eating with us." Every one called out,      
"Lord God, am I that one?" And Jesus answered, "he is eating from my    
dish. Woe to him that ever he was born from his mother's womb into this   
world."
|-
|44||
Du a sonas an bara
<br>ȝe rag y abestely
<br>ow horf a ve yw henma
<br>yn meth crist sur ragough wy
<br>pernys a berth yn bysma
<br>dyspresys haneth a vyth
<br>an deppro gans cregyans da
<br>gober tek eff an geuyth
|
Duw a sonas an bara 
<br> dherag y abesteli.   
<br> "Ow horf evy yw hemma", 
<br> yn-medh Krist. "Sur ragowgh hwi 
<br> prenys a-berth y'n bys ma, 
<br> dispresys haneth a vydh.  
<br> A'n deppro gans krejyans da, 
<br> gober teg ev a'n jevydh." 
|
God blessed the bread in the presence of his apostles. "This is my     
body," said Christ. "This night, it will surely be despised for you      
who are redeemed in this world. He who eats it in good faith will    
receive a fair reward."
|-
|45||
Han gwyn esa war en foys
<br>ef a rannas yn treȝa
<br>yn meth crist hema yw goys
<br>evough why par cheryta
<br>gans dour gorris yn baȝon
<br>y wolhas  aga garrow
<br>hysseas ys guregh pur wyn
<br>dell vynna du caradow
|
Ha'n gwin esa war an voos
<br> ev a rannas yntredha.  
<br> Yn-medh Krist, "Hemm yw ow goos,
<br> evowgh hwi par cheryta."  
<br> Gans dowr gorrys yn bason 
<br> y wolghas aga garrow.  
<br> Hys-ha-hys y's gwrug pur wynn 
<br> dell vynna Duw karadow. 
|
And the wine which was on the table he shared among them. "This is    
my blood," said Christ, "drink out of love." With water put into a     
basin he washed their legs. He made them pure white from end to end, as   
was the will of a loving god.
|-
|46||
Henna pedyr a sconyas
<br>ihesus ȝe wolhy y dreys
<br>taw pedyr te ny woȝas
<br>yn meth crist pan dra raf ȝys
<br>mar nyth wolhaff dre ow gras
<br>yn nef ny veȝyth tregis
<br>ynmeth pedyr ȝym na as
<br>troys na leyff vo golhys
|
Ena Peder a skonyas  
<br> Yesus dhe wolghi y dreys. 
<br> "Taw, Peder, ty ny wodhes", 
<br> yn-medh Krist, "pandr'a wrav dhis. 
<br> Mar ny'th wolghav dre ow gras,
<br> yn nev ny vedhydh tregys." 
<br> Yn-medh Peder, "Dhymm na as 
<br> troos na leuv na vo golghys."
|
Then Peter refused that Jesus should wash his feet. "Quiet, Peter,"       
said Christ. "You do not know what I am doing for you. If I do not wash 
you by my grace, you will not dwell in heaven." Peter said, "leave     
neither my foot nor my hand unwashed."
|-
|47||
Ihesus crist leun a bete
<br>a leueris ȝen dowȝek
<br>wy yv glan a bup fylte
<br>mas nyn iough ol da na whek
<br>bos Iudas ef a woȝye 
<br>pur hager ha moloȝek
<br>an ioul ynno re drecse
<br>may ȝo gweth agis cronek
|
Yesus Krist, leun a bita, 
<br> a leveris dhe'n dewdhek,  
<br> "Hwi yw glan a bub vilta,
<br> mes nyns owgh oll da na hweg."
<br> Bos Yudas ev a wodhya 
<br> pur hager ha mollothek.  
<br> An Jowl ynno re dregsa 
<br> mayth o gweth ages kronek. 
|
Jesus Christ, full of pity, said to the twelve, "You are innocent of     
all vileness, but you are not all good or sweet." He knew that Judas    
was quite hideous and accursed. The devil had dwelt in him so that he   
was worse than a toad.
|-
|48||
In delma crist pan wresse
<br>ȝe iudas y leueris
<br>te ke yn vn fystene
<br>ȝe voth may fo colenwys
<br>rag an termyn re deve
<br>may fyth an begel kyllys 
<br>ha chechys yn tre dewle
<br>han deves ȝe ves fijs
|
Yndelma Krist pan wrussa,  
<br> dhe Yudas y leveris,  
<br> "Ty ke yn unn fistena, 
<br> dha vodh may fo kollenwys, 
<br> rag an termyn re dheuva 
<br> may fydh an bugel kellys, 
<br> ha kechys yntra diwla  
<br> ha'n deves dhe-ves fiys." 
|
When Christ had done this he said to Judas, "Hurry away so that your    
purpose may be fulfilled, for the time has come when the shepherd will     
be forfeit and taken into custody, and the sheep will run away."
|-
|49||
Kyn fallens ol me a veth
<br>yn meth pedyr yth seruys
<br>yn meth crist yn nos haneth
<br>kyns ys boys colyek clewys
<br>pedyr te am nagh tergweth
<br>bythqueth arluth na vef ȝys
<br>yn meth pedyr tan ow feth
<br>nyth nahaff kyn fen leȝys
|
"Kyn fallons oll, my a vedh",
<br> yn-medh Peder, "y'th servys."  
<br> Yn-medh Krist, "y'n nos haneth, 
<br> kyns es bos kulyek klewys, 
<br> Peder ty a'm nagh teyrgweyth 
<br> bythkweyth Arlodh na veuv dhis." 
<br> Yn-medh Peder, "Tann ow fedh, 
<br> ny'th naghav kyn fiv ledhys." 
|
"Though all fail," said Peter, "I shall be in your service."       
Christ said, "this very night, before the cock is heard, Peter, you      
will deny me three times that I was ever Lord unto you." Peter said,    
"upon my faith, I will not deny you even though I am slain."
|-
|50||
In meth  crist a ban rug ȝeugh
<br>ternoth fernoth ow holye
<br>daver vyth wy ny ȝecsyugh
<br>ȝe worre trevyth ynne
<br>betegyns wy ny woȝough 
<br>pan dra eȝom agan be
<br>arluth guyr aleuersough
<br>y a gowsys yn treȝe
|
Yn-medh Krist, "A-ban wrug dhewgh 
<br> ternoth fernoth ow holya,  
<br> daffar vyth ny dhegsowgh  
<br> dhe worra tra vyth ynna.  
<br> Byttegyns hwi ny wodhowgh  
<br> pandra edhom a'gan beu."  
<br> "Arlodh, gwir a leversowgh,"  
<br> i a gewsis yntredha.  
|
Christ said, "Since I made you follow me, ill-clad and barelegged,       
you have not carried any holder to put anything into. Nevertheless you      
do not know what need we had." "Lord, you have spoken the truth,"     
they said among themselves.
|-
|51||
Mas lemmyn rys yv porris
<br>batayles kyns ys coske
<br>an geffo pows as gwyrȝyns
<br>ha ȝoȝo pernas cleȝe
<br>sur yma dew ȝyn parys
<br>y a leueris whare
<br>hen yw lour na moy ny rys 
<br>du a leueris arte
|
"Mes lemmyn res yw porres 
<br> batalyas kyns es koska.  
<br> A'n jeffo pows, a's gwerthes, 
<br> ha dhodho pernes kledha."  
<br> "Sur, yma dew dhyn parys", 
<br> i a leveris hware.  
<br> "Henn yw lowr, namoy ny res",
<br> Duw a leveris arta.  
|
"But it is now very important to do battle rather than sleep. Let     
him who has a cloak sell it and buy himself a sword." "Indeed we have   
two ready", they said at once. "That is enough, no more are needed",     
God said once more.
|-
|52||
Mab marya leun a ras
<br>ȝen meneth olyff y ȝeth
<br>hay ȝyscyplys an sewyas
<br>yn meth crist yn nos haneth
<br>golyough ha pesough ow ȝas
<br>may hallough mos ȝy aseth
<br>na veȝough temtijs dygnas
<br>gans gow ha gans scherewneth
|
Mab Maria, leun a ras, 
<br> dhe'n menydh oliv yth eth, 
<br> ha'y dhisciplys a'n sewyas.  
<br> Yn-medh Krist, "Y'n nos haneth, 
<br> golyowgh ha pesowgh ow thas 
<br> may hallowgh mos dh'y esedh 
<br> na vedhowgh temptys dignas  
<br> gans gow ha gans sherewneth."
|
Mary's Son, full of grace, went to the Mount of Olives and his     
disciples followed him. Christ said, "This night keep watch and pray to      
my father that you may go to his seat and so you will not be tempted  
beyond nature by falsehood and wickedness." 
|-
|53||
Pedyr androw ha Iowan
<br>yn meth crist deugh holyough ve
<br>bys yn meneth ha me gwan
<br>trystyns vs worth ow bluȝye 
<br>ȝe worte vn lam beghan
<br>y ȝeth pesy may halle
<br>ȝy ȝas yn weth vgy a van
<br>hag ef rag own ow crenne
|
"Peder, Androw ha Yowan", 
<br> yn-medh Krist, "Dewgh holyowgh vy 
<br> bys y'n menydh, ha my gwann
<br> trystyns eus orth ow bleudhya." 
<br> Dhyworta unn lamm byghan  
<br> yth eth pesi may halla 
<br> dh'y das ynwedh uji a-vann, 
<br> hag ev rag own ow krena.
|
"Peter, Andrew and John," said Christ, "Come, follow me to the       
mountain. Because I am weak, sorrow is sapping my strength." He went a     
little way from them so that he could pray to his father who is ever   
above, although he was shaking with fear.
|-
|54||
Mab marya mur a beyn
<br>a woȝevy yn vrna
<br>rag ef a woȝya yn feyn
<br>han kyg ny vynna henna
<br>mes y ȝenȝys o mar feyn 
<br>pub vr an trylya ȝeȝa
<br>may ȝeth war ben y ȝewleyn
<br>ha pesy yn ketelma
|
Mab Maria meur a bayn 
<br> a wodhevi y'n eur na, 
<br> rag ev a wodhya yn fayn,
<br> ha'n kig ny vynna henna, 
<br> mes y dhenses o mar fayn
<br> pub eur a'n treylya dhedha, 
<br> mayth eth war benn y dhewlin
<br> ha pesi yn kettellma:
|
Mary's Son was suffering much pain at that time for he was perfectly     
aware (of his fate) and the flesh did not want that, but his manhood    
which was so perfect turned him all the time to these things, so that he   
went down on his knees and prayed thus:
|-
|55||
Mara sew ȝe voth ow ȝas
<br>gura ȝen payn ma ow gasa
<br>mes beȝens guris ȝe vynnas
<br>arluth du ȝe voth del ve
<br>ȝy ȝyscyplys y trylyas
<br>yscafas ol ow coske
<br>ynmeth crist vn pols golyas
<br>ny yllough ȝum comfortye
|
Maras yw dha vodh, ow Thas,
<br> gwra dhe'n payn ma ow gasa,
<br> mes bedhes gwrys dha vynnas 
<br> Arlodh Duw dha vodh dell vo."
<br> Dh'y dhisciplys y treylyas.  
<br> Y's kavas oll ow koska. 
<br> Yn-medh Krist "unn pols golyas 
<br> ny yllowgh dhe'm konfortya?"
|
``If it is your will, my Father, make this pain leave me, but let    
your  will be done, lord god, whatever it may be.'' he returned to his   
disciples. he found them all sleeping. christ said, ``can you not stay      
awake one moment to give me strength?''
|-
|56||
Ena crist sur as gasas
<br>hag eth arta ȝe besy
<br>war ben gleyn ȝe worth y das
<br>del lauarsa ragon ny
<br>y beynys o cref ha bras
<br>warnoȝo heb y dylly
<br>reson o rag ol an wlas
<br>ef a woȝye y verwy
|
Ena Krist sur a's gasas 
<br> hag eth arta dhe besi 
<br> war benn glin dhyworth y das 
<br> dell lavarsa ragon ni.  
<br> Y baynys o krev ha bras
<br> warnodho heb y dyli.
<br> Reson o rag oll an wlas
<br> ev a wodhya y ferwi.
|
Then Christ definitely left them and went again to pray for us on his    
knees to his father as he had said. His pains were strong and great upon   
him without being deserved. The reason was that he knew he was gong to    
die for all the land.
|-
|57||
In meth crist o du ha den
<br>arte ȝy abestely
<br>golyough ha pesough yn ven
<br>rag own an ioul hay vestry
<br>tresse gwyth hag ef yn cren
<br>y pesys du delyr vy
<br>arluth mar ny yl bos ken
<br>beȝens kepar del vynny
|
Yn-medh Krist, o Duw ha den,
<br> arta dh'y abesteli,   
<br> "Golyowgh ha pesowgh yn fen 
<br> rag own a'n Jowl ha'y vaystri."
<br> Tressa gweyth, hag ev yn kren,
<br> y pesis "Duw, delirv vy!" 
<br> Arlodh mar ny yll bos ken,
<br> bedhes kepar dell vynni."
|
Christ, who was God and Man, said again to his apostles, "Stay awake     
and  pray earnestly for fear of the Devil and his domination." A third    
time, as he was trembling, he prayed, "God, deliver me! Lord, if it     
cannot be otherwise, let it be as you will."
|-
|58||
Ihesus crist dygonfortys
<br>war ben dewlyn pan ese
<br>an nef y fe danuenys
<br>el ȝoȝo ȝy gomfortye
<br>mab du o kymmys grevijs
<br>rag tomder ef a wese
<br>dowr ha goys yn kemyskys
<br>weys crist rag ȝe gerense
|
Yesus Krist digonfortys   
<br> war benn dewlin pan esa, 
<br> a'n nev y feu danvenys 
<br> el dhodho dh'y gonfortya.  
<br> Mab Duw o kemmys grevys 
<br> rag tomder ev a hwesa 
<br> dowr ha goos yn kemyskys, 
<br> hwys Krist rag dha gerensa.
|
When Jesus Christ was on his knees in distress, an angel was sent to    
him from heaven to give him strength. The son of God was so  oppressed   
because of the heat that he was sweating water and blood mixed together     
- the sweat of Christ for your sake.
|-
|59||
Cryst kymmys payn yn geve
<br>angus tyn ha galarow
<br>mateth angoys ha dropye
<br>war y fas an caradow
<br>den vyth ny yl amontye
<br>na leuerell war anow
<br>oll myns peynys an geve
<br>kyns ys y vonas marow
|
Krist kemmys payn a'n jeva, 
<br> angus tynn ha galarow,  
<br> may teuth an goos ha droppya
<br> war y fas, an karadow. 
<br> Den veth ny yll amontya  
<br> na leverel war anow  
<br> oll myns paynys a'n jeva 
<br> kyns es y vones marow. 
|
Christ had so much pain, cruel anguish and suffering that the blood      
came and dropped on his face, the beloved. No man can reckon nor say in   
words all the torment which he had before he was dead.
|-
|60||
Lemmyn ny a yl gwelas
<br>hag ervyre fest yn ta
<br>cryst ȝe woȝaff dre ȝensys
<br>mur a benans yn bysma
<br>ef ny ylly dre ȝewsys
<br>goȝaff na nyll drok na da
<br>rag mester o war an bys
<br>hag ol myns vs ef a ra
|
Lemmyn ni a yll gweles 
<br> hag ervira fest yn ta, 
<br> Krist dhe wodhav dre dhenses 
<br> meur a benans y'n bys ma.
<br> Ev ny ylli dre Dhuwses 
<br> godhav naneyl drog na da, 
<br> rag mester o war an bys
<br> hag oll myns eus ev a wra.
|
Now we can see and be quite convinced that Christ, as Man, suffered     
much penance in this world. He could not, as God, experience either evil     
or good, because he was master over the world, and everything there is,     
he makes.
|-
|61||
Pan o y besadow guris
<br>ȝen dowȝek y leuerys
<br>koscough lemmyn mar sew prys
<br>powesough wy yv grevijs 
<br>tus vs ȝym ow tevones
<br>yv gans ow thraytor dyskis
<br>fatel dons thov hemeres
<br>ha del veȝaff hombronkis
|
Pan o y besadow gwrys, 
<br> dhe'n dowdhek y leveris,  
<br> "Koskowgh lemmyn mars yw prys, 
<br> powesowgh, hwi yw grevys.
<br> Tus eus dhymm ow tevones 
<br> yw gans ow thraytour dyskys 
<br> fatel dhons dh'ow hemeres  
<br> ha dell vedhav hembrenkys."
|
When his prayers were done he said to the twelve, ``Sleep now if it    
is time; rest, you are worn out. men are coming to me who have been told  
by my betrayer how they are to come and take me and how i shall be led 
(away).''
|-
|62||
Kepar du del leuerys
<br>pan esa crist ow pesy
<br>Iudas eth yn y negis
<br>en ioul yv en hombronky
<br>ȝen eȝewan dyrryvys
<br>del o y fynas synsy
<br>syndis ve dre govaytis
<br>yn della yw leas huny
|
Kepar Duw dell leveris,  
<br> pan esa Krist ow pesi, 
<br> Yudas eth yn y negys. 
<br> An Jowl yw a'n hembrenki.
<br> Dhe'n Edhewon derivys   
<br> dell o y fynnas synsi. 
<br> Shyndys veu dre govaytys,  
<br> yndella yw lies huni.
|
Just as God said, when Christ was praying Judas went off on his     
business. It is the Devil who was leading him. He intended to continue     
as he was, an informer to the Jews. He was destroyed by greed. So it is  
with many a one.
|-
|63||
Then eȝewon pan doȝye
<br>y leuerys hag y ow tos
<br>me a gris yn ta spedye
<br>om negis haneth yn nos
<br>deugh geneff ha holyough ve
<br>gothveȝough na rellough tros
<br>ha me a ra the crist amme
<br>may hallough y asswonvos
|
Dhe'n Edhewon pan dhodhya,  
<br> y leveris hag i ow tos, 
<br> "My a grys yn ta spedya
<br> y'm negys haneth y'n nos. 
<br> Dewgh genev ha holyowgh vy. 
<br> Godhvedhowgh na wrellowgh tros,  
<br> ha my a wra dhe Krist amma
<br> may hallowgh y aswonvos."
|
When he had come to the Jews, he said, as they were coming, "I look   
forward to succeeding well in my business tonight. Come with me and      
follow me. Be sure you do not make a noise, and I will kiss Christ so  
that you may recognise him."
|-
|64||
An princis esa yn pow
<br>gans Iudas a thanvonas
<br>tus ven gweskis yn arvow
<br>kepar ha del ens ȝen gas
<br>ganse y a thuk golow
<br>nos o ny welons yn fas
<br>bys yn Ihesus caradow
<br>y eth del dyskas Iudas
|
An prynsys esa y'n pow 
<br> gans Yudas a dhanvonas  
<br> tus ven gwiskys yn arvow 
<br> kepar ha dell ens dhe'n gas.
<br> Gansa i a dhug golow, 
<br> nos o, ny welens yn fas.
<br> Bys yn Yesus karadow  
<br> i eth dell dhyskas Yudas.
|
The princes who were in the land with Judas sent strong men clad in    
armour as if they were going to battle. They carried a light with them.   
It was night. They could not see very well. They went up to beloved    
Jesus as Judas "directed".
|-
|65||
Pan doȝyans bys yn tyller
<br>may ȝese crist ow pesy
<br>lowene ȝys a vester
<br>yn meth Iudas an brathky
<br>ȝoȝo y rug fekyl cher
<br>hag y amme trewesy
<br>ef a vynne yn ober
<br>gul ken ys del dywyȝy
|
Pan dhodhyens bys y'n tyller 
<br> mayth esa Krist ow pesi, 
<br> "lowena dhis a vester",  
<br> yn-medh Yudas an brathki.  
<br> Dhodho y hwrug fekyl-cher 
<br> hag y amma truesi.  
<br> Ev a vynna yn ober 
<br> gul ken es dell dhiskwedhi.
|
When they had come to the place where Christ was praying, the savage     
cur Judas said, "Joy to you, master." He greeted him falsely and     
kissed him gravely. He intended, in fact, to do otherwise than as he     
showed. 
|-
|66||
Ihesus a gewsis pur dek
<br>Iudas ow ry ty avyn
<br>dre ȝe vay a reyth mar whek    
<br>ȝe neb am tormont mar dyn
<br>moll(o)ȝ den ha gour ha gwrek
<br>a ȝe poran erȝebyn
<br>peynys ad wra moreȝek
<br>yn yffarn down pub termyn
|
Yesus a gewsis pur deg, 
<br> "Yudas ow ri ty a vynn
<br> dre dha vay a reth mar hweg
<br> dhe neb a'm torment mar dynn.
<br> Molleth den ha gour ha gwreg
<br> a dheu poran er dha bynn.
<br> Paynys a'th wra moredhek  
<br> yn ifarn down pub termyn.
|
Jesus spoke very courteously: "Judas, by your kiss which you give so      
sweetly you intend to deliver me to those who will torture me cruelly.     
The curse of mankind, both male and female, will come directly upon you.     
Tortures will make you sorrowful in deep hell for all time."
|-
|67||
Ihesus crist a wovynnys
<br>worth anbobyll a ȝeth dy
<br>gans an fals yn y seruys
<br>pandra yw a vynnough wy
<br>en rena a worȝebys
<br>Ihesus yw an caffans ny
<br>en arluth a worȝebys
<br>me yw henna yredy
|
Yesus Krist a wovynnis  
<br> orth an bobel a dheuth di
<br> gans an fals yn y servis,
<br> "Pandra yw a vynnowgh hwi?" 
<br> An re na a worthebis,
<br> "Yesus yw, a'n kaffen ni". 
<br> An arlodh a worthebis,  
<br> "My yw henna yredi."
|
Jesus Christ asked the people who came there with the traitor in his     
service, "What is it that you want?" They replied, "It is Jesus, if     
only we could find him." The lord replied, "I am he indeed."
|-
|68||
Pur wyr drefen an virtu
<br>an lauar crist pan gowsas
<br>neb a wheleugh why me yw
<br>ȝe ves y a omdennas
<br>rag own y a gangyes lyw
<br>rag gwander y a goȝas
<br>yn trevyth y nyn gens gyw
<br>ȝe weȝyll dris y vynnas
|
Pur wir drefen an vertu 
<br> a'n lavar krist pan gowsas, 
<br> "Neb a hwilowgh hwi my yw,"
<br> dhe-ves i a omdennas.  
<br> Rag own i a janjyas liw.
<br> Rag gwander i a godhas. 
<br> Yn tra vydh i nyns ens gwiw
<br> dhe wuthyl dres y vynnas.
|
Truly, because of the power of Christ's words when he said, "I am he    
whom you seek," they fell back. Through fear they changed colour.       
Through weakness they fell. In no way were they in a fit state to act   
beyond his will!
|-					       
|69||
Cryst a wovynys arte
<br>orth an eȝewon woky
<br>agis negis pyth ywe
<br>pv yw neb a weleugh wy
<br>ihesus crist an naȝare
<br>an rena a worȝeby
<br>yn meth ihesus me ywe
<br>lemmyn gureugh agis meystry
|
Krist a wovynnis arta  
<br> orth an Edhewon wocki, 
<br> "Agas negys pyth ywa?  
<br> Piw yw neb a hwilowgh hwi?"
<br> "Yesus Krist a Nasara",
<br> an re na a worthebi.
<br> Yn-medh Yesus, "My ywa.
<br> Lemmyn gwrewgh agas maystri."
|
Christ asked  the foolish Jews again, "What is your business? Who is     
it that you seek?" "Jesus christ of Nazareth", they answered. Jesus       
said, "I am he. Now exercise your authority."
|-
|70||
Whare y an kemeres
<br>hag an sensys yn treȝe
<br>gans lauarow an scornyas
<br>gallus o grontis ȝeȝe
<br>ȝe weȝyll aga mynnas 
<br>yn della ef a vynne
<br>may halle dre baynys bras
<br>merwel rag ȝe gerenȝe
|
Hware i a'n kemeras  
<br> hag a'n sensis yntredha.  
<br> Gans lavarow y'n skornyas.  
<br> Gallos o grontys dhedha  
<br> dhe wuthyl aga mynnas.  
<br> Yndella ev a vynna  
<br> may halla dre baynys bras 
<br> merwel rag dha gerensa.
|
Straight away they arrested him and held him between them. They       
mocked him with words. Power was granted to them to do as they wished.    
In this way he willed it to be possible for him to die with great pains  
for your sake.
|-
|71||
Pedyr an neyl tenewen
<br>yn mes a dennas cleȝe
<br>hag a drohas ryb an pen
<br>scovern onan aneȝe
<br>crist a settyas yn tyen
<br>an scovern arte ȝe dre
<br>hag an dyȝgthtyas pur lowen
<br>maga tek del rebye
|
peder a'n eyl tenewen  
<br> yn-mes a dennas kledha  
<br> hag a droghas ryb an penn
<br> skovarn onan anedha   
<br> krist a settyas yn tien 
<br> an skovarn arta dhe dre 
<br> hag a'n dyghtyas pur lowen 
<br> maga teg dell re bia
|
Peter on the one side drew out  a sword and cut off the ear of one of
them close to the head. christ set the ear completely back in its place    
and restored it very comfortably, as handsomely as it had been.
|-
|72||
Gor ȝe gleȝe yn y goyn
<br>ȝe pedyr crist a yrghys
<br>rag dre gleȝe a veughe
<br>dre gleȝe yfyth leȝys
<br>dewȝek lygyon yn vn ro
<br>vye an nef danuenys
<br>ha moy a mynnen ȝymmo
<br>pesy ow ȝas pur barys
|
gorr dha gledha yn y woen
<br> dhe beder krist a erghis 
<br> rag dre gledha a vywo 
<br> dre gledha a fydh ledhys 
<br> dewdhek lyjyon yn unn rew 
<br> via a'n nev dannvenys  
<br> ha moy a mynnen dhymmo 
<br> pysi ow thas pur barys
|
``Put your sword into its sheath,'' Christ commanded Peter, ``for he       
who lives by the sword shall be slain by the sword. twelve legions of    
angels and more would be sent from heaven one after another with great     
readiness if i wished to pray to my father for myself.
|-
|73||
Hag a pe yn della ve
<br>neffre ny vean fethys
<br>yn vrna fatell vye
<br>am bewnans del yw scrifys
<br>yn lyffrow yn leas le
<br>dre brofusy leuerys
<br>reys yw porris heb strevye
<br>both ow ȝas ȝe vos sewijs
|
hag a pe yndella my 
<br> nevra ny vien fethys  
<br> y'n eur na fatell via 
<br> a'm bywnans dell yw skrifys 
<br> y'n lyvrow yn lies le 
<br> dre brofusi leverys   
<br> `res yw porres heb strivya 
<br> bodh ow thas dhe vos sywys'
|
``And if it were thus, I would never be defeated. How would the story    
of my life then be? it is written in the scriptures (and) told by the   
prophets in many places: `it is entirely necessary that my father's will      
be followed without dispute.''' 
|-
|74||
Ihesus a gewsys arte 
<br>why a theth ȝym yn arvow
<br>dre dreyson yn un scolchye
<br>gans boclers ha cleȝyȝyow
<br>thom kemeres ȝom syndye
<br>ȝom peynye bys yn crow
<br>kepar ha del vena ve
<br>an purra lader yn pow
|
yesus a gewsis arta  
<br> hwi a dheuth dhymm yn arvow
<br> dre dreyson yn unn skolkya 
<br> gans boklers ha kledhedhyow  
<br> dhe'm kemmeres dhe'm shyndya  
<br> dhe'm paynia bys yn krow 
<br> kepar ha dell vena vy 
<br> an purra lader y'n pow 
|
Jesus spoke again. ``You have come to me armed, treacherously,        
furtively, with shields and swords to arrest me, to harm me, to torture     
me to death, just as if i were the most arrant thief in the land.
|-			        
|75||
In agis mysk pan esen
<br>la(h)ys du ȝeugh ow tysky
<br>gallus nyn gese kemmen
<br>ȝom cara na ȝom sensy
<br>lemmyn deve ken termyn
<br>ow thas rom growntyas ȝewy
<br>leun a beghas ny won ken
<br>ȝe weȝyll agis meystry
|
yn agas mysk pan esen 
<br> laghys dyw dhywgh ow tyski 
<br> galloes nyns esa kammenn  
<br> dhe'm k'ara na dhe'm synsi 
<br> lemmyn deuva ken termyn  
<br> ow thas re'm grontyas dhy'hwi 
<br> leun a beghas ny wonn ken
<br> dhe wuthyl agas maystri 
|
``When I was among you, teaching you God's laws, there was no power     
at all to fetter or hold me. now another time has come. my father has   
granted me to you, full of sin for aught i know, to exercise  your   
supremacy.''
|-
|76||
In vrna y a colmas
<br>y ȝefregh fast gans cronow
<br>en goys yn mes may tarȝas
<br>del fastsens en colmennow
<br>gansa y an hombronkyas
<br>yn prys hanter nos heb wow
<br>bys yn aga fryns annas
<br>o vn Iucter bras yn pow
|
y'n eur na i a golmas
<br> y dhiwvregh fast gans kroenow 
<br> an goes yn-mes may tardhas 
<br> dell fastsens an kolmennow  
<br> gansa i a'n hembronkyas  
<br> yn prys hanter-nos heb wow 
<br> bys yn aga fryns annas 
<br> o unn juster bras y'n pow
|
Then they tied his arms tightly with thongs so that the blood gushed     
out as they had tightened the knots. they took him with them just at    
midnight, to their prince annas who was a great magistrate in the land.
|-
|77||
Tus crist ȝe ves a fyas
<br>pep aydu pur voreȝek
<br>saw pedyr crist a holyas
<br>abell avel vn ownek
<br>ȝe dyller an prins annas
<br>ene y ȝese sethek
<br>orto ef y a sethas
<br>may clewo leff ihesus whek
|
tus krist dhe-ves a fias 
<br> pub a'y du pur vorethek 
<br> saw peder krist a holyas 
<br> a-bell avel unn ownek  
<br> dhe dyller an prins annas 
<br> ena yth esa sedhek  
<br> orto ev a esedhas  
<br> may klywa lev yesus hweg
|
Christ's men escaped each his own way in great grief. Only Peter      
followed christ some way off as one afraid, to the court of prince     
annas. there, there was a seating area. he sat in it to hear the voice   
of gentle jesus.
|-
|78||
En prins scon a leueris
<br>te crist lauar ȝym plema
<br>ȝe dus mar voldh re ȝyssys
<br>prag na ȝons genas omma
<br>an la(h)ys a bregowthys
<br>lemmyn dyswe mar syns da
<br>ha ihesus a worȝebys
<br>ef dell vynna yn vrna
|
an pryns skon a leveris 
<br> ty krist lavar dhymm ple'ma 
<br> dha dus mar vold re dhyssys
<br> prag na dhons genes omma 
<br> an laghys a bregowthys  
<br> lemmyn dyskwa mars yns da 
<br> ha yesu a worthybis  
<br> ev dell vynna y'n eur na
|
At once the prince said, ``You, Christ, tell me, where are your men     
who are so bold and whom you have trained? why do they not come with you  
here? the laws that you preached, demonstrate now whether they are       
good.'' and jesus answered, as he intended at that time: 
|-
|79||
Pur apert hag yn golow 
<br>y leueris ow dyskas
<br>ow la(h)ys haw lauarow
<br>suel a vynna y clewas
<br>yn le may then yn trevow
<br>yn splan me as derevas
<br>ny gowsyn yn tewolgow
<br>a dryff tus yn vn hanas
|
pur apert hag yn golow 
<br> y leveris ow dyska's  
<br> ow laghys ha'w lavarow  
<br> seul a vynna y's klywas 
<br> yn le mayth en y'n trevow
<br> yn splann my a's derivas 
<br> ny gowsyn yn tewolgow  
<br> a-dryv tus yn unn hanas
|
``Very openly and in the light I told my doctrine, my laws and my    
sayings. whoever wanted to, heard. wherever i went in the towns i      
declared them clearly. i did not speak in the dark, whispering behind      
people.
|-
|80||
Pan dra a woventa se
<br>ȝe worȝaff ve ham la(h)ys
<br>mar a mynnyth govynny
<br>ordh en keth re as clewas
<br>an rena a yl ȝe ȝysky
<br>yn della y re ȝyskas
<br>yn delma heb velyny
<br>orto Ihesus a gowsas
|
pandra a wovynn'ta sy  
<br> dhiworth vy ha'm laghys  
<br> mara mynnydh govynn e  
<br> orth an keth re a's klywas
<br> an re na 'yll dha dhyski
<br> yndella i re dhyskas  
<br> yndellma heb vileni   
<br> orto yesus a gowsas
|
``What do you ask of me and my laws? If you will, ask those who have  
heard them. they can instruct you just as they have learned.'' thus,      
without disrespect jesus spoke to him.
|-
|81||
Gans henna an eȝewon
<br>onan yn ban a sevys
<br>hag a ros ryb an scovern
<br>box ȝe grist a ȝesympys
<br>ha dhe Ihesus y honon
<br>an harlot a leuerys
<br>pu a woras yt colon
<br>cows yn delma worth iustis
|
gans henna a'n edhewon  
<br> onan yn-bann a sevis  
<br> hag a ros ryb an skovarn
<br> boks dhe krist a-dhesempis  
<br> ha dhe yesus y honan 
<br> an harlot a leveris  
<br> piw a worras y'th kolonn 
<br> kows yndellma orth justis
|
Thereupon one of the Jews stood up and immediately gave Christ a blow     
by his ear, and to jesus himself the villain said, ``who put it into    
your heart to speak thus to a magistrate?''  
|-
|82||
In meth ihesus yn vrna
<br>mara kewsys falsury
<br>ha na blek genas henna
<br>ha fals te dok dustuny
<br>mes mara kewsys yn ta
<br>han gwreoneth y synsy
<br>prag omgwysketh yn delma
<br>nyn gyw mernas belyny
|
yn-medh yesus y'n eur na 
<br> mara kewsis falsuri   
<br> ha ny bleg genes henna 
<br> ha fals ty dog dustuni 
<br> mes mara kewsis yn ta 
<br> ha'n gwiryonedh y synsi  
<br> prag y'm gwyskydh yndellma  
<br> nyns yw marnas bileni
|
Jesus said then, ``If I have told a lie and that is not pleasing to   
you and  false, you produce the evidence. but if i have spoken well and   
held to the truth, why do you strike me thus? it is nothing but    
villainy.''
|-
|83||
Ena mur a vylyny
<br>pedyr ȝe gryst a welas
<br>y scornye hay voxscusy
<br>trewe yn y ȝewlagas
<br>hag ef rag own ny ylly
<br>gans ihesu kewsel ger vas
<br>henna o poynt a falsury
<br>deȝewys heb koweras
|
ena meur a vileni  
<br> peder dhe krist a welas 
<br> y skornya ha'y voksusi  
<br> trewa yn y dhewlagas  
<br> hag ev rag own ny ylli
<br> gans yesus kewsel ger 'vas 
<br> henn o poynt a falsuri 
<br> dedhewys heb keweras
|
Then Peter saw Christ (suffer) much ill-treatment; mocking him,         
punching him and spitting in his eyes, and because of fear, he could not    
speak a good word for jesus. this was an act of falsehood, a promise    
that was not kept.
|-
|84||
Vn venyn hardh a ynnyas
<br>war pedyr y vos tregis
<br>gans ihesus ef a naghas
<br>y arluth a ȝesympys
<br>taw gans crist me ad welas
<br>gurek arall a leueris
<br>pedyr arta agowsas
<br>bythqueth me nyn aswonys
|
unn venyn hardh 'ynnias  
<br> war peder y vos trygys 
<br> gans yesus ev a naghas 
<br> y arloedh a-dhesempis   
<br> taw gans krist my a'th welas
<br> gwreg arall a leveris  
<br> peder arta a gowsas  
<br> bythkweyth my ny'n aswonnis
|
A woman boldly insisted to Peter that he dwelt with Jesus.       
immediately he denied his lord. ``silence, i have seen you with       
christ,'' another woman said. peter spoke again: ``i never knew him.''
|-
|85||
Mur a dus a leuerys
<br>ny dayl ȝys cam y naghe
<br>dre ȝe gows y ȝew prevys
<br>ȝe vos den a galyle
<br>ef a doys a ȝesempys
<br>maga town ty del woȝye
<br>gans crist na vye tregis
<br>na bythqueth ef nan quelse
|
meur a dus a leveris 
<br> ny dal dhis kamm y nagha
<br> dre dha gows yth yw prevys
<br> dha vos den a galila 
<br> ev a dos a-dhesempis  
<br> maga town ti dell wodhya 
<br> gans krist na via trygys 
<br> na bythkweyth ev na'n gwelsa
|
Many people said, ``It is no use at all your denying it. It is proved   
by your speech that you are a man of galilee.'' straight away he swore    
as great an oath as he could that he had not dwelt with christ and that  
he had never seen him.
|-
|86||
Gans hemma ef a clewas
<br>en colyek scon ow cane
<br>ha crist worto a wetras
<br>an peynys bras may ȝese
<br>pedyr sur a omdennas
<br>yn vrna del rebeghse
<br>ow nagha du leun a ras
<br>hag ef gwarnyys del vye
|
gans henna ev a glywas 
<br> an kulyek skon ow kana 
<br> ha krist orto a hwithras 
<br> a'n paynys bras mayth esa 
<br> peder sur a omdennas  
<br> y'n eur na dell re beghsa
<br> ow nagha dyw leun a ras
<br> hag ev gwarnys dell via
|
Immediately upon that he heard the cock crowing and Christ gazed upon      
him from the great torments he was in. then peter abruptly withdrew as     
he had sinned by denying god full of grace, although he had been warned.
|-
|87||
Whare yn-mes y trylyas
<br>hay golon nam na dorre
<br>rag y arluth leun a ras
<br>mar ȝynas ef ȝy nahe
<br>dybbry boys ef ny vynnas
<br>lymmyn pub erol ole
<br>ȝoȝo bys pan danvonas
<br>crist y to ȝe galyle
|
hware yn-mes y trelyas  
<br> ha'y golonn nammna dorra  
<br> rag y arloedh leun a ras
<br> mar dhignas ev dh'y nagha 
<br> dybri boes ev ny vynnas 
<br> lemmyn pub eur oll oela 
<br> dhodho bys pan dhannvonas  
<br> krist y to dhe galila
|
At once he turned away and his heart was almost breaking because he     
had so heinously denied his lord, full of grace. he would not eat food    
but wept all the time until christ sent to him to say that he was coming  
to galilee.
|-
|88||
Ihesus a ve danvenys
<br>ha ȝe worth an prins annas
<br>gans tus ven a ȝesempys
<br>bys an ebscop cayphas
<br>dreȝo crist may fe bresys
<br>ol ȝy voth ha ȝy vynnas
<br>mur a dus o cuntullys
<br>er ybyn ȝy guhuȝas
|
yesus a veu dannvenys  
<br> a-dhiworth an pryns annas  
<br> gans tus ven a-dhesempis  
<br> bys y'n epskop kaifas  
<br> dredho krist may fe breusys 
<br> oll dh'y vodh ha dh'y vynnas
<br> meur a dus o kuntellys 
<br> er y bynn dh'y guhudhas
|
Jesus was sent away from prince Annas immediately with strong men to      
the bishop caiaphas for christ to be judged by him entirely at his will    
and pleasure. many people had assembled against him to accuse him.
|-
|89||
Rag y vos war bronteryon
<br>mester bras a berth yn wlas
<br>gurris ve yn y golon
<br>yn delma gul may cowsas
<br>rys yw porris ȝe onon 
<br>merwel rag pobyl an wlas
<br>pobyl ihesus y honon
<br>na vons tregis gans satnas
|
rag y vos war bronteryon 
<br> mester bras a-berth y'n wlas 
<br> gorrys veu yn y golonn 
<br> yndellma gul may kowsas  
<br> res yw porres dhe onan 
<br> merwel rag pobel an wlas 
<br> pobel yesus y honan  
<br> na vons trygys gans satnas
|
Because he was over priests, a great authority in the land, it was     
put into his heart to do thus, so he said, ``it is entirely necessary    
for one to die for the people of the land, the people of jesus himself,   
so that they will not dwell with satan.''
|-
|90||
En eȝewon yn treȝe
<br>a whelas dustuneow
<br>rag peyne crist ha syndye
<br>ny gewsys ȝe blegadow
<br>saw war thu y a vynne
<br>dre envy leuerell gow
<br>a dus fals y redoȝye
<br>an purre laddron yn pow
|
an edhewon yntredha   
<br> a hwilas dustuniow   
<br> rag payna krist ha'y shyndya 
<br> ny gewsens dhe blegadow  
<br> saw war dhyw i a vynna
<br> dre envi leverel gow  
<br> a dus fals i re dhodhya
<br> an purra ladron y'n pow
|
The Jews sought witnesses among themselves to punish Christ and        
destroy him. they did not speak in a proper manner but they were intent    
on telling lies against god through malice. they had come from false      
men, the very worst thieves in the land.
|-
|91||
Ha dew a thuk dustuny
<br>yn clewsons ow leuerell
<br>pur wyr y fenne terry 
<br>an tempel cref hay wuȝell
<br>war lyrgh henna dre vestry
<br>yn tressa dyth heb fyllell
<br>dre nerth bras yn drehevy
<br>bytqueth ef na vye gwell
|
ha dew a dhug dustuni 
<br> y'n klywsons ow leverel  
<br> pur wir y fynna terri 
<br> an tempel krev ha'y wudhyl 
<br> war-lergh henna dre vaystri  
<br> y'n tressa dydh heb fyllel 
<br> dre nerth bras y'n drehevi 
<br> bythkweyth ev na via gwell
|
And two bore witness that they had heard him saying indeed that he     
would destroy the mighty temple and after this build it by a miracle     
without fail on the third day. by great power he would raise it so that   
it  had never been better. 
|-
|92||
Neb o mester ha Iustis
<br>worth ihesus ef a gowsas
<br>myns vs omma cuntullys
<br>pur apert y ret flamyas
<br>ha te ger vyth ny gewsys
<br>onweyth lemmyn mar coȝas
<br>ol Ihesus an goȝevys
<br>hay worȝeby ny vynnas
|
neb o mester ha justis 
<br> orth yesus ev a gowsas 
<br> myns eus omma kuntellys  
<br> pur apert i re'th vlamyas 
<br> ha ty ger vydh ny gewsis
<br> omwith lemmyn mar kodhes  
<br> oll yesus a'n godhevis  
<br> ha'y worthybi ny vynnas 
|
He who was master and magistrate spoke to Jesus: ``All those who are     
gathered here have accused you very clearly and you have not spoken a     
word. defend yourself now if you can.'' jesus endured it all and would     
not answer him. 
|-
|93||
Kayphas arta a gewsys
<br>yn hanow du te lavar
<br>mar sos du del danvansys
<br>me yw yn meth crist yn whar
<br>yn nef y feȝaff tregis
<br>an barth dyghow gans am car
<br>yn sur thu ow tevones
<br>wy am gwylvyth heb neb mar
|
kayfas arta a gewsis  
<br> yn hanow dyw ty lavar 
<br> mars os dyw dell dannvensys 
<br> my yw yn-medh krist yn hwar
<br> yn nev y fydhav trygys 
<br> a'n barth deghow gans am kar
<br> yn sur dhyw ow tevones 
<br> hwi a'm gwelvydh heb neb mar
|
Caiaphas spoke again: ``In God's name, say if you are God as you     
asserted.'' ``i am,'' said christ gently. ``i shall be dwelling in       
heaven on the right hand by my father. you will see me coming as god   
himself, without any doubt!''
|-
|94||
Kayphas pur wyr a sorras
<br>hag eth pur fol yn vrna
<br>hag a squerdyas y ȝyllas
<br>pan gowsas crist yn della
<br>ytterevys dre sor bras
<br>dustuneow drok na da
<br>ny reys ȝynny ȝe welas 
<br>awos dampnye an denma
|
kayfas pur wir a sorras 
<br> hag eth pur fol y'n eur
<br> hag a skwardyas y dhillas 
<br> pan gowsas krist yndella  
<br> y terivis dre sorr bras 
<br> dustuniow drog na da  
<br> ny res dhyn ni dhe hwilas
<br> awos dampnya an den ma
|
Caiaphas indeed became angry and then went quite mad and tore his      
clothes when christ spoke thus. he declared in great anger, ``there is      
no need for us to seek witnesses good or bad to condemn this man.
|-
|95||
Al ow cows why an clewas
<br>leuerough mar pyth sawys
<br>ol warberth y a armas
<br>gweff yw ȝe vones leȝys
<br>gans mowys y anscornyas
<br>yn y fase y a drewys
<br>ty yv mab du leun a ras
<br>yn ges y a leuerys
|
oll ow kows hwi a'n klywas
<br> leverewgh mar pydh sawys  
<br> oll war-barth i a armas 
<br> gwiw yw dhe vones ledhys 
<br> gans mowys i a'n skornyas 
<br> yn y fas i a drewis
<br> ty yw mab dyw leun a ras
<br> yn ges i a leveris 
|
``Oh yes! You heard him speaking. Say whether he shall be saved!''      
all together they shouted, ``he is worthy to be slain!'' they mocked him     
with grimaces. they spat in his face. ``you are god's son, full of     
grace!'' they said in mockery.
|-
|96||
Gans queth y ben y queȝens
<br>guelas banna na ylly
<br>ȝe ihesus crist betegyns
<br>ow kuȝyll drok ha belyny
<br>avel brathken aga dyns
<br>orto y a theskerny
<br>eraga fyn betegyns
<br>crist vn ger ny leuery
|
gans kweth y benn y kwethens
<br> gweles banna na ylli  
<br> dhe yesus krist byttegyns  
<br> ow kul drog ha bileni 
<br> avel brathkeun aga dyns  
<br> orto i a dheskerni  
<br> er aga fynn byttegyns  
<br> krist unn ger ny leveri
|
They were covering his head with a cloth so that he could not see a   
thing, but nevertheless wreaking injury and evil upon jesus christ,        
gnashing their teeth at him like savage curs. but christ said not one     
word against them.
|-
|97||
Hag y worth y dormontye
<br>y cuȝens y ben gans queth
<br>han dus esa ol yn dre
<br>ha pryncis yn pow yn weth
<br>ha mur a bobyll ganse
<br>a ȝyghow sur hag a gleth
<br>the gryst y tons ȝy syndye
<br>ha ȝe dry ȝen dor gans meth
|
hag i orth y dormentya 
<br> y kudhens y benn gans kweth
<br> ha'n dus esa oll y'n dre
<br> ha prynsys y'n pow ynwedh 
<br> ha meur a bobel gansa 
<br> a dheghow sur hag a gledh
<br> dhe krist y tens dh'y shyndya
<br> ha dh'y dhri dhe'n dor gans meth
|
While tormenting him they covered his head with a cloth, and all the     
people who were in the town, and the princes in the land also and many   
people with them on the right indeed and on the left came to christ to   
destroy him and bring him shamefully to the ground.
|-
|98||
I eth ha Ihesus ganse
<br>bys yn pylat o Iustis
<br>a noȝo bres may rolle
<br>dre y vres may fo leȝys
<br>lavarsons y heb pyte
<br>agan traytour yw kefys
<br>rys yw ȝeso y ȝamnye
<br>ȝen mernans a ȝesempys
|
i eth ha yesus gansa 
<br> bys yn pilat o justis 
<br> anodho breus may rolla  
<br> dre y vreus may fe ledhys
<br> 'lavarsons i heb pita  
<br> agan traytour yw kevys  
<br> res yw dhiso y dhampnya 
<br> dhe'n mernans a-dhesempis 
|
They went with Jesus to Pilate who was a magistrate for him to give    
judgement about him so that he could be slain through his verdict. they     
said without pity, ``our traitor is found. he must be condemned to death     
by you at once.''
|-
|99||
In meth pylat pan adra
<br>a ynnyough wy warnoȝo
<br>na ve bos fals an denma
<br>nyn drossen ny bys deso
<br>y leuerys dre laha
<br>ha why dampnowgha yȝo
<br>yn meȝens y ny a wra 
<br>dampnye den lader kyn fo
|
yn-medh pilat pana dra  
<br> 'ynniowgh hwi warnodho   
<br> na ve bos fals an den ma
<br> ny'n drossen ni bys dhiso 
<br> y leveris dre lagha  
<br> ha hwi dampnyewgh e ytho 
<br> yn-medhons i ni a wra 
<br> dampnya den lader kyn fo
|
Pilate said, ``What charge do you press against him?'' ``If it were      
not that this man is false, we would not have brought him to you.'' he   
said, ``then you also condemn him by means of law.'' they said, ``we     
condemn a man even though he is a thief?!''
|-
|100||
Henna pylat pan welas
<br>kymmys cawsys er y byn
<br>rowtors ha tus kyche yn wlas
<br>resons mar fol ha mar dyn
<br>pylat orto govynnas
<br>yn keth vaner ma govyn
<br>ose mab du leun a ras
<br>lemyn gwyr (te) lauar ȝyn
|
henna pilat pan welas  
<br> kemmys kowses er y bynn 
<br> routers ha tus rych y'n wlas
<br> resons mar fol ha mar dynn
<br> pilat orto govynnas   
<br> y'n keth vaner ma govynn 
<br> o'ta mab dyw leun a ras
<br> lemmyn gwir ty lavar dhyn
|
When Pilate saw this; so much opposition to him; rulers and rich men     
in the land; such foolish and cruel reasons, pilate asked him a question     
of this sort, ``are you the son of god, full of grace? now tell us the  
truth.''
|-
|101||
In meth crist an kveff colon
<br>pur wyr te re leuerys
<br>te a woȝye ȝe honon
<br>pe dre gen re ves guarnys
<br>pylat a gewsys yn scon
<br>te a ve ȝym danvenys
<br>lauar ȝymme ȝe honon
<br>pyth yw en drok rewrussys
|
yn-medh krist an kuv kolonn 
<br> pur wir ty re leveris 
<br> ty a wodhyes dha honan 
<br> py dre gen re 'veus gwarnys
<br> pilat a gewsis yn skon 
<br> ty a veu dhymm dannvenys 
<br> lavar dhymmo dha honan  
<br> pyth yw an drog re wrussys
|
Christ the Beloved said, ``You have spoken very truly. Did you know      
this yourself or were you told by others?'' pilate spoke at once: ``you     
were sent to me. tell me yourself what is the bad thing you have done!'' 
|-
|102||
In meth Ihesus nyn gvgy
<br>ow mesternges yn bysma
<br>hag a pe ow thus ȝewy
<br>nym delyrfsens yn delma
<br>ytho mygtern ote se
<br>yn meth pylat yn erna
<br>gwyr re gwesys yredy
<br>yn meth crist mygtern oma
|
yn-medh yesus nyns usi  
<br> ow mestrynsys y'n bys ma 
<br> hag a pe ow thus dhy'hwi
<br> ny'm delyrvsens yndellma   
<br> ytho myghtern o'ta sy  
<br> yn-medh pilat y'n eur na 
<br> gwir re gewssys yredi  
<br> yn-medh krist myghtern oma  
|
Jesus said, ``My dominion is not in this world, and if it were my    
men would not have delivered me to you in this way.'' ``so you are a   
king?'' said pilate then. ``you have spoken the truth indeed,'' said       
christ. ``i am a king.'' 
|-
|103||
Henna Iudas pan welas
<br>crist an bewnans na sawye
<br>an arghans a gemeras
<br>rag corf crist ȝe rysseve
<br>ef astewlys dre sor bras
<br>ȝen eȝewon yn treȝe
<br>dremas yw ef leun a ras
<br>neb re werȝys yn meȝe
|
ena yudas pan welas  
<br> krist an bywnans na sawya 
<br> an arghans a gemmeras  
<br> rag korf krist dhe resseva 
<br> ev a'n tewlis dre sorr bras
<br> dhe'n edhewon yntredha   
<br> dremas yw ev leun a ras
<br> neb re werthis yn medh e
|
Then, when Judas saw that Christ would not save his life, the money     
which he took in payment for christ's body, he threw in great anger     
among the jews. ``he is a holy man, full of grace whom i have sold,'' he  
said. 
|-
|104||
Iudas scaryoth a gewsys
<br>yn keth manerma arte
<br>fest yn creff me re beghas
<br>ihesus ȝe wy ow querȝe
<br>da y won y vos a ras
<br>gevyons me nvm byth neffre
<br>moy pegh o pan dyspresyas
<br>ys delo pan yn guerȝe
|
yudas skaryoth a gowsas  
<br> y'n keth vaner ma arta 
<br> fest yn krev my re beghas
<br> yesus dhy'hwi ow kwertha  
<br> da y hwonn y vos a ras
<br> gevyans my ny'm beus nevra 
<br> moy pegh o pa'n dispresyas 
<br> es dell o pan y'n gwertha
|
Judas Iscariot spoke again in the same way. ``I have sinned most      
mightily in selling jesus to you. well i know that he is worthy. i shall   
never have forgiveness!'' it was a greater sin when he scorned him than     
when he sold him.
|-
|105||
Han eȝewon a gewsys
<br>pan drew henna ȝynny ny
<br>ny an pernas ȝe worȝys
<br>ha ad pes pur yredy
<br>Iudas eth a ȝensympys
<br>a neyl tu ȝe omgregy
<br>cafas daffar pur parys
<br>lovan cryff rag y sensy
|
ha'n edhewon a gewsis  
<br> pandr'yw henna dhyn nyni  
<br> ni a'n prenas dhiworthis  
<br> hag a'th pes pur yredi 
<br> yudas eth a-dhesempis   
<br> an eyl tu dhe omgregi 
<br> kavas daffar pur barys  
<br> lovan krev rag y synsi 
|
And the Jews said, ``What is that to us? We bought him from you and   
paid you promptly.'' immediately judas went away to hang himself. he       
found the means all ready; a rope strong enough to hold him. 
|-
|106||
Eneff iudas ny allas
<br>dos yn mes war y anow
<br>rag y anow y ammas
<br>ȝe ihesu leun a rasow
<br>dywolow yfarn a squerdyas
<br>corf iudas ol ȝe ȝarnow
<br>hag a notho a gerhas
<br>y eneff ȝe dewolgow
|
enev yudas ny allas  
<br> dos yn-mes war y anow 
<br> rag y anow a ammas 
<br> dhe yesu leun a rasow 
<br> dyowlow ifarn a skwardyas  
<br> korf yudas oll dhe dharnow 
<br> hag anodho a gyrghas  
<br> y enev dhe dewolgow 
|
The soul of Judas could not come out of his mouth because his mouth    
kissed jesus full of grace. the devils in hell tore the body of judas    
all to pieces, and from it carried his soul into darkness. 
|-
|107||
En ethewon dre envy
<br>a gewsys crist rag syndye 
<br>pylat Iustis otese
<br>Ihesus gorweyth y dampnye
<br>a ierusalem thynny
<br>ef a thueth a galyle
<br>la(h)ys nowyth ov tesky
<br>leas ganso ov tryle
|
an edhewon dre envi  
<br> a gewsis krist rag shyndya 
<br> pilat justis o'ta sy  
<br> yesus gorwith y dhampnya  
<br> a yerusalem dhyn ni  
<br> ev a dheuth a galila 
<br> laghys nowydh ow tyski  
<br> lies ganso ow trelya 
|
To destroy Christ the Jews said spitefully, ``Pilate, you are a       
magistrate. be sure to condemn jesus. he came to us of jerusalem from     
galilee, teaching new laws, converting many to him.''
|-
|108||
Ganse pylat pan glewas
<br>bos Ihesus a galyle
<br>bos herodes war an wlas
<br>mygtern pylat a woȝye
<br>Rag henna y tanvonas
<br>crist ȝoȝo ef mayn dempne
<br>ruth veyr a dus an sewyas
<br>pub eyr paris ȝy vlamye
|
gansa pilat pan glywas  
<br> bos yesus a galila  
<br> bos herodes war an wlas 
<br> myghtern pilat a wodhya  
<br> rakhenna y tannvonas   
<br> krist dhodho ma'n dampnya  
<br> routh veur a dus a'n sywyas
<br> pub eur parys dh'y vlamya 
|
When Pilate heard from them that Jesus was from Galilee (Pilate knew      
that herod was king over the land) for that reason he sent christ to him   
for him to condemn him. a great crowd of people followed, ready to     
revile him all the time.
|-
|109||
I eth bys yn herodes
<br>ha crist ganse fast kylmys
<br>ef a gara crist gwelas
<br>rag kymmys y ȝo praysys
<br>ganso mar callo clewas 
<br>whelth nowyth a vo coyntis
<br>mar callo trylye ȝe hes
<br>lauar crist pan vo clewys
|
i eth bys yn herodes 
<br> ha krist gansa fast kelmys 
<br> ev a gara krist gweles 
<br> rag kemmys yth o praysys 
<br> ganso mar kalla klywes  
<br> hweldh nowydh a ve koyntys 
<br> mar kalla trelya dhe-hys  
<br> lavar krist pan ve klywys 
|
They went to Herod and Christ with them securely bound. He was      
anxious to see christ because he was so highly acclaimed, in case he     
could hear from him some strange new tale, and eventually twist round      
what christ had to say when it had been heard. 
|-
|110||
The herodes y thesa
<br>pur wyr worth pylat sor bras
<br>y welas ef ny gara
<br>na boys yn y goweȝas
<br>ȝoȝo Ihesus ȝy thampnye
<br>pylat bys pan danvonas
<br>yn vrna keskeweȝa
<br>y a ve ha specyall bras
|
dhe herodes yth esa  
<br> pur wir orth pilat sorr bras
<br> y weles ev ny gara 
<br> na bos yn y gowethas 
<br> dhodho yesus dh'y dhampnya  
<br> pilat bys pan dhannvonas  
<br> y'n eur na keskowetha  
<br> i a veu ha speshyal bras
|
Indeed, Herod bore Pilate a serious grudge. He did not want  to see    
him or be on terms of friendship with him, until pilate sent jesus to    
him to condemn him. at that moment they became especially good friends.
|-
|111||
Herodes a wovynnys
<br>orth Ihesus crist leas tra
<br>ha trevyth ny worȝebys
<br>man geve marth a henna
<br>an eȝewon a gewsys
<br>doyn thyn dustuny a wra
<br>mygtern yfyn bos synsys
<br>ha mester bras yn bysma
|
herodes a wovynnis   
<br> orth yesus krist lies tra 
<br> ha travydh ny worthybis  
<br> ma'n jeva marth a henna 
<br> an edhewon a gewsis  
<br> doen dhyn dustuni a wra 
<br> myghtern y fynn bos synsys 
<br> ha mester bras y'n bys ma
|
Herod asked Jesus Christ many things and he answered nothing so that      
he was ama3ed at that. the jews said, ``he bears us witness that he    
wants to be held up as a king and a great master in this world.''
|-
|112||
Kymmys tra a lavarsa
<br>ena y an rebukyas
<br>the rag an try may ȝesa
<br>annas pylat ha cay(p)has
<br>pur vylen y an pyltye
<br>hag yn spytis an scornyas
<br>moygha ȝoȝo drok a wre
<br>henna veȝa an guella gwas
|
kemmys tra a lavarsa  
<br> ena i a'n rebukyas  
<br> dherak an tri mayth esa 
<br> annas pilat ha kayfas  
<br> pur vilen i a'n pyltya 
<br> hag yn spitus a'n skornyas 
<br> moyha dhodho drog a wre 
<br> henna 'vedha 'n gwella gwas
|
Whatever he had said they then rebuked him for it when he was before    
the three, annas, pilate and caiaphas. very wickedly they beat him and      
mocked him spitefully. whoever did him the most harm, he would be the     
best fellow.
|-
|113||
Herodes a leuerys
<br>ȝen eȝewon eugh yn fen
<br>ȝe bylat agis Iustis 
<br>rag me an syns pur ȝen len
<br>ha leuerough bos gevys
<br>ol ow sor beȝens lowen
<br>ham gallus y vos grontijs
<br>ȝoȝo ȝe urusy an den
|
herodes a leveris   
<br> dhe'n edhewon ewgh yn fen 
<br> dhe pilat agas justis  
<br> rag my a'n syns pur dhen len
<br> ha leverewgh bos gevys  
<br> oll ow sorr bedhes lowen 
<br> ha'm galloes y vos grontys 
<br> dhodho dhe vreusi an den
|
Herod said to the Jews, ``Go in haste to Pilate your magistrate, for     
i consider him a true honest man, and tell him that all my wrath is   
abated; let him be happy, and my authority is granted to him to judge    
the man.''
|-
|114||
I a wyskis cryst gans gwyn
<br>avel fol y an scornye
<br>hag an gweska fest yn tyn
<br>betegyns ger ny gewsy
<br>hag an hombronkyas bys yn
<br>pylat o Iustis ȝeȝe
<br>may caffons y aga gwayn
<br>war Ihesus crist ȝy laȝe
|
i a wiskas krist gans gwynn
<br> avel fol i a'n skornya 
<br> hag a'n gweska fest yn tynn
<br> byttegyns ger ny gewsi  
<br> hag a'n hembronkas bys yn 
<br> pilat o justis dhedha  
<br> may kaffens i aga gwayn 
<br> war yesus krist dh'y ladha
|
They dressed Christ in white. They mocked him like a madman and beat     
him most cruelly. nevertheless he did not speak a word, and they led him    
to pilate who was their magistrate in order to get the advantage over     
jesus christ to kill him.
|-
|115||
Then ioul mur neb o tus keth
<br>ȝe belat a leueris
<br>lowenna gwelha ȝe feth
<br>herodes reth tenyrghys
<br>yn y golen fast regeth
<br>mur a gerense worȝys
<br>hag ef a dalvyth ȝis wheth
<br>y honore del wrussys
|
dhe'n jowl meur neb o tus keth
<br> dhe pilat a leveris  
<br> lowenha gwellha dha feth  
<br> herodes re'th tynnerghis   
<br> yn y golonn fast res eth
<br> meur a gerensa orthis  
<br> hag ev a dalvydh dhis hwath
<br> y enora dell wrussys  
|
Those who were bondsmen to the great devil said to Pilate, ``Cheer      
up. don't be downcast. herod has sent you a greeting. much love towards     
you has steadfastly entered his heart and he will yet repay you for     
honouring him as you have done.
|-
|116||
Ha ȝeso y tanvonas
<br>y allus crist rag iudgye
<br>ha ny ad cusyll na as
<br>lemyn y voth heb sewye
<br>yn meth pylat scyle vas
<br>me ny gafe rum lewte
<br>na byth moy ef ny gaffas
<br>prag may fe rys y dampnye
|
ha dhiso y tannvonas  
<br> y alloes krist rag jujya 
<br> ha ni a'th kusul na as
<br> lemmyn y vodh heb sywya 
<br> yn-medh pilat skila 'vas  
<br> my ny gavav re'm lowta 
<br> na bydh moy ev ny gavas
<br> prag may fe res y dhampnya
|
``And he has sent you his authority to judge Christ, and we advise     
you, do not leave his will unfollowed.'' pilate said, ``upon my word i     
do not find a good reason.'' nor did he ever find a reason why it should  
be necessary to condemn him.
|-
|117||
Orth pylat ol y setsans
<br>ha warnoȝo a rug cry
<br>rag Ihesus crist ȝen mernans
<br>y a vynne porrys dry
<br>yn meth pylat worth an myns
<br>an pegh peuas ris yv ry
<br>me ny gafa moys kyns
<br>reson gans gwyr ȝy vrvsy
|
orth pilat oll y settsons 
<br> ha warnodho a wrug kri 
<br> rag yesus krist dhe'n mernans 
<br> i a vynna porres dri 
<br> yn-medh pilat orth an myns 
<br> a'n pegh piwas res yw ri
<br> my ny gavav moy es kyns
<br> reson gans gwir dh'y vreusi 
|
They all set upon Pilate and shouted at him because they urgently      
wanted to bring jesus christ to death. pilate said, ``it is necessary to     
give a penalty according to the gravity of the offence. i do not find    
any more than before a just reason to condemn him.''
|-
|118||
En eȝewon a vynne
<br>porrys y vonas leȝys
<br>reson(s) y a rey ragthe
<br>mes war fals y ȝens growndys
<br>henna pylat a woȝye
<br>rag henna a ȝesympys
<br>bys yn cayphas ȝy ȝey yvggye
<br>ef a rug may fe gorrys
|
an edhewon a vynna  
<br> porres y vones ledhys  
<br> resons i a ri ragdho 
<br> mes war fals yth ens grondys
<br> henna pilat a wodhya  
<br> rag henna a-dhesempis   
<br> bys yn kayfas dh'y jujya 
<br> ev a wrug may fe gorrys
|
The Jews urgently wanted him to be put to death. They were giving     
reasons for it but they were falsely based. pilate knew that, therefore      
he had him sent immediately to caiaphas to judge him.
|-
|119||
Kayphas an droys arte
<br>ȝe pylat o pen Iustis
<br>hag ef eth ȝy gusulye
<br>ihesus crist may fe leȝys
<br>en eȝewon a arme
<br>treytour pur y vos keffys
<br>hag ol drok suel awresse
<br>ha gow bras ganso clewys
|
kaifas a'n dros arta  
<br> dhe pilat o penn justys 
<br> hag ev eth dh'y gusulya 
<br> yesus krist may fe ledhys 
<br> an edhewon a arma  
<br> traytour pur y vos kevys 
<br> hag oll drog seul a wrussa
<br> ha gow bras ganso klywys 
|
Caiaphas brought him again to Pilate who was chief magistrate and he      
went and advised him that jesus christ should be slain. the jews were     
shouting that he had been found to be an absolute traitor, that whatever     
he had done was completely evil, and that a great lie had been heard from him.
|-
|120||
In meth pylat marth am bes
<br>kymmes drok a wothevyth
<br>ha te reson vyth a dres
<br>eraga fyn na gewsyth
<br>a na wylta ol myns es
<br>orth ȝe vlamye yn soweth
<br>hag ov ry ȝys boxow tres
<br>betegyns te ny sconyth
|
yn-medh pilat marth a'm beus 
<br> kemmys drog a wodhevydh  
<br> ha ty reson vydh a-dreus 
<br> er aga fynn ny gewsydh 
<br> a ny wel'ta oll myns eus
<br> orth dha vlamya yn sowedh 
<br> hag ow ri dhis boksow treus
<br> byttegyns ty ny skonydh  
|
Pilate said, ``I wonder that you suffer so much evil and make no     
counter charge against them. do you not see all the blame they are     
laying upon you, alas, and giving you wicked blows? yet you do not     
protest!''
|-
|121||
In meth pylat me ny won
<br>ȝen trayteur esa ganso
<br>yn crist cafos byth reson
<br>merwell prag y reys ȝoȝo
<br>y hylwys en eȝewon
<br>la(h)ys es yn pow a dro
<br>may rys y laȝe yn scon
<br>mygtern neb a omwrello
|
yn-medh pilat my ny wonn 
<br> dhe'n traytour esa ganso  
<br> yn krist kavoes bydh reson 
<br> merwel prag y res dhodho 
<br> y helwis an edhewon  
<br> laghys eus y'n pow a-dro 
<br> may res y ladha yn skon
<br> myghtern neb a omwrello
|
Pilate said to the traitor who was with him, ``I cannot find any     
reason in christ why he must die.'' the jews called out, ``there are     
laws in this region by which it is necessary to slay at once anyone who   
makes himself a king.''
|-
|122||
Own boys crist mab du an neff
<br>an tebel el an geve
<br>rag henna scon y ȝeth ef
<br>ȝe wrek pylat may ȝeȝe
<br>han tebel el hager bref
<br>yn y holon a worre
<br>war y mester venions cref
<br>y to Ihesus mar laȝe.
|
own bos krist mab dyw an nev
<br> an tebel el a'n jeva 
<br> rakhenna skon yth eth ev 
<br> dhe wreg pilat mayth esa 
<br> ha'n tebel el hager bryv 
<br> yn hy holonn a worra 
<br> war hy mester venjans krev 
<br> y to yesus mar latha 
|
The evil angel was afraid that Christ was the Son of God in Heaven.    
therefore he quickly went to pilate's wife where she was, and the evil     
angel, an ugly serpent put it into her heart that a mighty vengeance     
would come upon her lord if he slew jesus.
|-
|123||
Thy gour hy a ȝan(v)onas
<br>a crist kepar del welse
<br>yn kerdh delma dre gannas
<br>nyn gew ragos se laȝe
<br>Cryst yv synsys mur dremas
<br>ȝe ȝevyth a wos plegye
<br>rag haneth me re welas
<br>yto ve(n)ions had laȝe 
|
dh'y gour hi a dhannvonas 
<br> a krist kepar dell welsa 
<br> yn kettellma dre gannas  
<br> nyns yw ragos sy ladha 
<br> krist yw synsys meur dhremas 
<br> dhe dhenvydh awos plegya  
<br> rag haneth my re welas 
<br> y to venjans ha'th ladha 
|
She sent to her husband by a messenger to say how she had seen (a   
vision) of christ in this way (saying), ``it is not for you to slay    
christ who is considered to be a great holy man, to satisfy anyone, for    
tonight i saw that vengeance would come and slay you.''
|-
|124||
Onon esa yn preson
<br>barabas ytho gylwys
<br>presonys o ef dre dreyson
<br>ha rag den lath kekyffris
<br>maner o ȝen eȝewon
<br>war dyth pasch worth an Iustis
<br>an preson govyn onon
<br>ha bos henna delyffrys
|
onan esa yn pryson  
<br> barabas yth o gelwys  
<br> prysonys o dre drayson  
<br> ha rag denladh kekeffrys  
<br> maner o dhe'n edhewon  
<br> war dhydh pask orth an justis
<br> a'n pryson govynn onan  
<br> ha bos henna delivrys  
|
There was one in prison. He was called Barabbas. He was imprisoned      
for treachery and for murder also. it was the custom of the jews on the   
day of the passover to ask the magistrate for one man from the prison    
and for that one to be set free.
|-
|125||
Pylat a vynsse gwyȝe
<br>bewnans Ihesus dre goyntis
<br>hag a leuerys ȝeȝe
<br>yn delma del yw skrifis
<br>lemmyn merough pe nyle
<br>an dus avyth delyffris
<br>po cryst leuerough scyle
<br>po barabas den blamys
|
pilat a vynnsa gwitha  
<br> bywnans yesus dre goyntys  
<br> hag a leveris dhedha  
<br> yndellma dell yw skrifys  
<br> lemmyn mirewgh pyneyl'a   
<br> a'n dus a vydh delivrys 
<br> po krist leverewgh skila  
<br> po barabas den blemys  
|
Pilate would have liked to preserve the life of Jesus by a subterfuge, and he spoke to 
them thus, as it is written, ``now look, which is it of the men that   
shall be set free, christ - you can tell a reason - or barabbas, a man  
condemned?''
|-
|126||
En eȝewon a armas
<br>dre bur envy me a gris
<br>dylyver ȝynny barabas
<br>ha henna ol ny a bys
<br>Pylat arte a gowsas
<br>a Ihesus pyth a vyth guris
<br>y hawlsons gans golon vras
<br>ȝen mernans beȝens gurris
|
an edhewon a armas  
<br> dre bur envi my a grys
<br> delyrv dhyn ni barabas  
<br> ha henna oll ni a bys
<br> pilat arta a gowsas  
<br> a yesus pyth a vydh gwrys
<br> y hawlsons gans kolonn vras 
<br> dhe'n mernans bedhes gorrys  
|
The Jews shouted in sheer malice, I believe, ``Deliver us Barabbas       
and that is what we all request!'' pilate said again, ``what shall be     
done about jesus?'' they called with great fervour, ``let him be put to     
death!''
|-
|127||
Pylat yn ta a woȝye
<br>y ȝe gusel dre envy
<br>rag henna ef a vynse
<br>gweȝe crist heb velyny
<br>hag a leueris ȝeȝe
<br>mar mynnough me an chasty
<br>ol war barth yny cyte
<br>hag an delyrf ȝe wary
|
pilat yn ta a wodhya 
<br> i dhe gewsel dre envi 
<br> rakhenna ev a vynnsa  
<br> gwitha krist heb vileni  
<br> hag a leveris dhedha  
<br> mar mynnowgh my a'n chasti 
<br> oll war-barth yn nisyta  
<br> hag a'n delyrv dhe wari 
|
Pilate knew well that they spoke out of malice. Because of this he     
would have liked to protect christ from abuse, and he said to them, ``if    
it is what you want, i will chastise him as one who is utterly foolish,   
and set him free.'' 
|-
|128||
I helwys en eȝewon
<br>beȝens ef yn crows gorris
<br>yn meth pylat me ny won
<br>reson prag y fyt da(m)pnys
<br>y hawlsons gans moy colon
<br>beȝens ef yn crows leȝys
<br>yn meth pylat byth reson
<br>ȝe laȝe nyn ges keffys
|
y helwis an edhewon  
<br> bedhes ev yn krows gorrys 
<br> yn-medh pilat my ny wonn 
<br> reson prag y fydh dempnys 
<br> y hawlsons gans moy kolonn 
<br> bedhes ev yn krows ledhys 
<br> yn-medh pilat bydh reson  
<br> dh'y ladha nyns eus kevys 
|
The Jews called out, ``Let him be crucified!'' Pilate said, ``I do      
not know any reason why he is under condemnation.'' they cried out with     
greater fervour, ``let him be crucified!'' pilate said, ``no reason        
whatsoever can be found to slay him.''
|-
|129||
Ha pylat ȝe war breder
<br>a leueris ȝe Ihesu
<br>ol an dusma a leuer
<br>ȝe vos cregis te yw gyw
<br>lauar gwyr ȝymmo vn ger
<br>mar sota mab den ha du
<br>cryst a gewsys dyboner
<br>te a leuerys del yw
|
ha pilat dhe war breder 
<br> a leveris dhe yesu  
<br> oll an dus ma a lever
<br> dhe vos kregys ty yw gwiw
<br> lavar gwir dhymmo unn ger 
<br> mars o'ta mab den ha dyw
<br> krist a gewsis deboner  
<br> ty a leveris dell yw 
|
And after careful thought, Pilate said to Jesus, ``All these people       
say that you are worthy to be hanged. tell me truly in one word if you  
are the son of man and god.'' christ said courteously, ``it is as you    
say.'' 
|-
|130||
Whare y an dystryppyas
<br>mar noyth genys del vye
<br>hag worth post fast an colmas
<br>vnwyth na ylly plynchye
<br>hag ena ij an scorgyas
<br>yn tebel gans ij scorgye
<br>ha hager fest an dygtyas
<br>corf ha pen treys ha dewle
|
hware i a'n destryppyas  
<br> mar noeth genys dell via 
<br> hag orth post fast a'n kolmas
<br> unnweyth na ylli plynchya  
<br> hag ena dew a'n skorjyas 
<br> yn tebel gans dew skorjya 
<br> ha hager fest a'n dyghtyas 
<br> korf ha penn treys ha diwla
|
At once they stripped him as naked as he had been born and bound him   
fast to a pillar so that he could not wriggle at all and then two   
whipped him wickedly with two whips and dealt with him most cruelly,      
body and head, hands and feet.
|-
|131||
In scorgijs prenyer esa
<br>yn dewle an ij ethow
<br>hag yn fast kelmys ȝeȝe
<br>kerdyn gweȝyn mesk cronow
<br>may fons hyblyth ȝe gronkye
<br>hag a rag guris colmmenow
<br>gans pub colmen may ȝelle
<br>pan wyskens yn-mes an crow
|
yn skorjys prennyer esa  
<br> yn diwla an dhew edhow 
<br> hag yn fast kelmys dhedha 
<br> kerdyn gwedhyn 'mysk kroenow  
<br> may fons hebleth dhe gronkya 
<br> hag a-rag gwrys kolmennow  
<br> gans pub kolmenn mayth ella 
<br> pan weskens yn-mes an krow 
|
For whips there were sticks in the hands of the two Jews with pliant    
cords mixed with thongs bound tightly to them so as to be supple for    
beating, and the ends were made into knots so that the blood would flow    
out with every knot when they struck.
|-
|132||
Han ȝewna bys pan vons squyth
<br>war crist y fons ov cronkye
<br>manna geve goth na leyth
<br>na gesa worth y grevye
<br>na war y gorff wek tam vyth
<br>pur wyr henna o mur byte
<br>ha whath moy wy a glewyth
<br>a dormont crist del wharse
|
ha'n dhew na bys pan vons skwith
<br> war krist y fons ow kronkya
<br> ma na'n jeva goeth na lith
<br> nag esa orth y revya 
<br> na war y gorf hweg tamm vydh
<br> pur wir henn o meur byta
<br> ha hwath moy hwi a glywvydh
<br> a dorment krist dell hwarsa 
|
And these two were beating upon Christ until they were tired so that     
he did not have a vein or a limb or any part of his sweet body that was
not hurting him. very truly this was most grievous and you will hear yet    
more of christ's torture as it had happened.
|-
|133||
In treȝe avel tus fol
<br>garlont sperne a ve dyȝgthtys
<br>ha dre aga husyll ol
<br>war y ben a ve gorris
<br>may ȝo squardijs a dro ol
<br>ay ben y oys o scolijs 
<br>hag ynno fest luhas tol
<br>gans an dreyn a ve tellys
|
yntredha avel tus fol  
<br> garlont spern a veu dyghtys 
<br> ha dre aga husul oll 
<br> war y benn a veu gorrys
<br> mayth o skwerdys a-dro oll 
<br> a'y benn y woes o skoellys
<br> hag ynno fest lies toll 
<br> gans an dreyn a veu tellys
|
A wreath of thorns was prepared between them (as they behaved) like      
madmen and by common accord was placed upon his head so that it was torn   
all around. his blood was pouring from his head and in it a great many   
holes were pierced by the thorns.
|-
|134||
Gans den scyntyll a woȝye
<br>me a glewas leuerell
<br>an arlont y ȝe denne
<br>war y ben gans kymmys nell
<br>ma teth an dreyn ha cropye
<br>ȝen nempynnyon dre an tell
<br>henno payn a vur byte
<br>esa crist ow coȝevell
|
gans den skentyl a wodhya 
<br> my a glewas leverel  
<br> an arlont i dhe dhenna 
<br> war y benn gans kemmys nell
<br> may teuth an dreyn ha kropya
<br> dhe'n ympynnyon dre an tell 
<br> henn o payn a veur byta
<br> esa krist ow kodhevel 
|
From a learned man who knew, I heard that they pulled the wreath     
over his head with such force that the thorns came and penetrated to the    
brains through the holes. that was a most pitiful torture that christ      
was suffering.
|-
|135||
A vyne gwarȝe yben
<br>war y gorff bys yn y droys
<br>squardijs oll o y grohen
<br>hag ef cuȝys yn y woys
<br>mur o an payn dar ken
<br>ȝe vab du mur y alloys
<br>del lever ȝyn an levar
<br>kymmys payn ny ve ay oys
|
a finna gwartha y benn 
<br> war y gorf bys yn y droes
<br> skwerdys oll o y groghen 
<br> hag ev kudhys yn y woes
<br> meur o an payn a-der ken
<br> dhe vab dyw meur y alloes
<br> dell lever dhyn an lyver 
<br> kemmys payn ny veu a'y oes
|
From the very top of his head over his body down to his foot his   
skin was all torn and he was covered in his blood. great was the pain,   
beyond any other of god's all-powerful son. as the book tells us,      
``never was there so much pain!''
|-
|136||
I a wyskis crist gant queth
<br>han purpur rych o dyskis
<br>rag y thry ȝen dor gans meth
<br>yn ges y a leueris
<br>mur a onour te afyth 
<br>te yw mygtern cvrvnys
<br>hag yn y leff ȝyghow yn weth
<br>gwelen wyn a ve gorris 
|
i a wiskas krist gans kweth
<br> ha'n purpur rych o dyghtys 
<br> rag y dhri dhe'n dor gans meth
<br> yn ges i a leveris 
<br> meur a enor ty a'fydh 
<br> ty yw myghtern kurunys  
<br> yn y leuv dheghow ynwedh 
<br> gwelenn wynn a veu gorrys 
|
They dressed Christ in a garment and the rich purple was prepared      
(taken off him?) to bring him to the ground with shame. they said in    
mockery, ``you will have great honour! you are a crowned king!'' - and     
in his right hand also a white wand was placed.
|-
|137||
Hag y thens ȝe ben dowlyn
<br>hag y kewsens ȝe scornye
<br>hag a gamma aga meyn
<br>pub onon rag y eysye
<br>lowene ȝys te yw ȝeyn 
<br>mygtern rys yw ȝe worȝye
<br>hen o ȝoȝo mur a bayn
<br>may ȝeȝens worth y ranne
|
hag yth ens dhe benn dewlin
<br> hag y kewsens dh'y skornya 
<br> hag a gamma aga min 
<br> pub onan rag y esya 
<br> lowena dhis ty yw dhyn 
<br> myghtern res yw dha wordhya 
<br> henn o dhodho meur a bayn
<br> mayth esens orth y ranna 
|
And they went on their knees and spoke to ridicule him, and pulled     
their faces awry, each one to mock him. ``joy to you! you are our king!   
you must be honoured!'' what they were sharing was very painful for him.
|-
|138||
Onon gans an keth welen
<br>yn leyff crist a ve gorris
<br>an gwyskis lasche war an pen
<br>bum pur gewar deseȝys
<br>ha buxow leas hep ken
<br>ha tummasow kekyffris
<br>ȝe gryst a dro ȝe ȝewen
<br>gans nerth bras a ve syttis
|
onan gans an keth welenn 
<br> yn leuv krist a veu gorrys
<br> a'n gwyskis lash war an penn
<br> boemm pur gewar desedhys  
<br> ha boksow lies hepken  
<br> ha tummasow kekeffrys   
<br> dhe krist a-dro dh'y dhiwen 
<br> gans nerth bras a veu settys
|
With the same wand that was put into Christ's hand one (man) slashed     
him over the head a very well-aimed blow, and many strokes without      
cause, and blows also were laid upon christ about his jaws with great     
force.
|-
|139||
Colon den a yll crakye
<br>a vynha prest predery
<br>an paynys bras an geve
<br>han dyspyth heb y dylly
<br>hag ol rag ȝe gerense
<br>ihesus crist as goȝevy
<br>lymmyn gorqvyth y gare
<br>ha gweyth denatar na vy
|
kolonn den a yll krakkya 
<br> a vynna prest prederi  
<br> a'n paynys bras a'n jeva 
<br> ha'n despit heb y dylli 
<br> hag oll rag dha gerensa 
<br> yesus krist a's godhevi  
<br> lemmyn gorwith y gara  
<br> ha gwayt dinatur na vi 
|
A man's heart may break who would think all the time about the     
great tortures and the undeserved contempt which he had, and all for      
your sake jesus christ suffered them. now take great care to love him     
and make sure you are not vilely ungrateful.
|-
|140||
Pylat eth yn-mes ay hell
<br>yn vn lowarth an gevo
<br>ogas o nyn gesa pell
<br>hag a worras crist ganso
<br>ena worto rag kewsell
<br>queth esa a dro ȝoȝo
<br>prest an eȝewon debel
<br>ȝe Ihesus esens a dro
|
pilat eth yn-mes a'y hel 
<br> yn unn lowarth a'n jevo 
<br> ogas o nyns esa pell 
<br> hag a worras krist ganso 
<br> ena orto rag kewsel  
<br> kweth esa a-dro dhodho  
<br> prest an edhewon debel  
<br> dhe yesus esens a-dro
|
Pilate went out of his hall into a garden which he had. It was    
near. it was not far, and he took christ with him to talk to him there.  
there was a garment about him. the wicked jews were always around jesus.
|- 
|141||
Ena pylat a gewsys
<br>yn delma ȝen eȝewon
<br>me ny won bonas kyfys
<br>yn denma byth acheson
<br>may rys y vonas leȝys
<br>gothveȝough keteponon
<br>del yw an denma dyȝgtis
<br>myrough in agis colon
|
ena pilat a gewsis  
<br> yndellma dhe'n edhewon   
<br> my ny wonn bones kevys 
<br> y'n den ma bydh acheson 
<br> may res y vones ledhys 
<br> godhvedhewgh kettep onan   
<br> dell yw an den ma dyghtys
<br> mirewgh yn agas kolonn 
|
Then Pilate spoke thus to the Jews: ``I do not know that any reason    
is found in this man for which he has to be killed. mind, everyone, how   
this man is treated. look into your hearts.''
|-
|142||
Pan yn caffsons yn treȝe
<br>ol warbarth y a ylwys
<br>te pylat laȝe laȝe
<br>mernans an grows desympys
<br>pylat a gewsys arte
<br>dreȝough why beȝens leȝys
<br>rag ynno me ny gaffe
<br>scyle vas may fo dampnys
|
pan y'n kavsons yntredha  
<br> oll war-barth i a elwis 
<br> ty pilat ladh e ladh e
<br> mernans an grows desempis  
<br> pilat a gewsis arta  
<br> dredhowgh hwi bedhes ledhys  
<br> rag ynno my ny gava' 
<br> skila 'vas may fo dempnys
|
When they got him among them, they shouted altogether, ``You,        
pilate, kill him, kill him; the death of the cross straight away.''      
pilate spoke again: ``let him be slain by you, for i do not find in him  
any good reason why he should be condemned.'' 
|-
|143||
An debel dus a gewsys
<br>ȝynny sur yma laha
<br>may rys y vonas leȝys
<br>rag mab du ef a omwra
<br>own a gachyas an Iustis
<br>pan glewas cows yn della
<br>rag henna a ȝesympys
<br>y trylyas thy asethva
|
an debel dus a gewsis 
<br> dhyn ni sur yma lagha 
<br> may res y vones ledhys 
<br> rag mab dyw ev a omwra
<br> own a gachyas an justis 
<br> pan glywas kows yndella  
<br> rakhenna a-dhesempis    
<br> y trelyas dh'y esedhva 
|
The evil people spoke: ``We definitely have a law by which he must     
be slain because he professes to be the son of god.'' fear sei3ed the    
magistrate when he heard talk of this kind so he returned immediately to     
his seat.
|-
|144||
Orth crist ef a wovynnys
<br>te ȝen able ota gy
<br>ȝy gows crist ny worȝebys
<br>ynmeth pylat yredy
<br>gorȝeby te ny vynsys
<br>a ny woȝas ow mestry
<br>bos ȝymmo may fes leȝys
<br>bo delyffris ȝe wary
|
orth krist ev a wovynnis 
<br> ty dhen a ble o'ta jy
<br> dh'y gows krist ny worthybis 
<br> yn-medh pilat yredi   
<br> gorthybi ty ny vynnsys  
<br> a ny wodhes ow maystri 
<br> bos dhymmo may fes ledhys 
<br> bo delivrys dhe wari 
|
He asked Christ, ``You, man, where are you from?'' Christ did not      
answer his question. without pausing pilate said, ``you would not        
answer. don't you know my power which i have whereby you may be slain or   
set free?''
|-
|145||
In meth Ihesus yn vrna
<br>mestry vyth te ny vea
<br>waraff ve drok vyth na da
<br>ken onan ȝys nan rolla
<br>byth moy ys eȝow yn ta
<br>a beghas orth ov ȝrayta
<br>pylat pan glewas henna
<br>a whelas y ȝelyffra
|
yn-medh yesus y'n eur na 
<br> maystri vydh ty ny 'fia 
<br> warnav vy drog vydh na da
<br> ken onan dhis na'n rolla 
<br> bydh moy es edhow yn ta
<br> a beghas orth ow thrayta 
<br> pilat pan glywas henna  
<br> a hwilas y dhelivra
|
Jesus said then, ``You would have no power at all over me, for evil    
of any kind or good, if another did not give it to you, any more than a 
jew who sinned by betraying me.'' when pilate heard that, he tried to     
set him free.
|-
|146||
Han eȝewon oll a dro
<br>ȝe belat a leuery
<br>kerense sesar ytho
<br>ny ȝe lemman belyny
<br>in ny wreth dyffry doȝo
<br>a berverth yn crows cregy
<br>rag mygtern a omwrello
<br>ȝe sesar yw contrary
|
ha'n edhewon oll a-dro  
<br> dhe pilat a leveri  
<br> kerensa sesar ytho   
<br> ny dheu lemmyn bileni  
<br> mar ny wredh devri dhodho 
<br> a-bervedh yn krows kregi  
<br> rag myghtern a omwrello  
<br> dhe sesar yw kontrari
|
And the Jews all around were saying to Pilate, ``In that case you     
will not have caesar's friendship but shame if you do not have him     
crucified, for anyone who makes himself a king is in opposition to      
caesar.''
|-
|147||
Ena pylat pan glewas
<br>an lauarow na ganse
<br>Ihesus ef a ȝysweȝas
<br>pur evn yn cres yn treȝe
<br>a watta ef a gowsas
<br>agis mygtern ple meve
<br>ol war barth I an naghas
<br>hag a yrghys y laȝe
|
ena pilat pan glywas  
<br> an lavarow na gansa  
<br> yesus ev a dhiskwedhas  
<br> pur ewn y'n kres yntredha 
<br> awotta ev a gowsas  
<br> agas myghtern ple'mava   
<br> oll war-barth i a'n naghas 
<br> hag a erghis y ladha 
|
Then when Pilate heard those words from them, he pointed to Jesus      
right in the very middle of them. ``look where your king is!'' he said.    
all together they denied him and ordered him to be slain.
|-
|148||
In meth pylat why a vyn
<br>drys pub tra me ȝy laȝe
<br>agis mygtern meth yw ȝyn
<br>na veȝens clewys neffre
<br>yn meȝens y nyn  gorȝyn
<br>na ny goth thyn y worȝye
<br>na ken mygtern ny venyn
<br>ys Cesar caffos neffre
|
yn-medh pilat hwi a vynn 
<br> dres puptra my dh'y ladha 
<br> agas myghtern meth yw dhyn 
<br> na vedhes klywys nevra  
<br> yn-medhons i ny'n gordhyn  
<br> na ny goedh dhyn y wordhya
<br> na ken myghtern ny vynnyn 
<br> es sesar kavoes nevra  
|
Pilate said, ``You especially want me to slay him - your king! It is    
a disgrace to us. never let it be heard!'' they said, ``we do not honour   
him, nor should we honour him, nor do we ever want any other king but   
caesar.''
|-
|149||
Y thewleff pylat a wolhas
<br>hag a leuerys ȝeȝe
<br>glan off a wos an dremas
<br>rag ay woys venions a ȝe
<br>ol warbarth y a armas
<br>mar te ve(n)ions ha cothe
<br>war agan flehys yn fras
<br>ha warnan beȝans neffre 
|
y dhiwla pilat 'wolghas  
<br> hag a leveris dhedha  
<br> glan ov a woes an dremas
<br> rag a'y woes venjans a dheu
<br> oll war-barth i a armas 
<br> mar teu venjans ha koedha 
<br> war agan fleghes yn fras 
<br> ha warnan bedhes nevra  
|
Pilate washed his hands and said to them, ``I am innocent of the     
blood of the holy man, for from his blood vengeance will come.'' all     
together they shouted, ``if vengeance comes and falls heavily upon our       
children and upon us, let it be for ever!''
|-
|150||
Camen pylat pan welas
<br>na ylly crist delyffre
<br>manan geffo ef sor bras
<br>ȝe worth ol an goweȝe
<br>rag henna ef a Iuggyas
<br>Ihesus ȝeȝe ȝy laȝe
<br>the ves y a thelyffras
<br>barabas quyth may ȝelle
|
kammenn pilat pan welas  
<br> na ylli krist delivra  
<br> ma na'n jevo ev sorr bras
<br> dhiworth oll an gowetha  
<br> rakhenna ev a jujyas  
<br> yesus dhedha dh'y ladha  
<br> dhe-ves i a dhelivras  
<br> barabas kwit mayth ella
|
When Pilate saw that there was no way he could release Christ      
without incurring great wrath from all the company, for that reason he      
awarded jesus to them to slay him. they released barabbas to go away     
free.
|-
|151||
Pan o Ihesus cryst dampnys
<br>aberth yn crows may farwe
<br>haccra mernans byth ordnys
<br>ȝe creatur ny vye
<br>en grows whath nyn io parys
<br>nan eȝewon ny woȝye
<br>an prennyer py fens kefis
<br>ȝe wuȝyll crous a neȝe
|
pan o yesus dempnys  
<br> a-berth yn krows may farwa 
<br> hakkra mernans bydh ord'nys  
<br> dhe greatur ny via  
<br> an grows hwath nyns o parys
<br> na'n edhewon ny wodhya  
<br> an prennyer py fens kevys 
<br> dhe wuthyl krows anedha 
|
When Jesus Christ was condemned to die by crucifixion, a more       
hideous death had never been ordained for any living being. the cross      
was not yet ready, and the jews did not know where timbers might be    
found from which to make a cross.
|-
|152||
Vn ethow a brederys
<br>hag a leuerys theȝe
<br>bonas pren yn dour tewlys
<br>a vs yn houl na vye
<br>rag an grous y ȝo ordnys
<br>han huthewon ny woȝye
<br>hag an avell deveȝys
<br>dreȝy adam may peghse
|
unn edhow a brederis  
<br> hag a leveris dhedha  
<br> bones prenn yn dowr tewlys 
<br> a'y oes y'n howl na via
<br> rag an grows yth o ord'nys
<br> ha'n edhewon ny wodhya  
<br> hag a'n aval devedhys  
<br> dredhi adam may peghsa 
|
One Jew considered and told them there was a tree thrown into the     
water which had never been in the sun. it was ordained for the cross    
(and the jews did not know) and derived from the apple through which     
adam had sinned.
|-
|153||
An prynner a ve kerhys
<br>en grows scon dyȝgtis may fe
<br>hag ynny bonas gorys
<br>ragon ny cryst a vynne
<br>ha war an pren frut degis
<br>may fe sur ȝagan sawye
<br>may teth frut may fen kellys
<br>rag adam ȝe attamye
|
an prennyer a veu kyrghys 
<br> an grows skon dyghtys may fe
<br> hag ynni bones gorrys  
<br> ragon ni krist a vynna 
<br> ha war an prenn frut degys
<br> may feu sur dh'agan sawya 
<br> may teuth frut may fen kellys
<br> rag adam dh'y attamya  
|
The timbers were fetched for the cross to be quickly prepared and on     
it christ, who was willing, to be placed for us, and on the tree a fruit  
borne with which it was sure to save us (and) from which came the fruit   
through which we were lost because adam took the first bite of it.
|-
|154||
Whath kentrow ȝeȝe nyngo
<br>Ihesus yn crows rag synsy
<br>y hwalsons ol adro
<br>mar caffons goff yredy
<br>onan a welsons eno
<br>hag y ȝeȝons ȝy besy
<br>hag y lauarsons thoȝo
<br>te gura iij kenter ȝynny
|
hwath kentrow dhedha nyns o 
<br> yesus yn krows rag synsi 
<br> y hawlsons oll a-dro  
<br> mar kaffens gov yredi  
<br> onan y hwelsons eno  
<br> hag yth ethons dh'y bysi 
<br> hag y lavarsons dhodho  
<br> ty gwra teyr henter dhyn ni
|
Still they had no nails to hold Jesus crucified. They called all      
around to see if they could indeed find a smith. they saw one there and   
went and asked him  and said to him, ``you make us three nails.''
|-
|155||
In meth an goyff me ny wraff
<br>pur wyr kentrow ȝewy vyth
<br>yn methons mar omwreyth claff
<br>gorȝewyth te an prenvyth
<br>awos guthyll wheyll mar scaff
<br>yn ethom ȝyn mar fyllyth
<br>y worȝebys ny vannaff
<br>aga guȝyll war ow fyth
|
yn-medh an gov my ny wrav
<br> pur wir kentrow dhy'hwi vydh 
<br> yn-medhons mar omwreth klav  
<br> gordhiwedh ty a'n prenvydh  
<br> awos guthyl hwel mar skav 
<br> yn edhomm dhyn mar fyllydh 
<br> y hworthybis ny vynnav  
<br> aga guthyl war ow fydh 
|
The smith said, ``Very truly I will not make any nails for you.''     
they said, ``if you make out you are ill you will pay for it in the end 
if you fail us in our need over doing such a small job.'' he answered,   
``i will not make them, on my faith.''
|-
|156||
Gans mur a Iucters yn wlas
<br>ef ave veyll rebukis
<br>kavanskis ef a whelas
<br>rag own y vonas leȝys
<br>yn meth angoff clevas bras
<br>es omdewleff deveȝys
<br>towyll vyth ny allaff yn fas
<br>ynno sensy ȝe wonys
|
gans meur a justers y'n wlas
<br> ev a veu vil rebukys 
<br> kavanskeus ev a hwilas  
<br> rag own y vones ledhys 
<br> yn-medh an gov kleves bras 
<br> eus y'm diwla devedhys  
<br> toul vydh ny allav yn fas
<br> ynna synsi dhe wonis  
|
He was vilely rebuked by many justices in the land. He looked for a    
way out for fear of being killed. the smith said, ``leprosy has come to    
my hands. i cannot hold any tool in them properly to work.''
|-
|157||
Reys o ȝoȝo dysqueȝas
<br>ȝe pur treytours a ȝewle
<br>warneȝe gwelsons clevas
<br>bytegyns byth nyn gese
<br>yn meth y wrek mur a varth bras
<br>yv henna ȝym rum lewte
<br>heȝow pan eȝys yn mes
<br>cleves vyth nyth kemerse
|
res o dhodho diskwedhes  
<br> dhe'n pur draytours y dhiwla 
<br> warnedha gwelsons kleves   
<br> byttegyns bydh nyns esa  
<br> yn-medh y wreg meur varth bras
<br> yw henna dhymm re'm lowta 
<br> hedhyw pan ythys yn-mes  
<br> kleves vydh ny'th kemmersa 
|
He had to show his hands to the out-and-out traitors. They saw      
leprosy on them, yet there was none. his wife said, ``i am very     
surprised at that, by my troth. when you started out today no leprosy     
had taken hold of you.''
|-
|158||
In meth gurek an goff ȝeȝe
<br>kentrow ȝewy why ny fyll
<br>a wos bos claff y ȝewle
<br>toche vyth gonys ef na yll
<br>del won yn vn fystene
<br>me as gura ny strechyaff pell
<br>a ban na ges a wothfe
<br>ȝeugh paris as guerelle gwell
|
yn-medh gwreg an gov dhedha 
<br> kentrow dhy'hwi hwi ny fyll 
<br> awos bos klav y dhiwla 
<br> toch vydh gonis ev ny yll
<br> dell wonn yn unn fistena 
<br> my a's gwra ny strechyav pell
<br> a-ban nag eus a wodhvo 
<br> dhywgh parys a's gwrello gwell
|
The smith's wife said to them, ``You will not be short of nails.     
because his hands are diseased he cannot do any work. i will make them    
as best i can in a hurry since there is no one available with the skill  
to make them better for you. i will not be long.''
|-
|159||
En debell wrek casadow
<br>gans mur a doth eth yn chy
<br>war hast ȝe weȝyll kentrow
<br>may fens creff ha trewesy
<br>ij droys Ihesus caradow
<br>hay ij leyff y a delly
<br>rag an spykis o garow
<br>pan vons gwyskis ȝy synsy
|
an debel wreg gasadow  
<br> gans meur a doth eth y'n chi
<br> war hast dhe wuthyl kentrow 
<br> may fens krev ha truesi 
<br> dewdroes yesus karadow   
<br> ha'y dhiwleuv i a delli 
<br> rag an spikys o garow 
<br> pan vons gwyskys dh'y synsi
|
The hateful evil wife went very quickly into the house to make nails     
hastily to be strong and cruel. they would pierce the hands and feet of    
beloved jesus for the spikes were rough when they were hit to secure     
him.
|-
|160||
Pan o kentrow lemmys
<br>hy as duk ȝen eȝewon
<br>crows Ihesus navnio paris
<br>y eth ȝy laȝe yn scon
<br>bresell cref a ve sordijs
<br>en grows pu elle ȝy don
<br>dre vur stryff y fe Iuggijs
<br>ys degy crist y honon
|
pan o an kentrow lymmys 
<br> hi a's dug dhe'n edhewon 
<br> krows yesus nans o parys 
<br> i eth dh'y ladha yn skon
<br> bresel grev a veu sordys 
<br> a'n grows piw ella dh'y doen
<br> dre veur strif y feu jujys
<br> y's degi krist y honan 
|
When the nails were sharpened she brought them to the Jews. The      
cross of jesus was now ready. they went to slay him quickly. a mighty    
quarrel arose about who was going to carry the cross. through much      
contention it was decided that christ would carry it himself.
|-
|161||
An queth tek a ve dyskis
<br>han purpur ryche a vsye
<br>hay bowys yhonon gurris
<br>a dro ȝoȝo hy a ve
<br>gans y vam y fye guris
<br>hag ef gensy ow tene
<br>kepar Ihesus del devys
<br>yn della an bows a wre
|
an kweth teg a veu di'skys
<br> ha'n purpur rych a usya 
<br> ha'y bows y honan gorrys 
<br> a-dro dhodho hi a veu 
<br> gans y vamm y fia gwrys
<br> hag ev gensi ow tenna 
<br> kepar yesus dell devis  
<br> yndella an bows a wre
|
The fair garment was taken off and the rich purple that he was     
wearing and his own robe was put on him. it had been made by his mother  
when he was still with her as a breast-fed baby. as jesus grew, so did   
the robe.
|-
|162||
Oll monas y a vynne
<br>bys yn mont a galvary
<br>a vest ȝen dre y ȝese
<br>meneth vghell yredy
<br>an grows I a rug gorre
<br>war scoth Ihesus ȝy don ȝy
<br>ȝe Ihesus crist may teffe
<br>ol an greff han belyny
|
oll mones i a vynna 
<br> bys y'n mont a galvari 
<br> a-ves dhe'n dre yth esa 
<br> menydh ughel yredi   
<br> an grows i a wrug gorra
<br> war skoedh yesus dh'y doen dhi
<br> dhe yesus krist may teffa 
<br> oll an grev ha'n bileni
|
They all set out to go to Mount Calvary. It was outside the town, a   
high hill indeed. they put the cross on jesus' shoulder to carry there,     
so that all the distress and shame would come to jesus christ.
|-
|163||
Dew lader drevs o dampnys
<br>a ve dyȝgtis gans Ihesu
<br>ganso ef may fens cregis
<br>onon ȝoȝo a bub tu
<br>Ihesus a ve hombronkis
<br>ha war y lyrgh mur a lu
<br>dre volder tebel Iustis
<br>rag y chasye kyn ȝo du
|
dew lader dreus o dempnys 
<br> a veu dyghtys gans yesu 
<br> ganso ev may fens kregys 
<br> onan dhodho a bub tu 
<br> yesus a veu hembrynkys  
<br> ha war y lergh meur a lu
<br> dre volder tebel justis  
<br> rag y jasya kynth o dyw
|
Two arrant thieves who had been condemned were made ready with Jesus      
to be hanged with him, one on each side of him. jesus was led and behind  
him a great mob to pursue him because of the presumption of an evil    
magistrate, though he was god.
|-
|164||
I vam whegol a welas
<br>del esons worth y ȝygtye
<br>pyteth mur askemeras
<br>y holon nam na grakye
<br>dre vn scochforth y ponyas
<br>cafos y mab mar calle
<br>I wortos hy a vynnas
<br>guelas Ihesus a gare
|
y vamm hwegoll a welas 
<br> dell esens orth y dhyghtya 
<br> pyteth meur a's kemmeras  
<br> hy holonn nammna grakkya  
<br> dre unn skochfordh y poenyas 
<br> kavoes hy mab mar kalla 
<br> y wortos hi a vynnas 
<br> gweles yesus a gara
|
His mother most dear saw how they were treating him. Great pity      
seized her and her heart was nearly breaking. she ran through an alley     
to see if she could find her son. she wanted to wait for him and see  
jesus whom she loved.
|-
|165||
Pan welas y mab dygtis
<br>gans an eȝewon mar veyll
<br>hay vos gans spern curunys
<br>ha peb ȝoȝo ow cull geyll
<br>hag yn y gorf bos gorris
<br>goleow pals leas myll
<br>heb cows ger y clamderis
<br>y tethas (cothas) war bol y hyll 
|
pan welas hy mab dyghtys 
<br> gans an edhewon mar vil 
<br> ha'y vos gans spern kurunys 
<br> ha pub dhodho ow kul gil
<br> hag yn y gorf bos gorrys
<br> goliow pals lies mil  
<br> heb kows ger y klamderis 
<br> y koedhas war boll hy hil
|
When she saw her son treated so dreadfully by the Jews, and being     
crowned with thorns and everybody tricking him, and multiple wounds,        
many thousand being driven into his body, she swooned without saying a      
word and fell backwards.
|-
|166||
Ena pan sevys yn ban
<br>hy a gewsys del ylly 
<br>nyn gew ow faynys beghan
<br>vs lemyn war ow sensy
<br>ow holon yn tre myll darn
<br>marth yw gene na squardhy
<br>pan welaff ow mab mar wan
<br>ow town kemys velyny
|
ena pan sevis yn bann 
<br> hi a gewsis dell ylli 
<br> nyns yw ow faynys byghan 
<br> eus lemmyn orth ow synsi 
<br> ow holonn yntra mil dharn 
<br> marth yw genev na skward hi
<br> pan welav ow mab mar wann
<br> ow toen kemmys vileni
|
Then, when she stood up, she spoke as she was able: ``My torments     
which are gripping me now are not little ones. i am ama3ed my heart does   
not tear into a thousand pieces when i see my son so weak enduring so   
much atrocity.''
|-
|167||
Gensy prest ij venyn len
<br>esa worth y homfortye
<br>marya magdalenen
<br>ha marya cleophe
<br>y a fystena yn fen
<br>arte ȝy dyerbyne
<br>rag kerensa nyn io ken
<br>y welas y a vynne
|
gensi prest diw venyn len 
<br> esa orth hy honfortya  
<br> maria magdalenen    
<br> ha maria kleofa   
<br> i a fistena yn fen 
<br> arta dh'y dhierbynna   
<br> rag kerensa nyns o ken 
<br> y weles i a vynna 
|
All the time there were two faithful women with her, Mary Magdalene,      
and mary (wife of) cleophas. they hastened eagerly to meet him again.      
for love they wanted to see him - nothing else.
|-
|168||
Benenas prest a holyas
<br>Ihesu crist yn vn garme
<br>Ihesus worto a veras
<br>hag a leueris ȝeȝe
<br>flehys mur ha benenas
<br>a ierusalem yn dre 
<br>a wor bos ov feynys bras
<br>ragoff na wheleugh ole
|
benynes prest a holyas  
<br> yesu krist yn unn arma 
<br> yesus orta a viras  
<br> hag a leveris dhedha  
<br> fleghes meur ha benynes  
<br> a yerusalem y'n dre  
<br> a woer bos ow faynys bras
<br> ragov na hwilewgh oela
|
Wailing women incessantly followed Jesus Christ. Jesus looked at         
them and said to them, ``ye many women and children of the city of    
jerusalem who know that my sufferings are great, seek not to weep for     
me.
|-
|169||
Olough rag agis fleghys
<br>ha ragough agis honon
<br>en deȝyow a vyth guelys
<br>hag a ȝe sur yntreȝon
<br>may fyth torrow benegis
<br>bythqueth na allas eȝon
<br>ha benenas kekyffrys
<br>na ve ȝeȝe denys bron
|
oelewgh rag agas fleghes  
<br> ha ragowgh agas honan  
<br> an dydhyow a vydh gwelys 
<br> hag a dheu sur yntredhon 
<br> may fydh torrow bennigys  
<br> bythkweyth na allas omdhon  
<br> ha'n benynes kekeffrys   
<br> na ve dhedha denys bronn
|
``Weep for your children and for yourselves. The days will be seen      
and will surely come upon us when wombs that could never conceive will     
be blessed and women also whose breast has not been sucked.
|-
|170||
In erna ȝen menyȝyow
<br>why a ergh warnough coȝe
<br>yn ketella an nanssow
<br>wy a bys ragas cuthe
<br>del lavare war anow
<br>war an pren glays mar a te
<br>yn pren seygh ha casadow
<br>sur yn erna fatel ve
|
y'n eur na dhe'n menydhyow 
<br> hwi a ergh warnowgh koedha 
<br> yn kettella an nansow  
<br> hwi a bys rag 'gas kudha
<br> dell lavarav war anow  
<br> war an prenn glas mara teu
<br> y'n prenn sygh ha kasadow 
<br> sur y'n eur na fatell veu
|
``At that time you will command the mountains to fall upon you,      
likewise you will beg the valleys to cover you. as i say openly, if it   
comes upon the green wood, how indeed will it be then upon the dry and   
blighted wood?''
|-
|171||
I vam whek marya wyn
<br>pub vr fystene a wre
<br>may halle doys war y byn
<br>y mab kemmys a gare	
<br>Rag  gwander war ben dowlyn
<br>hy an guelas ow coȝe 
<br>han wlos askemeras mar dyn
<br>may clamderas hy arte
|
y vamm hweg maria wynn 
<br> pub eur fistena a wre 
<br> may halla dos er y bynn
<br> hy mab kemmys a gara 
<br> rag gwannder war benn dewlin 
<br> hi a'n gwelas ow koedha 
<br> ha'n loes a's kemmer's mar dynn
<br> may klamderas hi arta 
|
His sweet mother, Blessed Mary, was hurrying all the time so that      
she could meet him, her son whom she loved so much. she saw him falling   
on his knees through weakness. anguish sei3ed her so sharply that she      
swooned again.
|-
|172||
Ena hy a ve seuys
<br>yn ban ynter benenas
<br>arluth hy a leueris
<br>ow holon y ma genas
<br>kepar ha te hy ȝew guris
<br>yn anken worth ȝe welas
<br>bytqueth den ny woȝevys
<br>payn ella ȝy golon nes
|
ena hi a veu sevys 
<br> yn-bann ynter benynes   
<br> arloedh hi a leveris  
<br> ow holonn yma genes  
<br> kepar ha ty hedhyw gwrys 
<br> yn anken orth dha weles 
<br> bythkweyth den ny wodhevis  
<br> payn ella dh'y golonn nes
|
Then she was raised up between some women. ``Lord,'' she said, ``my      
heart is with you, grief-stricken today like you at the sight of you.''     
never did man suffer pain that went closer to his heart.
|-
|173||
En golyas ha fowt dybbry
<br>a woȝevys Ihesus ker
<br>han strokosow trewesy
<br>war y gorff dris pub maner
<br>goys ay ben ay ysely
<br>a ȝroppye war y ȝew ver
<br>rag doȝo ef na ylly
<br>doun an grows rag gwander
|
an goelyas ha fowt dybri 
<br> a wodhevis yesus ker  
<br> ha'n strokosow truesi   
<br> war y gorf dres pub maner
<br> goes a'y benn ha'y eseli 
<br> a dhroppya war y dhiwver 
<br> rag dhodho ev na ylli 
<br> doen an grows rag y wannder
|
Dear Jesus suffered the lack of sleep and food and the exceedingly      
grievous blows upon his body. blood was falling from his head and limbs     
over his legs so that he could not carry the cross any further because    
of his weakness.
|-
|174||
Vn den asdyerbynnas
<br>Symmon o ay own hanow
<br>y leuerys ȝoȝo guas
<br>ty a ȝek an grows heb wow
<br>y don symon a sconyas
<br>ef an geve strocosow
<br>na moy sconye ny vynnas
<br>rag own cafos y ancow
|
unn den a's dierbynnas  
<br> simon o a'y ewn hanow 
<br> y leveris dhodho gwas  
<br> ty a dheg an grows heb wow
<br> a'y doen simon a skonyas 
<br> ev a'n jeva strokosow  
<br> na moy skonya ny vynnas 
<br> rag own kavoes y ankow 
|
A certain man met them. He was Simon by his proper name. They said    
to him, ``young man, you will carry the cross won't you?'' simon refused     
to carry it. he received blows. he would not refuse any more for fear of   
being killed.
|-
|175||
Ef a thuk an grous ganse
<br>pur wyr henno ay anvoth
<br>ny wrens y na hen scyle
<br>lymyn sywye aga both
<br>pub er te ȝen gura lewte
<br>beva den yonk bo den coth
<br>orȝaff mar mynnyth cole
<br>neffre gans an fals na soth
|
ev a dhug an grows gansa
<br> pur wir henn o a'y anvodh
<br> ny wrens i nahen skila 
<br> lemmyn sywya aga bodh  
<br> pub eur ty dhen gwra lowta
<br> bova den yo'nk bo den koth
<br> orthiv may mynnydh koela  
<br> nevra gans an fals na soedh
|
He carried the cross along with them. Most certainly this was       
against his will. they gave no other reason than the following of their     
will. be faithful at all times, man. if you will trust me, never serve    
the false one, whether he is an old man or young.
|-
|176||
I eth yn vn fystene
<br>ȝen tyller ganso o ordnys
<br>pan doȝyans ȝy yntreȝe
<br>pows Ihesus a ve dyskis
<br>y dysky mur an grevye
<br>worto fast navngo glenys
<br>whath bytqueth claff ny vee
<br>vylle ys dello dyskis
|
i eth yn unn fistena 
<br> dhe'n tyller kyns o ord'nys 
<br> pan dhodhyens dhi yntredha  
<br> pows yesus a veu di'skys 
<br> hy dis'ki meur a'n grevya 
<br> orto fast nans o glenys 
<br> hwath bythkweyth klav ny via 
<br> villa es dell o di'skys
|
They hastened to the place which had been previously arranged. When       
they arrived there, between them jesus' garment was taken off.  its      
removal caused him great pain. it was now stuck fast to him. not even a   
leper had ever been stripped more brutally than he.
|-
|177||
Vn venyn da a welas
<br>dello Ihesus dystrippijs
<br>pytet mur askemeras
<br>rag y vos mar veyll dygtis
<br>vn queth tek hy a drylyas
<br>adro ȝoȝo desympys
<br>ha warnans hy an quuthas
<br>rag gwyȝe na ve storuys
|
unn venyn dha a welas 
<br> dell o yesus destryppys  
<br> pyteth meur a's kemmeras  
<br> rag y vos mar vil dyghtys
<br> unn kweth teg hi a drelyas
<br> a-dro dhodho desempis   
<br> ha warnans hi a'n kwethas 
<br> rag gwitha na ve stervys
|
A certain good woman saw how Jesus was stripped. She took great pity     
because he was treated so cruelly. she wound a beautiful cloth round him     
straight away and wrapped up his lower part to shield him from being     
killed by the cold.
|-
|178||
Heys crist y a gemeras
<br>an neyll lef bys yn y ben
<br>worth an les y a dollas
<br>ij doll yn (an) grows heb ken
<br>may ȝello an kentrow bras
<br>dre y ȝewleff bys yn pen
<br>rag y dreys y a vynnas
<br>telly ȝy worre yntten
|
hys krist i a gemmeras 
<br> a'n eyl leuv bys yn hy benn
<br> orth an les i a dollas
<br> dew doll yn an grows hepken
<br> mayth ella an kentrow bras 
<br> dre y dhiwla bys y'n penn
<br> rag y dreys i a vynnas
<br> telli dh'y worra yn tenn
|
They took the measure of Christ from one hand to the other.      
according to the width they drilled just two holes in the cross so that    
the great nails would go through his hands right up to the head. they    
would drill a hole for his feet to stretch him out.
|-
|179||
Ganse crist a ve  tewlys
<br>war an grows ȝe wroweȝe
<br>hay yll leff a ve tackis 
<br>ord en grows fast may ȝese
<br>hay yll troys a ve gorris 
<br>poran war ben e gele
<br>worth an grows yfons laȝijs
<br>gans kenter guyskis dreȝe
|
gansa krist a veu tewlys 
<br> war an grows dhe wrowedha 
<br> ha'y eyl leuv a veu tekkys
<br> orth an grows fast mayth esa
<br> ha'y eyl troes a veu gorrys
<br> poran war benn y gila 
<br> orth an grows y fons letthys
<br> gans kenter gwyskys dredha
|
Christ was thrown by them to lie on the cross and his one hand was   
nailed to the cross securely where it was, and his one foot was placed    
exactly on top of the other. they were fastened to the cross by a nail   
driven through them.
|-
|180||
Then levff arall pan doȝyans
<br>worth an grovs rag y faste
<br>y fylly moy es tresheys
<br>ȝen tol guris hy na heȝe
<br>en eȝewon betegyns
<br>gul tol arall ny vynne
<br>lemyn an tol re wrussens
<br>y a vyn(n)e ȝe seruye
|
dhe'n leuv arall pan dhodhyens 
<br> orth an grows rag y fasta
<br> y fylli moy es troes-hys 
<br> dhe'n toll gwrys hi na hedha
<br> an edhewon byttegyns   
<br> gul toll arall ny vynna 
<br> lemmyn an toll re wrussens 
<br> i a vynna dhe servya 
|
When they came to the other hand to fasten it to the cross, there    
was more than a foot short so that it would not reach the hole which had  
been made. however, the jews would not make another hole but they      
intended the hole which they had made to serve.
|-
|181||
Ganse worth levff crist loven
<br>fast yn scon a ve kelmys
<br>hag yn tre an eȝewon
<br>an grovs fast a ve sensys
<br>gans re a gymmys colon
<br>en loven a ve tennys
<br>y iunctis keteponon
<br>oll warbarth may ȝens squardis
|
gansa orth leuv krist lovan 
<br> fast yn-skon a veu kelmys 
<br> hag yntra an edhewon  
<br> an grows fast a veu synsys
<br> gans re a gemmys kolonn 
<br> an lovan a veu tennys 
<br> y juntys kettep onan  
<br> oll war-barth mayth ens skwerdys
|
A rope was soon tied firmly by them to Christ's hand, and between     
the jews the cross was  tightly held. the rope was pulled with so much   
zeal by some that his joints were altogether torn, every one of them.
|-
|182||
Pan deth levff crist war en toll
<br>dre an nerth may tensons hy
<br>vn ethow avell pyth foll
<br>a wyskis kenter ynhy
<br>lemmyn me agis pys oll
<br>a baynis crist predery
<br>ha na vo gesys ȝe goll
<br>an lahys a rug ȝynny
|
pan dheuth leuv krist war an toll
<br> dre an nerth may tennsons i
<br> unn edhow avel pyth fol 
<br> a wyskis kenter ynni  
<br> lemmyn my a'gas pys oll 
<br> a baynys krist prederi  
<br> ha na vo gesys dhe goll
<br> an laghys a wrug dhyn ni
|
When Christ's hand came over the hole by the force with which they     
pulled, one jew drove a nail into it like a mad thing. now i beg you all 
to think of christ's tortures, and that the laws which he made for us    
should not be lost.
|-
|183||
Scrifys yw yn suredy
<br>ha ken me nyn lauarsen
<br>corff Ihesus hay asely
<br>y ȝe denna mar velen
<br>neb a vynna a ylly
<br>neuera oll y yscren
<br>hay skennys kyc ha gwyȝy
<br>pan esa yn (an) crows pren
|
skrifys yw yn surredi  
<br> ha ken my ny'n lavarsen 
<br> korf yesus ha'y eseli  
<br> i dhe denna mar vilen 
<br> neb a vynna a ylli 
<br> nivera oll y eskern  
<br> ha'y skennys kig ha'y wythi 
<br> pan esa yn an krowsprenn 
|
It is written quite definitely, and I would not say otherwise, that      
they pulled the body and limbs of jesus so savagely that anyone who     
wanted could count all his bones and his sinews, flesh and veins, when     
he was on the cross.
|-
|184||
Han grous a ve drehevys
<br>ha Ihesus fasteys ynny
<br>han pen golas delyffrys
<br>yn tol o tellys rygthy
<br>ena hy a ve gefys
<br>ȝe goȝa mar ankynsy
<br>ȝe crist may fe crehellys
<br>oll y gorf hay esely
|
ha'n grows a veu drehevys 
<br> ha yesus festys ynni  
<br> ha'n penn-goeles delivrys   
<br> yn toll o tellys rygdhi 
<br> ena hi a veu gesys 
<br> dhe goedha mar ankensi  
<br> dhe krist may feu kryghyllys 
<br> oll y gorf ha'y eseli
|
And the cross was raised with Jesus fastened on it and the bottom     
placed in a hole which had been drilled for it. there it was dropped so   
brutally that all christ's body and limbs were jolted.
|-
|185||
Ha crist yn delma peynys
<br>a berth yn crows pan ese
<br>yn (va)nerma y pesys
<br>rag an keth re ren crowse
<br>ow ȝas whek beȝens gevys
<br>ȝen rema aga nyscyte
<br>rag me ny won py gymmys
<br>y mons y sur ow peghe
|
ha krist yndella paynys  
<br> a-berth yn krows pan esa 
<br> y'n vaner ma y pysis 
<br> rag an keth re re'n krowssa
<br> ow thas hweg bedhes gevys 
<br> dhe'n re na 'ga nisyta 
<br> rag my ny wonn pygemmys 
<br> ymons i sur ow pegha
|
While Christ was thus in pain suffering crucifixion he prayed in       
this manner for those who had crucified him. ``my gentle father, may      
these be forgiven for their ignorance for even i do not know how greatly    
indeed they are sinning.''
|-
|186||
An ethewon a grogas
<br>lader ȝe gryst an barth cleth
<br>hag a ȝyghow lader bras
<br>cregy a russons yn weth
<br>ha crist yn cres leun a ras
<br>levn y golon a voreth
<br>gans laddron y teweȝas
<br>del yw scrifys ay ȝeweth
|
an edhewon a grogas  
<br> lader dhe krist a'n barth kledh
<br> hag a dheghow lader bras 
<br> kregi a wrussons ynwedh  
<br> ha krist y'n kres leun a ras
<br> leun y golonn a voreth 
<br> gans ladron y tiwedhas  
<br> dell yw skrifys a'y dhiwedh
|
The Jews hanged a thief on Christ's left hand and on his right they    
hanged a great thief also, and christ in the middle, full of grace, his    
heart full of sorrow. ``he ended with thieves,'' as it is written about     
his end.
|-
|187||
Pylat a vynnas scrife
<br>a vewnans (leg. vernans) crist acheson
<br>praga dampnys rebee
<br>hag an scrifas y honon
<br>pan eth pylat ȝy redye
<br>scyle nyn io na gonon
<br>prest y keffy pan vyre
<br>henma yw mygtern eȝewon
|
pilat a vynnas skrifa  
<br> a vernans krist acheson  
<br> praga dempnys re bia  
<br> hag a'n skrifas y honan 
<br> pan eth pilat dh'y redya 
<br> skila nyns o nagonan  
<br> prest y kevi pan vira 
<br> hemm yw myghtern edhewon
|
Pilate wanted to write a reason for Christ's death, why he had been     
condemned, and he wrote it himself. when pilate came to read it, it was    
not a reason at all. whenever he looked he always found, ``this is the    
king of the jews.''
|-
|188||
En ethewon a gowsys
<br>henna yw ȝyn bylyny
<br>beȝens ȝe ves defendis
<br>y vonas mygtern ȝynny
<br>ha beȝens ena gorris
<br>y fense bos dre vestry
<br>han pyth a screfys screfys
<br>yn meth pylat ȝeȝe y
|
an edhewon a gewsis  
<br> henna yw dhyn bileni  
<br> bedhes dhe-ves defendys   
<br> y vones myghtern dhyn ni 
<br> ha bedhes ena gorrys  
<br> y fynnas vos dre vaystri 
<br> an pyth a skrifis skrifis 
<br> yn-medh pilat dhedha i
|
The Jews said, ``This is an outrage upon us. Let it be struck out    
that he is our king and let it be put there that he had wanted to be by
domination.'' ``what i have written, i have written,'' said pilate to       
them.
|-
|189||
En lybell a ve tackis
<br>worth en grous fast may ȝese
<br>hag a vgh pen crist gorrys
<br>may hylly peb y redye
<br>rag bos Ihesus crist crowsys
<br>ogas ȝe forth an cyte
<br>gans leas yfe redijs
<br>y vonas mygtern ȝethe
|
an libel a veu tekkys 
<br> orth an grows fast mayth esa
<br> hag a-ugh penn krist gorrys 
<br> may hylli pub y redya 
<br> rag bos yesus krist krowsys 
<br> ogas dhe fordh an sita 
<br> gans lies y feu redys 
<br> y vones myghtern dhedha
|
The charge was securely nailed to the cross  where he was, and     
placed above christ's head so that all could read it. because christ was     
crucified near the road to the city it was read by many that he was   
their king.
|-
|190||
Dyllas crist a ve rynnys
<br>pedar ran guris a neȝe
<br>gans peswar marreg a brys
<br>ȝe bub marreg ran nayse
<br>y bous ef o mar dek guris
<br>y ny vynsans y ranne
<br>war nethy pren be tewlys
<br>oll an bows pyv an gyffe
|
dillas krist a veu rennys 
<br> peder rann gwrys anedha  
<br> gans peswar marghek a bris 
<br> dhe bub marghek rann 'nedha 
<br> y bows ev o mar deg gwrys
<br> i ny vynnsons hy ranna 
<br> warnedhi prenn 'veu tewlys  
<br> oll an bows piw a'n jeffa
|
Christ's garments were divided, four parts being made of them by       
four soldiers of repute, a share for each soldier. his robe was so     
beautifully made that they were unwilling to divide it. lots were cast      
upon it to see who should get the whole robe.
|-
|191||
An barth cleyth neb o cregis
<br>dyveth o ha lader pur
<br>yn ges ef a leuerys
<br>te crist mar sota mar fur
<br>war an bys del omwressys
<br>lemmyn dyswa ha gura cur
<br>ha saw te ha me kyffris
<br>agan bewnans may fen sur
|
a'n barth kledh neb o kreghys
<br> diveth o ha lader pur 
<br> yn ges ev a leveris 
<br> ty krist mars o'ta mar fur
<br> war an bys dell omwrussys 
<br> lemmyn diskwa ha gwra kur 
<br> ha saw ty ha my keffrys
<br> a'gan bywnans may fyn sur
|
The one who was hanged on his left was without shame, an out-and-out     
thief. in mockery he said, ``you, christ, if you are as clever in the    
world as you pretended, show it now and perform a remedy, and save     
yourself and me as well so that we may be sure of our lives.''
|-
|192||
In meth an lader arall
<br>drok ȝen os kepar del ves
<br>ny ȝowtyth du te yw dall
<br>rag genen cregis neb es
<br>den glan yw a begh heb fall 
<br>ynno eff dyfout nyn ges
<br>agan cregy ny yv mall
<br>rag ny rebe laddron dres
|
yn-medh an lader arall  
<br> drog dhen os kepar dell veus
<br> ny dhoutydh dyw ty yw dall
<br> rag genen kregys neb eus 
<br> den glan yw a begh heb fall
<br> ynno ev defowt nyns eus 
<br> agan kregi ni yw mall 
<br> rag ni re beu ladron dreus
|
The other thief said, ``You are an evil man, just as you were. You    
do not fear god. you are blind, for he who has been hanged with us is a 
man who is, without doubt, free of sin. in him there is no blemish. it   
is fitting that we should be hanged for we have been wicked robbers.''
|-
|193||
An lader an barth dyghow
<br>a besys in ketelma
<br>arluth pan dyffy ȝet pow
<br>predery a hanaff gura
<br>crist pur wek an caradow
<br>an gorȝebys yn vrna
<br>te a vyth yn keth golow
<br>yn paradis genama
|
an lader a'n barth deghow 
<br> a bysis yn kettellma  
<br> arloedh pan dhyffi dhe'th pow 
<br> prederi ahanav gwra   
<br> krist pur hweg an karadow 
<br> a'n gorthybis y'n eur na 
<br> ty a vydh y'n keth golow
<br> yn paradhis genama
|
The thief on the right prayed like this: ``Lord, when you come into     
your land, think of me!'' then christ, the beloved, answered him very      
kindly, ``you will be with me this very day in paradise.'' 
|-
|194||
An eȝewon a gewsy
<br>a Ihesus rag y scornye
<br>kyns yn ta ef a ylly
<br>tus a bup drok ol sawye
<br>lemmyn gans ol y vestry
<br>ragon ny wor omweȝe
<br>na gans oll y tretury
<br>ny yll agan dyssaytye
|
an edhewon a gewsi  
<br> a yesus rag y skornya 
<br> kyns yn ta ev a ylli
<br> tus a bub drog oll sawya
<br> lemmyn gans oll y vaystri 
<br> ragon ny woer omwitha  
<br> na gans oll y drayturi 
<br> ny yll agan dessaytya 
|
The Jews talked about Jesus to mock him: ``Before, he was able to     
save people from every evil. now with all his power he cannot protect     
himself from us, nor with all his treachery can he deceive us.''
|-
|195||
War aga dewlyn y ȝe
<br>pe rag Ihesus re erell
<br>aga fen y a sackye
<br>hag a gewsy pur debell
<br>worth Ihesus rag y angre
<br>a wotta omma neb yll
<br>tempell du dowstoll squardye
<br>ha ȝe voth y ȝrehevell
|
war aga dewlin yth e 
<br> dherag yesus re erell  
<br> aga fenn i a shakya 
<br> hag a gewsi pur debel 
<br> orth yesus rag y angra 
<br> awotta omma neb 'yll  
<br> tempel dyw doust oll skwardya 
<br> ha dh'y vodh y dhrehevel
|
Others went on their knees before Jesus. They shook their heads and      
spoke very cruelly to jesus to harass him: ``behold, here is the one who    
can utterly pulverise god's temple and build it up at will.''
|-
|196||
Hag y ee ȝe ben dewlyn
<br>ha hager mowys a wre
<br>gweȝe goȝyans aga meyn
<br>orth Ihesus a omgame
<br>hag ef moygha yn y beyn
<br>yn y fas y a drewe
<br>heno ȝoȝo calys feyn
<br>agan pegh ny ow prenne
|
hag i e dhe benn dewlin
<br> ha hager mowys a wre 
<br> gwettha godhyens a'ga min  
<br> orth yesus a omgamma  
<br> hag ev moyha yn y bayn
<br> yn y fas i a drewa
<br> henn o dhodho kales fin 
<br> agan pegh ni ow prena 
|
And they went on their knees and made ugly grimaces. As badly as     
they could they contorted their faces at jesus. whilst his pain was at     
its height they spat in his face. this was a harsh end for him as he  
redeemed our sin.
|-
|197||
Re ȝe gryst a leuery
<br>a berth yn crows pan ese
<br>mar soge crist mab dauy
<br>des an grows heb pystege
<br>ha ny a grys ȝe vestry
<br>hag ad syns mester neffre
<br>me yw mab du yredy
<br>crist a leueris thethe
|
re dhe krist a leveri 
<br> a-berth yn krows pan esa 
<br> mars o'ta krist mab davi 
<br> deus a'n grows heb pystiga 
<br> ha ni a grys dha vaystri
<br> hag a'th syns mester nevra 
<br> my yw mab dyw yredi 
<br> krist a leveris dhedha 
|
Some said to Christ when he was crucified, ``If you are Christ, the     
son of david, come off the cross unharmed, and we will believe in your    
authority and acknowledge you always as master.'' ``i am the son of god     
indeed,'' christ said to them.
|-
|198||
A barth dyghow y ȝese
<br>ȝe gryst y vam marya
<br>hay vam ef neb a gare
<br>an barth arall magata
<br>deso benyn yn meȝa
<br>Iowan ȝe vab me a wra
<br>na byth moy ken mam neffre
<br>es hyhy te na whela
|
a'n barth deghow yth esa 
<br> dhe krist y vamm maria 
<br> ha'y vaw ev neb a gara
<br> a'n barth arall maga ta 
<br> dhiso benyn yn-medh e  
<br> yowann dha vab my a wra
<br> na bydh moy ken mamm nevra
<br> es hyhi ty na hwila
|
On the right side of Christ there was his mother Mary and on the    
other side his servant also whom he loved. ``for you, lady, he said, i    
make john your son - and you, do not ever seek any mother other than   
her.''
|-
|199||
War lyrgh crist enef ȝe ry
<br>pub onan oll ȝy gele
<br>Iowan y vam a sensy
<br>marya crist del arse
<br>yn pub maner may hylly
<br>y vam prest asonore
<br>yn delma comfort ȝyȝy
<br>y map a vynnas dygtye
|
war-lergh krist enev dhe ri 
<br> pubonan oll dh'y gila  
<br> yowann y vamm a synsi 
<br> maria krist dell arghsa  
<br> yn pub maner may hylli 
<br> y vamm prest a's enora 
<br> yndellma konfort dhedhi   
<br> hy mab a vynnas dyghtya 
|
After Christ had surrendered his soul, John held Mary as his mother,      
each to the other, as christ had ordered. he always honoured his mother     
in every way he could. in this way her son wanted to provide support for   
her.
|-
|200||
Nevngo deuethys an prys
<br>may ȝo ogas ȝy ȝeweth
<br>yn erna y fe dorgis
<br>ha dris ol an bys ef eth
<br>tewolgow bras a ve guris
<br>an houll a gollas y feth
<br>ha moy marȝus me a gris
<br>ys an rena ve yn weth
|
nans o devedhys an prys 
<br> mayth o ogas dh'y dhiwedh 
<br> y'n eur na y feu dorgrys
<br> ha dres oll an bys ev
<br> tewolgow bras a veu gwrys 
<br> an howl a gollas y feth
<br> ha moy marthus my a grys
<br> es an re ma 'veu ynwedh
|
Now the time had come when he was near to his end. At that time   
there was an earthquake and it went all over the earth. a great darkness    
came about. the sun's presence was lost and (there were) more wonders      
also i believe than these.
|-
|201||
In della hy a begyas
<br>bys hanter dyth yredy
<br>yn erna crist a vynnas
<br>leuerell ely ely
<br>ȝe strirya (leg. scrirya) yw a gowsas
<br>arluth prag y hysta vy
<br>mas re war gryst a ynnyas
<br>y ȝo dewas ar yrghy
|
yndella hi a besyas  
<br> bys hanter-dydh yredi   
<br> y'n eur na krist a vynnas
<br> leverel eli eli   
<br> dhe styrya yw a gowsas 
<br> arloedh prag y hys'sta vy 
<br> mes re war krist 'ynnias 
<br> yth o diwes a erghi 
|
So it went on right up to midday. Then Christ wanted to say ``Eli,    
eli.'' what he said is to be interpreted, ``lord, why have you abandoned     
me?'' but some insisted that it was a drink that christ was demanding. 
|-
|202||
Gans an eȝewon war hast
<br>drok ȝewas a ve dyȝgtys
<br>tebell lycour mur y last
<br>eysyll bestyll kemyskis
<br>yn (un) spong orth gwelen fast
<br>ȝe gryst hy a ve heȝys
<br>gonys oll a wrens yn fast
<br>rag na go crist attendijs
|
gans an edhewon war hast 
<br> drog dhiwes a veu dyghtys 
<br> tebel likour meur y last 
<br> aysel bystel kemmyskys   
<br> yn unn spong orth gwelenn fast
<br> dhe krist hi a veu hedhys
<br> gonis oll a wrens yn hast
<br> rag nag o krist attendys 
|
An evil drink was hastily prepared by the Jews, a devilish liquor,      
most loathsome, vinegar mixed with gall. it was held out to christ in a    
sponge fixed to a rod. they all worked hastily because christ was not     
understood.
|-
|203||
Re an eȝewon tebell
<br>a leuerys heb pyte
<br>a wottense ow kelwel
<br>hely ȝoȝo ȝy wyȝe
<br>myrugh mar te drehevell
<br>ay beynys ȝy delyffre
<br>han scherewys prest a bell
<br>ȝe worth an gwyr afye 
|
re an edhewon debel  
<br> a leveris heb pyta  
<br> awottensa ow kelwel   
<br> eli dhodho dh'y witha  
<br> mirewgh mar teu drehevel  
<br> a'y baynys dh'y dhelivra  
<br> ha'n sherewys prest a-bell  
<br> dhiworth an gwir a via 
|
Some of the evil Jews said without pity, ``Behold him calling Elias      
to him to preserve him. see whether he comes and rises up to deliver him   
from his tortures.'' yet all the time the wicked ones had been far from    
the truth.
|-
|204||
I beyn o mar greff ha tyn
<br>caman na ylly bewe
<br>heb dascor y eneff gwyn
<br>bytqueth yn lan revewse
<br>crist a besys del redyn
<br>yn delma yn luas le
<br>ow eneff me a gymyn
<br>arluth yn tre ȝe ȝewle
|
y bayn o mar grev ha tynn
<br> kammenn na ylli bywa  
<br> heb daskorr y enev gwynn 
<br> bythkweyth yn lan re vywsa 
<br> krist a bysis dell redyn 
<br> yndellma yn lies le  
<br> ow enev my a gemmynn 
<br> arloedh yntra dha dhiwla 
|
His torture was so intense and cruel that in no way could he live    
without surrendering his blessed spirit that had ever lived in purity.       
as we read in many places, christ prayed like this: ``into your hands,     
lord, i commend my spirit.''
|-
|205||
Rag gwan spyr(n) hag ef yn ten
<br>caman na ylly gwyȝe
<br>war nans na bosse y ben
<br>rag an arlont a vsye
<br>mar posse a neyll tenewen
<br>rag y scoth hy a grevye
<br>Ha whath gweth a wre an pren
<br>war ȝellargh mar an gorre
|
rag gwan spern hag ev yn tenn
<br> kammenn na ylli gwitha  
<br> war-nans na boessa y benn 
<br> rag an arlont a usya 
<br> mar poessa'n eyl tenewen  
<br> rag y skoedh hi a'n grevya
<br> ha hwath gweth a wre an prenn
<br> war-dhelergh mara'n gorra
|
Because of the piercing of thorns as he was stretched out, there was     
no way he could stop his head leaning downward. because of the wreath he    
was wearing, if he leaned to one side it hurt him because of his    
shoulder, and the wood hurt even worse if he laid it backward.
|-
|206||
Na war rag ef ny ylly
<br>pose rag own bos megis
<br>yn erna del redyn ny
<br>y(n) lyffrow del yw scrifys
<br>ȝen neȝyn gwyls rag nyeȝy
<br>tellyryow esa paris
<br>the crist y ben py sensy
<br>teller vyth nyn go kefis
|
na war-rag ev ny ylli 
<br> poesa rag own bos megys 
<br> y'n eur na dell redyn ni
<br> y'n lyvrow dell yw skrifys 
<br> dhe'n ydhyn gwyls rag neythi 
<br> tylleryow esa parys   
<br> dhe krist y benn py synsi
<br> tyller vydh nyns o kevys
|
Nor could he lean forward for fear of being choked. At that time, as    
we read what is written in the scriptures, there were places ready for     
the wild birds to build their nests; for christ no place was found for    
him to hold his head.
|-		
|207||
Rag porrys rys o ȝoȝo
<br>gase y ben ȝegregy
<br>rag galse glan ȝe worto
<br>y woys bewe ny ylly
<br>war tu hay vam an pewo
<br>y ben a vynnas synsy
<br>hay eneff eth a noȝo
<br>gans garm eyn hag vghel gry
|
rag porres res o dhodho 
<br> gasa y benn dhe gregi 
<br> rag galsa glan dhiworto  
<br> y woes bywa ny ylli 
<br> war-tu ha'y vamm a'n piwo 
<br> y benn a vynnas synsi 
<br> ha'y enev eth anodho  
<br> gans garm yeyn hag ughel gri
|
For he was compelled to allow his head to hang. Because his blood     
had completely left him, he could not live. he wanted to hold his head    
towards his mother to whom he belonged, and his soul went from him with    
a shrill scream and a loud cry.
|-
|208||
Ryp crous Ihesus y ȝese
<br>vn den henwys sentury
<br>a vernans crist pan welse
<br>kynyuer tra marthusy
<br>han enef del dascorse
<br>erbyn natar gans vn cry
<br>y leuerys heb scornye
<br>hemma (hem) yw mab du yredy
<br>ha leas ganso ene
<br>doȝo a ȝuk dustuny
|
ryb krows yesus yth esa 
<br> unn den henwys senturi  
<br> a vernans krist pan welsa 
<br> keniver tra marthusi   
<br> ha'n enev dell daskorrsa  
<br> erbynn natur gans unn kri 
<br> y leveris heb skornya  
<br> hemm yw mab dyw yredi 
<br> ha lies ganso ena  
<br> dhodho a dhug dustuni
|
By the cross of Jesus there was a man called a centurion. When he    
had seen so many marvels concerning the death of christ, and how he had    
unnaturally yielded up his soul with a cry,  he said, without  mockery,    
``this is god's son indeed.'' and many there were with him bore witness to it.
|-
|209||
Nango hanter dyth yn wlas
<br>po moy del yma scryfis
<br>dorgis esa ha lughas
<br>han tewolgow kekyffrys
<br>veyll an tempyll a squardyas
<br>yn tre dew ȝen dor coȝys
<br>ena yn weth y torras
<br>en veyn o creff ha calys
|
nans o hanter-dydh y'n wlas 
<br> po moy dell yma skrifys 
<br> dorgrys esa ha lughes  
<br> ha'n tewolgow kekeffrys   
<br> vayl an tempel a skwardyas 
<br> yntra dew dhe'n dor koedhys 
<br> ena ynwedh y torras  
<br> an veyn o krev ha kales
|
Now it was midday or past in the land. As it is written, there was   
an earthquake and lightning and darkness as well. the veil of the temple     
was rent in two and fell to the ground. then also the stones that were   
strong and hard broke up.
|-
|210||
En beȝow yn lower le
<br>a pert a ve egerys
<br>han corfow esa ynne
<br>a ve yn ban drehevys
<br>hag eth poran ȝen cyte
<br>gans luas y fons gwelys
<br>en gwyr ȝe ȝustynee
<br>bos mab du neb o leȝys
|
an bedhow yn lower le 
<br> apert a veu igerys  
<br> ha'n korfow esa ena  
<br> a veu yn-bann drehevys  
<br> hag eth poran dhe'n sita 
<br> gans lies y fons gwelys 
<br> an gwir dhe dhustunia  
<br> bos mab dyw neb o ledhys
|
The graves in many places were opened wide, and the bodies that were     
there were raised up and went directly to the city. they were seen by    
many to bear witness to the truth that he who was slain was the son of  
god.
|-
|211||
Dowr ha ler ha tan ha gwyns
<br>houl ha lour ha steyr kyffris
<br>a gryst ow coȝaff mernans
<br>anken y a woȝevys
<br>natur scyle me a syns
<br>arluth da mar pyth peynys
<br>ol y sogete kyn fons syns
<br>rag y beyn ȝe vos grevijs
|
dowr ha leur ha tan ha gwyns
<br> howl ha loer ha ster keffrys
<br> a krist ow kodhav mernans 
<br> anken i a wodhevis  
<br> natur skila my a syns 
<br> arloedh da mar pydh paynys 
<br> oll y sojets kyn fons sens
<br> rag y bayn dhe vos grevys
|
Water and earth and fire and wind, sun and moon and stars likewise     
suffered distress from christ suffering death. nature causes, i         
maintain, if a good lord is put to torture, all his subjects, even if    
they are saints, to be afflicted because of his suffering.
|-
|212||
Enaff crist ȝe yffarn eth
<br>hag a dorras an porȝow
<br>dre y nerth bras hay sleyueth
<br>ena golmas dewolow
<br>lucyfer kelmys yv whath
<br>pur fast yn y golmennow
<br>hag ef a dryk heb fynweth
<br>yn yffarn yn tewolgow
|
enev krist dhe ifarn eth 
<br> hag a dorras an porthow 
<br> dre y nerth bras ha'y sleynedh
<br> ev a golmas dewolow  
<br> lusyfer kelmys yw hwath  
<br> pur fast yn y golmennow 
<br> hag ev a dryg heb finwedh
<br> yn ifarn yn tewolgow
|
The soul of Christ went to hell and broke down the doors. By his    
great strength and skill he bound devils there. lucifer is still bound      
very tightly in bonds and he dwells interminably in hell, in darkness.
|-
|213||
Ena crist a thelyffras
<br>a breson adam hag evef
<br>suel a wressa both y das
<br>man geffo tregva yn nef
<br>pan eth yn mes yn sewyas
<br>en dus vas del vynne ef
<br>an scherewes a dregas
<br>yn yffarn yn tormont creff
|
ena krist a dhelivras  
<br> a bryson adam hag ev 
<br> seul a wrussa bodh y das
<br> ma'n jeffa trygva yn nev 
<br> pan eth yn-mes y'n sywyas 
<br> an dus 'vas dell vynna ev
<br> an sherewys a drygas  
<br> yn ifarn yn torment krev 
|
Then Christ freed Adam and Eve from prison, so that all who had done    
his father's will would have a dwelling in heaven. when he went out the    
good people followed him as he wished. the wicked stayed in hell in     
relentless torment. 
|-
|214||
Vn burges Iosep hynwys
<br>a baramat an cyte
<br>yn mernans crist a gewsys
<br>bytqueth dremas re bee
<br>ol y doul ef o tewlys
<br>ganso yn nef rag trege
<br>Ihesus ganso o keris
<br>ha nyn io hard ȝy notye
|
unn burjes yosep henwys  
<br> a baramat an sita  
<br> yn mernans krist a gewsis 
<br> bythkweyth dremas re bia  
<br> oll y dowl ev o tewlys
<br> ganso yn nev rag tryga 
<br> yesus ganso o kerys  
<br> ha nyns o hardh dh'y notya
|
A citizen called Joseph of the City of Arimathaea said, on Christ's      
death, that he had always been a holy man. he intended by all his    
planning to dwell with him in heaven. jesus was loved by him but he was   
not bold enough to make it known.
|-
|215||
Iosep eth bys an Iustis
<br>ȝe bylat mester treus o
<br>ha pur hardh a wovynnys
<br>corf Ihesus worto yn ro
<br>rag bos Iosep den keris
<br>grontis ef a ve ȝoȝo
<br>pylat a woromynnys
<br>meras crist marow mar so
|
yosep eth bys y'n justis 
<br> dhe pilat mester treus o 
<br> ha pur hardh a wovynnis 
<br> korf yesus orto yn ro 
<br> rag bos yosep den kerys 
<br> grontys ev a veu dhodho 
<br> pilat a worhemmynnis   
<br> mires krist marow mars o
|
Joseph went to the magistrate, to Pilate, who was a perverse       
authoritarian, and very boldly asked him for the body of jesus as a     
gift. because joseph was a favourite it was granted to him. pilate gave     
orders to see whether christ was dead.
|-
|216||
En eȝewon skyntyll keth
<br>resteffo mur vylyny
<br>ȝe veras worth crist y eth
<br>hag ef yn crous ow cregy
<br>y a welas war y feth
<br>y vos marow yredy
<br>yttaseffsons oll yn weth
<br>dre an golon y delly
|
an edhewon skentyl keth  
<br> re's teffo meur vileni  
<br> dhe vires orth krist i eth
<br> hag ev yn krows ow kregi
<br> i a welas war y feth
<br> y vos marow yredi  
<br> y tesevsons oll ynwedh  
<br> dre an golonn y delli 
|
The crafty caitiff Jews - great shame be upon them - they went to    
look at jesus as he was hanging crucified. they saw by his face that he   
was  indeed dead. they even had the presumption, all of them, to pierce    
him through the heart.
|-
|217||
In aga herwyth y ȝese
<br>vn marreg longis hynwys
<br>dal o ny wely banna
<br>ef rebea den a brys
<br>gew a ve yn y ȝewle
<br>gans an eȝewon gorris
<br>ha pen lym rag y wane
<br>ȝe golon Ihesus hynwys
|
y'ga herwydh yth esa  
<br> unn marghek longys henwys  
<br> dall o ny weli banna 
<br> ev re bia den a bris
<br> gyw a veu yn y dhiwla
<br> gans an edhewon gorrys  
<br> ha penn lymm rag y wana
<br> dhe golonn yesus henwys
|
In their company was a soldier called Longis. He was blind. He could     
not see at all. he had been a man of rank. a spear with a sharp point 
was put into his hands by the jews to pierce the heart of jesus, the   
holy one.
|-
|218||
Longis sur an barth dyghow
<br>ȝe grous Ihesus y ȝese
<br>ȝen marreg worth y hanow
<br>y a yrhys may whane
<br>yn corf Ihesus caradow
<br>en gew lym ef a bechye
<br>pur ewn yn dan an asow
<br>dre an golon may ȝese
|
longys sur a'n barth deghow 
<br> dhe grows yesus yth esa 
<br> dhe'n marghek orth y hanow 
<br> i a erghis may hwana 
<br> yn korf yesus karadow  
<br> an gyw lymm ev a bechya
<br> pur ewn yn-dann an asow 
<br> dre an golonn mayth eth e
|
Longis, indeed was on the right hand of the cross of Jesus. They     
ordered the soldier by name to pierce the body of beloved jesus. he     
thrust the sharp spear exactly beneath the ribs so that it went through     
the heart.
|-
|219||
An golon y ȝeth stret bras
<br>dour ha goys yn kemeskis
<br>ha ryp an gyw a resas
<br>ȝe ȝewle neb an gwyskis
<br>y wholhas y ȝewlagas
<br>gans y eyll leyff o gosys
<br>dre ras an goys y whelas
<br>Ihesus crist del o dyȝgtis
|
a'n golonn yth eth stredh vras
<br> dowr ha goes yn kemmyskys 
<br> ha ryb an gyw a resas
<br> dhe dhiwla neb a'n gweskis 
<br> y hwolghas y dhewlagas  
<br> gans y eyl leuv o goesys
<br> dre ras an goes y hwelas
<br> yesus krist dell o dyghtys
|
From the heart there went a great stream of water and blood mixed     
together which ran along the spear to the hands of him who struck him.    
he washed his eyes with his one hand that had been made bloody. by    
virtue of the blood he saw how jesus christ had been treated.
|-
|220||
Eddrek mur an kemeras
<br>rag an ober re wresse
<br>ȝy ben dowlyn y coȝas
<br>arluth gevyans yn meȝe
<br>dall en ny welyn yn fas
<br>ow bos mar veyll ow pewe
<br>Ihesus ȝoȝo a avas
<br>pan welas y edrege
|
edrek meur a'n kemmeras  
<br> rag an ober re wrussa 
<br> dh'y benn-dewlin y koedhas  
<br> arloedh gevyans yn-medh e  
<br> dall en ny welen yn fas
<br> ow bos mar vil ow pywa
<br> yesus dhodho a avas  
<br> pan welas y edrega 
|
Great remorse overcame him for the deed that he had done. He fell on    
his knees. ``lord, forgiveness!'' he said. ``i was blind. i could not      
see properly that i was living so vilely.'' jesus forgave him when he     
saw his repentance.
|-
|221||
Mam Ihesus marya wyn
<br>herd(h)ya an gyw pan welas
<br>yn y mab yn tenewyn
<br>dre an golon may resas
<br>ha ȝen dor an goys han lyn
<br>an noȝo dell deveras
<br>angus bras ha peynys tyn
<br>ha gloys creff askemeres (leg. askemeras)
|
mamm yesus maria wynn  
<br> herdhya an gyw pan welas 
<br> yn hy mab y'n tenewen 
<br> dre an golonn may resas 
<br> ha dhe'n dor an goes ha'n
<br> anodho dell dheveras   
<br> angus bras ha paynys tynn 
<br> ha gloes krev a's kemmeras
|
When the mother of Jesus, Blessed Mary, saw the thrusting of the      
spear into her son, into his side, so that it ran through the heart, and   
how the blood and the water ran from him to the ground, great anguish,    
cruel pain and a powerful spasm seized her.
|-
|222||
Ffest yn tyn hy a wole
<br>ȝe wherȝyn nysteva whans
<br>hay dagrow a ȝevera
<br>hay dew lagas pur ȝewhans
<br>hay holon whek a ranne
<br>me a leuer rag trystans
<br>rag an grayth yn hy ese
<br>nas gweȝe an spyrys sans
|
fest yn tynn hi a oela
<br> dhe hwerthin ny's teva hwans 
<br> ha'y dagrow a dhevera  
<br> a'y dewlagas pur dhehwans  
<br> ha'y holonn hweg a ranna 
<br> my a lever rag tristans 
<br> rag an gras ynni esa 
<br> na's gwittha an spyrys sans 
|
She wept very bitterly. She had no desire to laugh and the tears     
flowed from her eyes very freely. her sweet heart would have broken for     
sadness, i say, if the holy spirit had not protected her because of the    
grace that was in her.
|-
|223||
Dre y holon y ȝeth seth
<br>y mab syndis pan welse
<br>moreth an seth ha pytet
<br>natureth a ha denseth
<br>ha pen arall o pytet
<br>tackis fast gans kerense
<br>ny woȝevys den bythqueth
<br>kymmys peynys ow pewe
|
dre hy holonn yth eth seth
<br> hy mab shyndys pan welsa 
<br> moreth an seth ha pyteth 
<br> natureth o ha densa  
<br> ha'n penn arall o pyteth 
<br> tekkys fast gans kerensa  
<br> ny wodhevis den bythkweyth  
<br> kemmys paynys ow pywa
|
An arrow went though her heart when she had seen her son destroyed.     
grief, compassion, natural and human feeling was the arrow, and the       
other end, compassion secured fast with love. no man has ever suffered      
so much pain in his lifetime.
|-
|224||
An seth yw rag leueris
<br>as gwyskis tyn gans mur angus
<br>war hy holon may crunys
<br>dre nerth an bum fynten woys
<br>ha hy a wolas kymmys
<br>gans mar ver nerth ha galloys
<br>an fynten may trehevys
<br>ran yn ban du droka loys
|
an seth yw ragleverys  
<br> a's gwiskas tynn gans meur angus
<br> war hy holonn may kreunis 
<br> dre nerth an boemm fenten woes
<br> ha hi a oelas kemmys 
<br> gans mar veur nerth ha galloes
<br> an fenten may trehevis  
<br> rann yn-bann dyw drog a loes
|
The arrow which had been foretold struck her cruelly with great       
anguish, so that by the force of the blow a well of blood gathered upon   
her heart, and she wept so much with such great strength and force that    
a part of the well rose up - god! what a wicked pang!
|-						
|225||
An goysna dagrennow try
<br>dre y ij lagas y ȝeth
<br>ny go comfort na yly
<br>a wrello y holon hueth
<br>hay veynys mar drewesy
<br>askemar ha kymmys cueth
<br>yn oll an bys ny ylly
<br>den cafos kymmys anfueth
|
a'n goes na dagrennow tri 
<br> dre hy dewlagas yth eth 
<br> nyns o konfort nag eli 
<br> a wrella hy holonn heudh 
<br> ha'y faynys mar druesi  
<br> a's kemmer ha kemmys keudh 
<br> yn oll an bys na ylli
<br> den kavoes kemmys anfeudh
|
Of that blood three tears went through her eyes. It was not a     
comfort or a salve to make her heart glad and her ills beset her    
woefully with so much sorrow that in all the world so much wretchedness     
could not be found.
|-
|226||
I feynys o bras ha creff
<br>yn ioy ȝeȝy trylys yw
<br>rag mygternes yw yn nef
<br>ȝe vos gorȝijs hy yv gyw
<br>Eleth ȝe rygthy a seff
<br>leas myll y both a syw
<br>hay mab as gorth del vyn ef
<br>tecke ys houl yv y lyw
|
hy faynys o bras ha krev
<br> yn joy dhedhi trelys yw 
<br> rag myghternes yw yn nev 
<br> dhe vos gordhys hi yw gwiw
<br> eledh dherygdhi a sev  
<br> lies mil hy bodh a syw
<br> ha'y mab a's gordh dell vynn
<br> tekka es howl yw hy liw
|
Her pains which were great and intense are turned to joy for her for    
she is queen in heaven. she is worthy to be adored. angels stand before    
her. many thousands follow her will and her son honours her as he     
wishes. fairer than the sun is her brightness.
|-
|227||
In corff Ihesus y ȝese
<br>hag ef yn crows ow cregy
<br>pymp myll strekis del iove
<br>ha pedergwyth cans goly
<br>ha tryvgons moy ganse
<br>ha pymȝek pur wyr ens y
<br>hag ol rag pur gerense
<br>worth mab den ys goȝevy
|
yn korf yesus yth esa 
<br> hag ev yn krows ow kregi
<br> pymp mil strekys dell j'oue 
<br> ha pedergweyth kans goli  
<br> ha triugens moy gansa  
<br> ha pymthek pur wir ens i
<br> hag oll rag pur gerensa 
<br> orth mab-den y's godhevi 
|
In the body of Jesus, as he was hanging crucified, I hear there were    
five thousand weals and four times a hundred wounds and with them      
seventy-five more. they were absolutely authentic and he suffered them        
all for pure love towards mankind.
|-
|228||
Pub teȝoll neb a vynne
<br>leuerel pymȝek pater
<br>a leun golon rag gorȝye
<br>pascon agan arluth ker
<br>yn blyȝen y a vye
<br>ha bederow keneuer
<br>hag a owleow ese
<br>yn gorf Ihesus worth neuer
|
pub dydh oll neb a vynne
<br> leverel pymthek pader   
<br> a leun golonn rag gordhya 
<br> passhyon agan arloedh ker  
<br> yn blydhen i a via 
<br> a bederow keniver   
<br> hag a woliow esa  
<br> yn korf yesus orth niver
|
Anyone who would say fifteen Our Fathers every day with a full heart     
to glorify our dear lord's passion - in a year these would be as many   
our fathers in number as there were wounds in the body of jesus.
|-
|229||
En eȝewon ny vynne
<br>bos an laddron ow cregy
<br>ternos rag pasch o ȝeȝe
<br>dyth vghel y a sensy
<br>an eȝewon yn treȝe
<br>a rug may wrellons terry
<br>aga morȝosow whare
<br>hag a lena aga dry
|
an edhewon ny vynna  
<br> bos an ladron ow kregi 
<br> ternos rag pask o dhedha 
<br> dydh ughel i a'n synsi 
<br> an edhewon yntredha   
<br> a wrug may hwrellens terri 
<br> aga mordhosow hware   
<br> hag alena aga dri  
|
The Jews did not want the thieves to be hanging overnight because it     
was their passover. they celebrated it as a high day. the jews among     
them arranged that they should break their thighs at once and carry them     
away from there.
|-
|230||
Erbyn bonas henna guris
<br>nanso prys gwespar yn wlas
<br>yn erna yn weth kemeas
<br>ȝe Iosep y a rontyas
<br>hag an grous del o prys
<br>corf Ihesus a gemeras
<br>tyr marya me a gris
<br>pur ylwys an gweresas
|
erbynn bones henna gwrys  
<br> nans o prys gwesper y'n wlas
<br> y'n eur na ynwedh kummyas 
<br> dhe yosep i a wrontyas 
<br> hag a'n krowsprenn dell o prys
<br> korf yesus a gemmeras  
<br> teyr maria my a grys 
<br> p'eur helwis a'n gweresas
|
By the time this was done it was already evening in the land. At    
that time also they gave permission to joseph and, as it was time, he    
took the body of jesus from the cross. three marys, i believe, helped     
him when he called.
|-
|231||
Mam Ihesus Cryst amme
<br>corf y mab pur drewesy
<br>hay daggrow a ȝevere
<br>a noȝo pan predery
<br>han anken mur asgrevye
<br>pan vyre worth y woly
<br>yn tenewen y ȝese
<br>dre an golon astylly
|
mamm yesus krist a amma 
<br> korf hy mab pur druesi 
<br> ha'y dagrow a dhevera  
<br> anodho pan brederi   
<br> ha'n anken meur a's grevya 
<br> pan vira orth y woli 
<br> y'n tenewen yth esa  
<br> dre an golonn a's telli
|
The mother of Jesus Christ kissed her Son's body very sadly and her     
tears ran when she thought of him, and the great grief that oppressed     
her when she looked at his wound (it was in the side) pierced her    
through her heart.
|-
|232||
Iosep ȝe gryst a vynnas
<br>y arrow hay ȝeffregh whek
<br>yn vaner del yn whas
<br>hag as ystynnas pur dek
<br>a dro ȝy gorff y trylyas
<br>sendall rych yn luas pleg
<br>ha marya leun a ras
<br>ganso trest ha moreȝek
|
yosep dhe krist a ewnas 
<br> y arrow ha'y dhiwvregh hweg 
<br> y'n vaner dell o yn hwas
<br> hag a's ystynnas pur deg 
<br> a-dro dh'y gorf y trelyas 
<br> sendal rych yn lies pleg 
<br> ha maria leun a ras 
<br> ganso trist ha morethek
|
Joseph straightened Christ's legs and his sweet arms as was        
customary and extended them very becomingly. round his body he wound       
rich linen in many folds, while mary, full of grace, was with him, sad    
and sorrowful.
|-
|233||
Ena vn lowarth ese
<br>ha ynno nyn io parys
<br>den marow rag receve
<br>newyth parrys nyn io vsijs
<br>corff Ihesus crist yn treȝe
<br>ȝen logell a ve degys
<br>hag a heys ȝe wroweȝe
<br>ynno ef a ve gesys
|
ena unn lowarth esa  
<br> hag ynno bedh o parys 
<br> den marow rag resseva  
<br> nowydh parys nyns o usys 
<br> korf yesus krist yntredha  
<br> dhe'n logel a veu degys 
<br> hag a-hys dhe wrowedha  
<br> ynno ev a veu gesys
|
There was a garden there and in it a grave had been prepared to    
receive a dead man. newly prepared, it had not been used. the body of    
jesus christ was carried between them to the sepulchre and was left in     
it to lie outstretched.
|-
|234||
Vn den da c(ri)st a gara
<br>Nycodemus y hanow
<br>eff nyn io hardh ȝy notya
<br>rag own cafos y ankow
<br>dworennos yn pur brena
<br>ef eth ȝen corff o marow
<br>gans vnnient ȝoȝo esa
<br>ha spycis a vur rasow
|
unn den da krist a gara
<br> nykodemus y hanow   
<br> ev nyns o hardh dh'y notya
<br> rag own kavoes y ankow 
<br> d'wor'an nos yn pur brena 
<br> ev eth dhe'n korf o marow
<br> gans unyent dhodho esa  
<br> ha spisys a veur rasow
|
A certain good man, Nicodemus by name, loved Christ. He was not bold     
enough to make it known for fear of being slain. at night, simply in    
expiation, he went to the dead body with ointment which he had, and     
spices of great virtue.
|-
|235||
Nycodemus a vras
<br>corff Ihesus hay esely
<br>oynment o a gymmys ras
<br>may weȝe corf heb pedry
<br>nagonon ef ny asas
<br>heb vre ay esely
<br>yn delma ef an dyȝgtyas
<br>mey eyn sur o y wely
|
nykodemus a uras   
<br> korf yesus ha'y eseli  
<br> oynment o a gemmys ras 
<br> may hwitha korf heb pedri 
<br> nagonan ev ny asas  
<br> heb ura a'y eseli  
<br> yndellma ev a'n dyghtyas  
<br> meyn yeyn sur o y weli
|
Nicodemus anointed the body of Jesus and his limbs. The ointment was      
of such great virtue that it preserved a body from putrefaction. he did     
not leave any one of his limbs without anointing it. in this way he    
prepared him. cold stones indeed were his bed.
|-
|236||
Ha spycis leas ehen
<br>ef a worras yn y veth
<br>ȝe gryst a bub tenewen
<br>hag a ȝyghow hag a gleth
<br>worth y dreys ha worth y ben
<br>ha war ol y gorf yn weth
<br>dysqueȝyens war lyrgh anken
<br>beȝe mygtern yn deweth
|
ha spisys lies eghenn  
<br> ev a worras yn y vedh
<br> dhe krist a bub tenewen 
<br> hag a dheghow hag a gledh
<br> orth y dreys hag orth y benn
<br> ha war oll y gorf ynwedh
<br> diskwedhyans war-lergh anken   
<br> bedha myghtern yn diwedh 
|
And he put spices of many kinds in his grave on each side of Christ,   
both right and left, on his feet and on his head and all over his body  
also, a demonstration after pain that he would be king at last.
|-
|237||
Han eȝewon a worras
<br>a vgh Ihesus crist vn men
<br>leden o ha poys ha bras
<br>moy agis gauel tredden
<br>ganso drys nos y ȝolyas
<br>yn y seruys neb o len
<br>an nosna a dremenas
<br>hag oll y drok hay anken
|
ha'n edhewon a worras  
<br> a-ugh yesus krist unn men 
<br> ledan o ha poes ha bras
<br> moy ages gavel tredden  
<br> ganso dres nos y hwoelyas 
<br> yn y servis neb o len
<br> an nos na a dremenas 
<br> hag oll hy drog ha'y anken
|
And the Jews placed a stone over Jesus. It was broad and heavy and    
big - bigger than could be held by three men. one who was faithful in   
his service kept watch with him through the night. that night passed by     
with all its evil and wretchedness.
|-
|238||
Ternoys y sordyas bresel
<br>gans an eȝewon goky
<br>lauarow tyn hag vghel
<br>fest yn foll y a gewsy
<br>may ȝens y parys ȝen well
<br>ny woȝyens y ȝystrowy
<br>rag Ihesus ȝe leuerell
<br>yn tressa dyth y sevy
|
ternos y sordyas bresel  
<br> gans an edhewon wokki  
<br> lavarow tynn hag ughel  
<br> fest yn fol i a gewsi
<br> mayth ens i parys dhe'n wel
<br> ny wodhyens y dhistrui  
<br> rag yesus dhe leverel  
<br> y'n tressa dydh y sevi 
|
The next day strife arose among the foolish Jews. They spoke sharply      
and loudly and very foolishly so that they were prepared for what they     
would see. they could not destroy him because jesus had said he would     
rise on the third day.
|-
|239||
In vn stevya oll y eth
<br>bys yn pylat o Iustis
<br>vn eȝow ȝoȝo yn freth
<br>yn delma a leuerys
<br>ny a yll yn nos haneth
<br>fest dystough bonas kellys
<br>ha may fo dynny ȝe weth
<br>rag bonas Ihesus leȝys
|
yn unn stevya oll i eth
<br> bys yn pilat o justis 
<br> unn edhow dhodho yn freth 
<br> yndellma a leveris   
<br> ni a yll y'n nos haneth
<br> fest distowgh bones kellys  
<br> ha may fo dhyn ni dhe
<br> rag bones yesus ledhys
|
They all rushed to Pilate who was a magistrate. One Jew spoke to him    
eagerly like this: ``tonight we may be lost, here and now, and the death    
of jesus may be the worse for us.
|-
|240||
Rag an traytor a gewsys
<br>ha ȝe rag leas huny
<br>war lyrgh y vonas leȝys
<br>ȝen tressa dyth y seuy
<br>mars mara peȝa degis
<br>gans y dus nan caffan ny
<br>yn vrna byth leuerys
<br>ef ȝe sevell dre vestry
|
rag an traytour a gewsis 
<br> a-dherag lies huni   
<br> war-lergh y vones ledhys  
<br> dhe'n tressa dydh y sevi 
<br> mes mara pydh ev degys 
<br> gans y dus na'n kyffyn ni
<br> y'n eur na bydh leverys 
<br> ev dhe sevel dre vaystri
|
``For the traitor said before many that he would rise the third day     
after being slain. but if he is carried off by his people so that we do  
not  find him then it will be said that he has risen through    
supernatural power.''
|-
|241||
Pylat a yrghys ȝeȝe
<br>war beyn kylly an bewnans
<br>monas ȝen corf ȝy weȝe
<br>nan kemerre y yskerans
<br>hag yn nos oll aspye
<br>ha gwyȝe tam na guskens
<br>y eth yn vn fystene
<br>peswar marrek yrvys ens
|
pilat a erghis dhedha  
<br> war bayn kelli an bywnans 
<br> mones dhe'n korf dh'y witha 
<br> na'n kemmerra eskerens   
<br> hag y'n nos oll aspia 
<br> ha gwitha tamm na goskens 
<br> i eth yn unn fistena 
<br> peswar marghek ervys ens
|
Pilate commanded them, on pain of losing their lives, to go to the     
body and guard it so that enemies would not take it, and to keep watch   
all night and take care they did not sleep a moment. they went in haste.   
they were four armed soldiers.
|-
|242||
Pan deȝens y bys yn beth
<br>y ȝeth vn marrek ȝy ben
<br>hag arall ȝy dreys yn weth
<br>yrvys fast bys yn ȝewen
<br>hag a ȝyghow hag a gleth
<br>onon a bub tenewen
<br>bost a wrens tyn ha deveth
<br>yn gweȝens worth y ehen
|
pan dheudhons i bys y'n bedh
<br> yth eth unn marghek dh'y benn
<br> hag arall dh'y dreys ynwedh 
<br> ervys fest bys y'n dhiwen 
<br> hag a dheghow hag a gledh
<br> onan a bub tenewen  
<br> bost a wrens tynn ha diveth
<br> y'n gwithens orth y eghenn
|
When they reached the grave, one soldier went to his head and      
another  to his feet as well, armed right up to the teeth, and on the  
right and left, one on each side. they made a direct and shameless boast    
that they would guard him in spite of anything he could do.
|-
|243||
En varogyon a guskas
<br>myttyn han gyth ow tarȝe
<br>ha Ihesus a ȝeȝoras
<br>hag eth yn le may fynne
<br>den a pert ha mur y ras
<br>golow cleyr ow tewynnye
<br>ef e wre oll y vynnas
<br>y ny yllens y weȝe
|
an varghogyon a goskas  
<br> myttin ha'n jydh ow tardha 
<br> ha yesus a dhassorghas  
<br> hag eth y'n le may fynna
<br> den apert ha meur y ras
<br> golow kler ow tewynnya  
<br> ev a wre oll y vynnas
<br> i ny yllens y witha 
|
The soldiers slept in the morning as day was breaking and Jesus rose     
again and moved wherever he wanted, manifestly a man with great grace      
and with a bright light shining. he did everything he wanted and they     
could not prevent him.
|-
|244||
Pan o pur holergh an gyth
<br>y tefenas vn marrek
<br>del deth an nef war y fyth
<br>ef a welas golow tek
<br>han meyn vmhelys yn weth
<br>ese a vgh Ihesus whek
<br>ha warnoȝo a yseth
<br>ell benegas lowenek
|
pan o pur helergh an jydh
<br> y tifunas unn marghek  
<br> dell dheuth a'n nev war y fydh
<br> ev a welas golow teg 
<br> ha'n men omhwelys ynwedh  
<br> esa a-ugh yesus hweg  
<br> ha warnodho a'y esedh  
<br> el bennigys lowenek
|
When it was very late, one soldier awoke as the daylight came from     
heaven upon his face. he saw a beautiful light and the stone that was    
over sweet jesus overturned also, and sitting upon it a blessed, joyful      
angel.
|-
|245||
En marrek na a sevys
<br>oll yn ban y goweȝe
<br>ha ȝeȝe a leuerys 
<br>a Ihesus fatell vye
<br>an denma re drehevys
<br>gallas ny woȝan pele
<br>lemman na veny leȝys
<br>nyn ges forth ȝe omweȝe 
|
an marghek na a sevis 
<br> oll yn-bann y gowetha  
<br> ha dhedha a leveris  
<br> a yesus fatell via  
<br> an den ma re dhrehevis 
<br> gallas ny wodhon py le  
<br> lemmyn na ven ledhys  
<br> nyns eus fordh dhe omwitha
|
That soldier got his comrades up completely and told them what had      
happened about jesus: ``this man has risen. he has gone we know not     
where. now there is no way to protect ourselves from being killed.''
|-
|246||
Marrak arall a gowsas
<br>gony vyth pan veyn genys
<br>tru a thu elhas elhas
<br>gans vn huyn re ben tullys
<br>an bewnans ny re gollas
<br>hag yn weth agan fleghys
<br>om ȝyghtyn trussen anwlas
<br>fyan na veny kefys
|
marghek arall a gowsas  
<br> go-ni vydh pan ven genys 
<br> tru a dhyw ellas ellas 
<br> gans unn hun re ben toellys
<br> an bywnans ni re gollas 
<br> hag ynwedh agan fleghes  
<br> omdhyghtyen treussyn a'n wlas  
<br> fien na vyn ni kevys
|
Another soldier spoke: ``Woe to us that we were ever born. Alas, O     
god, alas, alas! a sleep has caught us out. we have lost our lives and   
our children also. let us get ready. let us cross over away from the    
land. let us escape so we are not caught.''
|-
|247||
An peswore a gewsys
<br>na whelyn gwevye an pow
<br>kepar del ve ȝen Iustis
<br>dun leueryn war anow
<br>ay veth del yw drehevys
<br>na leueryn vn ger gow
<br>y a ruge a ȝesympys
<br>oll war lyrgh y arhadow
|
an peswara a gewsis  
<br> na hwilen gwevya an pow 
<br> kepar dell veu dhe'n justis 
<br> deun leveryn war anow  
<br> a'y vedh dell yw drehevys 
<br> na leveryn unn ger gow 
<br> i a wrug a-dhesempis  
<br> oll war-lergh y arghadow
|
The fourth spoke: ``Let us not try to escape from the country. Let     
us go to the magistrate. let us tell plainly as it was how he rose from  
his grave. let us not tell one word of a lie.'' they did at once   
entirely according to his bidding.
|-
|248||
I eth yn vn fystene
<br>ȝe pylat aga Iustis
<br>en deskyens del vye
<br>ha ȝoȝo a leuerys
<br>re safse crist heb strevye
<br>ol ȝy voth gans golowys
<br>ha na yllens y gwyȝe
<br>y voth na vo colenwys
|
i eth yn unn fistena 
<br> dhe pilat aga justis  
<br> y'n dyskens dell via  
<br> ha dhodho a leveris  
<br> re savsa krist heb strivya 
<br> oll dh'y vodh gans golowys 
<br> ha na yllens i gwitha 
<br> y vodh na ve kollenwys 
|
They hastened to Pilate their magistrate. They would advise him what       
had happened. and they told him christ had risen without great effort      
entirely at his pleasure with radiance, and they could not prevent him      
doing exactly as he wished.
|-
|249||
Ena pylat pan glewas
<br>yn delma y ȝe gewsell
<br>prederow an kemeras
<br>rak own y ȝe leuerell
<br>ha ȝy notye drys an wlas
<br>sur a ogas hag a bell
<br>may teffe tus gans nerth bras
<br>erbyn rag gustle bell
|
ena pilat pan glywas  
<br> yndellma i dhe gewsel  
<br> prederow a'n kemmeras   
<br> rag own i dhe leverel 
<br> ha dh'y notya dres an wlas
<br> sur a-ogas hag a-bell  
<br> may teffa tus gans nerth bras
<br> er y bynn rag gustla bell
|
Then when Pilate heard that they were talking like this, he became      
worried for fear that they would tell it and make it known throughout     
the land for certain, close at hand and far away, so that men would come   
in great force to wage a war of rebellion against him.
|-
|250||
Rag henna pylat a ros
<br>ȝen vorogyon aga ro
<br>may lavarsans hadolos
<br>yn pub tyller dris an vro
<br>ȝe vos tus yrvys yn nos
<br>warneȝe kymmys a dro
<br>na gens y hardh ȝe wortos
<br>lemmen oll monas ȝen fo
|
rakhenna pilat a ros  
<br> dhe'n varghogyon aga ro  
<br> may lavarsons ha dolos  
<br> yn pub tyller dres an vro
<br> dhe vos tus ervys y'n nos
<br> warnedha kemmys a-dro   
<br> nag ens i hardh dhe wortos
<br> lemmyn oll mones dhe'n fo 
|
Because of that Pilate gave the soldiers their gift so that they      
said and falsely publicised everywhere throughout the land, that in the       
night so many armed men came upon them and surrounded them that they     
were not bold enough to stay, but all took flight.
|-
|251||
En varogyon pan glewas
<br>pylat ov cows yn della
<br>mur a ioy askemeras
<br>y ȝe ȝeank yn della
<br>an peynys o creff ha bras
<br>ha cafos rohow ma ȝa
<br>both pylat y a notyas
<br>yn le may ȝens rak henna 
|
an varghogyon pan glywas  
<br> pilat ow kows yndella  
<br> meur a joy a's kemmeras 
<br> i dhe dhiank yndella  
<br> a'n paynys o krev ha bras
<br> ha kavoes rohow mar dha 
<br> bodh pilat i a notyas 
<br> yn le mayth ens rakhenna
|
When the soldiers heard Pilate talking like this they were delighted       
that they would escape in such a way from the pains that were great and   
intense and get such good gifts. so they made pilate's wish known      
wherever they went.
|-
|252||
In keth gythna pur avar
<br>han houll nowyth drehevys
<br>tyr marea cleyr ha whar
<br>a ȝeth ȝen beth leuerys
<br>ha ganse oynment heb par
<br>rag corf Ihesus o prennys
<br>whath yn erna nyn gens war
<br>bonas mab du drehevys
|
y'n keth jydh na pur a-varr
<br> ha'n howl nowydh drehevys  
<br> teyr maria kler ha hwar 
<br> a dheuth dhe'n bedh leverys 
<br> ha gansa oynment heb par 
<br> rag korf yesus o prenys 
<br> hwath y'n eur na nyns ens war
<br> bones mab dyw drehevys
|
On that same day, very early, when the sun was newly risen, three     
marys, pure and humble, came to the said grave, bringing ointment       
without equal which had been bought for the body of jesus. at that time    
they were still not aware that the son of god had risen.
|-
|253||
Pan o an tyr marya
<br>ogas ȝen beth deuethys
<br>an meyn esa a warȝa
<br>y an guelas drehevys
<br>en benenas yn delma
<br>yn treȝe a leuerys
<br>ȝe worth an beth an meynma
<br>ȝynny pu an ommelys
|
pan o an teyr maria 
<br> ogas dhe'n bedh devedhys  
<br> an men esa a-wartha  
<br> i a'n gwelas drehevys  
<br> an benynes yndellma   
<br> yntredha a leveris   
<br> dhiworth an bedh an men ma
<br> dhyn ni piw a'n omhwelis
|
When the three Marys had come close to the grave, they saw the stone    
that was on top raised up. so the women said to each other, ``who has   
overturned the stone for us from the grave?''
|-
|254||
En benenas leun a ras
<br>gans an beth fast powessens
<br>worth an pen y a welas
<br>ȝen beth yw leueris kens
<br>vn flough yonk gwyn y ȝyllas
<br>eyll o ha y ny woȝyens
<br>scruth own mur askemeras
<br>rag an marthus re welsens
|
an benynes leun a ras 
<br> gans an bedh fast powessens 
<br> orth an penn i a welas
<br> dhe'n bedh yw leverys kyns 
<br> unn flogh yo'nk gwynn y dhillas
<br> el o hag i ny wodhyens
<br> skruth own meur a's kemmeras 
<br> rag an marthus re welsens
|
The women, full of grace, had paused close by the grave. At the head    
of the grave, which has been mentioned before, they saw a young person     
in  white clothing. it was an angel and they did not know. a shudder of  
great fear sei3ed them because of the wonder they had seen.
|-
|255||
En eyll a gewsys ȝeȝe
<br>na veȝough dyscomfortis
<br>Ihesus crist a naȝary
<br>del welsough a ve lethys
<br>sevys gallas ȝe gen le
<br>den a pert ha mur y breys
<br>a wotta an le may ȝese
<br>vmma nyn gew ef tregis
|
an el a gewsis dhedha 
<br> na vedhewgh diskonfortys   
<br> yesus krist a nasara  
<br> dell welsowgh a veu ledhys 
<br> sevys gallas dhe gen le 
<br> den apert ha meur y bris
<br> awotta'n le mayth esa  
<br> omma nyns yw ev trygys
|
The angel spoke to them: ``Do not be discouraged. Jesus Christ of      
na3areth who was slain as you saw has risen and gone to another place,    
clearly a man of great worth. behold the place where he was. he does not   
remain here.
|-
|256||
Eugh yn fen ȝy ȝyschyblon
<br>ha leuerough wy ȝeȝe
<br>ha ȝe pedyr dos yn scon
<br>erbyn ȝe alyle
<br>ena crist an kuf colon
<br>wy an kyff yn lowene
<br>del leuerys y honon
<br>yn kyg yn goys ow pewe
|
ewgh yn fen dh'y dhyskyblon 
<br> ha leverewgh hwi dhedha  
<br> ha dhe beder dos yn skon
<br> er y bynn dhe galila 
<br> ena krist an kuv kolonn 
<br> hwi a'n kyv yn lowena 
<br> dell leveris y honan  
<br> yn kig yn goes ow pywa
|
``Go immediately to his disciples and tell them and Peter to come      
quickly to meet him in galilee. there, christ the beloved you will find     
in joy as he himself said, alive in flesh and blood.'' 
|-
|257||
Gans henna y a drylyas
<br>confortis ha lowenek
<br>hag eth tus crist rag whelas
<br>hag as cafos moreȝek
<br>y lauarsons ol an cas
<br>y ȝeȝons yn vn tonek
<br>bys yn galyle ȝy whelas
<br>ha ȝe gows worth Ihesus wek
|
gans henna i a drelyas 
<br> konfortys ha lowenek   
<br> hag eth tus krist rag hwilas
<br> hag a's kavas morethek  
<br> y lavarsons oll an kas 
<br> yth ethons yn unn tonnek 
<br> bys galila dh'y hwilas  
<br> ha dhe gows orth yesus hweg
|
With that they turned away, reassured and joyful, and went to look      
for christ's people and found them grieving. they told them the whole      
story. they went in one gathering to look for him and to speak to sweet   
jesus.
|-
|258||
Pan deȝons ȝe alyle
<br>Ihesus crist y a welas
<br>yn y ȝensys ow pewe
<br>den apert ha mur y ras
<br>ol y beyn yntremense
<br>ha trylys ens yn ioy bras
<br>hag a vyth ȝynny neffre
<br>mar a cresyn ha bos vas
|
pan dheudhons dhe galila  
<br> yesus krist i a welas 
<br> yn y dhenses ow pywa 
<br> den apert ha meur y ras
<br> oll y bayn y'n tremensa 
<br> ha trelys ens yn joy bras
<br> hag a vydh dhyn ni nevra
<br> mara krysyn ha bos 'vas
|
When they came to Galilee they saw Jesus Christ alive in his      
humanity, manifestly a man and full of grace. all his pain had passed     
him by. and they were transported into great joy, a joy which shall be    
ours for ever if we believe and are good.
|-
|259|| class="ms4bottom" |
Del sevys mab du ay veth
<br>yn erna ȝen tressa dyth
<br>yn della ol ny a seff
<br>deth brues drok ha da yn weth
<br>obereth dremas a dyff
<br>yn erna rych ef a vyth
<br>drok ȝen yn gythna goef
<br>ȝe gryst y fyth anbarth cleth
|
dell sevis mab dyw a'y vedh
<br> y'n eur na dhe'n tressa dydh
<br> yndella oll ni a sev 
<br> dydh breus drog ha da ynwedh
<br> obereth dremas a dyv  
<br> y'n eur na rych ev a vydh
<br> drog dhen y'n jydh na go-ev
<br> dhe krist y fydh a'n barth kledh
|
As the Son of God then rose from his grave on the third day,    
likewise we all shall rise on judgment day, bad and good alike. the good    
man's work shall grow. then he will be rich. woe to a wicked man on that  
day. he will be at christ's left hand.
|}

==Links==
*Cornish Language Texts http://www.howlsedhes.co.uk/kerneweg/mcindex.html