|
Original |
SWF |
Translation
|
| 1 |
Tays ha mab han speris sans
wy abys a levn golon
Re wronte ȝeugh gras ha whans
ȝe wolsowas y basconn
Ha ȝymmo gras ha skyans
the ȝerevas par lauarow
may fo ȝe thu ȝe worthyans
ha sylwans ȝen enevow
|
Tas ha Mab ha'n Spyrys Sans,
hwi a bys a leun golon,
re wrontyo dhywgh gras ha hwans
dhe woslowes y bacyon.
Ha dhymmo gras ha skians
dh'y dherivas par lavarow,
may fo dhe Dhuw dh'y wordhyans
ha selwans dhe'n enevow.
|
May Father, Son, and the Holy Ghost grant to you who pray with a full
heart, grace and a desire to hear his passion, and to me grace and
knowledge to tell it in words that it may be to the glory of God and for
the salvation of souls.
|
| 2 |
Suel a vynno bos sylwys
golsowens ow lauarow
a ihesu del ve helheys
war an bys avel carow
Ragon menough rebekis
ha dyspresijs yn harow
yn growys gans kentrow fastis
peynys bys pan ve marow
|
Seul a vynno bos selwys
goslowens ow lavarow,
a Yesu dell veu helghys
war an bys avel karow,
ragon menowgh rebekys
ha dispresys yn harow,
y'n grows gans kentrow festys,
paynys bys pan veu marow.
|
Let all who wish to be saved listen to my words about how Jesus was
hunted on Earth like a stag; for us often rebuked and cruelly despised;
to the cross secured with nails; tortured till he was dead.
|
| 3 |
Du sur dre virtu an tas
ȝynny a ȝyttyas gweras
En mab dre y skyans bras
pan gemert kyg a werhas
han sperys sans leun a ras
dre y ȝadder may fe guris
Goȝaff paynys pan vynnas
neb na ylly gull peghes
|
Duw sur, dre vertu an tas,
dhyn ni a dhyghtyas gweres
an Mab dre y skians bras
pan gemer't kig a werghes,
ha'n Spyrys Sans leun a ras,
dre y dhader may feu gwrys
godhav paynys pan vynnas
neb na ylli gul peghes.
|
Indeed, God, through the power of the Father, the Son through his
great wisdom when he accepted a virgin's flesh, and the holy ghost full
of grace, through his goodness by which he who could do no sin willingly
suffered torture, prepared help for us.
|
| 4 |
An dus vas a ȝeserya
ȝeȝe gulas nef o kyllys
gans aga garm hag olua
ihesus crist a ve mevijs
may fynnas dijskynna
yn gwerhas ha bos genys
gans y gyk agan perna
arluth du gwyn agan bys
|
An dus 'vas a dhesirya
dhedha gwlas nev o kellys.
Gans aga garm hag olva
Yesus Krist a veu mevys,
may fynnas diyskynna
yn gwerghes ha bos genys,
gans y gig agan perna -
Arlodh Duw, gwynn agan bys!
|
The good people wanted for themselves the Kingdom of Heaven which had
been lost. Jesus Christ was moved by their cries and lamentations so
that his will was to come down into a virgin and be born to redeem us
with his flesh. Lord God, how happy we are!
|
| 5 |
Ihesu crist mur gerense
ȝe vab den a ȝysweȝas
an vghelder may ȝese
ȝen bys pan deyskynnas
Pehadoryon rag perna
o desevijs dre satnas
rag henna gorȝyn neffra
ihesus neb agan pernas
|
Yesu Krist meur gerensa
dhe vab-den a dhiskwedhas
a'n ughelder mayth esa
dhe'n bys pan dhiyskynnas,
peghadoryon rag perna
o desevys dre Satnas.
Rag henna gordhyn nevra
Yesus neb a'gan pernas.
|
Jesus Christ showed great love to mankind when he came down to Earth
from the height where he was, to redeem sinners who had been deceived by
Satan. Therefore let us always praise Jesus who redeemed us.
|
| 6 |
A(n) peynys a wotheuys
ny ve ragtho y honan
lemmyn rag pobyll an bys
pan vons y kefis mar wan
an ioull ȝe adam kewsys
an aval te kemer tam
a vell du y fethyth gurys
pan yn provas nyn io mam
|
An paynys a wodhevis
ny veu ragdho y honan,
lemen rag pobel an bys
pan vons i kevys mar wann.
An Jowl dhe Adam gewsis,
"An aval ty kemmer tamm!
Avel Duw y fedhydh gwrys!"
Pan y'n provas nyns o mann!
|
The tortures he suffered were not for himself alone but for the
people of the world as they were found (to be) so frail. The Devil spoke
to Adam: "The apple, you take a bit! You will become like God!" When
he tried it, in no way was it so!
|
| 7 |
War lyrgh mab den ȝe begha
reson prag y fe prynnys
yw ihesus crist ȝe ord(na)
yn neff y vonas tregys
y vos kyllys ny vynna
y doull ganso o tewlys
rag henna ȝe bob dyȝgthtya
forth a rug the vos sylwys
|
War-lergh mab-den dhe begha,
reson prag y feu prenys
yw Yesus Krist dhe ord'na
yn nev y vones trigys.
Y vos kellys ny vynna,
y dowl ganso o tewlys,
rag henna dhe bub dyghtya
fordh a wrug dhe vos selwys
|
After mankind had sinned, the reason he was redeemed is that Jesus
Christ ordained that he should dwell in heaven. He did not intend that
he should be lost. By him his plan was made. Therefore he prepared a way
for everyone to be saved.
|
| 8 |
Kyn na goff den skentyll pur
par del won lauaraff ȝys
yn tre du ha pehadur
acord del ve kemerys
rag bonas gonn pegh mar vur
mayn yn treȝe a ve gurys
eff o crist a theth dhen leur
mab du ha den yw kyffris
|
Kyn nag ov den skentyl pur,
par dell wonn lavarav dhis:
yntra Duw ha peghador
akord dell veu kemerys.
Rag bones 'gan pegh mar veur,
mayn yntredha a veu gwrys.
Ev o Krist a dheuth dhe'n leur,
mab Duw ha den yw keffrys.
|
Although I am not a very learned man, I will tell you what I know:
how an accord was made between God and sinner. Because our sin was so
great, an intermediary was made between them. He was Christ who came
down to Earth. He was the son of God and man alike.
|
| 9 |
Ragon y pesys y das
oll y sor may fe gevys
gans y gorff dre beynys bras
agan pegh may fo prennys
mab marea leun a ras
oll y voth a ve clewys
ha kemmys a theseryas
ȝoȝo eff a ve grontis
|
Ragon y pesis y das
oll y sorr may fe gevys,
gans y gorf dre baynys bras
agan pegh may fe prenys.
Mab Maria leun a ras,
oll y vodh a veu klewys,
ha kemmys a dhesiryas
dhodho ev a veu grontys.
|
He begged his Father for us that all his wrath should be remitted,
that our sin should be redeemed with his body through extreme torture.
Mary's son, full of grace - all his will was heard and all he desired
was granted to him.
|
| 10 |
I vam pan yn drehevys
hay vos deueȝis ȝe oys
gull penans ef a pesys
henna ganso nyn io poys
(d)evguans dyth ow penys
y speynas y gyk hay woys
ha woteweth rag densys
eff an geue awell boys
|
Y vamm pan y'n drehevis
ha'y vos devedhys dhe oos,
gul penans ev a besis,
henna ganso nyns o poos.
Dew ugens dydh ow penys
y spenas y gig ha'y woos,
ha wor'tiwedh rag denses
ev a'n jeva awell boos.
|
When his Mother brought him up, and when he was come of age, he
continued to do penance, that was no hardship for him. For forty days he
spent his flesh and blood in fasting, and eventually, because he was
human, he had a craving for food.
|
| 11 |
Han ioull henna pan glewas
y demptye a brederys
ha ȝoȝo y tysqueȝas
cals meyn hay leuerys
Mars sos mab du leun a ras
an veyn ma gura bara ȝis
ihesus crist par del vynnas
ȝoȝo ef a worthebys
|
Ha'n Jowl henna pan glewas,
y demptya a brederis
ha dhodho y tiskwedhas
kals meyn, hag a leveris,
"Mars os mab Duw leun a ras,
a'n veyn ma gwra bara dhis."
Yesus Krist par dell vynnas
dhodho ev a worthybis:
|
And when the Devil heard this, he thought he would tempt him and he
showed him a heap of stones and said, "If you are God's beloved son,
make these stones bread for yourself." Jesus Christ answered him
exactly as he intended:
|
| 12 |
Mab den heb ken ys bara
nyn geuas ol y vewnans
lemmen yn lauarow da
a the ȝe worth an dremas
dre worȝyp crist yn urna
lemmyn ny a yll gwelas
lauar du maga del wra
neb a vynno y glewas
|
"Mab-den hepken es bara
ny'n jeves oll y vewna's,
lemen yn lavarow da
a dheu dhyworth an dremas".
Dre worthyp Krist y'n eur na,
lemmyn ni a yll gweles
lavar Guw maga dell wra
neb a vynno y glewes.
|
"Man does not find all his life in bread alone, but in the good
words that come from God." Now we can see by Christ's answer at that
time, how the word of God feeds whoever will hear it.
|
| 13 |
Gans gloteny ef pan welas
cam na ylly y dolla
en tebell el a vynnas
yn ken maner y demptye
war penakyll yn goras
dyantell ȝe eseȝa
a vgh eglos tek yn wlas
an yset(h)va y ȝesa
|
Gans glotni ev pan welas
kamm na ylli y dolla,
an tebel-el a vynnas
yn ken maner y demptya.
War bynakyl y'n gorras
diantel dhe esedha.
A-ugh eglos teg y'n wlas,
an esedhva yth esa.
|
When he saw that he could not trick him at all with gluttony, the
evil angel decided to tempt him in another way. He put him to sit
dangerously on a pinnacle. The seat was above a beautiful church in the
land.
|
| 14 |
An ioul ȝe grist a gewsys
yn delma rag y demptya
a hanas y thew scrifys
bos eleth worth ȝe wyȝe
rag own yw ȝom desevys
ȝe droys worth meyn ȝe dochye
mar sos mab du a vur brys
dijskyn ha ȝen dor ke
|
An Jowl dhe Grist a gewsis
yndelma rag y demptya,
"Ahanas yth yw skrifys
bos eledh orth dha witha,
rag own yth omdhisevys
dha droos orth men dh'y dochya.
Mars os mab Duw a veur brys,
diyskyn ha dhe'n dor ke."
|
The Devil spoke to Christ thus to tempt him: "It is written of you
that angels are guarding you for fear you are going to stumble by
catching your foot on a stone. If you are God's son of great worth, come
and drop down to the ground."
|
| 15 |
Ihesus crist a leueris
ȝe thu ny goth thys temptye
yn neb ehan a seruys
lemmyn prest y honore
Ha whath an Ioul a dewlys
towll ken maner mar calle
dre neb forth a govaytis
guȝyll ȝy gowsys tryle
|
Yesus Krist a leveris,
"Dha Dhuw ny goodh dhis temptya
yn neb eghen a servis,
lemen prest y enora."
Ha hwath an Jowl a dewlis
towl ken maner mar kalla,
dre neb fordh a govaytys,
guthyl dh'y gowses treylya.
|
Jesus Christ said, "You must not tempt your God into any kind of
enthralment, but always honour him." And again the Devil cast a plan of
another kind to see if, in some way involving greed, he could make him
change his mind.
|
| 16 |
A lene yn hombronkyas
vghell war ben vn meneth
ha ȝoȝo y tysquethas
owr hag arghans gwels ha gweth
ha kymmys yn bys vs vas
yn meth an ioul te a feth
ha me ad wra arluth bras
ow honore mar mynnyth
|
Alena y'n hembronkyas
ughel war benn unn menedh,
ha dhodho y tiskwedhas
owr hag arghans gwels ha gwedh
ha "Kemmys y'n bys eus 'vas",
yn-medh an Jowl, "ty a' fydh.
Ha my a'th wra arlodh bras
ow enora mar mynnydh."
|
From there, he led him high up to the top of a mountain, and showed
him gold and silver, grass and trees, and the Devil said, "You shall
have all there is of value in the world, and I will make you a great
lord if you are willing to honour me."
|
| 17 |
Ihesus crist a leueris
y vos scryfys yn lyffrow
yn pub gwythres ycoth thys
gorȝye ȝe ȝu hay hanow
Ke ȝe ves omscumvnys
ȝe ȝyveyth veth yn tewolgow
the vestry a vyth leȝys
neffre war an enevow
|
Yesus Krist a leveris
y vos skrifys y'n lyvrow:
"Yn pub gweythres y koodh dhis
gordhya dha Dhuw ha'y hanow.
Ke dhe-ves, emskemunys,
dhe dhifeyth yn tewolgow.
Dha vaystri a vydh ledhys
nevra war an enevow."
|
Jesus Christ said that it was written in the Scriptures, "In
everything that is done you must worship your god and his name. Go away,
accursed one, to a desert in darkness. Your dominion over souls will be
destroyed for ever."
|
| 18 |
An ioul a trylyas sperys
hag eth ȝy tyller tythy
tergweyth y fe convyctijs
evn yw ȝyn y voleythy
ȝe ihesu may fons parys
ȝy gomfortye yredy
an neff y fe danvenys
ȝe worth an tas eleth dy
|
An Jowl a dreylyas serrys
hag eth dh'y dyller teythi.
Teyrgweyth y feu konviktys,
ewn yw dhyn y vollethi.
Dhe Yesu may fens parys,
dh'y gonfortya yredi
a'n nev y feu danvenys
dhyworth an Tas eledh di.
|
The Devil turned angrily and went home to his lair. Three times he
was overcome. It is right for us to curse him. To Jesus were sent
heavenly angels from the Father to be ready indeed to support him there.
|
| 19 |
Ha satnas gans y antell
hay scherewneth hay goyntis
crist mab an arluth vghell
y demptye pan prederis
besy yw ȝyȝ bos vuell
ha seruabyll yth seruys
manno allo an tebell
ogas ȝys bonas trylys
|
Ha Satnas, gans y antell
ha'y sherewneth ha'y goyntis,
Krist, mab an Arlodh Ughel,
y demptya pan brederis,
besi yw dhis bos uvel
ha servabyl y'th servis,
ma na allo an tebel
ogas dhis bones treylys.
|
And since Satan thought he would tempt Christ, Son of the Supreme
lord, with his treachery, malice and cunning, it is important for you to
be humble and diligent in your service so that the evil one cannot be
turned upon you.
|
| 20 |
Rag y hyller ervyre
hay welas yn suredy
y vos prest worth ȝe vetye
ȝe veth ȝys ha belyny
te na yllyth omweȝe
vn pres yn geyth na peghy
pan omsettyas ȝe demptye
guȝyll pegh neb na ylly
|
Rag y hyllir ervira
ha'y weles yn surredi,
y vos prest orth dha vetya
dhe veth dhis ha bileni,
ty na yllydh omwitha
unn pres y'n jydh na beghi,
pan omsettyas dhe demptya
guthyl pegh neb na ylli!
|
For you may be sure, and see indeed that he is always waylaying you
to your shame and disgrace, you who cannot keep yourself from sinning
for a single moment in the day! After all, he undertook to tempt him who
could not commit sin!
|
| 21 |
Del yw scrifys prest yma
adro ȝynny ganso try
mara kyll ȝe worth an da
ȝe weȝyll drok agan dry
folle yn ta y whela
ys del wra lyon y pray
drey den yn peyn a calla
neffre ny vnsa moy ioy
|
Dell yw skrifys prest yma
a-dro dhyn ni gans outray,
mara kyll dhyworth an da
dhe wuthyl drog agan dri.
Folla yn ta y hwila
es dell wra lion y bray.
Dri den yn payn a kalla,
nevra ny yeunsa moy joy.
|
As it is written, he is always round about us with violence in case
he can bring us from the good to do evil. Much more furiously he seeks
us than does a lion his prey. If he could bring a man to woe, never
would he desire more joy.
|
| 22 |
Gans ioul kyn fy temptijs
anoȝo na ro dymme
rag comfort yw henna ȝys
scrifys yw yn leas le
yt allos y vos gorrys
kyffris seuell ha cothe
ha ganso kynfes tewlys
te a yll seuell arte
|
Gans an jowl kyn fi temptys,
anodho na ro demma.
Rag konfort yw henna dhis:
skrifys yw yn lies le
y'th hallos y vos gorrys
keffrys sevel ha kodha,
ha ganso kyn fes tewlys
ty a yll sevel arta.
|
Though you are tempted by the Devil, do not give a halfpenny for him!
For it is written in many places that it is put into your power both to
stand and to fall, and though you are cast down by him, you may rise
again. That is a comfort for you!
|
| 23 |
Ihesu crist yn pow a dro
pub eroll pregoth a wre
han virtu an pregoth o
mab den ȝe ase peghe
ha gevys may fe ȝoȝo
kyffrys y begh hay fyltye
degis na ve ȝe worto
gulas nef (h)a roys ȝe gen re
|
Yesu Krist y'n pow a-dro
pub eur oll pregoth a wre,
ha'n vertu a'n pregoth o
mabden dhe asa pegha,
ha gevys may fe dhodho
keffrys y begh ha'y vilta,
degys na ve dhyworto
Gwlas Nev ha res dhe gen re.
|
Jesus Christ preached in the country round about all the time, and
the substance of the preaching was that mankind should cease from
sinning so that his sin as well as his evil might be forgiven him, lest
the Kingdom of Heaven be taken away from him and given to others.
|
| 24 |
Benegas yw neb a gar
du dris pub tra vs yn bys
hag a woȝaffo yn whar
ȝoȝo kymmys vs ordnys
bo clevas bo peth kescar
po dre breson presonys
ol en da han drok kepar
ȝe ihesu beȝens grassys
|
Benygys yw neb a gar
Duw dres pub tra eus y'n bys,
hag a wodhaffo yn hwar
dhodho kemmys eus ord'nys,
po kleves po peth-keskar
po dre brison prisonys.
Oll an da ha'n drog kepar,
dhe Yesu bedhens grassys.
|
Blessed is he who loves God beyond everything there is in the world,
and who will meekly suffer all that is ordained for him, whether it is
illness or dispersion of wealth, or being shut up in prison. For all
good and bad alike, let Jesus be thanked.
|
| 25 |
Ihesu crist yn pow may the
ef a sawye an glevyon
dal na boȝar ny ase
nag omlanar na gonon
na claff vyth ow crowethe
mar pesy a leun golon
whare sawijs y feȝe
del vynna crist y honon
|
Yesu Krist y'n pow mayth e,
ev a sawya an glevyon.
Dall na bodhar ny asa,
nag omlavar nagonan
na klav vyth ow krowedha.
Mar pesi a leun golon
hware sawys y fedha
dell vynna krist y honan.
|
Wherever he went in the country, Jesus Christ healed the sick. He did
not abandon the blind or the deaf or the dumb - not one, nor any
bedridden invalid. If he prayed with a full heart, straight away he
would be cured in accordance with the will of Christ himself.
|
| 26 |
Pan welas en ethewon
bos crist au cuthyll meystry
ow care eȝomogyon
hag a neȝe na wre vry
rag henna an vuscogyon
orto a borȝas avy
dre vraster bras yn golon
y chungfyons y ȝestrewy
|
Pan welas an Edhewon
bos Krist ow kuthyl maystri,
ow kara edhomogyon
hag anedha na wre vri,
rag henna an vuskogyon
orto a borthas avi.
Dre vraster bras y'n golon
y chonsyons y dhistrui.
|
When the Jews saw that Jesus Christ was exercising power, caring for
people in need and that he paid no heed to them, for that reason the
crazy ones bore him malice. Because of arrogance in their hearts they
attempted to destroy him.
|
| 27 |
Dewsull blegyow pan ese
yn mysc y abestely
y wreg ȝe re a neȝe
mos ȝen dre ha degylmy
an asen ha dry ganse
ha leuerell yredy
mar teffa tus ha gweȝe
bos ȝe ȝu ȝe wull gynsy
|
De Sul Bleujyow pan esa
yn mysk y abesteli,
y hwrug dhe re anedha
mos dhe'n dre ha digelmi
an asyn ha dri gansa,
ha leverel yredi,
mar teffa tus ha gwitha,
bos dhe Dhuw dhe wul gensi.
|
When he was among his apostles on Palm Sunday, he made some of them
go to the town and untie the ass and bring it with them, and if any man
came to prevent it, to say indeed that it was on God's business.
|
| 28 |
Del yrghys ihesus ȝeȝe
y a rug a ȝesympys
ol y voth ef del vynne
an asen a ve kerghys
war neȝy rag eseȝe
dyllas pan a ve gorrys
rag morogeth a vynne
ȝen Cyte ȝe vos gorthijs
|
Dell erghis Yesus dhedha
i a wrug a-dhesempis,
oll y vodh ev dell vynna.
An asyn a veu kerghys.
Warnedhi rag esedha
dillas pan a veu gorrys,
rag marghogeth a vynna
dhe'n cita dhe vos gordhys.
|
Straight away they did as Jesus instructed; all his will as he
intended. The ass was fetched. A cloth garment was placed upon it for
sitting on, because he wanted to ride to the city to be honoured.
|
| 29 |
Mur a dus ha benenas
a ierusalem yn dre
erbyn crist rag y welas
y eth ha rag y worȝye
war an fordh dyllas a les
a ve gurris ȝe ragthe
palm ha floris kekyffris
er y byn degis a ve
|
Meur a dus ha benenes
a Yerusalem y'n dre,
erbynn Krist rag y weles,
i eth ha rag y wordhya.
War an fordh, dillas a-les
a veu gorrys dheragdho.
Palm ha flourys kekeffrys
er y bynn degys a veu.
|
Many men and women of Jerusalem came into the town towards Christ in
order to see him and honour him. On the road, clothes were spread out
before him. Palms and flowers also were carried to meet him.
|
| 30 |
I helwys a leun golon
gans mur ioy ha lowene
yn hanow du yn treȝon
benegas yw neb a the
crist a gafas gorkorian
yn templys a berth yn dre
ef a rug ȝeȝe yn scon
monas yn mes a lene
|
Y helwis a leun golon
gans meur joy ha lowena
"Yn hanow Duw yntredhon
benygys yw neb a dheu!"
Krist a gavas gwikoryon
y'n templys a-berth y'n dre.
Ev a wrug dhedha yn skon
mones yn-mes alena.
|
There was a wholehearted cry with much joy and gladness: "Blessed is
he who comes among us in the name of God!" Christ found traders in the
temples inside the town. He made them go away from there quickly.
|
| 31 |
En scherewys a sorras
rag bonas crist honoris
ha bos y ober mar vras
ha dris an bys ol notijs
grussons cusyll na go vas
rag may fo ihesus dyswris
ha kymmys y an cablas
may fe an dre (crehe)lys
|
An sherewys a sorras
rag bones Krist enorys,
ha bos y ober mar vras
ha dres an bys oll notys.
Gwrussons kusul nag o 'vas
rag may fe Jesus diswrys,
ha kemmys i a'n kablas
may feu an dre kreghellys.
|
The wicked were angry because Christ was honoured and because his
work was so great and known throughout all the world. They made a plan
which was not any good to destroy Jesus, and they accused him so much
that the town was in an uproar.
|
| 32 |
En gusyl o may fe dris
ȝe rag crist pehadur(es)
ol ȝy voth may rollo bres
a neȝy del ve ȝe gres
rag an lahys ȝynny es
a vyn y dampnye porres
ym meȝens y forth nyn ges
may hallo bos deflam guris
|
An gusul o may fe dres
dherag Krist peghadores,
oll dh'y vodh may rolla breus
anedhi dell vedha gwres.
"Rag an laghys dhyn ni eus
a vynn hy dampnya porres,"
yn-medhons i. "Fordh nyns eus
may hallo bos diflam gwrys."
|
The plan was that a sinful woman should be brought before Christ so
that he might give a decision of his own accord as to what was to be
done in her case. "For the laws which we have will condemn her
outright," they said. "There is no way in which she may be made blameless."
|
| 33 |
Then tyller crist re dethye
han eȝewon o dygnas
I ȝesa an venyn ganse
paris ens ȝy huhuȝas
hedre vons y ov plentye
ihesus yn dour a scryfas
ha dre virtu an scrife
peb ȝe ves a omdennas
|
Dhe'n tyller Krist re dhodhya
ha'n Edhewon o dignas.
Yth esa an venyn gansa;
parys ens dh'y huhudhas.
Hedre vens i ow plentya,
Yesus y'n dor a skrifas,
ha dre vertu an skrifa,
peub dhe ves a omdennas.
|
Christ had come to the place and the Jews were truculent. The woman
was with them; they were prepared to accuse her. While they were making
a charge, Jesus wrote on the ground, and by the power of what he wrote
everyone went away.
|
| 34 |
Pan eȝons oll ȝe wary
ancombrys y rebea
pema yn meth crist ȝyȝy
neb a vyn ȝe guhuȝa
denvyth nyn ges yn meȝy
ihesus a gewsys arta
me nyth dampnyaf yredy
ha na wra na moy pegha
|
Pan ethons oll dhe wari,
ankombrys i re bia,
"Pyma", yn-medh krist dhedhi,
"neb a vynn dha guhudha?"
"Den vyth nyns eus" yn-medh hi.
Yesus a gewsis arta,
"My ny'th tampnyav yredi,
ha na wra namoy pegha."
|
When they all went away (they had been embarrassed) Christ said to
her, "Where is he who wants to accuse you?" "There is no one," she
said. Jesus spoke again: "Well then, I do not condemn you. Go and sin
no more."
|
| 35 |
Benyn dyr vur cheryte
y box ryche leun a yly
a vgh crist rag y vntye
hy a vynnas y derry
corf ihesus rag comfortye
gures pur sur o yredy
Iudas scharyoth ascable
ha gans mur a falsury
|
Benyn, der veur jeryta,
hy boks rych leun a eli
a-ugh Krist rag y untya
hi a vynnas y derri.
Korf Yesus rag konfortya
gwres pur sur o yredi.
Yudas Skaryoth a's kabla,
ha gans meur a falsuri.
|
Out of great love a woman wanted to break her rich box of perfume
over christ to anoint him. indeed it was quite clearly done to refresh
the body of jesus. judas iscariot accused her very unjustly.
|
| 36 |
Iudas fals a leuerys
trehans dynar a vone
en box oll beȝens gwerthys
a vos den rag y ranne
the vohosogyon yn bys
gwel vya ys y scolye
ihesus crist a worthebys
y gowsys ef a woȝye
|
Yudas fals a leveris,
"Tri hans diner a vona
an boks oll bedhes gwerthys,
a vos den rag y ranna
dhe voghosogyon yn bys.
Gwell via es y skollya."
Yesus Krist a worthebis,
y gowses ev a wodhya:
|
False Judas said, "Let the whole box be sold for three hundred pence
in cash to be shared among the poor in the world. It would be better
than wasting it." Jesus Christ answered (he knew what was in his mind):
|
| 37 |
Na thegough sor yn golon
war neb a vyn ow sawye
ow thermyn a the yn scon
genough me nvm byth trege
wy a gyff bohosogyon
pub er warnough ow carme
pan vynnough agis honon
wy a yll gull da ȝeȝe
|
"Na dhegewgh sorr y'n golon
war neb a vynn ow sawya.
Ow thermyn a dheu yn skon,
genowgh my ny'm bydh triga.
Hwi a gyv boghosogyon
pub eur warnowgh ow karma.
Pan vynnowgh agas honan,
hwi a yll gul da dhedha."
|
"Do not bear anger in your hearts towards the one who wants to save
me. My time will soon come, I shall have no dwelling with you. You will
have the poor calling upon you all the time. You yourselves can do good
for them whenever you want."
|
| 38 |
Wh(are) y s(or)ras Iudas
ny gewsy dre geryte
(lemen) rag cafos ran vras
an pencon mar a calle
eff (o) harlot tebel was
woteweth lader vye
ȝen eȝewon y ponyas
crist y arluth rag gwerȝe
|
Hware y sorras Judas.
Ny gewsis dre jeryta
lemen rag kavos rann vras
a'n penshyon mara kalla.
Ev o harlot, tebelwas,
wor'tiwedh lader via.
Dhe'n edhewon y ponyas
Krist y Arlodh rag gwertha.
|
At once Judas grew angry. He did not speak out of love but to get a
big share of the fund if he could. He was a rogue, a villain; he had
been a thief to the end. He ran to sell Christ his Lord to the Jews.
|
| 39 |
Eff a leveris ȝeȝe
pyth a vynnough why ȝe ry
ha me a ra ȝeugh spedye
ow cafos crist yredy
yfons vnver yn treȝe
kepar ha del wovyny
xxx (leg. dek warn ugens) a vone
yn vn payment y wrens ry
|
Ev a leveris dhedha,
"Pyth a vynnowgh hwi dhe ri
ha my a wra dhywgh spedya
ow kavoes krist yredi?"
Y fons unver yntredha
kepar ha dell wovynni,
deg warn ugens a vona
yn unn pemont y hwrens ri.
|
He said to them, "What will you give me if I do indeed make you
successful in finding Christ?" They agreed among themselves that they
would give him thirty in cash in payment, just as he asked.
|
| 40 |
Arte Iudas ow tryle
gwan wecor nyn geve par
ny yl den vyth amontye
myns a gollas yn chyffar
worth ihesus ef a fecle
kepar ha pan ve hegar
yn deweth ny acordye
y golon gans y lauar
|
Arta Yudas ow treylya,
gwann-wikor ny'n jeva par,
ny yll den vyth amontya
myns a gollas y'n chyffar.
Orth Yesus ev a fekla
kepar ha pan ve hegar.
Yn diwedh ny akordya
y golon gans y lavar.
|
Returning again (without equal as a bad bargainer; no one can work
out how much he lost on the deal) Judas greeted Jesus falsely, as if he
were being affectionate. In the end his heart did not accord with his
speech.
|
| 41 |
Gans iudas del o tewlys
drey ihesus sur del vynne
gans crist y tho cowethys
byth nyn gens y coweȝe
en gyth o deyow hablys
may fenne ihesus sopye
gans an re yn y seruys
war an bys reȝewesse
|
Gans Yudas dell o tewlys,
dri Yesus sur dell vynna.
Gans krist yth o kowethys
bydh nyns ens i kowetha.
An jydh o de Yow Hablys,
may fynna Yesus sopya
gans an re yn y servis
war an bys re dhewissa.
|
Just as he intended, so it was plotted by Judas to bring Jesus. He
was in Christ's company but they were never comrades. The day was Maundy
Thursday when Jesus intended to have supper with those in his service on
Earth whom he had chosen.
|
| 42 |
Dew ȝen crist a ȝanvonas
ȝe berna boys ha dewas
an keth rena a spedyas
han soper a ve paris
crist worth an goyn a warnyas
dre onan bos treson guris
arluth du y a armas
pv a yl henna bonas
|
Dew dhen Krist a dhanvonas
dhe berna boos ha diwes.
An keth re na a spedyas
ha'n soper a veu parys.
Krist orth an gon a warnyas
dre onan bos trayson gwrys.
"Arlodh Duw", i a armas,
"Piw a yll henna bones?"
|
Christ sent two men to buy food and drink. These same men made good
speed and supper was prepared. At the supper, Christ warned that
treachery would be done by one. "Lord God", they cried, "who can that
be?"
|
| 43 |
Ihesus crist a worthebys
ow tybbry genen yma
pub onan ol a ylwys
arluth du yv me hena
ha ihesus a worȝebys
am scudel dybbry a wra
gwef vyth pan veva genys
a dor y vam ȝen bysma
|
Yesus Krist a worthebis,
"Ow tybri genen yma."
Pubonan oll a ylwis
"Arlodh Duw, yw my henna?"
Ha Yesus a worthebis,
"A'm skudell dybri a wra.
Go-ev bydh pan veu va genys
a dorr y vamm dhe'n bys ma."
|
Jesus Christ replied, "He is eating with us." Every one called out,
"Lord God, am I that one?" And Jesus answered, "he is eating from my
dish. Woe to him that ever he was born from his mother's womb into this
world."
|
| 44 |
Du a sonas an bara
ȝe rag y abestely
ow horf a ve yw henma
yn meth crist sur ragough wy
pernys a berth yn bysma
dyspresys haneth a vyth
an deppro gans cregyans da
gober tek eff an geuyth
|
Duw a sonas an bara
dherag y abesteli.
"Ow horf evy yw hemma",
yn-medh Krist. "Sur ragowgh hwi
prenys a-berth y'n bys ma,
dispresys haneth a vydh.
A'n deppro gans krejyans da,
gober teg ev a'n jevydh."
|
God blessed the bread in the presence of his apostles. "This is my
body," said Christ. "This night, it will surely be despised for you
who are redeemed in this world. He who eats it in good faith will
receive a fair reward."
|
| 45 |
Han gwyn esa war en foys
ef a rannas yn treȝa
yn meth crist hema yw goys
evough why par cheryta
gans dour gorris yn baȝon
y wolhas aga garrow
hysseas ys guregh pur wyn
dell vynna du caradow
|
Ha'n gwin esa war an voos
ev a rannas yntredha.
Yn-medh Krist, "Hemm yw ow goos,
evowgh hwi par cheryta."
Gans dowr gorrys yn bason
y wolghas aga garrow.
Hys-ha-hys y's gwrug pur wynn
dell vynna Duw karadow.
|
And the wine which was on the table he shared among them. "This is
my blood," said Christ, "drink out of love." With water put into a
basin he washed their legs. He made them pure white from end to end, as
was the will of a loving god.
|
| 46 |
Henna pedyr a sconyas
ihesus ȝe wolhy y dreys
taw pedyr te ny woȝas
yn meth crist pan dra raf ȝys
mar nyth wolhaff dre ow gras
yn nef ny veȝyth tregis
ynmeth pedyr ȝym na as
troys na leyff vo golhys
|
Ena Peder a skonyas
Yesus dhe wolghi y dreys.
"Taw, Peder, ty ny wodhes",
yn-medh Krist, "pandr'a wrav dhis.
Mar ny'th wolghav dre ow gras,
yn nev ny vedhydh tregys."
Yn-medh Peder, "Dhymm na as
troos na leuv na vo golghys."
|
Then Peter refused that Jesus should wash his feet. "Quiet, Peter,"
said Christ. "You do not know what I am doing for you. If I do not wash
you by my grace, you will not dwell in heaven." Peter said, "leave
neither my foot nor my hand unwashed."
|
| 47 |
Ihesus crist leun a bete
a leueris ȝen dowȝek
wy yv glan a bup fylte
mas nyn iough ol da na whek
bos Iudas ef a woȝye
pur hager ha moloȝek
an ioul ynno re drecse
may ȝo gweth agis cronek
|
Yesus Krist, leun a bita,
a leveris dhe'n dewdhek,
"Hwi yw glan a bub vilta,
mes nyns owgh oll da na hweg."
Bos Yudas ev a wodhya
pur hager ha mollothek.
An Jowl ynno re dregsa
mayth o gweth ages kronek.
|
Jesus Christ, full of pity, said to the twelve, "You are innocent of
all vileness, but you are not all good or sweet." He knew that Judas
was quite hideous and accursed. The devil had dwelt in him so that he
was worse than a toad.
|
| 48 |
In delma crist pan wresse
ȝe iudas y leueris
te ke yn vn fystene
ȝe voth may fo colenwys
rag an termyn re deve
may fyth an begel kyllys
ha chechys yn tre dewle
han deves ȝe ves fijs
|
Yndelma Krist pan wrussa,
dhe Yudas y leveris,
"Ty ke yn unn fistena,
dha vodh may fo kollenwys,
rag an termyn re dheuva
may fydh an bugel kellys,
ha kechys yntra diwla
ha'n deves dhe-ves fiys."
|
When Christ had done this he said to Judas, "Hurry away so that your
purpose may be fulfilled, for the time has come when the shepherd will
be forfeit and taken into custody, and the sheep will run away."
|
| 49 |
Kyn fallens ol me a veth
yn meth pedyr yth seruys
yn meth crist yn nos haneth
kyns ys boys colyek clewys
pedyr te am nagh tergweth
bythqueth arluth na vef ȝys
yn meth pedyr tan ow feth
nyth nahaff kyn fen leȝys
|
"Kyn fallons oll, my a vedh",
yn-medh Peder, "y'th servys."
Yn-medh Krist, "y'n nos haneth,
kyns es bos kulyek klewys,
Peder ty a'm nagh teyrgweyth
bythkweyth Arlodh na veuv dhis."
Yn-medh Peder, "Tann ow fedh,
ny'th naghav kyn fiv ledhys."
|
"Though all fail," said Peter, "I shall be in your service."
Christ said, "this very night, before the cock is heard, Peter, you
will deny me three times that I was ever Lord unto you." Peter said,
"upon my faith, I will not deny you even though I am slain."
|
| 50 |
In meth crist a ban rug ȝeugh
ternoth fernoth ow holye
daver vyth wy ny ȝecsyugh
ȝe worre trevyth ynne
betegyns wy ny woȝough
pan dra eȝom agan be
arluth guyr aleuersough
y a gowsys yn treȝe
|
Yn-medh Krist, "A-ban wrug dhewgh
ternoth fernoth ow holya,
daffar vyth ny dhegsowgh
dhe worra tra vyth ynna.
Byttegyns hwi ny wodhowgh
pandra edhom a'gan beu."
"Arlodh, gwir a leversowgh,"
i a gewsis yntredha.
|
Christ said, "Since I made you follow me, ill-clad and barelegged,
you have not carried any holder to put anything into. Nevertheless you
do not know what need we had." "Lord, you have spoken the truth,"
they said among themselves.
|
| 51 |
Mas lemmyn rys yv porris
batayles kyns ys coske
an geffo pows as gwyrȝyns
ha ȝoȝo pernas cleȝe
sur yma dew ȝyn parys
y a leueris whare
hen yw lour na moy ny rys
du a leueris arte
|
"Mes lemmyn res yw porres
batalyas kyns es koska.
A'n jeffo pows, a's gwerthes,
ha dhodho pernes kledha."
"Sur, yma dew dhyn parys",
i a leveris hware.
"Henn yw lowr, namoy ny res",
Duw a leveris arta.
|
"But it is now very important to do battle rather than sleep. Let
him who has a cloak sell it and buy himself a sword." "Indeed we have
two ready", they said at once. "That is enough, no more are needed",
God said once more.
|
| 52 |
Mab marya leun a ras
ȝen meneth olyff y ȝeth
hay ȝyscyplys an sewyas
yn meth crist yn nos haneth
golyough ha pesough ow ȝas
may hallough mos ȝy aseth
na veȝough temtijs dygnas
gans gow ha gans scherewneth
|
Mab Maria, leun a ras,
dhe'n menydh oliv yth eth,
ha'y dhisciplys a'n sewyas.
Yn-medh Krist, "Y'n nos haneth,
golyowgh ha pesowgh ow thas
may hallowgh mos dh'y esedh
na vedhowgh temptys dignas
gans gow ha gans sherewneth."
|
Mary's Son, full of grace, went to the Mount of Olives and his
disciples followed him. Christ said, "This night keep watch and pray to
my father that you may go to his seat and so you will not be tempted
beyond nature by falsehood and wickedness."
|
| 53 |
Pedyr androw ha Iowan
yn meth crist deugh holyough ve
bys yn meneth ha me gwan
trystyns vs worth ow bluȝye
ȝe worte vn lam beghan
y ȝeth pesy may halle
ȝy ȝas yn weth vgy a van
hag ef rag own ow crenne
|
"Peder, Androw ha Yowan",
yn-medh Krist, "Dewgh holyowgh vy
bys y'n menydh, ha my gwann
trystyns eus orth ow bleudhya."
Dhyworta unn lamm byghan
yth eth pesi may halla
dh'y das ynwedh uji a-vann,
hag ev rag own ow krena.
|
"Peter, Andrew and John," said Christ, "Come, follow me to the
mountain. Because I am weak, sorrow is sapping my strength." He went a
little way from them so that he could pray to his father who is ever
above, although he was shaking with fear.
|
| 54 |
Mab marya mur a beyn
a woȝevy yn vrna
rag ef a woȝya yn feyn
han kyg ny vynna henna
mes y ȝenȝys o mar feyn
pub vr an trylya ȝeȝa
may ȝeth war ben y ȝewleyn
ha pesy yn ketelma
|
Mab Maria meur a bayn
a wodhevi y'n eur na,
rag ev a wodhya yn fayn,
ha'n kig ny vynna henna,
mes y dhenses o mar fayn
pub eur a'n treylya dhedha,
mayth eth war benn y dhewlin
ha pesi yn kettellma:
|
Mary's Son was suffering much pain at that time for he was perfectly
aware (of his fate) and the flesh did not want that, but his manhood
which was so perfect turned him all the time to these things, so that he
went down on his knees and prayed thus:
|
| 55 |
Mara sew ȝe voth ow ȝas
gura ȝen payn ma ow gasa
mes beȝens guris ȝe vynnas
arluth du ȝe voth del ve
ȝy ȝyscyplys y trylyas
yscafas ol ow coske
ynmeth crist vn pols golyas
ny yllough ȝum comfortye
|
Maras yw dha vodh, ow Thas,
gwra dhe'n payn ma ow gasa,
mes bedhes gwrys dha vynnas
Arlodh Duw dha vodh dell vo."
Dh'y dhisciplys y treylyas.
Y's kavas oll ow koska.
Yn-medh Krist "unn pols golyas
ny yllowgh dhe'm konfortya?"
|
``If it is your will, my Father, make this pain leave me, but let
your will be done, lord god, whatever it may be. he returned to his
disciples. he found them all sleeping. christ said, ``can you not stay
awake one moment to give me strength?
|
| 56 |
Ena crist sur as gasas
hag eth arta ȝe besy
war ben gleyn ȝe worth y das
del lauarsa ragon ny
y beynys o cref ha bras
warnoȝo heb y dylly
reson o rag ol an wlas
ef a woȝye y verwy
|
Ena Krist sur a's gasas
hag eth arta dhe besi
war benn glin dhyworth y das
dell lavarsa ragon ni.
Y baynys o krev ha bras
warnodho heb y dyli.
Reson o rag oll an wlas
ev a wodhya y ferwi.
|
Then Christ definitely left them and went again to pray for us on his
knees to his father as he had said. His pains were strong and great upon
him without being deserved. The reason was that he knew he was gong to
die for all the land.
|
| 57 |
In meth crist o du ha den
arte ȝy abestely
golyough ha pesough yn ven
rag own an ioul hay vestry
tresse gwyth hag ef yn cren
y pesys du delyr vy
arluth mar ny yl bos ken
beȝens kepar del vynny
|
Yn-medh Krist, o Duw ha den,
arta dh'y abesteli,
"Golyowgh ha pesowgh yn fen
rag own a'n Jowl ha'y vaystri."
Tressa gweyth, hag ev yn kren,
y pesis "Duw, delirv vy!"
Arlodh mar ny yll bos ken,
bedhes kepar dell vynni."
|
Christ, who was God and Man, said again to his apostles, "Stay awake
and pray earnestly for fear of the Devil and his domination." A third
time, as he was trembling, he prayed, "God, deliver me! Lord, if it
cannot be otherwise, let it be as you will."
|
| 58 |
Ihesus crist dygonfortys
war ben dewlyn pan ese
an nef y fe danuenys
el ȝoȝo ȝy gomfortye
mab du o kymmys grevijs
rag tomder ef a wese
dowr ha goys yn kemyskys
weys crist rag ȝe gerense
|
Yesus Krist digonfortys
war benn dewlin pan esa,
a'n nev y feu danvenys
el dhodho dh'y gonfortya.
Mab Duw o kemmys grevys
rag tomder ev a hwesa
dowr ha goos yn kemyskys,
hwys Krist rag dha gerensa.
|
When Jesus Christ was on his knees in distress, an angel was sent to
him from heaven to give him strength. The son of God was so oppressed
because of the heat that he was sweating water and blood mixed together
- the sweat of Christ for your sake.
|
| 59 |
Cryst kymmys payn yn geve
angus tyn ha galarow
mateth angoys ha dropye
war y fas an caradow
den vyth ny yl amontye
na leuerell war anow
oll myns peynys an geve
kyns ys y vonas marow
|
Krist kemmys payn a'n jeva,
angus tynn ha galarow,
may teuth an goos ha droppya
war y fas, an karadow.
Den veth ny yll amontya
na leverel war anow
oll myns paynys a'n jeva
kyns es y vones marow.
|
Christ had so much pain, cruel anguish and suffering that the blood
came and dropped on his face, the beloved. No man can reckon nor say in
words all the torment which he had before he was dead.
|
| 60 |
Lemmyn ny a yl gwelas
hag ervyre fest yn ta
cryst ȝe woȝaff dre ȝensys
mur a benans yn bysma
ef ny ylly dre ȝewsys
goȝaff na nyll drok na da
rag mester o war an bys
hag ol myns vs ef a ra
|
Lemmyn ni a yll gweles
hag ervira fest yn ta,
Krist dhe wodhav dre dhenses
meur a benans y'n bys ma.
Ev ny ylli dre Dhuwses
godhav naneyl drog na da,
rag mester o war an bys
hag oll myns eus ev a wra.
|
Now we can see and be quite convinced that Christ, as Man, suffered
much penance in this world. He could not, as God, experience either evil
or good, because he was master over the world, and everything there is,
he makes.
|
| 61 |
Pan o y besadow guris
ȝen dowȝek y leuerys
koscough lemmyn mar sew prys
powesough wy yv grevijs
tus vs ȝym ow tevones
yv gans ow thraytor dyskis
fatel dons thov hemeres
ha del veȝaff hombronkis
|
Pan o y besadow gwrys,
dhe'n dowdhek y leveris,
"Koskowgh lemmyn mars yw prys,
powesowgh, hwi yw grevys.
Tus eus dhymm ow tevones
yw gans ow thraytour dyskys
fatel dhons dh'ow hemeres
ha dell vedhav hembrenkys."
|
When his prayers were done he said to the twelve, ``Sleep now if it
is time; rest, you are worn out. men are coming to me who have been told
by my betrayer how they are to come and take me and how i shall be led
(away).
|
| 62 |
Kepar du del leuerys
pan esa crist ow pesy
Iudas eth yn y negis
en ioul yv en hombronky
ȝen eȝewan dyrryvys
del o y fynas synsy
syndis ve dre govaytis
yn della yw leas huny
|
Kepar Duw dell leveris,
pan esa Krist ow pesi,
Yudas eth yn y negys.
An Jowl yw a'n hembrenki.
Dhe'n Edhewon derivys
dell o y fynnas synsi.
Shyndys veu dre govaytys,
yndella yw lies huni.
|
Just as God said, when Christ was praying Judas went off on his
business. It is the Devil who was leading him. He intended to continue
as he was, an informer to the Jews. He was destroyed by greed. So it is
with many a one.
|
| 63 |
Then eȝewon pan doȝye
y leuerys hag y ow tos
me a gris yn ta spedye
om negis haneth yn nos
deugh geneff ha holyough ve
gothveȝough na rellough tros
ha me a ra the crist amme
may hallough y asswonvos
|
Dhe'n Edhewon pan dhodhya,
y leveris hag i ow tos,
"My a grys yn ta spedya
y'm negys haneth y'n nos.
Dewgh genev ha holyowgh vy.
Godhvedhowgh na wrellowgh tros,
ha my a wra dhe Krist amma
may hallowgh y aswonvos."
|
When he had come to the Jews, he said, as they were coming, "I look
forward to succeeding well in my business tonight. Come with me and
follow me. Be sure you do not make a noise, and I will kiss Christ so
that you may recognise him."
|
| 64 |
An princis esa yn pow
gans Iudas a thanvonas
tus ven gweskis yn arvow
kepar ha del ens ȝen gas
ganse y a thuk golow
nos o ny welons yn fas
bys yn Ihesus caradow
y eth del dyskas Iudas
|
An prynsys esa y'n pow
gans Yudas a dhanvonas
tus ven gwiskys yn arvow
kepar ha dell ens dhe'n gas.
Gansa i a dhug golow,
nos o, ny welens yn fas.
Bys yn Yesus karadow
i eth dell dhyskas Yudas.
|
The princes who were in the land with Judas sent strong men clad in
armour as if they were going to battle. They carried a light with them.
It was night. They could not see very well. They went up to beloved
Jesus as Judas "directed".
|
| 65 |
Pan doȝyans bys yn tyller
may ȝese crist ow pesy
lowene ȝys a vester
yn meth Iudas an brathky
ȝoȝo y rug fekyl cher
hag y amme trewesy
ef a vynne yn ober
gul ken ys del dywyȝy
|
Pan dhodhyens bys y'n tyller
mayth esa Krist ow pesi,
"lowena dhis a vester",
yn-medh Yudas an brathki.
Dhodho y hwrug fekyl-cher
hag y amma truesi.
Ev a vynna yn ober
gul ken es dell dhiskwedhi.
|
When they had come to the place where Christ was praying, the savage
cur Judas said, "Joy to you, master." He greeted him falsely and
kissed him gravely. He intended, in fact, to do otherwise than as he
showed.
|
| 66 |
Ihesus a gewsis pur dek
Iudas ow ry ty avyn
dre ȝe vay a reyth mar whek
ȝe neb am tormont mar dyn
moll(o)ȝ den ha gour ha gwrek
a ȝe poran erȝebyn
peynys ad wra moreȝek
yn yffarn down pub termyn
|
Yesus a gewsis pur deg,
"Yudas ow ri ty a vynn
dre dha vay a reth mar hweg
dhe neb a'm torment mar dynn.
Molleth den ha gour ha gwreg
a dheu poran er dha bynn.
Paynys a'th wra moredhek
yn ifarn down pub termyn.
|
Jesus spoke very courteously: "Judas, by your kiss which you give so
sweetly you intend to deliver me to those who will torture me cruelly.
The curse of mankind, both male and female, will come directly upon you.
Tortures will make you sorrowful in deep hell for all time."
|
| 67 |
Ihesus crist a wovynnys
worth anbobyll a ȝeth dy
gans an fals yn y seruys
pandra yw a vynnough wy
en rena a worȝebys
Ihesus yw an caffans ny
en arluth a worȝebys
me yw henna yredy
|
Yesus Krist a wovynnis
orth an bobel a dheuth di
gans an fals yn y servis,
"Pandra yw a vynnowgh hwi?"
An re na a worthebis,
"Yesus yw, a'n kaffen ni".
An arlodh a worthebis,
"My yw henna yredi."
|
Jesus Christ asked the people who came there with the traitor in his
service, "What is it that you want?" They replied, "It is Jesus, if
only we could find him." The lord replied, "I am he indeed."
|
| 68 |
Pur wyr drefen an virtu
an lauar crist pan gowsas
neb a wheleugh why me yw
ȝe ves y a omdennas
rag own y a gangyes lyw
rag gwander y a goȝas
yn trevyth y nyn gens gyw
ȝe weȝyll dris y vynnas
|
Pur wir drefen an vertu
a'n lavar krist pan gowsas,
"Neb a hwilowgh hwi my yw,"
dhe-ves i a omdennas.
Rag own i a janjyas liw.
Rag gwander i a godhas.
Yn tra vydh i nyns ens gwiw
dhe wuthyl dres y vynnas.
|
Truly, because of the power of Christ's words when he said, "I am he
whom you seek," they fell back. Through fear they changed colour.
Through weakness they fell. In no way were they in a fit state to act
beyond his will!
|
| 69 |
Cryst a wovynys arte
orth an eȝewon woky
agis negis pyth ywe
pv yw neb a weleugh wy
ihesus crist an naȝare
an rena a worȝeby
yn meth ihesus me ywe
lemmyn gureugh agis meystry
|
Krist a wovynnis arta
orth an Edhewon wocki,
"Agas negys pyth ywa?
Piw yw neb a hwilowgh hwi?"
"Yesus Krist a Nasara",
an re na a worthebi.
Yn-medh Yesus, "My ywa.
Lemmyn gwrewgh agas maystri."
|
Christ asked the foolish Jews again, "What is your business? Who is
it that you seek?" "Jesus christ of Nazareth", they answered. Jesus
said, "I am he. Now exercise your authority."
|
| 70 |
Whare y an kemeres
hag an sensys yn treȝe
gans lauarow an scornyas
gallus o grontis ȝeȝe
ȝe weȝyll aga mynnas
yn della ef a vynne
may halle dre baynys bras
merwel rag ȝe gerenȝe
|
Hware i a'n kemeras
hag a'n sensis yntredha.
Gans lavarow y'n skornyas.
Gallos o grontys dhedha
dhe wuthyl aga mynnas.
Yndella ev a vynna
may halla dre baynys bras
merwel rag dha gerensa.
|
Straight away they arrested him and held him between them. They
mocked him with words. Power was granted to them to do as they wished.
In this way he willed it to be possible for him to die with great pains
for your sake.
|
| 71 |
Pedyr an neyl tenewen
yn mes a dennas cleȝe
hag a drohas ryb an pen
scovern onan aneȝe
crist a settyas yn tyen
an scovern arte ȝe dre
hag an dyȝgthtyas pur lowen
maga tek del rebye
|
peder a'n eyl tenewen
yn-mes a dennas kledha
hag a droghas ryb an penn
skovarn onan anedha
krist a settyas yn tien
an skovarn arta dhe dre
hag a'n dyghtyas pur lowen
maga teg dell re bia
|
Peter on the one side drew out a sword and cut off the ear of one of
them close to the head. christ set the ear completely back in its place
and restored it very comfortably, as handsomely as it had been.
|
| 72 |
Gor ȝe gleȝe yn y goyn
ȝe pedyr crist a yrghys
rag dre gleȝe a veughe
dre gleȝe yfyth leȝys
dewȝek lygyon yn vn ro
vye an nef danuenys
ha moy a mynnen ȝymmo
pesy ow ȝas pur barys
|
gorr dha gledha yn y woen
dhe beder krist a erghis
rag dre gledha a vywo
dre gledha a fydh ledhys
dewdhek lyjyon yn unn rew
via a'n nev dannvenys
ha moy a mynnen dhymmo
pysi ow thas pur barys
|
``Put your sword into its sheath, Christ commanded Peter, ``for he
who lives by the sword shall be slain by the sword. twelve legions of
angels and more would be sent from heaven one after another with great
readiness if i wished to pray to my father for myself.
|
| 73 |
Hag a pe yn della ve
neffre ny vean fethys
yn vrna fatell vye
am bewnans del yw scrifys
yn lyffrow yn leas le
dre brofusy leuerys
reys yw porris heb strevye
both ow ȝas ȝe vos sewijs
|
hag a pe yndella my
nevra ny vien fethys
y'n eur na fatell via
a'm bywnans dell yw skrifys
y'n lyvrow yn lies le
dre brofusi leverys
`res yw porres heb strivya
bodh ow thas dhe vos sywys'
|
``And if it were thus, I would never be defeated. How would the story
of my life then be? it is written in the scriptures (and) told by the
prophets in many places: `it is entirely necessary that my father's will
be followed without dispute.
|
| 74 |
Ihesus a gewsys arte
why a theth ȝym yn arvow
dre dreyson yn un scolchye
gans boclers ha cleȝyȝyow
thom kemeres ȝom syndye
ȝom peynye bys yn crow
kepar ha del vena ve
an purra lader yn pow
|
yesus a gewsis arta
hwi a dheuth dhymm yn arvow
dre dreyson yn unn skolkya
gans boklers ha kledhedhyow
dhe'm kemmeres dhe'm shyndya
dhe'm paynia bys yn krow
kepar ha dell vena vy
an purra lader y'n pow
|
Jesus spoke again. ``You have come to me armed, treacherously,
furtively, with shields and swords to arrest me, to harm me, to torture
me to death, just as if i were the most arrant thief in the land.
|
| 75 |
In agis mysk pan esen
la(h)ys du ȝeugh ow tysky
gallus nyn gese kemmen
ȝom cara na ȝom sensy
lemmyn deve ken termyn
ow thas rom growntyas ȝewy
leun a beghas ny won ken
ȝe weȝyll agis meystry
|
yn agas mysk pan esen
laghys dyw dhywgh ow tyski
galloes nyns esa kammenn
dhe'm k'ara na dhe'm synsi
lemmyn deuva ken termyn
ow thas re'm grontyas dhy'hwi
leun a beghas ny wonn ken
dhe wuthyl agas maystri
|
``When I was among you, teaching you God's laws, there was no power
at all to fetter or hold me. now another time has come. my father has
granted me to you, full of sin for aught i know, to exercise your
supremacy.
|
| 76 |
In vrna y a colmas
y ȝefregh fast gans cronow
en goys yn mes may tarȝas
del fastsens en colmennow
gansa y an hombronkyas
yn prys hanter nos heb wow
bys yn aga fryns annas
o vn Iucter bras yn pow
|
y'n eur na i a golmas
y dhiwvregh fast gans kroenow
an goes yn-mes may tardhas
dell fastsens an kolmennow
gansa i a'n hembronkyas
yn prys hanter-nos heb wow
bys yn aga fryns annas
o unn juster bras y'n pow
|
Then they tied his arms tightly with thongs so that the blood gushed
out as they had tightened the knots. they took him with them just at
midnight, to their prince annas who was a great magistrate in the land.
|
| 77 |
Tus crist ȝe ves a fyas
pep aydu pur voreȝek
saw pedyr crist a holyas
abell avel vn ownek
ȝe dyller an prins annas
ene y ȝese sethek
orto ef y a sethas
may clewo leff ihesus whek
|
tus krist dhe-ves a fias
pub a'y du pur vorethek
saw peder krist a holyas
a-bell avel unn ownek
dhe dyller an prins annas
ena yth esa sedhek
orto ev a esedhas
may klywa lev yesus hweg
|
Christ's men escaped each his own way in great grief. Only Peter
followed christ some way off as one afraid, to the court of prince
annas. there, there was a seating area. he sat in it to hear the voice
of gentle jesus.
|
| 78 |
En prins scon a leueris
te crist lauar ȝym plema
ȝe dus mar voldh re ȝyssys
prag na ȝons genas omma
an la(h)ys a bregowthys
lemmyn dyswe mar syns da
ha ihesus a worȝebys
ef dell vynna yn vrna
|
an pryns skon a leveris
ty krist lavar dhymm ple'ma
dha dus mar vold re dhyssys
prag na dhons genes omma
an laghys a bregowthys
lemmyn dyskwa mars yns da
ha yesu a worthybis
ev dell vynna y'n eur na
|
At once the prince said, ``You, Christ, tell me, where are your men
who are so bold and whom you have trained? why do they not come with you
here? the laws that you preached, demonstrate now whether they are
good. and jesus answered, as he intended at that time:
|
| 79 |
Pur apert hag yn golow
y leueris ow dyskas
ow la(h)ys haw lauarow
suel a vynna y clewas
yn le may then yn trevow
yn splan me as derevas
ny gowsyn yn tewolgow
a dryff tus yn vn hanas
|
pur apert hag yn golow
y leveris ow dyska's
ow laghys ha'w lavarow
seul a vynna y's klywas
yn le mayth en y'n trevow
yn splann my a's derivas
ny gowsyn yn tewolgow
a-dryv tus yn unn hanas
|
``Very openly and in the light I told my doctrine, my laws and my
sayings. whoever wanted to, heard. wherever i went in the towns i
declared them clearly. i did not speak in the dark, whispering behind
people.
|
| 80 |
Pan dra a woventa se
ȝe worȝaff ve ham la(h)ys
mar a mynnyth govynny
ordh en keth re as clewas
an rena a yl ȝe ȝysky
yn della y re ȝyskas
yn delma heb velyny
orto Ihesus a gowsas
|
pandra a wovynn'ta sy
dhiworth vy ha'm laghys
mara mynnydh govynn e
orth an keth re a's klywas
an re na 'yll dha dhyski
yndella i re dhyskas
yndellma heb vileni
orto yesus a gowsas
|
``What do you ask of me and my laws? If you will, ask those who have
heard them. they can instruct you just as they have learned. thus,
without disrespect jesus spoke to him.
|
| 81 |
Gans henna an eȝewon
onan yn ban a sevys
hag a ros ryb an scovern
box ȝe grist a ȝesympys
ha dhe Ihesus y honon
an harlot a leuerys
pu a woras yt colon
cows yn delma worth iustis
|
gans henna a'n edhewon
onan yn-bann a sevis
hag a ros ryb an skovarn
boks dhe krist a-dhesempis
ha dhe yesus y honan
an harlot a leveris
piw a worras y'th kolonn
kows yndellma orth justis
|
Thereupon one of the Jews stood up and immediately gave Christ a blow
by his ear, and to jesus himself the villain said, ``who put it into
your heart to speak thus to a magistrate?
|
| 82 |
In meth ihesus yn vrna
mara kewsys falsury
ha na blek genas henna
ha fals te dok dustuny
mes mara kewsys yn ta
han gwreoneth y synsy
prag omgwysketh yn delma
nyn gyw mernas belyny
|
yn-medh yesus y'n eur na
mara kewsis falsuri
ha ny bleg genes henna
ha fals ty dog dustuni
mes mara kewsis yn ta
ha'n gwiryonedh y synsi
prag y'm gwyskydh yndellma
nyns yw marnas bileni
|
Jesus said then, ``If I have told a lie and that is not pleasing to
you and false, you produce the evidence. but if i have spoken well and
held to the truth, why do you strike me thus? it is nothing but
villainy.
|
| 83 |
Ena mur a vylyny
pedyr ȝe gryst a welas
y scornye hay voxscusy
trewe yn y ȝewlagas
hag ef rag own ny ylly
gans ihesu kewsel ger vas
henna o poynt a falsury
deȝewys heb koweras
|
ena meur a vileni
peder dhe krist a welas
y skornya ha'y voksusi
trewa yn y dhewlagas
hag ev rag own ny ylli
gans yesus kewsel ger 'vas
henn o poynt a falsuri
dedhewys heb keweras
|
Then Peter saw Christ (suffer) much ill-treatment; mocking him,
punching him and spitting in his eyes, and because of fear, he could not
speak a good word for jesus. this was an act of falsehood, a promise
that was not kept.
|
| 84 |
Vn venyn hardh a ynnyas
war pedyr y vos tregis
gans ihesus ef a naghas
y arluth a ȝesympys
taw gans crist me ad welas
gurek arall a leueris
pedyr arta agowsas
bythqueth me nyn aswonys
|
unn venyn hardh 'ynnias
war peder y vos trygys
gans yesus ev a naghas
y arloedh a-dhesempis
taw gans krist my a'th welas
gwreg arall a leveris
peder arta a gowsas
bythkweyth my ny'n aswonnis
|
A woman boldly insisted to Peter that he dwelt with Jesus.
immediately he denied his lord. ``silence, i have seen you with
christ, another woman said. peter spoke again: ``i never knew him.
|
| 85 |
Mur a dus a leuerys
ny dayl ȝys cam y naghe
dre ȝe gows y ȝew prevys
ȝe vos den a galyle
ef a doys a ȝesempys
maga town ty del woȝye
gans crist na vye tregis
na bythqueth ef nan quelse
|
meur a dus a leveris
ny dal dhis kamm y nagha
dre dha gows yth yw prevys
dha vos den a galila
ev a dos a-dhesempis
maga town ti dell wodhya
gans krist na via trygys
na bythkweyth ev na'n gwelsa
|
Many people said, ``It is no use at all your denying it. It is proved
by your speech that you are a man of galilee. straight away he swore
as great an oath as he could that he had not dwelt with christ and that
he had never seen him.
|
| 86 |
Gans hemma ef a clewas
en colyek scon ow cane
ha crist worto a wetras
an peynys bras may ȝese
pedyr sur a omdennas
yn vrna del rebeghse
ow nagha du leun a ras
hag ef gwarnyys del vye
|
gans henna ev a glywas
an kulyek skon ow kana
ha krist orto a hwithras
a'n paynys bras mayth esa
peder sur a omdennas
y'n eur na dell re beghsa
ow nagha dyw leun a ras
hag ev gwarnys dell via
|
Immediately upon that he heard the cock crowing and Christ gazed upon
him from the great torments he was in. then peter abruptly withdrew as
he had sinned by denying god full of grace, although he had been warned.
|
| 87 |
Whare yn-mes y trylyas
hay golon nam na dorre
rag y arluth leun a ras
mar ȝynas ef ȝy nahe
dybbry boys ef ny vynnas
lymmyn pub erol ole
ȝoȝo bys pan danvonas
crist y to ȝe galyle
|
hware yn-mes y trelyas
ha'y golonn nammna dorra
rag y arloedh leun a ras
mar dhignas ev dh'y nagha
dybri boes ev ny vynnas
lemmyn pub eur oll oela
dhodho bys pan dhannvonas
krist y to dhe galila
|
At once he turned away and his heart was almost breaking because he
had so heinously denied his lord, full of grace. he would not eat food
but wept all the time until christ sent to him to say that he was coming
to galilee.
|
| 88 |
Ihesus a ve danvenys
ha ȝe worth an prins annas
gans tus ven a ȝesempys
bys an ebscop cayphas
dreȝo crist may fe bresys
ol ȝy voth ha ȝy vynnas
mur a dus o cuntullys
er ybyn ȝy guhuȝas
|
yesus a veu dannvenys
a-dhiworth an pryns annas
gans tus ven a-dhesempis
bys y'n epskop kaifas
dredho krist may fe breusys
oll dh'y vodh ha dh'y vynnas
meur a dus o kuntellys
er y bynn dh'y guhudhas
|
Jesus was sent away from prince Annas immediately with strong men to
the bishop caiaphas for christ to be judged by him entirely at his will
and pleasure. many people had assembled against him to accuse him.
|
| 89 |
Rag y vos war bronteryon
mester bras a berth yn wlas
gurris ve yn y golon
yn delma gul may cowsas
rys yw porris ȝe onon
merwel rag pobyl an wlas
pobyl ihesus y honon
na vons tregis gans satnas
|
rag y vos war bronteryon
mester bras a-berth y'n wlas
gorrys veu yn y golonn
yndellma gul may kowsas
res yw porres dhe onan
merwel rag pobel an wlas
pobel yesus y honan
na vons trygys gans satnas
|
Because he was over priests, a great authority in the land, it was
put into his heart to do thus, so he said, ``it is entirely necessary
for one to die for the people of the land, the people of jesus himself,
so that they will not dwell with satan.
|
| 90 |
En eȝewon yn treȝe
a whelas dustuneow
rag peyne crist ha syndye
ny gewsys ȝe blegadow
saw war thu y a vynne
dre envy leuerell gow
a dus fals y redoȝye
an purre laddron yn pow
|
an edhewon yntredha
a hwilas dustuniow
rag payna krist ha'y shyndya
ny gewsens dhe blegadow
saw war dhyw i a vynna
dre envi leverel gow
a dus fals i re dhodhya
an purra ladron y'n pow
|
The Jews sought witnesses among themselves to punish Christ and
destroy him. they did not speak in a proper manner but they were intent
on telling lies against god through malice. they had come from false
men, the very worst thieves in the land.
|
| 91 |
Ha dew a thuk dustuny
yn clewsons ow leuerell
pur wyr y fenne terry
an tempel cref hay wuȝell
war lyrgh henna dre vestry
yn tressa dyth heb fyllell
dre nerth bras yn drehevy
bytqueth ef na vye gwell
|
ha dew a dhug dustuni
y'n klywsons ow leverel
pur wir y fynna terri
an tempel krev ha'y wudhyl
war-lergh henna dre vaystri
y'n tressa dydh heb fyllel
dre nerth bras y'n drehevi
bythkweyth ev na via gwell
|
And two bore witness that they had heard him saying indeed that he
would destroy the mighty temple and after this build it by a miracle
without fail on the third day. by great power he would raise it so that
it had never been better.
|
| 92 |
Neb o mester ha Iustis
worth ihesus ef a gowsas
myns vs omma cuntullys
pur apert y ret flamyas
ha te ger vyth ny gewsys
onweyth lemmyn mar coȝas
ol Ihesus an goȝevys
hay worȝeby ny vynnas
|
neb o mester ha justis
orth yesus ev a gowsas
myns eus omma kuntellys
pur apert i re'th vlamyas
ha ty ger vydh ny gewsis
omwith lemmyn mar kodhes
oll yesus a'n godhevis
ha'y worthybi ny vynnas
|
He who was master and magistrate spoke to Jesus: ``All those who are
gathered here have accused you very clearly and you have not spoken a
word. defend yourself now if you can. jesus endured it all and would
not answer him.
|
| 93 |
Kayphas arta a gewsys
yn hanow du te lavar
mar sos du del danvansys
me yw yn meth crist yn whar
yn nef y feȝaff tregis
an barth dyghow gans am car
yn sur thu ow tevones
wy am gwylvyth heb neb mar
|
kayfas arta a gewsis
yn hanow dyw ty lavar
mars os dyw dell dannvensys
my yw yn-medh krist yn hwar
yn nev y fydhav trygys
a'n barth deghow gans am kar
yn sur dhyw ow tevones
hwi a'm gwelvydh heb neb mar
|
Caiaphas spoke again: ``In God's name, say if you are God as you
asserted. ``i am, said christ gently. ``i shall be dwelling in
heaven on the right hand by my father. you will see me coming as god
himself, without any doubt!
|
| 94 |
Kayphas pur wyr a sorras
hag eth pur fol yn vrna
hag a squerdyas y ȝyllas
pan gowsas crist yn della
ytterevys dre sor bras
dustuneow drok na da
ny reys ȝynny ȝe welas
awos dampnye an denma
|
kayfas pur wir a sorras
hag eth pur fol y'n eur
hag a skwardyas y dhillas
pan gowsas krist yndella
y terivis dre sorr bras
dustuniow drog na da
ny res dhyn ni dhe hwilas
awos dampnya an den ma
|
Caiaphas indeed became angry and then went quite mad and tore his
clothes when christ spoke thus. he declared in great anger, ``there is
no need for us to seek witnesses good or bad to condemn this man.
|
| 95 |
Al ow cows why an clewas
leuerough mar pyth sawys
ol warberth y a armas
gweff yw ȝe vones leȝys
gans mowys y anscornyas
yn y fase y a drewys
ty yv mab du leun a ras
yn ges y a leuerys
|
oll ow kows hwi a'n klywas
leverewgh mar pydh sawys
oll war-barth i a armas
gwiw yw dhe vones ledhys
gans mowys i a'n skornyas
yn y fas i a drewis
ty yw mab dyw leun a ras
yn ges i a leveris
|
``Oh yes! You heard him speaking. Say whether he shall be saved!
all together they shouted, ``he is worthy to be slain! they mocked him
with grimaces. they spat in his face. ``you are god's son, full of
grace! they said in mockery.
|
| 96 |
Gans queth y ben y queȝens
guelas banna na ylly
ȝe ihesus crist betegyns
ow kuȝyll drok ha belyny
avel brathken aga dyns
orto y a theskerny
eraga fyn betegyns
crist vn ger ny leuery
|
gans kweth y benn y kwethens
gweles banna na ylli
dhe yesus krist byttegyns
ow kul drog ha bileni
avel brathkeun aga dyns
orto i a dheskerni
er aga fynn byttegyns
krist unn ger ny leveri
|
They were covering his head with a cloth so that he could not see a
thing, but nevertheless wreaking injury and evil upon jesus christ,
gnashing their teeth at him like savage curs. but christ said not one
word against them.
|
| 97 |
Hag y worth y dormontye
y cuȝens y ben gans queth
han dus esa ol yn dre
ha pryncis yn pow yn weth
ha mur a bobyll ganse
a ȝyghow sur hag a gleth
the gryst y tons ȝy syndye
ha ȝe dry ȝen dor gans meth
|
hag i orth y dormentya
y kudhens y benn gans kweth
ha'n dus esa oll y'n dre
ha prynsys y'n pow ynwedh
ha meur a bobel gansa
a dheghow sur hag a gledh
dhe krist y tens dh'y shyndya
ha dh'y dhri dhe'n dor gans meth
|
While tormenting him they covered his head with a cloth, and all the
people who were in the town, and the princes in the land also and many
people with them on the right indeed and on the left came to christ to
destroy him and bring him shamefully to the ground.
|
| 98 |
I eth ha Ihesus ganse
bys yn pylat o Iustis
a noȝo bres may rolle
dre y vres may fo leȝys
lavarsons y heb pyte
agan traytour yw kefys
rys yw ȝeso y ȝamnye
ȝen mernans a ȝesempys
|
i eth ha yesus gansa
bys yn pilat o justis
anodho breus may rolla
dre y vreus may fe ledhys
'lavarsons i heb pita
agan traytour yw kevys
res yw dhiso y dhampnya
dhe'n mernans a-dhesempis
|
They went with Jesus to Pilate who was a magistrate for him to give
judgement about him so that he could be slain through his verdict. they
said without pity, ``our traitor is found. he must be condemned to death
by you at once.
|
| 99 |
In meth pylat pan adra
a ynnyough wy warnoȝo
na ve bos fals an denma
nyn drossen ny bys deso
y leuerys dre laha
ha why dampnowgha yȝo
yn meȝens y ny a wra
dampnye den lader kyn fo
|
yn-medh pilat pana dra
'ynniowgh hwi warnodho
na ve bos fals an den ma
ny'n drossen ni bys dhiso
y leveris dre lagha
ha hwi dampnyewgh e ytho
yn-medhons i ni a wra
dampnya den lader kyn fo
|
Pilate said, ``What charge do you press against him? ``If it were
not that this man is false, we would not have brought him to you. he
said, ``then you also condemn him by means of law. they said, ``we
condemn a man even though he is a thief?!
|
| 100 |
Henna pylat pan welas
kymmys cawsys er y byn
rowtors ha tus kyche yn wlas
resons mar fol ha mar dyn
pylat orto govynnas
yn keth vaner ma govyn
ose mab du leun a ras
lemyn gwyr (te) lauar ȝyn
|
henna pilat pan welas
kemmys kowses er y bynn
routers ha tus rych y'n wlas
resons mar fol ha mar dynn
pilat orto govynnas
y'n keth vaner ma govynn
o'ta mab dyw leun a ras
lemmyn gwir ty lavar dhyn
|
When Pilate saw this; so much opposition to him; rulers and rich men
in the land; such foolish and cruel reasons, pilate asked him a question
of this sort, ``are you the son of god, full of grace? now tell us the
truth.
|
| 101 |
In meth crist an kveff colon
pur wyr te re leuerys
te a woȝye ȝe honon
pe dre gen re ves guarnys
pylat a gewsys yn scon
te a ve ȝym danvenys
lauar ȝymme ȝe honon
pyth yw en drok rewrussys
|
yn-medh krist an kuv kolonn
pur wir ty re leveris
ty a wodhyes dha honan
py dre gen re 'veus gwarnys
pilat a gewsis yn skon
ty a veu dhymm dannvenys
lavar dhymmo dha honan
pyth yw an drog re wrussys
|
Christ the Beloved said, ``You have spoken very truly. Did you know
this yourself or were you told by others? pilate spoke at once: ``you
were sent to me. tell me yourself what is the bad thing you have done!
|
| 102 |
In meth Ihesus nyn gvgy
ow mesternges yn bysma
hag a pe ow thus ȝewy
nym delyrfsens yn delma
ytho mygtern ote se
yn meth pylat yn erna
gwyr re gwesys yredy
yn meth crist mygtern oma
|
yn-medh yesus nyns usi
ow mestrynsys y'n bys ma
hag a pe ow thus dhy'hwi
ny'm delyrvsens yndellma
ytho myghtern o'ta sy
yn-medh pilat y'n eur na
gwir re gewssys yredi
yn-medh krist myghtern oma
|
Jesus said, ``My dominion is not in this world, and if it were my
men would not have delivered me to you in this way. ``so you are a
king? said pilate then. ``you have spoken the truth indeed, said
christ. ``i am a king.
|
| 103 |
Henna Iudas pan welas
crist an bewnans na sawye
an arghans a gemeras
rag corf crist ȝe rysseve
ef astewlys dre sor bras
ȝen eȝewon yn treȝe
dremas yw ef leun a ras
neb re werȝys yn meȝe
|
ena yudas pan welas
krist an bywnans na sawya
an arghans a gemmeras
rag korf krist dhe resseva
ev a'n tewlis dre sorr bras
dhe'n edhewon yntredha
dremas yw ev leun a ras
neb re werthis yn medh e
|
Then, when Judas saw that Christ would not save his life, the money
which he took in payment for christ's body, he threw in great anger
among the jews. ``he is a holy man, full of grace whom i have sold, he
said.
|
| 104 |
Iudas scaryoth a gewsys
yn keth manerma arte
fest yn creff me re beghas
ihesus ȝe wy ow querȝe
da y won y vos a ras
gevyons me nvm byth neffre
moy pegh o pan dyspresyas
ys delo pan yn guerȝe
|
yudas skaryoth a gowsas
y'n keth vaner ma arta
fest yn krev my re beghas
yesus dhy'hwi ow kwertha
da y hwonn y vos a ras
gevyans my ny'm beus nevra
moy pegh o pa'n dispresyas
es dell o pan y'n gwertha
|
Judas Iscariot spoke again in the same way. ``I have sinned most
mightily in selling jesus to you. well i know that he is worthy. i shall
never have forgiveness! it was a greater sin when he scorned him than
when he sold him.
|
| 105 |
Han eȝewon a gewsys
pan drew henna ȝynny ny
ny an pernas ȝe worȝys
ha ad pes pur yredy
Iudas eth a ȝensympys
a neyl tu ȝe omgregy
cafas daffar pur parys
lovan cryff rag y sensy
|
ha'n edhewon a gewsis
pandr'yw henna dhyn nyni
ni a'n prenas dhiworthis
hag a'th pes pur yredi
yudas eth a-dhesempis
an eyl tu dhe omgregi
kavas daffar pur barys
lovan krev rag y synsi
|
And the Jews said, ``What is that to us? We bought him from you and
paid you promptly. immediately judas went away to hang himself. he
found the means all ready; a rope strong enough to hold him.
|
| 106 |
Eneff iudas ny allas
dos yn mes war y anow
rag y anow y ammas
ȝe ihesu leun a rasow
dywolow yfarn a squerdyas
corf iudas ol ȝe ȝarnow
hag a notho a gerhas
y eneff ȝe dewolgow
|
enev yudas ny allas
dos yn-mes war y anow
rag y anow a ammas
dhe yesu leun a rasow
dyowlow ifarn a skwardyas
korf yudas oll dhe dharnow
hag anodho a gyrghas
y enev dhe dewolgow
|
The soul of Judas could not come out of his mouth because his mouth
kissed jesus full of grace. the devils in hell tore the body of judas
all to pieces, and from it carried his soul into darkness.
|
| 107 |
En ethewon dre envy
a gewsys crist rag syndye
pylat Iustis otese
Ihesus gorweyth y dampnye
a ierusalem thynny
ef a thueth a galyle
la(h)ys nowyth ov tesky
leas ganso ov tryle
|
an edhewon dre envi
a gewsis krist rag shyndya
pilat justis o'ta sy
yesus gorwith y dhampnya
a yerusalem dhyn ni
ev a dheuth a galila
laghys nowydh ow tyski
lies ganso ow trelya
|
To destroy Christ the Jews said spitefully, ``Pilate, you are a
magistrate. be sure to condemn jesus. he came to us of jerusalem from
galilee, teaching new laws, converting many to him.
|
| 108 |
Ganse pylat pan glewas
bos Ihesus a galyle
bos herodes war an wlas
mygtern pylat a woȝye
Rag henna y tanvonas
crist ȝoȝo ef mayn dempne
ruth veyr a dus an sewyas
pub eyr paris ȝy vlamye
|
gansa pilat pan glywas
bos yesus a galila
bos herodes war an wlas
myghtern pilat a wodhya
rakhenna y tannvonas
krist dhodho ma'n dampnya
routh veur a dus a'n sywyas
pub eur parys dh'y vlamya
|
When Pilate heard from them that Jesus was from Galilee (Pilate knew
that herod was king over the land) for that reason he sent christ to him
for him to condemn him. a great crowd of people followed, ready to
revile him all the time.
|
| 109 |
I eth bys yn herodes
ha crist ganse fast kylmys
ef a gara crist gwelas
rag kymmys y ȝo praysys
ganso mar callo clewas
whelth nowyth a vo coyntis
mar callo trylye ȝe hes
lauar crist pan vo clewys
|
i eth bys yn herodes
ha krist gansa fast kelmys
ev a gara krist gweles
rag kemmys yth o praysys
ganso mar kalla klywes
hweldh nowydh a ve koyntys
mar kalla trelya dhe-hys
lavar krist pan ve klywys
|
They went to Herod and Christ with them securely bound. He was
anxious to see christ because he was so highly acclaimed, in case he
could hear from him some strange new tale, and eventually twist round
what christ had to say when it had been heard.
|
| 110 |
The herodes y thesa
pur wyr worth pylat sor bras
y welas ef ny gara
na boys yn y goweȝas
ȝoȝo Ihesus ȝy thampnye
pylat bys pan danvonas
yn vrna keskeweȝa
y a ve ha specyall bras
|
dhe herodes yth esa
pur wir orth pilat sorr bras
y weles ev ny gara
na bos yn y gowethas
dhodho yesus dh'y dhampnya
pilat bys pan dhannvonas
y'n eur na keskowetha
i a veu ha speshyal bras
|
Indeed, Herod bore Pilate a serious grudge. He did not want to see
him or be on terms of friendship with him, until pilate sent jesus to
him to condemn him. at that moment they became especially good friends.
|
| 111 |
Herodes a wovynnys
orth Ihesus crist leas tra
ha trevyth ny worȝebys
man geve marth a henna
an eȝewon a gewsys
doyn thyn dustuny a wra
mygtern yfyn bos synsys
ha mester bras yn bysma
|
herodes a wovynnis
orth yesus krist lies tra
ha travydh ny worthybis
ma'n jeva marth a henna
an edhewon a gewsis
doen dhyn dustuni a wra
myghtern y fynn bos synsys
ha mester bras y'n bys ma
|
Herod asked Jesus Christ many things and he answered nothing so that
he was ama3ed at that. the jews said, ``he bears us witness that he
wants to be held up as a king and a great master in this world.
|
| 112 |
Kymmys tra a lavarsa
ena y an rebukyas
the rag an try may ȝesa
annas pylat ha cay(p)has
pur vylen y an pyltye
hag yn spytis an scornyas
moygha ȝoȝo drok a wre
henna veȝa an guella gwas
|
kemmys tra a lavarsa
ena i a'n rebukyas
dherak an tri mayth esa
annas pilat ha kayfas
pur vilen i a'n pyltya
hag yn spitus a'n skornyas
moyha dhodho drog a wre
henna 'vedha 'n gwella gwas
|
Whatever he had said they then rebuked him for it when he was before
the three, annas, pilate and caiaphas. very wickedly they beat him and
mocked him spitefully. whoever did him the most harm, he would be the
best fellow.
|
| 113 |
Herodes a leuerys
ȝen eȝewon eugh yn fen
ȝe bylat agis Iustis
rag me an syns pur ȝen len
ha leuerough bos gevys
ol ow sor beȝens lowen
ham gallus y vos grontijs
ȝoȝo ȝe urusy an den
|
herodes a leveris
dhe'n edhewon ewgh yn fen
dhe pilat agas justis
rag my a'n syns pur dhen len
ha leverewgh bos gevys
oll ow sorr bedhes lowen
ha'm galloes y vos grontys
dhodho dhe vreusi an den
|
Herod said to the Jews, ``Go in haste to Pilate your magistrate, for
i consider him a true honest man, and tell him that all my wrath is
abated; let him be happy, and my authority is granted to him to judge
the man.
|
| 114 |
I a wyskis cryst gans gwyn
avel fol y an scornye
hag an gweska fest yn tyn
betegyns ger ny gewsy
hag an hombronkyas bys yn
pylat o Iustis ȝeȝe
may caffons y aga gwayn
war Ihesus crist ȝy laȝe
|
i a wiskas krist gans gwynn
avel fol i a'n skornya
hag a'n gweska fest yn tynn
byttegyns ger ny gewsi
hag a'n hembronkas bys yn
pilat o justis dhedha
may kaffens i aga gwayn
war yesus krist dh'y ladha
|
They dressed Christ in white. They mocked him like a madman and beat
him most cruelly. nevertheless he did not speak a word, and they led him
to pilate who was their magistrate in order to get the advantage over
jesus christ to kill him.
|
| 115 |
Then ioul mur neb o tus keth
ȝe belat a leueris
lowenna gwelha ȝe feth
herodes reth tenyrghys
yn y golen fast regeth
mur a gerense worȝys
hag ef a dalvyth ȝis wheth
y honore del wrussys
|
dhe'n jowl meur neb o tus keth
dhe pilat a leveris
lowenha gwellha dha feth
herodes re'th tynnerghis
yn y golonn fast res eth
meur a gerensa orthis
hag ev a dalvydh dhis hwath
y enora dell wrussys
|
Those who were bondsmen to the great devil said to Pilate, ``Cheer
up. don't be downcast. herod has sent you a greeting. much love towards
you has steadfastly entered his heart and he will yet repay you for
honouring him as you have done.
|
| 116 |
Ha ȝeso y tanvonas
y allus crist rag iudgye
ha ny ad cusyll na as
lemyn y voth heb sewye
yn meth pylat scyle vas
me ny gafe rum lewte
na byth moy ef ny gaffas
prag may fe rys y dampnye
|
ha dhiso y tannvonas
y alloes krist rag jujya
ha ni a'th kusul na as
lemmyn y vodh heb sywya
yn-medh pilat skila 'vas
my ny gavav re'm lowta
na bydh moy ev ny gavas
prag may fe res y dhampnya
|
``And he has sent you his authority to judge Christ, and we advise
you, do not leave his will unfollowed. pilate said, ``upon my word i
do not find a good reason. nor did he ever find a reason why it should
be necessary to condemn him.
|
| 117 |
Orth pylat ol y setsans
ha warnoȝo a rug cry
rag Ihesus crist ȝen mernans
y a vynne porrys dry
yn meth pylat worth an myns
an pegh peuas ris yv ry
me ny gafa moys kyns
reson gans gwyr ȝy vrvsy
|
orth pilat oll y settsons
ha warnodho a wrug kri
rag yesus krist dhe'n mernans
i a vynna porres dri
yn-medh pilat orth an myns
a'n pegh piwas res yw ri
my ny gavav moy es kyns
reson gans gwir dh'y vreusi
|
They all set upon Pilate and shouted at him because they urgently
wanted to bring jesus christ to death. pilate said, ``it is necessary to
give a penalty according to the gravity of the offence. i do not find
any more than before a just reason to condemn him.
|
| 118 |
En eȝewon a vynne
porrys y vonas leȝys
reson(s) y a rey ragthe
mes war fals y ȝens growndys
henna pylat a woȝye
rag henna a ȝesympys
bys yn cayphas ȝy ȝey yvggye
ef a rug may fe gorrys
|
an edhewon a vynna
porres y vones ledhys
resons i a ri ragdho
mes war fals yth ens grondys
henna pilat a wodhya
rag henna a-dhesempis
bys yn kayfas dh'y jujya
ev a wrug may fe gorrys
|
The Jews urgently wanted him to be put to death. They were giving
reasons for it but they were falsely based. pilate knew that, therefore
he had him sent immediately to caiaphas to judge him.
|
| 119 |
Kayphas an droys arte
ȝe pylat o pen Iustis
hag ef eth ȝy gusulye
ihesus crist may fe leȝys
en eȝewon a arme
treytour pur y vos keffys
hag ol drok suel awresse
ha gow bras ganso clewys
|
kaifas a'n dros arta
dhe pilat o penn justys
hag ev eth dh'y gusulya
yesus krist may fe ledhys
an edhewon a arma
traytour pur y vos kevys
hag oll drog seul a wrussa
ha gow bras ganso klywys
|
Caiaphas brought him again to Pilate who was chief magistrate and he
went and advised him that jesus christ should be slain. the jews were
shouting that he had been found to be an absolute traitor, that whatever
he had done was completely evil, and that a great lie had been heard from him.
|
| 120 |
In meth pylat marth am bes
kymmes drok a wothevyth
ha te reson vyth a dres
eraga fyn na gewsyth
a na wylta ol myns es
orth ȝe vlamye yn soweth
hag ov ry ȝys boxow tres
betegyns te ny sconyth
|
yn-medh pilat marth a'm beus
kemmys drog a wodhevydh
ha ty reson vydh a-dreus
er aga fynn ny gewsydh
a ny wel'ta oll myns eus
orth dha vlamya yn sowedh
hag ow ri dhis boksow treus
byttegyns ty ny skonydh
|
Pilate said, ``I wonder that you suffer so much evil and make no
counter charge against them. do you not see all the blame they are
laying upon you, alas, and giving you wicked blows? yet you do not
protest!
|
| 121 |
In meth pylat me ny won
ȝen trayteur esa ganso
yn crist cafos byth reson
merwell prag y reys ȝoȝo
y hylwys en eȝewon
la(h)ys es yn pow a dro
may rys y laȝe yn scon
mygtern neb a omwrello
|
yn-medh pilat my ny wonn
dhe'n traytour esa ganso
yn krist kavoes bydh reson
merwel prag y res dhodho
y helwis an edhewon
laghys eus y'n pow a-dro
may res y ladha yn skon
myghtern neb a omwrello
|
Pilate said to the traitor who was with him, ``I cannot find any
reason in christ why he must die. the jews called out, ``there are
laws in this region by which it is necessary to slay at once anyone who
makes himself a king.
|
| 122 |
Own boys crist mab du an neff
an tebel el an geve
rag henna scon y ȝeth ef
ȝe wrek pylat may ȝeȝe
han tebel el hager bref
yn y holon a worre
war y mester venions cref
y to Ihesus mar laȝe.
|
own bos krist mab dyw an nev
an tebel el a'n jeva
rakhenna skon yth eth ev
dhe wreg pilat mayth esa
ha'n tebel el hager bryv
yn hy holonn a worra
war hy mester venjans krev
y to yesus mar latha
|
The evil angel was afraid that Christ was the Son of God in Heaven.
therefore he quickly went to pilate's wife where she was, and the evil
angel, an ugly serpent put it into her heart that a mighty vengeance
would come upon her lord if he slew jesus.
|
| 123 |
Thy gour hy a ȝan(v)onas
a crist kepar del welse
yn kerdh delma dre gannas
nyn gew ragos se laȝe
Cryst yv synsys mur dremas
ȝe ȝevyth a wos plegye
rag haneth me re welas
yto ve(n)ions had laȝe
|
dh'y gour hi a dhannvonas
a krist kepar dell welsa
yn kettellma dre gannas
nyns yw ragos sy ladha
krist yw synsys meur dhremas
dhe dhenvydh awos plegya
rag haneth my re welas
y to venjans ha'th ladha
|
She sent to her husband by a messenger to say how she had seen (a
vision) of christ in this way (saying), ``it is not for you to slay
christ who is considered to be a great holy man, to satisfy anyone, for
tonight i saw that vengeance would come and slay you.
|
| 124 |
Onon esa yn preson
barabas ytho gylwys
presonys o ef dre dreyson
ha rag den lath kekyffris
maner o ȝen eȝewon
war dyth pasch worth an Iustis
an preson govyn onon
ha bos henna delyffrys
|
onan esa yn pryson
barabas yth o gelwys
prysonys o dre drayson
ha rag denladh kekeffrys
maner o dhe'n edhewon
war dhydh pask orth an justis
a'n pryson govynn onan
ha bos henna delivrys
|
There was one in prison. He was called Barabbas. He was imprisoned
for treachery and for murder also. it was the custom of the jews on the
day of the passover to ask the magistrate for one man from the prison
and for that one to be set free.
|
| 125 |
Pylat a vynsse gwyȝe
bewnans Ihesus dre goyntis
hag a leuerys ȝeȝe
yn delma del yw skrifis
lemmyn merough pe nyle
an dus avyth delyffris
po cryst leuerough scyle
po barabas den blamys
|
pilat a vynnsa gwitha
bywnans yesus dre goyntys
hag a leveris dhedha
yndellma dell yw skrifys
lemmyn mirewgh pyneyl'a
a'n dus a vydh delivrys
po krist leverewgh skila
po barabas den blemys
|
Pilate would have liked to preserve the life of Jesus by a subterfuge, and he spoke to
them thus, as it is written, ``now look, which is it of the men that
shall be set free, christ - you can tell a reason - or barabbas, a man
condemned?
|
| 126 |
En eȝewon a armas
dre bur envy me a gris
dylyver ȝynny barabas
ha henna ol ny a bys
Pylat arte a gowsas
a Ihesus pyth a vyth guris
y hawlsons gans golon vras
ȝen mernans beȝens gurris
|
an edhewon a armas
dre bur envi my a grys
delyrv dhyn ni barabas
ha henna oll ni a bys
pilat arta a gowsas
a yesus pyth a vydh gwrys
y hawlsons gans kolonn vras
dhe'n mernans bedhes gorrys
|
The Jews shouted in sheer malice, I believe, ``Deliver us Barabbas
and that is what we all request! pilate said again, ``what shall be
done about jesus? they called with great fervour, ``let him be put to
death!
|
| 127 |
Pylat yn ta a woȝye
y ȝe gusel dre envy
rag henna ef a vynse
gweȝe crist heb velyny
hag a leueris ȝeȝe
mar mynnough me an chasty
ol war barth yny cyte
hag an delyrf ȝe wary
|
pilat yn ta a wodhya
i dhe gewsel dre envi
rakhenna ev a vynnsa
gwitha krist heb vileni
hag a leveris dhedha
mar mynnowgh my a'n chasti
oll war-barth yn nisyta
hag a'n delyrv dhe wari
|
Pilate knew well that they spoke out of malice. Because of this he
would have liked to protect christ from abuse, and he said to them, ``if
it is what you want, i will chastise him as one who is utterly foolish,
and set him free.
|
| 128 |
I helwys en eȝewon
beȝens ef yn crows gorris
yn meth pylat me ny won
reson prag y fyt da(m)pnys
y hawlsons gans moy colon
beȝens ef yn crows leȝys
yn meth pylat byth reson
ȝe laȝe nyn ges keffys
|
y helwis an edhewon
bedhes ev yn krows gorrys
yn-medh pilat my ny wonn
reson prag y fydh dempnys
y hawlsons gans moy kolonn
bedhes ev yn krows ledhys
yn-medh pilat bydh reson
dh'y ladha nyns eus kevys
|
The Jews called out, ``Let him be crucified! Pilate said, ``I do
not know any reason why he is under condemnation. they cried out with
greater fervour, ``let him be crucified! pilate said, ``no reason
whatsoever can be found to slay him.
|
| 129 |
Ha pylat ȝe war breder
a leueris ȝe Ihesu
ol an dusma a leuer
ȝe vos cregis te yw gyw
lauar gwyr ȝymmo vn ger
mar sota mab den ha du
cryst a gewsys dyboner
te a leuerys del yw
|
ha pilat dhe war breder
a leveris dhe yesu
oll an dus ma a lever
dhe vos kregys ty yw gwiw
lavar gwir dhymmo unn ger
mars o'ta mab den ha dyw
krist a gewsis deboner
ty a leveris dell yw
|
And after careful thought, Pilate said to Jesus, ``All these people
say that you are worthy to be hanged. tell me truly in one word if you
are the son of man and god. christ said courteously, ``it is as you
say.
|
| 130 |
Whare y an dystryppyas
mar noyth genys del vye
hag worth post fast an colmas
vnwyth na ylly plynchye
hag ena ij an scorgyas
yn tebel gans ij scorgye
ha hager fest an dygtyas
corf ha pen treys ha dewle
|
hware i a'n destryppyas
mar noeth genys dell via
hag orth post fast a'n kolmas
unnweyth na ylli plynchya
hag ena dew a'n skorjyas
yn tebel gans dew skorjya
ha hager fest a'n dyghtyas
korf ha penn treys ha diwla
|
At once they stripped him as naked as he had been born and bound him
fast to a pillar so that he could not wriggle at all and then two
whipped him wickedly with two whips and dealt with him most cruelly,
body and head, hands and feet.
|
| 131 |
In scorgijs prenyer esa
yn dewle an ij ethow
hag yn fast kelmys ȝeȝe
kerdyn gweȝyn mesk cronow
may fons hyblyth ȝe gronkye
hag a rag guris colmmenow
gans pub colmen may ȝelle
pan wyskens yn-mes an crow
|
yn skorjys prennyer esa
yn diwla an dhew edhow
hag yn fast kelmys dhedha
kerdyn gwedhyn 'mysk kroenow
may fons hebleth dhe gronkya
hag a-rag gwrys kolmennow
gans pub kolmenn mayth ella
pan weskens yn-mes an krow
|
For whips there were sticks in the hands of the two Jews with pliant
cords mixed with thongs bound tightly to them so as to be supple for
beating, and the ends were made into knots so that the blood would flow
out with every knot when they struck.
|
| 132 |
Han ȝewna bys pan vons squyth
war crist y fons ov cronkye
manna geve goth na leyth
na gesa worth y grevye
na war y gorff wek tam vyth
pur wyr henna o mur byte
ha whath moy wy a glewyth
a dormont crist del wharse
|
ha'n dhew na bys pan vons skwith
war krist y fons ow kronkya
ma na'n jeva goeth na lith
nag esa orth y revya
na war y gorf hweg tamm vydh
pur wir henn o meur byta
ha hwath moy hwi a glywvydh
a dorment krist dell hwarsa
|
And these two were beating upon Christ until they were tired so that
he did not have a vein or a limb or any part of his sweet body that was
not hurting him. very truly this was most grievous and you will hear yet
more of christ's torture as it had happened.
|
| 133 |
In treȝe avel tus fol
garlont sperne a ve dyȝgthtys
ha dre aga husyll ol
war y ben a ve gorris
may ȝo squardijs a dro ol
ay ben y oys o scolijs
hag ynno fest luhas tol
gans an dreyn a ve tellys
|
yntredha avel tus fol
garlont spern a veu dyghtys
ha dre aga husul oll
war y benn a veu gorrys
mayth o skwerdys a-dro oll
a'y benn y woes o skoellys
hag ynno fest lies toll
gans an dreyn a veu tellys
|
A wreath of thorns was prepared between them (as they behaved) like
madmen and by common accord was placed upon his head so that it was torn
all around. his blood was pouring from his head and in it a great many
holes were pierced by the thorns.
|
| 134 |
Gans den scyntyll a woȝye
me a glewas leuerell
an arlont y ȝe denne
war y ben gans kymmys nell
ma teth an dreyn ha cropye
ȝen nempynnyon dre an tell
henno payn a vur byte
esa crist ow coȝevell
|
gans den skentyl a wodhya
my a glewas leverel
an arlont i dhe dhenna
war y benn gans kemmys nell
may teuth an dreyn ha kropya
dhe'n ympynnyon dre an tell
henn o payn a veur byta
esa krist ow kodhevel
|
From a learned man who knew, I heard that they pulled the wreath
over his head with such force that the thorns came and penetrated to the
brains through the holes. that was a most pitiful torture that christ
was suffering.
|
| 135 |
A vyne gwarȝe yben
war y gorff bys yn y droys
squardijs oll o y grohen
hag ef cuȝys yn y woys
mur o an payn dar ken
ȝe vab du mur y alloys
del lever ȝyn an levar
kymmys payn ny ve ay oys
|
a finna gwartha y benn
war y gorf bys yn y droes
skwerdys oll o y groghen
hag ev kudhys yn y woes
meur o an payn a-der ken
dhe vab dyw meur y alloes
dell lever dhyn an lyver
kemmys payn ny veu a'y oes
|
From the very top of his head over his body down to his foot his
skin was all torn and he was covered in his blood. great was the pain,
beyond any other of god's all-powerful son. as the book tells us,
``never was there so much pain!
|
| 136 |
I a wyskis crist gant queth
han purpur rych o dyskis
rag y thry ȝen dor gans meth
yn ges y a leueris
mur a onour te afyth
te yw mygtern cvrvnys
hag yn y leff ȝyghow yn weth
gwelen wyn a ve gorris
|
i a wiskas krist gans kweth
ha'n purpur rych o dyghtys
rag y dhri dhe'n dor gans meth
yn ges i a leveris
meur a enor ty a'fydh
ty yw myghtern kurunys
yn y leuv dheghow ynwedh
gwelenn wynn a veu gorrys
|
They dressed Christ in a garment and the rich purple was prepared
(taken off him?) to bring him to the ground with shame. they said in
mockery, ``you will have great honour! you are a crowned king! - and
in his right hand also a white wand was placed.
|
| 137 |
Hag y thens ȝe ben dowlyn
hag y kewsens ȝe scornye
hag a gamma aga meyn
pub onon rag y eysye
lowene ȝys te yw ȝeyn
mygtern rys yw ȝe worȝye
hen o ȝoȝo mur a bayn
may ȝeȝens worth y ranne
|
hag yth ens dhe benn dewlin
hag y kewsens dh'y skornya
hag a gamma aga min
pub onan rag y esya
lowena dhis ty yw dhyn
myghtern res yw dha wordhya
henn o dhodho meur a bayn
mayth esens orth y ranna
|
And they went on their knees and spoke to ridicule him, and pulled
their faces awry, each one to mock him. ``joy to you! you are our king!
you must be honoured! what they were sharing was very painful for him.
|
| 138 |
Onon gans an keth welen
yn leyff crist a ve gorris
an gwyskis lasche war an pen
bum pur gewar deseȝys
ha buxow leas hep ken
ha tummasow kekyffris
ȝe gryst a dro ȝe ȝewen
gans nerth bras a ve syttis
|
onan gans an keth welenn
yn leuv krist a veu gorrys
a'n gwyskis lash war an penn
boemm pur gewar desedhys
ha boksow lies hepken
ha tummasow kekeffrys
dhe krist a-dro dh'y dhiwen
gans nerth bras a veu settys
|
With the same wand that was put into Christ's hand one (man) slashed
him over the head a very well-aimed blow, and many strokes without
cause, and blows also were laid upon christ about his jaws with great
force.
|
| 139 |
Colon den a yll crakye
a vynha prest predery
an paynys bras an geve
han dyspyth heb y dylly
hag ol rag ȝe gerense
ihesus crist as goȝevy
lymmyn gorqvyth y gare
ha gweyth denatar na vy
|
kolonn den a yll krakkya
a vynna prest prederi
a'n paynys bras a'n jeva
ha'n despit heb y dylli
hag oll rag dha gerensa
yesus krist a's godhevi
lemmyn gorwith y gara
ha gwayt dinatur na vi
|
A man's heart may break who would think all the time about the
great tortures and the undeserved contempt which he had, and all for
your sake jesus christ suffered them. now take great care to love him
and make sure you are not vilely ungrateful.
|
| 140 |
Pylat eth yn-mes ay hell
yn vn lowarth an gevo
ogas o nyn gesa pell
hag a worras crist ganso
ena worto rag kewsell
queth esa a dro ȝoȝo
prest an eȝewon debel
ȝe Ihesus esens a dro
|
pilat eth yn-mes a'y hel
yn unn lowarth a'n jevo
ogas o nyns esa pell
hag a worras krist ganso
ena orto rag kewsel
kweth esa a-dro dhodho
prest an edhewon debel
dhe yesus esens a-dro
|
Pilate went out of his hall into a garden which he had. It was
near. it was not far, and he took christ with him to talk to him there.
there was a garment about him. the wicked jews were always around jesus.
|
| 141 |
Ena pylat a gewsys
yn delma ȝen eȝewon
me ny won bonas kyfys
yn denma byth acheson
may rys y vonas leȝys
gothveȝough keteponon
del yw an denma dyȝgtis
myrough in agis colon
|
ena pilat a gewsis
yndellma dhe'n edhewon
my ny wonn bones kevys
y'n den ma bydh acheson
may res y vones ledhys
godhvedhewgh kettep onan
dell yw an den ma dyghtys
mirewgh yn agas kolonn
|
Then Pilate spoke thus to the Jews: ``I do not know that any reason
is found in this man for which he has to be killed. mind, everyone, how
this man is treated. look into your hearts.
|
| 142 |
Pan yn caffsons yn treȝe
ol warbarth y a ylwys
te pylat laȝe laȝe
mernans an grows desympys
pylat a gewsys arte
dreȝough why beȝens leȝys
rag ynno me ny gaffe
scyle vas may fo dampnys
|
pan y'n kavsons yntredha
oll war-barth i a elwis
ty pilat ladh e ladh e
mernans an grows desempis
pilat a gewsis arta
dredhowgh hwi bedhes ledhys
rag ynno my ny gava'
skila 'vas may fo dempnys
|
When they got him among them, they shouted altogether, ``You,
pilate, kill him, kill him; the death of the cross straight away.
pilate spoke again: ``let him be slain by you, for i do not find in him
any good reason why he should be condemned.
|
| 143 |
An debel dus a gewsys
ȝynny sur yma laha
may rys y vonas leȝys
rag mab du ef a omwra
own a gachyas an Iustis
pan glewas cows yn della
rag henna a ȝesympys
y trylyas thy asethva
|
an debel dus a gewsis
dhyn ni sur yma lagha
may res y vones ledhys
rag mab dyw ev a omwra
own a gachyas an justis
pan glywas kows yndella
rakhenna a-dhesempis
y trelyas dh'y esedhva
|
The evil people spoke: ``We definitely have a law by which he must
be slain because he professes to be the son of god. fear sei3ed the
magistrate when he heard talk of this kind so he returned immediately to
his seat.
|
| 144 |
Orth crist ef a wovynnys
te ȝen able ota gy
ȝy gows crist ny worȝebys
ynmeth pylat yredy
gorȝeby te ny vynsys
a ny woȝas ow mestry
bos ȝymmo may fes leȝys
bo delyffris ȝe wary
|
orth krist ev a wovynnis
ty dhen a ble o'ta jy
dh'y gows krist ny worthybis
yn-medh pilat yredi
gorthybi ty ny vynnsys
a ny wodhes ow maystri
bos dhymmo may fes ledhys
bo delivrys dhe wari
|
He asked Christ, ``You, man, where are you from? Christ did not
answer his question. without pausing pilate said, ``you would not
answer. don't you know my power which i have whereby you may be slain or
set free?
|
| 145 |
In meth Ihesus yn vrna
mestry vyth te ny vea
waraff ve drok vyth na da
ken onan ȝys nan rolla
byth moy ys eȝow yn ta
a beghas orth ov ȝrayta
pylat pan glewas henna
a whelas y ȝelyffra
|
yn-medh yesus y'n eur na
maystri vydh ty ny 'fia
warnav vy drog vydh na da
ken onan dhis na'n rolla
bydh moy es edhow yn ta
a beghas orth ow thrayta
pilat pan glywas henna
a hwilas y dhelivra
|
Jesus said then, ``You would have no power at all over me, for evil
of any kind or good, if another did not give it to you, any more than a
jew who sinned by betraying me. when pilate heard that, he tried to
set him free.
|
| 146 |
Han eȝewon oll a dro
ȝe belat a leuery
kerense sesar ytho
ny ȝe lemman belyny
in ny wreth dyffry doȝo
a berverth yn crows cregy
rag mygtern a omwrello
ȝe sesar yw contrary
|
ha'n edhewon oll a-dro
dhe pilat a leveri
kerensa sesar ytho
ny dheu lemmyn bileni
mar ny wredh devri dhodho
a-bervedh yn krows kregi
rag myghtern a omwrello
dhe sesar yw kontrari
|
And the Jews all around were saying to Pilate, ``In that case you
will not have caesar's friendship but shame if you do not have him
crucified, for anyone who makes himself a king is in opposition to
caesar.
|
| 147 |
Ena pylat pan glewas
an lauarow na ganse
Ihesus ef a ȝysweȝas
pur evn yn cres yn treȝe
a watta ef a gowsas
agis mygtern ple meve
ol war barth I an naghas
hag a yrghys y laȝe
|
ena pilat pan glywas
an lavarow na gansa
yesus ev a dhiskwedhas
pur ewn y'n kres yntredha
awotta ev a gowsas
agas myghtern ple'mava
oll war-barth i a'n naghas
hag a erghis y ladha
|
Then when Pilate heard those words from them, he pointed to Jesus
right in the very middle of them. ``look where your king is! he said.
all together they denied him and ordered him to be slain.
|
| 148 |
In meth pylat why a vyn
drys pub tra me ȝy laȝe
agis mygtern meth yw ȝyn
na veȝens clewys neffre
yn meȝens y nyn gorȝyn
na ny goth thyn y worȝye
na ken mygtern ny venyn
ys Cesar caffos neffre
|
yn-medh pilat hwi a vynn
dres puptra my dh'y ladha
agas myghtern meth yw dhyn
na vedhes klywys nevra
yn-medhons i ny'n gordhyn
na ny goedh dhyn y wordhya
na ken myghtern ny vynnyn
es sesar kavoes nevra
|
Pilate said, ``You especially want me to slay him - your king! It is
a disgrace to us. never let it be heard! they said, ``we do not honour
him, nor should we honour him, nor do we ever want any other king but
caesar.
|
| 149 |
Y thewleff pylat a wolhas
hag a leuerys ȝeȝe
glan off a wos an dremas
rag ay woys venions a ȝe
ol warbarth y a armas
mar te ve(n)ions ha cothe
war agan flehys yn fras
ha warnan beȝans neffre
|
y dhiwla pilat 'wolghas
hag a leveris dhedha
glan ov a woes an dremas
rag a'y woes venjans a dheu
oll war-barth i a armas
mar teu venjans ha koedha
war agan fleghes yn fras
ha warnan bedhes nevra
|
Pilate washed his hands and said to them, ``I am innocent of the
blood of the holy man, for from his blood vengeance will come. all
together they shouted, ``if vengeance comes and falls heavily upon our
children and upon us, let it be for ever!
|
| 150 |
Camen pylat pan welas
na ylly crist delyffre
manan geffo ef sor bras
ȝe worth ol an goweȝe
rag henna ef a Iuggyas
Ihesus ȝeȝe ȝy laȝe
the ves y a thelyffras
barabas quyth may ȝelle
|
kammenn pilat pan welas
na ylli krist delivra
ma na'n jevo ev sorr bras
dhiworth oll an gowetha
rakhenna ev a jujyas
yesus dhedha dh'y ladha
dhe-ves i a dhelivras
barabas kwit mayth ella
|
When Pilate saw that there was no way he could release Christ
without incurring great wrath from all the company, for that reason he
awarded jesus to them to slay him. they released barabbas to go away
free.
|
| 151 |
Pan o Ihesus cryst dampnys
aberth yn crows may farwe
haccra mernans byth ordnys
ȝe creatur ny vye
en grows whath nyn io parys
nan eȝewon ny woȝye
an prennyer py fens kefis
ȝe wuȝyll crous a neȝe
|
pan o yesus dempnys
a-berth yn krows may farwa
hakkra mernans bydh ord'nys
dhe greatur ny via
an grows hwath nyns o parys
na'n edhewon ny wodhya
an prennyer py fens kevys
dhe wuthyl krows anedha
|
When Jesus Christ was condemned to die by crucifixion, a more
hideous death had never been ordained for any living being. the cross
was not yet ready, and the jews did not know where timbers might be
found from which to make a cross.
|
| 152 |
Vn ethow a brederys
hag a leuerys theȝe
bonas pren yn dour tewlys
a vs yn houl na vye
rag an grous y ȝo ordnys
han huthewon ny woȝye
hag an avell deveȝys
dreȝy adam may peghse
|
unn edhow a brederis
hag a leveris dhedha
bones prenn yn dowr tewlys
a'y oes y'n howl na via
rag an grows yth o ord'nys
ha'n edhewon ny wodhya
hag a'n aval devedhys
dredhi adam may peghsa
|
One Jew considered and told them there was a tree thrown into the
water which had never been in the sun. it was ordained for the cross
(and the jews did not know) and derived from the apple through which
adam had sinned.
|
| 153 |
An prynner a ve kerhys
en grows scon dyȝgtis may fe
hag ynny bonas gorys
ragon ny cryst a vynne
ha war an pren frut degis
may fe sur ȝagan sawye
may teth frut may fen kellys
rag adam ȝe attamye
|
an prennyer a veu kyrghys
an grows skon dyghtys may fe
hag ynni bones gorrys
ragon ni krist a vynna
ha war an prenn frut degys
may feu sur dh'agan sawya
may teuth frut may fen kellys
rag adam dh'y attamya
|
The timbers were fetched for the cross to be quickly prepared and on
it christ, who was willing, to be placed for us, and on the tree a fruit
borne with which it was sure to save us (and) from which came the fruit
through which we were lost because adam took the first bite of it.
|
| 154 |
Whath kentrow ȝeȝe nyngo
Ihesus yn crows rag synsy
y hwalsons ol adro
mar caffons goff yredy
onan a welsons eno
hag y ȝeȝons ȝy besy
hag y lauarsons thoȝo
te gura iij kenter ȝynny
|
hwath kentrow dhedha nyns o
yesus yn krows rag synsi
y hawlsons oll a-dro
mar kaffens gov yredi
onan y hwelsons eno
hag yth ethons dh'y bysi
hag y lavarsons dhodho
ty gwra teyr henter dhyn ni
|
Still they had no nails to hold Jesus crucified. They called all
around to see if they could indeed find a smith. they saw one there and
went and asked him and said to him, ``you make us three nails.
|
| 155 |
In meth an goyff me ny wraff
pur wyr kentrow ȝewy vyth
yn methons mar omwreyth claff
gorȝewyth te an prenvyth
awos guthyll wheyll mar scaff
yn ethom ȝyn mar fyllyth
y worȝebys ny vannaff
aga guȝyll war ow fyth
|
yn-medh an gov my ny wrav
pur wir kentrow dhy'hwi vydh
yn-medhons mar omwreth klav
gordhiwedh ty a'n prenvydh
awos guthyl hwel mar skav
yn edhomm dhyn mar fyllydh
y hworthybis ny vynnav
aga guthyl war ow fydh
|
The smith said, ``Very truly I will not make any nails for you.
they said, ``if you make out you are ill you will pay for it in the end
if you fail us in our need over doing such a small job. he answered,
``i will not make them, on my faith.
|
| 156 |
Gans mur a Iucters yn wlas
ef ave veyll rebukis
kavanskis ef a whelas
rag own y vonas leȝys
yn meth angoff clevas bras
es omdewleff deveȝys
towyll vyth ny allaff yn fas
ynno sensy ȝe wonys
|
gans meur a justers y'n wlas
ev a veu vil rebukys
kavanskeus ev a hwilas
rag own y vones ledhys
yn-medh an gov kleves bras
eus y'm diwla devedhys
toul vydh ny allav yn fas
ynna synsi dhe wonis
|
He was vilely rebuked by many justices in the land. He looked for a
way out for fear of being killed. the smith said, ``leprosy has come to
my hands. i cannot hold any tool in them properly to work.
|
| 157 |
Reys o ȝoȝo dysqueȝas
ȝe pur treytours a ȝewle
warneȝe gwelsons clevas
bytegyns byth nyn gese
yn meth y wrek mur a varth bras
yv henna ȝym rum lewte
heȝow pan eȝys yn mes
cleves vyth nyth kemerse
|
res o dhodho diskwedhes
dhe'n pur draytours y dhiwla
warnedha gwelsons kleves
byttegyns bydh nyns esa
yn-medh y wreg meur varth bras
yw henna dhymm re'm lowta
hedhyw pan ythys yn-mes
kleves vydh ny'th kemmersa
|
He had to show his hands to the out-and-out traitors. They saw
leprosy on them, yet there was none. his wife said, ``i am very
surprised at that, by my troth. when you started out today no leprosy
had taken hold of you.
|
| 158 |
In meth gurek an goff ȝeȝe
kentrow ȝewy why ny fyll
a wos bos claff y ȝewle
toche vyth gonys ef na yll
del won yn vn fystene
me as gura ny strechyaff pell
a ban na ges a wothfe
ȝeugh paris as guerelle gwell
|
yn-medh gwreg an gov dhedha
kentrow dhy'hwi hwi ny fyll
awos bos klav y dhiwla
toch vydh gonis ev ny yll
dell wonn yn unn fistena
my a's gwra ny strechyav pell
a-ban nag eus a wodhvo
dhywgh parys a's gwrello gwell
|
The smith's wife said to them, ``You will not be short of nails.
because his hands are diseased he cannot do any work. i will make them
as best i can in a hurry since there is no one available with the skill
to make them better for you. i will not be long.
|
| 159 |
En debell wrek casadow
gans mur a doth eth yn chy
war hast ȝe weȝyll kentrow
may fens creff ha trewesy
ij droys Ihesus caradow
hay ij leyff y a delly
rag an spykis o garow
pan vons gwyskis ȝy synsy
|
an debel wreg gasadow
gans meur a doth eth y'n chi
war hast dhe wuthyl kentrow
may fens krev ha truesi
dewdroes yesus karadow
ha'y dhiwleuv i a delli
rag an spikys o garow
pan vons gwyskys dh'y synsi
|
The hateful evil wife went very quickly into the house to make nails
hastily to be strong and cruel. they would pierce the hands and feet of
beloved jesus for the spikes were rough when they were hit to secure
him.
|
| 160 |
Pan o kentrow lemmys
hy as duk ȝen eȝewon
crows Ihesus navnio paris
y eth ȝy laȝe yn scon
bresell cref a ve sordijs
en grows pu elle ȝy don
dre vur stryff y fe Iuggijs
ys degy crist y honon
|
pan o an kentrow lymmys
hi a's dug dhe'n edhewon
krows yesus nans o parys
i eth dh'y ladha yn skon
bresel grev a veu sordys
a'n grows piw ella dh'y doen
dre veur strif y feu jujys
y's degi krist y honan
|
When the nails were sharpened she brought them to the Jews. The
cross of jesus was now ready. they went to slay him quickly. a mighty
quarrel arose about who was going to carry the cross. through much
contention it was decided that christ would carry it himself.
|
| 161 |
An queth tek a ve dyskis
han purpur ryche a vsye
hay bowys yhonon gurris
a dro ȝoȝo hy a ve
gans y vam y fye guris
hag ef gensy ow tene
kepar Ihesus del devys
yn della an bows a wre
|
an kweth teg a veu di'skys
ha'n purpur rych a usya
ha'y bows y honan gorrys
a-dro dhodho hi a veu
gans y vamm y fia gwrys
hag ev gensi ow tenna
kepar yesus dell devis
yndella an bows a wre
|
The fair garment was taken off and the rich purple that he was
wearing and his own robe was put on him. it had been made by his mother
when he was still with her as a breast-fed baby. as jesus grew, so did
the robe.
|
| 162 |
Oll monas y a vynne
bys yn mont a galvary
a vest ȝen dre y ȝese
meneth vghell yredy
an grows I a rug gorre
war scoth Ihesus ȝy don ȝy
ȝe Ihesus crist may teffe
ol an greff han belyny
|
oll mones i a vynna
bys y'n mont a galvari
a-ves dhe'n dre yth esa
menydh ughel yredi
an grows i a wrug gorra
war skoedh yesus dh'y doen dhi
dhe yesus krist may teffa
oll an grev ha'n bileni
|
They all set out to go to Mount Calvary. It was outside the town, a
high hill indeed. they put the cross on jesus' shoulder to carry there,
so that all the distress and shame would come to jesus christ.
|
| 163 |
Dew lader drevs o dampnys
a ve dyȝgtis gans Ihesu
ganso ef may fens cregis
onon ȝoȝo a bub tu
Ihesus a ve hombronkis
ha war y lyrgh mur a lu
dre volder tebel Iustis
rag y chasye kyn ȝo du
|
dew lader dreus o dempnys
a veu dyghtys gans yesu
ganso ev may fens kregys
onan dhodho a bub tu
yesus a veu hembrynkys
ha war y lergh meur a lu
dre volder tebel justis
rag y jasya kynth o dyw
|
Two arrant thieves who had been condemned were made ready with Jesus
to be hanged with him, one on each side of him. jesus was led and behind
him a great mob to pursue him because of the presumption of an evil
magistrate, though he was god.
|
| 164 |
I vam whegol a welas
del esons worth y ȝygtye
pyteth mur askemeras
y holon nam na grakye
dre vn scochforth y ponyas
cafos y mab mar calle
I wortos hy a vynnas
guelas Ihesus a gare
|
y vamm hwegoll a welas
dell esens orth y dhyghtya
pyteth meur a's kemmeras
hy holonn nammna grakkya
dre unn skochfordh y poenyas
kavoes hy mab mar kalla
y wortos hi a vynnas
gweles yesus a gara
|
His mother most dear saw how they were treating him. Great pity
seized her and her heart was nearly breaking. she ran through an alley
to see if she could find her son. she wanted to wait for him and see
jesus whom she loved.
|
| 165 |
Pan welas y mab dygtis
gans an eȝewon mar veyll
hay vos gans spern curunys
ha peb ȝoȝo ow cull geyll
hag yn y gorf bos gorris
goleow pals leas myll
heb cows ger y clamderis
y tethas (cothas) war bol y hyll
|
pan welas hy mab dyghtys
gans an edhewon mar vil
ha'y vos gans spern kurunys
ha pub dhodho ow kul gil
hag yn y gorf bos gorrys
goliow pals lies mil
heb kows ger y klamderis
y koedhas war boll hy hil
|
When she saw her son treated so dreadfully by the Jews, and being
crowned with thorns and everybody tricking him, and multiple wounds,
many thousand being driven into his body, she swooned without saying a
word and fell backwards.
|
| 166 |
Ena pan sevys yn ban
hy a gewsys del ylly
nyn gew ow faynys beghan
vs lemyn war ow sensy
ow holon yn tre myll darn
marth yw gene na squardhy
pan welaff ow mab mar wan
ow town kemys velyny
|
ena pan sevis yn bann
hi a gewsis dell ylli
nyns yw ow faynys byghan
eus lemmyn orth ow synsi
ow holonn yntra mil dharn
marth yw genev na skward hi
pan welav ow mab mar wann
ow toen kemmys vileni
|
Then, when she stood up, she spoke as she was able: ``My torments
which are gripping me now are not little ones. i am ama3ed my heart does
not tear into a thousand pieces when i see my son so weak enduring so
much atrocity.
|
| 167 |
Gensy prest ij venyn len
esa worth y homfortye
marya magdalenen
ha marya cleophe
y a fystena yn fen
arte ȝy dyerbyne
rag kerensa nyn io ken
y welas y a vynne
|
gensi prest diw venyn len
esa orth hy honfortya
maria magdalenen
ha maria kleofa
i a fistena yn fen
arta dh'y dhierbynna
rag kerensa nyns o ken
y weles i a vynna
|
All the time there were two faithful women with her, Mary Magdalene,
and mary (wife of) cleophas. they hastened eagerly to meet him again.
for love they wanted to see him - nothing else.
|
| 168 |
Benenas prest a holyas
Ihesu crist yn vn garme
Ihesus worto a veras
hag a leueris ȝeȝe
flehys mur ha benenas
a ierusalem yn dre
a wor bos ov feynys bras
ragoff na wheleugh ole
|
benynes prest a holyas
yesu krist yn unn arma
yesus orta a viras
hag a leveris dhedha
fleghes meur ha benynes
a yerusalem y'n dre
a woer bos ow faynys bras
ragov na hwilewgh oela
|
Wailing women incessantly followed Jesus Christ. Jesus looked at
them and said to them, ``ye many women and children of the city of
jerusalem who know that my sufferings are great, seek not to weep for
me.
|
| 169 |
Olough rag agis fleghys
ha ragough agis honon
en deȝyow a vyth guelys
hag a ȝe sur yntreȝon
may fyth torrow benegis
bythqueth na allas eȝon
ha benenas kekyffrys
na ve ȝeȝe denys bron
|
oelewgh rag agas fleghes
ha ragowgh agas honan
an dydhyow a vydh gwelys
hag a dheu sur yntredhon
may fydh torrow bennigys
bythkweyth na allas omdhon
ha'n benynes kekeffrys
na ve dhedha denys bronn
|
``Weep for your children and for yourselves. The days will be seen
and will surely come upon us when wombs that could never conceive will
be blessed and women also whose breast has not been sucked.
|
| 170 |
In erna ȝen menyȝyow
why a ergh warnough coȝe
yn ketella an nanssow
wy a bys ragas cuthe
del lavare war anow
war an pren glays mar a te
yn pren seygh ha casadow
sur yn erna fatel ve
|
y'n eur na dhe'n menydhyow
hwi a ergh warnowgh koedha
yn kettella an nansow
hwi a bys rag 'gas kudha
dell lavarav war anow
war an prenn glas mara teu
y'n prenn sygh ha kasadow
sur y'n eur na fatell veu
|
``At that time you will command the mountains to fall upon you,
likewise you will beg the valleys to cover you. as i say openly, if it
comes upon the green wood, how indeed will it be then upon the dry and
blighted wood?
|
| 171 |
I vam whek marya wyn
pub vr fystene a wre
may halle doys war y byn
y mab kemmys a gare
Rag gwander war ben dowlyn
hy an guelas ow coȝe
han wlos askemeras mar dyn
may clamderas hy arte
|
y vamm hweg maria wynn
pub eur fistena a wre
may halla dos er y bynn
hy mab kemmys a gara
rag gwannder war benn dewlin
hi a'n gwelas ow koedha
ha'n loes a's kemmer's mar dynn
may klamderas hi arta
|
His sweet mother, Blessed Mary, was hurrying all the time so that
she could meet him, her son whom she loved so much. she saw him falling
on his knees through weakness. anguish sei3ed her so sharply that she
swooned again.
|
| 172 |
Ena hy a ve seuys
yn ban ynter benenas
arluth hy a leueris
ow holon y ma genas
kepar ha te hy ȝew guris
yn anken worth ȝe welas
bytqueth den ny woȝevys
payn ella ȝy golon nes
|
ena hi a veu sevys
yn-bann ynter benynes
arloedh hi a leveris
ow holonn yma genes
kepar ha ty hedhyw gwrys
yn anken orth dha weles
bythkweyth den ny wodhevis
payn ella dh'y golonn nes
|
Then she was raised up between some women. ``Lord, she said, ``my
heart is with you, grief-stricken today like you at the sight of you.
never did man suffer pain that went closer to his heart.
|
| 173 |
En golyas ha fowt dybbry
a woȝevys Ihesus ker
han strokosow trewesy
war y gorff dris pub maner
goys ay ben ay ysely
a ȝroppye war y ȝew ver
rag doȝo ef na ylly
doun an grows rag gwander
|
an goelyas ha fowt dybri
a wodhevis yesus ker
ha'n strokosow truesi
war y gorf dres pub maner
goes a'y benn ha'y eseli
a dhroppya war y dhiwver
rag dhodho ev na ylli
doen an grows rag y wannder
|
Dear Jesus suffered the lack of sleep and food and the exceedingly
grievous blows upon his body. blood was falling from his head and limbs
over his legs so that he could not carry the cross any further because
of his weakness.
|
| 174 |
Vn den asdyerbynnas
Symmon o ay own hanow
y leuerys ȝoȝo guas
ty a ȝek an grows heb wow
y don symon a sconyas
ef an geve strocosow
na moy sconye ny vynnas
rag own cafos y ancow
|
unn den a's dierbynnas
simon o a'y ewn hanow
y leveris dhodho gwas
ty a dheg an grows heb wow
a'y doen simon a skonyas
ev a'n jeva strokosow
na moy skonya ny vynnas
rag own kavoes y ankow
|
A certain man met them. He was Simon by his proper name. They said
to him, ``young man, you will carry the cross won't you? simon refused
to carry it. he received blows. he would not refuse any more for fear of
being killed.
|
| 175 |
Ef a thuk an grous ganse
pur wyr henno ay anvoth
ny wrens y na hen scyle
lymyn sywye aga both
pub er te ȝen gura lewte
beva den yonk bo den coth
orȝaff mar mynnyth cole
neffre gans an fals na soth
|
ev a dhug an grows gansa
pur wir henn o a'y anvodh
ny wrens i nahen skila
lemmyn sywya aga bodh
pub eur ty dhen gwra lowta
bova den yo'nk bo den koth
orthiv may mynnydh koela
nevra gans an fals na soedh
|
He carried the cross along with them. Most certainly this was
against his will. they gave no other reason than the following of their
will. be faithful at all times, man. if you will trust me, never serve
the false one, whether he is an old man or young.
|
| 176 |
I eth yn vn fystene
ȝen tyller ganso o ordnys
pan doȝyans ȝy yntreȝe
pows Ihesus a ve dyskis
y dysky mur an grevye
worto fast navngo glenys
whath bytqueth claff ny vee
vylle ys dello dyskis
|
i eth yn unn fistena
dhe'n tyller kyns o ord'nys
pan dhodhyens dhi yntredha
pows yesus a veu di'skys
hy dis'ki meur a'n grevya
orto fast nans o glenys
hwath bythkweyth klav ny via
villa es dell o di'skys
|
They hastened to the place which had been previously arranged. When
they arrived there, between them jesus' garment was taken off. its
removal caused him great pain. it was now stuck fast to him. not even a
leper had ever been stripped more brutally than he.
|
| 177 |
Vn venyn da a welas
dello Ihesus dystrippijs
pytet mur askemeras
rag y vos mar veyll dygtis
vn queth tek hy a drylyas
adro ȝoȝo desympys
ha warnans hy an quuthas
rag gwyȝe na ve storuys
|
unn venyn dha a welas
dell o yesus destryppys
pyteth meur a's kemmeras
rag y vos mar vil dyghtys
unn kweth teg hi a drelyas
a-dro dhodho desempis
ha warnans hi a'n kwethas
rag gwitha na ve stervys
|
A certain good woman saw how Jesus was stripped. She took great pity
because he was treated so cruelly. she wound a beautiful cloth round him
straight away and wrapped up his lower part to shield him from being
killed by the cold.
|
| 178 |
Heys crist y a gemeras
an neyll lef bys yn y ben
worth an les y a dollas
ij doll yn (an) grows heb ken
may ȝello an kentrow bras
dre y ȝewleff bys yn pen
rag y dreys y a vynnas
telly ȝy worre yntten
|
hys krist i a gemmeras
a'n eyl leuv bys yn hy benn
orth an les i a dollas
dew doll yn an grows hepken
mayth ella an kentrow bras
dre y dhiwla bys y'n penn
rag y dreys i a vynnas
telli dh'y worra yn tenn
|
They took the measure of Christ from one hand to the other.
according to the width they drilled just two holes in the cross so that
the great nails would go through his hands right up to the head. they
would drill a hole for his feet to stretch him out.
|
| 179 |
Ganse crist a ve tewlys
war an grows ȝe wroweȝe
hay yll leff a ve tackis
ord en grows fast may ȝese
hay yll troys a ve gorris
poran war ben e gele
worth an grows yfons laȝijs
gans kenter guyskis dreȝe
|
gansa krist a veu tewlys
war an grows dhe wrowedha
ha'y eyl leuv a veu tekkys
orth an grows fast mayth esa
ha'y eyl troes a veu gorrys
poran war benn y gila
orth an grows y fons letthys
gans kenter gwyskys dredha
|
Christ was thrown by them to lie on the cross and his one hand was
nailed to the cross securely where it was, and his one foot was placed
exactly on top of the other. they were fastened to the cross by a nail
driven through them.
|
| 180 |
Then levff arall pan doȝyans
worth an grovs rag y faste
y fylly moy es tresheys
ȝen tol guris hy na heȝe
en eȝewon betegyns
gul tol arall ny vynne
lemyn an tol re wrussens
y a vyn(n)e ȝe seruye
|
dhe'n leuv arall pan dhodhyens
orth an grows rag y fasta
y fylli moy es troes-hys
dhe'n toll gwrys hi na hedha
an edhewon byttegyns
gul toll arall ny vynna
lemmyn an toll re wrussens
i a vynna dhe servya
|
When they came to the other hand to fasten it to the cross, there
was more than a foot short so that it would not reach the hole which had
been made. however, the jews would not make another hole but they
intended the hole which they had made to serve.
|
| 181 |
Ganse worth levff crist loven
fast yn scon a ve kelmys
hag yn tre an eȝewon
an grovs fast a ve sensys
gans re a gymmys colon
en loven a ve tennys
y iunctis keteponon
oll warbarth may ȝens squardis
|
gansa orth leuv krist lovan
fast yn-skon a veu kelmys
hag yntra an edhewon
an grows fast a veu synsys
gans re a gemmys kolonn
an lovan a veu tennys
y juntys kettep onan
oll war-barth mayth ens skwerdys
|
A rope was soon tied firmly by them to Christ's hand, and between
the jews the cross was tightly held. the rope was pulled with so much
zeal by some that his joints were altogether torn, every one of them.
|
| 182 |
Pan deth levff crist war en toll
dre an nerth may tensons hy
vn ethow avell pyth foll
a wyskis kenter ynhy
lemmyn me agis pys oll
a baynis crist predery
ha na vo gesys ȝe goll
an lahys a rug ȝynny
|
pan dheuth leuv krist war an toll
dre an nerth may tennsons i
unn edhow avel pyth fol
a wyskis kenter ynni
lemmyn my a'gas pys oll
a baynys krist prederi
ha na vo gesys dhe goll
an laghys a wrug dhyn ni
|
When Christ's hand came over the hole by the force with which they
pulled, one jew drove a nail into it like a mad thing. now i beg you all
to think of christ's tortures, and that the laws which he made for us
should not be lost.
|
| 183 |
Scrifys yw yn suredy
ha ken me nyn lauarsen
corff Ihesus hay asely
y ȝe denna mar velen
neb a vynna a ylly
neuera oll y yscren
hay skennys kyc ha gwyȝy
pan esa yn (an) crows pren
|
skrifys yw yn surredi
ha ken my ny'n lavarsen
korf yesus ha'y eseli
i dhe denna mar vilen
neb a vynna a ylli
nivera oll y eskern
ha'y skennys kig ha'y wythi
pan esa yn an krowsprenn
|
It is written quite definitely, and I would not say otherwise, that
they pulled the body and limbs of jesus so savagely that anyone who
wanted could count all his bones and his sinews, flesh and veins, when
he was on the cross.
|
| 184 |
Han grous a ve drehevys
ha Ihesus fasteys ynny
han pen golas delyffrys
yn tol o tellys rygthy
ena hy a ve gefys
ȝe goȝa mar ankynsy
ȝe crist may fe crehellys
oll y gorf hay esely
|
ha'n grows a veu drehevys
ha yesus festys ynni
ha'n penn-goeles delivrys
yn toll o tellys rygdhi
ena hi a veu gesys
dhe goedha mar ankensi
dhe krist may feu kryghyllys
oll y gorf ha'y eseli
|
And the cross was raised with Jesus fastened on it and the bottom
placed in a hole which had been drilled for it. there it was dropped so
brutally that all christ's body and limbs were jolted.
|
| 185 |
Ha crist yn delma peynys
a berth yn crows pan ese
yn (va)nerma y pesys
rag an keth re ren crowse
ow ȝas whek beȝens gevys
ȝen rema aga nyscyte
rag me ny won py gymmys
y mons y sur ow peghe
|
ha krist yndella paynys
a-berth yn krows pan esa
y'n vaner ma y pysis
rag an keth re re'n krowssa
ow thas hweg bedhes gevys
dhe'n re na 'ga nisyta
rag my ny wonn pygemmys
ymons i sur ow pegha
|
While Christ was thus in pain suffering crucifixion he prayed in
this manner for those who had crucified him. ``my gentle father, may
these be forgiven for their ignorance for even i do not know how greatly
indeed they are sinning.
|
| 186 |
An ethewon a grogas
lader ȝe gryst an barth cleth
hag a ȝyghow lader bras
cregy a russons yn weth
ha crist yn cres leun a ras
levn y golon a voreth
gans laddron y teweȝas
del yw scrifys ay ȝeweth
|
an edhewon a grogas
lader dhe krist a'n barth kledh
hag a dheghow lader bras
kregi a wrussons ynwedh
ha krist y'n kres leun a ras
leun y golonn a voreth
gans ladron y tiwedhas
dell yw skrifys a'y dhiwedh
|
The Jews hanged a thief on Christ's left hand and on his right they
hanged a great thief also, and christ in the middle, full of grace, his
heart full of sorrow. ``he ended with thieves, as it is written about
his end.
|
| 187 |
Pylat a vynnas scrife
a vewnans (leg. vernans) crist acheson
praga dampnys rebee
hag an scrifas y honon
pan eth pylat ȝy redye
scyle nyn io na gonon
prest y keffy pan vyre
henma yw mygtern eȝewon
|
pilat a vynnas skrifa
a vernans krist acheson
praga dempnys re bia
hag a'n skrifas y honan
pan eth pilat dh'y redya
skila nyns o nagonan
prest y kevi pan vira
hemm yw myghtern edhewon
|
Pilate wanted to write a reason for Christ's death, why he had been
condemned, and he wrote it himself. when pilate came to read it, it was
not a reason at all. whenever he looked he always found, ``this is the
king of the jews.
|
| 188 |
En ethewon a gowsys
henna yw ȝyn bylyny
beȝens ȝe ves defendis
y vonas mygtern ȝynny
ha beȝens ena gorris
y fense bos dre vestry
han pyth a screfys screfys
yn meth pylat ȝeȝe y
|
an edhewon a gewsis
henna yw dhyn bileni
bedhes dhe-ves defendys
y vones myghtern dhyn ni
ha bedhes ena gorrys
y fynnas vos dre vaystri
an pyth a skrifis skrifis
yn-medh pilat dhedha i
|
The Jews said, ``This is an outrage upon us. Let it be struck out
that he is our king and let it be put there that he had wanted to be by
domination. ``what i have written, i have written, said pilate to
them.
|
| 189 |
En lybell a ve tackis
worth en grous fast may ȝese
hag a vgh pen crist gorrys
may hylly peb y redye
rag bos Ihesus crist crowsys
ogas ȝe forth an cyte
gans leas yfe redijs
y vonas mygtern ȝethe
|
an libel a veu tekkys
orth an grows fast mayth esa
hag a-ugh penn krist gorrys
may hylli pub y redya
rag bos yesus krist krowsys
ogas dhe fordh an sita
gans lies y feu redys
y vones myghtern dhedha
|
The charge was securely nailed to the cross where he was, and
placed above christ's head so that all could read it. because christ was
crucified near the road to the city it was read by many that he was
their king.
|
| 190 |
Dyllas crist a ve rynnys
pedar ran guris a neȝe
gans peswar marreg a brys
ȝe bub marreg ran nayse
y bous ef o mar dek guris
y ny vynsans y ranne
war nethy pren be tewlys
oll an bows pyv an gyffe
|
dillas krist a veu rennys
peder rann gwrys anedha
gans peswar marghek a bris
dhe bub marghek rann 'nedha
y bows ev o mar deg gwrys
i ny vynnsons hy ranna
warnedhi prenn 'veu tewlys
oll an bows piw a'n jeffa
|
Christ's garments were divided, four parts being made of them by
four soldiers of repute, a share for each soldier. his robe was so
beautifully made that they were unwilling to divide it. lots were cast
upon it to see who should get the whole robe.
|
| 191 |
An barth cleyth neb o cregis
dyveth o ha lader pur
yn ges ef a leuerys
te crist mar sota mar fur
war an bys del omwressys
lemmyn dyswa ha gura cur
ha saw te ha me kyffris
agan bewnans may fen sur
|
a'n barth kledh neb o kreghys
diveth o ha lader pur
yn ges ev a leveris
ty krist mars o'ta mar fur
war an bys dell omwrussys
lemmyn diskwa ha gwra kur
ha saw ty ha my keffrys
a'gan bywnans may fyn sur
|
The one who was hanged on his left was without shame, an out-and-out
thief. in mockery he said, ``you, christ, if you are as clever in the
world as you pretended, show it now and perform a remedy, and save
yourself and me as well so that we may be sure of our lives.
|
| 192 |
In meth an lader arall
drok ȝen os kepar del ves
ny ȝowtyth du te yw dall
rag genen cregis neb es
den glan yw a begh heb fall
ynno eff dyfout nyn ges
agan cregy ny yv mall
rag ny rebe laddron dres
|
yn-medh an lader arall
drog dhen os kepar dell veus
ny dhoutydh dyw ty yw dall
rag genen kregys neb eus
den glan yw a begh heb fall
ynno ev defowt nyns eus
agan kregi ni yw mall
rag ni re beu ladron dreus
|
The other thief said, ``You are an evil man, just as you were. You
do not fear god. you are blind, for he who has been hanged with us is a
man who is, without doubt, free of sin. in him there is no blemish. it
is fitting that we should be hanged for we have been wicked robbers.
|
| 193 |
An lader an barth dyghow
a besys in ketelma
arluth pan dyffy ȝet pow
predery a hanaff gura
crist pur wek an caradow
an gorȝebys yn vrna
te a vyth yn keth golow
yn paradis genama
|
an lader a'n barth deghow
a bysis yn kettellma
arloedh pan dhyffi dhe'th pow
prederi ahanav gwra
krist pur hweg an karadow
a'n gorthybis y'n eur na
ty a vydh y'n keth golow
yn paradhis genama
|
The thief on the right prayed like this: ``Lord, when you come into
your land, think of me! then christ, the beloved, answered him very
kindly, ``you will be with me this very day in paradise.
|
| 194 |
An eȝewon a gewsy
a Ihesus rag y scornye
kyns yn ta ef a ylly
tus a bup drok ol sawye
lemmyn gans ol y vestry
ragon ny wor omweȝe
na gans oll y tretury
ny yll agan dyssaytye
|
an edhewon a gewsi
a yesus rag y skornya
kyns yn ta ev a ylli
tus a bub drog oll sawya
lemmyn gans oll y vaystri
ragon ny woer omwitha
na gans oll y drayturi
ny yll agan dessaytya
|
The Jews talked about Jesus to mock him: ``Before, he was able to
save people from every evil. now with all his power he cannot protect
himself from us, nor with all his treachery can he deceive us.
|
| 195 |
War aga dewlyn y ȝe
pe rag Ihesus re erell
aga fen y a sackye
hag a gewsy pur debell
worth Ihesus rag y angre
a wotta omma neb yll
tempell du dowstoll squardye
ha ȝe voth y ȝrehevell
|
war aga dewlin yth e
dherag yesus re erell
aga fenn i a shakya
hag a gewsi pur debel
orth yesus rag y angra
awotta omma neb 'yll
tempel dyw doust oll skwardya
ha dh'y vodh y dhrehevel
|
Others went on their knees before Jesus. They shook their heads and
spoke very cruelly to jesus to harass him: ``behold, here is the one who
can utterly pulverise god's temple and build it up at will.
|
| 196 |
Hag y ee ȝe ben dewlyn
ha hager mowys a wre
gweȝe goȝyans aga meyn
orth Ihesus a omgame
hag ef moygha yn y beyn
yn y fas y a drewe
heno ȝoȝo calys feyn
agan pegh ny ow prenne
|
hag i e dhe benn dewlin
ha hager mowys a wre
gwettha godhyens a'ga min
orth yesus a omgamma
hag ev moyha yn y bayn
yn y fas i a drewa
henn o dhodho kales fin
agan pegh ni ow prena
|
And they went on their knees and made ugly grimaces. As badly as
they could they contorted their faces at jesus. whilst his pain was at
its height they spat in his face. this was a harsh end for him as he
redeemed our sin.
|
| 197 |
Re ȝe gryst a leuery
a berth yn crows pan ese
mar soge crist mab dauy
des an grows heb pystege
ha ny a grys ȝe vestry
hag ad syns mester neffre
me yw mab du yredy
crist a leueris thethe
|
re dhe krist a leveri
a-berth yn krows pan esa
mars o'ta krist mab davi
deus a'n grows heb pystiga
ha ni a grys dha vaystri
hag a'th syns mester nevra
my yw mab dyw yredi
krist a leveris dhedha
|
Some said to Christ when he was crucified, ``If you are Christ, the
son of david, come off the cross unharmed, and we will believe in your
authority and acknowledge you always as master. ``i am the son of god
indeed, christ said to them.
|
| 198 |
A barth dyghow y ȝese
ȝe gryst y vam marya
hay vam ef neb a gare
an barth arall magata
deso benyn yn meȝa
Iowan ȝe vab me a wra
na byth moy ken mam neffre
es hyhy te na whela
|
a'n barth deghow yth esa
dhe krist y vamm maria
ha'y vaw ev neb a gara
a'n barth arall maga ta
dhiso benyn yn-medh e
yowann dha vab my a wra
na bydh moy ken mamm nevra
es hyhi ty na hwila
|
On the right side of Christ there was his mother Mary and on the
other side his servant also whom he loved. ``for you, lady, he said, i
make john your son - and you, do not ever seek any mother other than
her.
|
| 199 |
War lyrgh crist enef ȝe ry
pub onan oll ȝy gele
Iowan y vam a sensy
marya crist del arse
yn pub maner may hylly
y vam prest asonore
yn delma comfort ȝyȝy
y map a vynnas dygtye
|
war-lergh krist enev dhe ri
pubonan oll dh'y gila
yowann y vamm a synsi
maria krist dell arghsa
yn pub maner may hylli
y vamm prest a's enora
yndellma konfort dhedhi
hy mab a vynnas dyghtya
|
After Christ had surrendered his soul, John held Mary as his mother,
each to the other, as christ had ordered. he always honoured his mother
in every way he could. in this way her son wanted to provide support for
her.
|
| 200 |
Nevngo deuethys an prys
may ȝo ogas ȝy ȝeweth
yn erna y fe dorgis
ha dris ol an bys ef eth
tewolgow bras a ve guris
an houll a gollas y feth
ha moy marȝus me a gris
ys an rena ve yn weth
|
nans o devedhys an prys
mayth o ogas dh'y dhiwedh
y'n eur na y feu dorgrys
ha dres oll an bys ev
tewolgow bras a veu gwrys
an howl a gollas y feth
ha moy marthus my a grys
es an re ma 'veu ynwedh
|
Now the time had come when he was near to his end. At that time
there was an earthquake and it went all over the earth. a great darkness
came about. the sun's presence was lost and (there were) more wonders
also i believe than these.
|
| 201 |
In della hy a begyas
bys hanter dyth yredy
yn erna crist a vynnas
leuerell ely ely
ȝe strirya (leg. scrirya) yw a gowsas
arluth prag y hysta vy
mas re war gryst a ynnyas
y ȝo dewas ar yrghy
|
yndella hi a besyas
bys hanter-dydh yredi
y'n eur na krist a vynnas
leverel eli eli
dhe styrya yw a gowsas
arloedh prag y hys'sta vy
mes re war krist 'ynnias
yth o diwes a erghi
|
So it went on right up to midday. Then Christ wanted to say ``Eli,
eli. what he said is to be interpreted, ``lord, why have you abandoned
me? but some insisted that it was a drink that christ was demanding.
|
| 202 |
Gans an eȝewon war hast
drok ȝewas a ve dyȝgtys
tebell lycour mur y last
eysyll bestyll kemyskis
yn (un) spong orth gwelen fast
ȝe gryst hy a ve heȝys
gonys oll a wrens yn fast
rag na go crist attendijs
|
gans an edhewon war hast
drog dhiwes a veu dyghtys
tebel likour meur y last
aysel bystel kemmyskys
yn unn spong orth gwelenn fast
dhe krist hi a veu hedhys
gonis oll a wrens yn hast
rag nag o krist attendys
|
An evil drink was hastily prepared by the Jews, a devilish liquor,
most loathsome, vinegar mixed with gall. it was held out to christ in a
sponge fixed to a rod. they all worked hastily because christ was not
understood.
|
| 203 |
Re an eȝewon tebell
a leuerys heb pyte
a wottense ow kelwel
hely ȝoȝo ȝy wyȝe
myrugh mar te drehevell
ay beynys ȝy delyffre
han scherewys prest a bell
ȝe worth an gwyr afye
|
re an edhewon debel
a leveris heb pyta
awottensa ow kelwel
eli dhodho dh'y witha
mirewgh mar teu drehevel
a'y baynys dh'y dhelivra
ha'n sherewys prest a-bell
dhiworth an gwir a via
|
Some of the evil Jews said without pity, ``Behold him calling Elias
to him to preserve him. see whether he comes and rises up to deliver him
from his tortures. yet all the time the wicked ones had been far from
the truth.
|
| 204 |
I beyn o mar greff ha tyn
caman na ylly bewe
heb dascor y eneff gwyn
bytqueth yn lan revewse
crist a besys del redyn
yn delma yn luas le
ow eneff me a gymyn
arluth yn tre ȝe ȝewle
|
y bayn o mar grev ha tynn
kammenn na ylli bywa
heb daskorr y enev gwynn
bythkweyth yn lan re vywsa
krist a bysis dell redyn
yndellma yn lies le
ow enev my a gemmynn
arloedh yntra dha dhiwla
|
His torture was so intense and cruel that in no way could he live
without surrendering his blessed spirit that had ever lived in purity.
as we read in many places, christ prayed like this: ``into your hands,
lord, i commend my spirit.
|
| 205 |
Rag gwan spyr(n) hag ef yn ten
caman na ylly gwyȝe
war nans na bosse y ben
rag an arlont a vsye
mar posse a neyll tenewen
rag y scoth hy a grevye
Ha whath gweth a wre an pren
war ȝellargh mar an gorre
|
rag gwan spern hag ev yn tenn
kammenn na ylli gwitha
war-nans na boessa y benn
rag an arlont a usya
mar poessa'n eyl tenewen
rag y skoedh hi a'n grevya
ha hwath gweth a wre an prenn
war-dhelergh mara'n gorra
|
Because of the piercing of thorns as he was stretched out, there was
no way he could stop his head leaning downward. because of the wreath he
was wearing, if he leaned to one side it hurt him because of his
shoulder, and the wood hurt even worse if he laid it backward.
|
| 206 |
Na war rag ef ny ylly
pose rag own bos megis
yn erna del redyn ny
y(n) lyffrow del yw scrifys
ȝen neȝyn gwyls rag nyeȝy
tellyryow esa paris
the crist y ben py sensy
teller vyth nyn go kefis
|
na war-rag ev ny ylli
poesa rag own bos megys
y'n eur na dell redyn ni
y'n lyvrow dell yw skrifys
dhe'n ydhyn gwyls rag neythi
tylleryow esa parys
dhe krist y benn py synsi
tyller vydh nyns o kevys
|
Nor could he lean forward for fear of being choked. At that time, as
we read what is written in the scriptures, there were places ready for
the wild birds to build their nests; for christ no place was found for
him to hold his head.
|
| 207 |
Rag porrys rys o ȝoȝo
gase y ben ȝegregy
rag galse glan ȝe worto
y woys bewe ny ylly
war tu hay vam an pewo
y ben a vynnas synsy
hay eneff eth a noȝo
gans garm eyn hag vghel gry
|
rag porres res o dhodho
gasa y benn dhe gregi
rag galsa glan dhiworto
y woes bywa ny ylli
war-tu ha'y vamm a'n piwo
y benn a vynnas synsi
ha'y enev eth anodho
gans garm yeyn hag ughel gri
|
For he was compelled to allow his head to hang. Because his blood
had completely left him, he could not live. he wanted to hold his head
towards his mother to whom he belonged, and his soul went from him with
a shrill scream and a loud cry.
|
| 208 |
Ryp crous Ihesus y ȝese
vn den henwys sentury
a vernans crist pan welse
kynyuer tra marthusy
han enef del dascorse
erbyn natar gans vn cry
y leuerys heb scornye
hemma (hem) yw mab du yredy
ha leas ganso ene
doȝo a ȝuk dustuny
|
ryb krows yesus yth esa
unn den henwys senturi
a vernans krist pan welsa
keniver tra marthusi
ha'n enev dell daskorrsa
erbynn natur gans unn kri
y leveris heb skornya
hemm yw mab dyw yredi
ha lies ganso ena
dhodho a dhug dustuni
|
By the cross of Jesus there was a man called a centurion. When he
had seen so many marvels concerning the death of christ, and how he had
unnaturally yielded up his soul with a cry, he said, without mockery,
``this is god's son indeed. and many there were with him bore witness to it.
|
| 209 |
Nango hanter dyth yn wlas
po moy del yma scryfis
dorgis esa ha lughas
han tewolgow kekyffrys
veyll an tempyll a squardyas
yn tre dew ȝen dor coȝys
ena yn weth y torras
en veyn o creff ha calys
|
nans o hanter-dydh y'n wlas
po moy dell yma skrifys
dorgrys esa ha lughes
ha'n tewolgow kekeffrys
vayl an tempel a skwardyas
yntra dew dhe'n dor koedhys
ena ynwedh y torras
an veyn o krev ha kales
|
Now it was midday or past in the land. As it is written, there was
an earthquake and lightning and darkness as well. the veil of the temple
was rent in two and fell to the ground. then also the stones that were
strong and hard broke up.
|
| 210 |
En beȝow yn lower le
a pert a ve egerys
han corfow esa ynne
a ve yn ban drehevys
hag eth poran ȝen cyte
gans luas y fons gwelys
en gwyr ȝe ȝustynee
bos mab du neb o leȝys
|
an bedhow yn lower le
apert a veu igerys
ha'n korfow esa ena
a veu yn-bann drehevys
hag eth poran dhe'n sita
gans lies y fons gwelys
an gwir dhe dhustunia
bos mab dyw neb o ledhys
|
The graves in many places were opened wide, and the bodies that were
there were raised up and went directly to the city. they were seen by
many to bear witness to the truth that he who was slain was the son of
god.
|
| 211 |
Dowr ha ler ha tan ha gwyns
houl ha lour ha steyr kyffris
a gryst ow coȝaff mernans
anken y a woȝevys
natur scyle me a syns
arluth da mar pyth peynys
ol y sogete kyn fons syns
rag y beyn ȝe vos grevijs
|
dowr ha leur ha tan ha gwyns
howl ha loer ha ster keffrys
a krist ow kodhav mernans
anken i a wodhevis
natur skila my a syns
arloedh da mar pydh paynys
oll y sojets kyn fons sens
rag y bayn dhe vos grevys
|
Water and earth and fire and wind, sun and moon and stars likewise
suffered distress from christ suffering death. nature causes, i
maintain, if a good lord is put to torture, all his subjects, even if
they are saints, to be afflicted because of his suffering.
|
| 212 |
Enaff crist ȝe yffarn eth
hag a dorras an porȝow
dre y nerth bras hay sleyueth
ena golmas dewolow
lucyfer kelmys yv whath
pur fast yn y golmennow
hag ef a dryk heb fynweth
yn yffarn yn tewolgow
|
enev krist dhe ifarn eth
hag a dorras an porthow
dre y nerth bras ha'y sleynedh
ev a golmas dewolow
lusyfer kelmys yw hwath
pur fast yn y golmennow
hag ev a dryg heb finwedh
yn ifarn yn tewolgow
|
The soul of Christ went to hell and broke down the doors. By his
great strength and skill he bound devils there. lucifer is still bound
very tightly in bonds and he dwells interminably in hell, in darkness.
|
| 213 |
Ena crist a thelyffras
a breson adam hag evef
suel a wressa both y das
man geffo tregva yn nef
pan eth yn mes yn sewyas
en dus vas del vynne ef
an scherewes a dregas
yn yffarn yn tormont creff
|
ena krist a dhelivras
a bryson adam hag ev
seul a wrussa bodh y das
ma'n jeffa trygva yn nev
pan eth yn-mes y'n sywyas
an dus 'vas dell vynna ev
an sherewys a drygas
yn ifarn yn torment krev
|
Then Christ freed Adam and Eve from prison, so that all who had done
his father's will would have a dwelling in heaven. when he went out the
good people followed him as he wished. the wicked stayed in hell in
relentless torment.
|
| 214 |
Vn burges Iosep hynwys
a baramat an cyte
yn mernans crist a gewsys
bytqueth dremas re bee
ol y doul ef o tewlys
ganso yn nef rag trege
Ihesus ganso o keris
ha nyn io hard ȝy notye
|
unn burjes yosep henwys
a baramat an sita
yn mernans krist a gewsis
bythkweyth dremas re bia
oll y dowl ev o tewlys
ganso yn nev rag tryga
yesus ganso o kerys
ha nyns o hardh dh'y notya
|
A citizen called Joseph of the City of Arimathaea said, on Christ's
death, that he had always been a holy man. he intended by all his
planning to dwell with him in heaven. jesus was loved by him but he was
not bold enough to make it known.
|
| 215 |
Iosep eth bys an Iustis
ȝe bylat mester treus o
ha pur hardh a wovynnys
corf Ihesus worto yn ro
rag bos Iosep den keris
grontis ef a ve ȝoȝo
pylat a woromynnys
meras crist marow mar so
|
yosep eth bys y'n justis
dhe pilat mester treus o
ha pur hardh a wovynnis
korf yesus orto yn ro
rag bos yosep den kerys
grontys ev a veu dhodho
pilat a worhemmynnis
mires krist marow mars o
|
Joseph went to the magistrate, to Pilate, who was a perverse
authoritarian, and very boldly asked him for the body of jesus as a
gift. because joseph was a favourite it was granted to him. pilate gave
orders to see whether christ was dead.
|
| 216 |
En eȝewon skyntyll keth
resteffo mur vylyny
ȝe veras worth crist y eth
hag ef yn crous ow cregy
y a welas war y feth
y vos marow yredy
yttaseffsons oll yn weth
dre an golon y delly
|
an edhewon skentyl keth
re's teffo meur vileni
dhe vires orth krist i eth
hag ev yn krows ow kregi
i a welas war y feth
y vos marow yredi
y tesevsons oll ynwedh
dre an golonn y delli
|
The crafty caitiff Jews - great shame be upon them - they went to
look at jesus as he was hanging crucified. they saw by his face that he
was indeed dead. they even had the presumption, all of them, to pierce
him through the heart.
|
| 217 |
In aga herwyth y ȝese
vn marreg longis hynwys
dal o ny wely banna
ef rebea den a brys
gew a ve yn y ȝewle
gans an eȝewon gorris
ha pen lym rag y wane
ȝe golon Ihesus hynwys
|
y'ga herwydh yth esa
unn marghek longys henwys
dall o ny weli banna
ev re bia den a bris
gyw a veu yn y dhiwla
gans an edhewon gorrys
ha penn lymm rag y wana
dhe golonn yesus henwys
|
In their company was a soldier called Longis. He was blind. He could
not see at all. he had been a man of rank. a spear with a sharp point
was put into his hands by the jews to pierce the heart of jesus, the
holy one.
|
| 218 |
Longis sur an barth dyghow
ȝe grous Ihesus y ȝese
ȝen marreg worth y hanow
y a yrhys may whane
yn corf Ihesus caradow
en gew lym ef a bechye
pur ewn yn dan an asow
dre an golon may ȝese
|
longys sur a'n barth deghow
dhe grows yesus yth esa
dhe'n marghek orth y hanow
i a erghis may hwana
yn korf yesus karadow
an gyw lymm ev a bechya
pur ewn yn-dann an asow
dre an golonn mayth eth e
|
Longis, indeed was on the right hand of the cross of Jesus. They
ordered the soldier by name to pierce the body of beloved jesus. he
thrust the sharp spear exactly beneath the ribs so that it went through
the heart.
|
| 219 |
An golon y ȝeth stret bras
dour ha goys yn kemeskis
ha ryp an gyw a resas
ȝe ȝewle neb an gwyskis
y wholhas y ȝewlagas
gans y eyll leyff o gosys
dre ras an goys y whelas
Ihesus crist del o dyȝgtis
|
a'n golonn yth eth stredh vras
dowr ha goes yn kemmyskys
ha ryb an gyw a resas
dhe dhiwla neb a'n gweskis
y hwolghas y dhewlagas
gans y eyl leuv o goesys
dre ras an goes y hwelas
yesus krist dell o dyghtys
|
From the heart there went a great stream of water and blood mixed
together which ran along the spear to the hands of him who struck him.
he washed his eyes with his one hand that had been made bloody. by
virtue of the blood he saw how jesus christ had been treated.
|
| 220 |
Eddrek mur an kemeras
rag an ober re wresse
ȝy ben dowlyn y coȝas
arluth gevyans yn meȝe
dall en ny welyn yn fas
ow bos mar veyll ow pewe
Ihesus ȝoȝo a avas
pan welas y edrege
|
edrek meur a'n kemmeras
rag an ober re wrussa
dh'y benn-dewlin y koedhas
arloedh gevyans yn-medh e
dall en ny welen yn fas
ow bos mar vil ow pywa
yesus dhodho a avas
pan welas y edrega
|
Great remorse overcame him for the deed that he had done. He fell on
his knees. ``lord, forgiveness! he said. ``i was blind. i could not
see properly that i was living so vilely. jesus forgave him when he
saw his repentance.
|
| 221 |
Mam Ihesus marya wyn
herd(h)ya an gyw pan welas
yn y mab yn tenewyn
dre an golon may resas
ha ȝen dor an goys han lyn
an noȝo dell deveras
angus bras ha peynys tyn
ha gloys creff askemeres (leg. askemeras)
|
mamm yesus maria wynn
herdhya an gyw pan welas
yn hy mab y'n tenewen
dre an golonn may resas
ha dhe'n dor an goes ha'n
anodho dell dheveras
angus bras ha paynys tynn
ha gloes krev a's kemmeras
|
When the mother of Jesus, Blessed Mary, saw the thrusting of the
spear into her son, into his side, so that it ran through the heart, and
how the blood and the water ran from him to the ground, great anguish,
cruel pain and a powerful spasm seized her.
|
| 222 |
Ffest yn tyn hy a wole
ȝe wherȝyn nysteva whans
hay dagrow a ȝevera
hay dew lagas pur ȝewhans
hay holon whek a ranne
me a leuer rag trystans
rag an grayth yn hy ese
nas gweȝe an spyrys sans
|
fest yn tynn hi a oela
dhe hwerthin ny's teva hwans
ha'y dagrow a dhevera
a'y dewlagas pur dhehwans
ha'y holonn hweg a ranna
my a lever rag tristans
rag an gras ynni esa
na's gwittha an spyrys sans
|
She wept very bitterly. She had no desire to laugh and the tears
flowed from her eyes very freely. her sweet heart would have broken for
sadness, i say, if the holy spirit had not protected her because of the
grace that was in her.
|
| 223 |
Dre y holon y ȝeth seth
y mab syndis pan welse
moreth an seth ha pytet
natureth a ha denseth
ha pen arall o pytet
tackis fast gans kerense
ny woȝevys den bythqueth
kymmys peynys ow pewe
|
dre hy holonn yth eth seth
hy mab shyndys pan welsa
moreth an seth ha pyteth
natureth o ha densa
ha'n penn arall o pyteth
tekkys fast gans kerensa
ny wodhevis den bythkweyth
kemmys paynys ow pywa
|
An arrow went though her heart when she had seen her son destroyed.
grief, compassion, natural and human feeling was the arrow, and the
other end, compassion secured fast with love. no man has ever suffered
so much pain in his lifetime.
|
| 224 |
An seth yw rag leueris
as gwyskis tyn gans mur angus
war hy holon may crunys
dre nerth an bum fynten woys
ha hy a wolas kymmys
gans mar ver nerth ha galloys
an fynten may trehevys
ran yn ban du droka loys
|
an seth yw ragleverys
a's gwiskas tynn gans meur angus
war hy holonn may kreunis
dre nerth an boemm fenten woes
ha hi a oelas kemmys
gans mar veur nerth ha galloes
an fenten may trehevis
rann yn-bann dyw drog a loes
|
The arrow which had been foretold struck her cruelly with great
anguish, so that by the force of the blow a well of blood gathered upon
her heart, and she wept so much with such great strength and force that
a part of the well rose up - god! what a wicked pang!
|
| 225 |
An goysna dagrennow try
dre y ij lagas y ȝeth
ny go comfort na yly
a wrello y holon hueth
hay veynys mar drewesy
askemar ha kymmys cueth
yn oll an bys ny ylly
den cafos kymmys anfueth
|
a'n goes na dagrennow tri
dre hy dewlagas yth eth
nyns o konfort nag eli
a wrella hy holonn heudh
ha'y faynys mar druesi
a's kemmer ha kemmys keudh
yn oll an bys na ylli
den kavoes kemmys anfeudh
|
Of that blood three tears went through her eyes. It was not a
comfort or a salve to make her heart glad and her ills beset her
woefully with so much sorrow that in all the world so much wretchedness
could not be found.
|
| 226 |
I feynys o bras ha creff
yn ioy ȝeȝy trylys yw
rag mygternes yw yn nef
ȝe vos gorȝijs hy yv gyw
Eleth ȝe rygthy a seff
leas myll y both a syw
hay mab as gorth del vyn ef
tecke ys houl yv y lyw
|
hy faynys o bras ha krev
yn joy dhedhi trelys yw
rag myghternes yw yn nev
dhe vos gordhys hi yw gwiw
eledh dherygdhi a sev
lies mil hy bodh a syw
ha'y mab a's gordh dell vynn
tekka es howl yw hy liw
|
Her pains which were great and intense are turned to joy for her for
she is queen in heaven. she is worthy to be adored. angels stand before
her. many thousands follow her will and her son honours her as he
wishes. fairer than the sun is her brightness.
|
| 227 |
In corff Ihesus y ȝese
hag ef yn crows ow cregy
pymp myll strekis del iove
ha pedergwyth cans goly
ha tryvgons moy ganse
ha pymȝek pur wyr ens y
hag ol rag pur gerense
worth mab den ys goȝevy
|
yn korf yesus yth esa
hag ev yn krows ow kregi
pymp mil strekys dell j'oue
ha pedergweyth kans goli
ha triugens moy gansa
ha pymthek pur wir ens i
hag oll rag pur gerensa
orth mab-den y's godhevi
|
In the body of Jesus, as he was hanging crucified, I hear there were
five thousand weals and four times a hundred wounds and with them
seventy-five more. they were absolutely authentic and he suffered them
all for pure love towards mankind.
|
| 228 |
Pub teȝoll neb a vynne
leuerel pymȝek pater
a leun golon rag gorȝye
pascon agan arluth ker
yn blyȝen y a vye
ha bederow keneuer
hag a owleow ese
yn gorf Ihesus worth neuer
|
pub dydh oll neb a vynne
leverel pymthek pader
a leun golonn rag gordhya
passhyon agan arloedh ker
yn blydhen i a via
a bederow keniver
hag a woliow esa
yn korf yesus orth niver
|
Anyone who would say fifteen Our Fathers every day with a full heart
to glorify our dear lord's passion - in a year these would be as many
our fathers in number as there were wounds in the body of jesus.
|
| 229 |
En eȝewon ny vynne
bos an laddron ow cregy
ternos rag pasch o ȝeȝe
dyth vghel y a sensy
an eȝewon yn treȝe
a rug may wrellons terry
aga morȝosow whare
hag a lena aga dry
|
an edhewon ny vynna
bos an ladron ow kregi
ternos rag pask o dhedha
dydh ughel i a'n synsi
an edhewon yntredha
a wrug may hwrellens terri
aga mordhosow hware
hag alena aga dri
|
The Jews did not want the thieves to be hanging overnight because it
was their passover. they celebrated it as a high day. the jews among
them arranged that they should break their thighs at once and carry them
away from there.
|
| 230 |
Erbyn bonas henna guris
nanso prys gwespar yn wlas
yn erna yn weth kemeas
ȝe Iosep y a rontyas
hag an grous del o prys
corf Ihesus a gemeras
tyr marya me a gris
pur ylwys an gweresas
|
erbynn bones henna gwrys
nans o prys gwesper y'n wlas
y'n eur na ynwedh kummyas
dhe yosep i a wrontyas
hag a'n krowsprenn dell o prys
korf yesus a gemmeras
teyr maria my a grys
p'eur helwis a'n gweresas
|
By the time this was done it was already evening in the land. At
that time also they gave permission to joseph and, as it was time, he
took the body of jesus from the cross. three marys, i believe, helped
him when he called.
|
| 231 |
Mam Ihesus Cryst amme
corf y mab pur drewesy
hay daggrow a ȝevere
a noȝo pan predery
han anken mur asgrevye
pan vyre worth y woly
yn tenewen y ȝese
dre an golon astylly
|
mamm yesus krist a amma
korf hy mab pur druesi
ha'y dagrow a dhevera
anodho pan brederi
ha'n anken meur a's grevya
pan vira orth y woli
y'n tenewen yth esa
dre an golonn a's telli
|
The mother of Jesus Christ kissed her Son's body very sadly and her
tears ran when she thought of him, and the great grief that oppressed
her when she looked at his wound (it was in the side) pierced her
through her heart.
|
| 232 |
Iosep ȝe gryst a vynnas
y arrow hay ȝeffregh whek
yn vaner del yn whas
hag as ystynnas pur dek
a dro ȝy gorff y trylyas
sendall rych yn luas pleg
ha marya leun a ras
ganso trest ha moreȝek
|
yosep dhe krist a ewnas
y arrow ha'y dhiwvregh hweg
y'n vaner dell o yn hwas
hag a's ystynnas pur deg
a-dro dh'y gorf y trelyas
sendal rych yn lies pleg
ha maria leun a ras
ganso trist ha morethek
|
Joseph straightened Christ's legs and his sweet arms as was
customary and extended them very becomingly. round his body he wound
rich linen in many folds, while mary, full of grace, was with him, sad
and sorrowful.
|
| 233 |
Ena vn lowarth ese
ha ynno nyn io parys
den marow rag receve
newyth parrys nyn io vsijs
corff Ihesus crist yn treȝe
ȝen logell a ve degys
hag a heys ȝe wroweȝe
ynno ef a ve gesys
|
ena unn lowarth esa
hag ynno bedh o parys
den marow rag resseva
nowydh parys nyns o usys
korf yesus krist yntredha
dhe'n logel a veu degys
hag a-hys dhe wrowedha
ynno ev a veu gesys
|
There was a garden there and in it a grave had been prepared to
receive a dead man. newly prepared, it had not been used. the body of
jesus christ was carried between them to the sepulchre and was left in
it to lie outstretched.
|
| 234 |
Vn den da c(ri)st a gara
Nycodemus y hanow
eff nyn io hardh ȝy notya
rag own cafos y ankow
dworennos yn pur brena
ef eth ȝen corff o marow
gans vnnient ȝoȝo esa
ha spycis a vur rasow
|
unn den da krist a gara
nykodemus y hanow
ev nyns o hardh dh'y notya
rag own kavoes y ankow
d'wor'an nos yn pur brena
ev eth dhe'n korf o marow
gans unyent dhodho esa
ha spisys a veur rasow
|
A certain good man, Nicodemus by name, loved Christ. He was not bold
enough to make it known for fear of being slain. at night, simply in
expiation, he went to the dead body with ointment which he had, and
spices of great virtue.
|
| 235 |
Nycodemus a vras
corff Ihesus hay esely
oynment o a gymmys ras
may weȝe corf heb pedry
nagonon ef ny asas
heb vre ay esely
yn delma ef an dyȝgtyas
mey eyn sur o y wely
|
nykodemus a uras
korf yesus ha'y eseli
oynment o a gemmys ras
may hwitha korf heb pedri
nagonan ev ny asas
heb ura a'y eseli
yndellma ev a'n dyghtyas
meyn yeyn sur o y weli
|
Nicodemus anointed the body of Jesus and his limbs. The ointment was
of such great virtue that it preserved a body from putrefaction. he did
not leave any one of his limbs without anointing it. in this way he
prepared him. cold stones indeed were his bed.
|
| 236 |
Ha spycis leas ehen
ef a worras yn y veth
ȝe gryst a bub tenewen
hag a ȝyghow hag a gleth
worth y dreys ha worth y ben
ha war ol y gorf yn weth
dysqueȝyens war lyrgh anken
beȝe mygtern yn deweth
|
ha spisys lies eghenn
ev a worras yn y vedh
dhe krist a bub tenewen
hag a dheghow hag a gledh
orth y dreys hag orth y benn
ha war oll y gorf ynwedh
diskwedhyans war-lergh anken
bedha myghtern yn diwedh
|
And he put spices of many kinds in his grave on each side of Christ,
both right and left, on his feet and on his head and all over his body
also, a demonstration after pain that he would be king at last.
|
| 237 |
Han eȝewon a worras
a vgh Ihesus crist vn men
leden o ha poys ha bras
moy agis gauel tredden
ganso drys nos y ȝolyas
yn y seruys neb o len
an nosna a dremenas
hag oll y drok hay anken
|
ha'n edhewon a worras
a-ugh yesus krist unn men
ledan o ha poes ha bras
moy ages gavel tredden
ganso dres nos y hwoelyas
yn y servis neb o len
an nos na a dremenas
hag oll hy drog ha'y anken
|
And the Jews placed a stone over Jesus. It was broad and heavy and
big - bigger than could be held by three men. one who was faithful in
his service kept watch with him through the night. that night passed by
with all its evil and wretchedness.
|
| 238 |
Ternoys y sordyas bresel
gans an eȝewon goky
lauarow tyn hag vghel
fest yn foll y a gewsy
may ȝens y parys ȝen well
ny woȝyens y ȝystrowy
rag Ihesus ȝe leuerell
yn tressa dyth y sevy
|
ternos y sordyas bresel
gans an edhewon wokki
lavarow tynn hag ughel
fest yn fol i a gewsi
mayth ens i parys dhe'n wel
ny wodhyens y dhistrui
rag yesus dhe leverel
y'n tressa dydh y sevi
|
The next day strife arose among the foolish Jews. They spoke sharply
and loudly and very foolishly so that they were prepared for what they
would see. they could not destroy him because jesus had said he would
rise on the third day.
|
| 239 |
In vn stevya oll y eth
bys yn pylat o Iustis
vn eȝow ȝoȝo yn freth
yn delma a leuerys
ny a yll yn nos haneth
fest dystough bonas kellys
ha may fo dynny ȝe weth
rag bonas Ihesus leȝys
|
yn unn stevya oll i eth
bys yn pilat o justis
unn edhow dhodho yn freth
yndellma a leveris
ni a yll y'n nos haneth
fest distowgh bones kellys
ha may fo dhyn ni dhe
rag bones yesus ledhys
|
They all rushed to Pilate who was a magistrate. One Jew spoke to him
eagerly like this: ``tonight we may be lost, here and now, and the death
of jesus may be the worse for us.
|
| 240 |
Rag an traytor a gewsys
ha ȝe rag leas huny
war lyrgh y vonas leȝys
ȝen tressa dyth y seuy
mars mara peȝa degis
gans y dus nan caffan ny
yn vrna byth leuerys
ef ȝe sevell dre vestry
|
rag an traytour a gewsis
a-dherag lies huni
war-lergh y vones ledhys
dhe'n tressa dydh y sevi
mes mara pydh ev degys
gans y dus na'n kyffyn ni
y'n eur na bydh leverys
ev dhe sevel dre vaystri
|
``For the traitor said before many that he would rise the third day
after being slain. but if he is carried off by his people so that we do
not find him then it will be said that he has risen through
supernatural power.
|
| 241 |
Pylat a yrghys ȝeȝe
war beyn kylly an bewnans
monas ȝen corf ȝy weȝe
nan kemerre y yskerans
hag yn nos oll aspye
ha gwyȝe tam na guskens
y eth yn vn fystene
peswar marrek yrvys ens
|
pilat a erghis dhedha
war bayn kelli an bywnans
mones dhe'n korf dh'y witha
na'n kemmerra eskerens
hag y'n nos oll aspia
ha gwitha tamm na goskens
i eth yn unn fistena
peswar marghek ervys ens
|
Pilate commanded them, on pain of losing their lives, to go to the
body and guard it so that enemies would not take it, and to keep watch
all night and take care they did not sleep a moment. they went in haste.
they were four armed soldiers.
|
| 242 |
Pan deȝens y bys yn beth
y ȝeth vn marrek ȝy ben
hag arall ȝy dreys yn weth
yrvys fast bys yn ȝewen
hag a ȝyghow hag a gleth
onon a bub tenewen
bost a wrens tyn ha deveth
yn gweȝens worth y ehen
|
pan dheudhons i bys y'n bedh
yth eth unn marghek dh'y benn
hag arall dh'y dreys ynwedh
ervys fest bys y'n dhiwen
hag a dheghow hag a gledh
onan a bub tenewen
bost a wrens tynn ha diveth
y'n gwithens orth y eghenn
|
When they reached the grave, one soldier went to his head and
another to his feet as well, armed right up to the teeth, and on the
right and left, one on each side. they made a direct and shameless boast
that they would guard him in spite of anything he could do.
|
| 243 |
En varogyon a guskas
myttyn han gyth ow tarȝe
ha Ihesus a ȝeȝoras
hag eth yn le may fynne
den a pert ha mur y ras
golow cleyr ow tewynnye
ef e wre oll y vynnas
y ny yllens y weȝe
|
an varghogyon a goskas
myttin ha'n jydh ow tardha
ha yesus a dhassorghas
hag eth y'n le may fynna
den apert ha meur y ras
golow kler ow tewynnya
ev a wre oll y vynnas
i ny yllens y witha
|
The soldiers slept in the morning as day was breaking and Jesus rose
again and moved wherever he wanted, manifestly a man with great grace
and with a bright light shining. he did everything he wanted and they
could not prevent him.
|
| 244 |
Pan o pur holergh an gyth
y tefenas vn marrek
del deth an nef war y fyth
ef a welas golow tek
han meyn vmhelys yn weth
ese a vgh Ihesus whek
ha warnoȝo a yseth
ell benegas lowenek
|
pan o pur helergh an jydh
y tifunas unn marghek
dell dheuth a'n nev war y fydh
ev a welas golow teg
ha'n men omhwelys ynwedh
esa a-ugh yesus hweg
ha warnodho a'y esedh
el bennigys lowenek
|
When it was very late, one soldier awoke as the daylight came from
heaven upon his face. he saw a beautiful light and the stone that was
over sweet jesus overturned also, and sitting upon it a blessed, joyful
angel.
|
| 245 |
En marrek na a sevys
oll yn ban y goweȝe
ha ȝeȝe a leuerys
a Ihesus fatell vye
an denma re drehevys
gallas ny woȝan pele
lemman na veny leȝys
nyn ges forth ȝe omweȝe
|
an marghek na a sevis
oll yn-bann y gowetha
ha dhedha a leveris
a yesus fatell via
an den ma re dhrehevis
gallas ny wodhon py le
lemmyn na ven ledhys
nyns eus fordh dhe omwitha
|
That soldier got his comrades up completely and told them what had
happened about jesus: ``this man has risen. he has gone we know not
where. now there is no way to protect ourselves from being killed.
|
| 246 |
Marrak arall a gowsas
gony vyth pan veyn genys
tru a thu elhas elhas
gans vn huyn re ben tullys
an bewnans ny re gollas
hag yn weth agan fleghys
om ȝyghtyn trussen anwlas
fyan na veny kefys
|
marghek arall a gowsas
go-ni vydh pan ven genys
tru a dhyw ellas ellas
gans unn hun re ben toellys
an bywnans ni re gollas
hag ynwedh agan fleghes
omdhyghtyen treussyn a'n wlas
fien na vyn ni kevys
|
Another soldier spoke: ``Woe to us that we were ever born. Alas, O
god, alas, alas! a sleep has caught us out. we have lost our lives and
our children also. let us get ready. let us cross over away from the
land. let us escape so we are not caught.
|
| 247 |
An peswore a gewsys
na whelyn gwevye an pow
kepar del ve ȝen Iustis
dun leueryn war anow
ay veth del yw drehevys
na leueryn vn ger gow
y a ruge a ȝesympys
oll war lyrgh y arhadow
|
an peswara a gewsis
na hwilen gwevya an pow
kepar dell veu dhe'n justis
deun leveryn war anow
a'y vedh dell yw drehevys
na leveryn unn ger gow
i a wrug a-dhesempis
oll war-lergh y arghadow
|
The fourth spoke: ``Let us not try to escape from the country. Let
us go to the magistrate. let us tell plainly as it was how he rose from
his grave. let us not tell one word of a lie. they did at once
entirely according to his bidding.
|
| 248 |
I eth yn vn fystene
ȝe pylat aga Iustis
en deskyens del vye
ha ȝoȝo a leuerys
re safse crist heb strevye
ol ȝy voth gans golowys
ha na yllens y gwyȝe
y voth na vo colenwys
|
i eth yn unn fistena
dhe pilat aga justis
y'n dyskens dell via
ha dhodho a leveris
re savsa krist heb strivya
oll dh'y vodh gans golowys
ha na yllens i gwitha
y vodh na ve kollenwys
|
They hastened to Pilate their magistrate. They would advise him what
had happened. and they told him christ had risen without great effort
entirely at his pleasure with radiance, and they could not prevent him
doing exactly as he wished.
|
| 249 |
Ena pylat pan glewas
yn delma y ȝe gewsell
prederow an kemeras
rak own y ȝe leuerell
ha ȝy notye drys an wlas
sur a ogas hag a bell
may teffe tus gans nerth bras
erbyn rag gustle bell
|
ena pilat pan glywas
yndellma i dhe gewsel
prederow a'n kemmeras
rag own i dhe leverel
ha dh'y notya dres an wlas
sur a-ogas hag a-bell
may teffa tus gans nerth bras
er y bynn rag gustla bell
|
Then when Pilate heard that they were talking like this, he became
worried for fear that they would tell it and make it known throughout
the land for certain, close at hand and far away, so that men would come
in great force to wage a war of rebellion against him.
|
| 250 |
Rag henna pylat a ros
ȝen vorogyon aga ro
may lavarsans hadolos
yn pub tyller dris an vro
ȝe vos tus yrvys yn nos
warneȝe kymmys a dro
na gens y hardh ȝe wortos
lemmen oll monas ȝen fo
|
rakhenna pilat a ros
dhe'n varghogyon aga ro
may lavarsons ha dolos
yn pub tyller dres an vro
dhe vos tus ervys y'n nos
warnedha kemmys a-dro
nag ens i hardh dhe wortos
lemmyn oll mones dhe'n fo
|
Because of that Pilate gave the soldiers their gift so that they
said and falsely publicised everywhere throughout the land, that in the
night so many armed men came upon them and surrounded them that they
were not bold enough to stay, but all took flight.
|
| 251 |
En varogyon pan glewas
pylat ov cows yn della
mur a ioy askemeras
y ȝe ȝeank yn della
an peynys o creff ha bras
ha cafos rohow ma ȝa
both pylat y a notyas
yn le may ȝens rak henna
|
an varghogyon pan glywas
pilat ow kows yndella
meur a joy a's kemmeras
i dhe dhiank yndella
a'n paynys o krev ha bras
ha kavoes rohow mar dha
bodh pilat i a notyas
yn le mayth ens rakhenna
|
When the soldiers heard Pilate talking like this they were delighted
that they would escape in such a way from the pains that were great and
intense and get such good gifts. so they made pilate's wish known
wherever they went.
|
| 252 |
In keth gythna pur avar
han houll nowyth drehevys
tyr marea cleyr ha whar
a ȝeth ȝen beth leuerys
ha ganse oynment heb par
rag corf Ihesus o prennys
whath yn erna nyn gens war
bonas mab du drehevys
|
y'n keth jydh na pur a-varr
ha'n howl nowydh drehevys
teyr maria kler ha hwar
a dheuth dhe'n bedh leverys
ha gansa oynment heb par
rag korf yesus o prenys
hwath y'n eur na nyns ens war
bones mab dyw drehevys
|
On that same day, very early, when the sun was newly risen, three
marys, pure and humble, came to the said grave, bringing ointment
without equal which had been bought for the body of jesus. at that time
they were still not aware that the son of god had risen.
|
| 253 |
Pan o an tyr marya
ogas ȝen beth deuethys
an meyn esa a warȝa
y an guelas drehevys
en benenas yn delma
yn treȝe a leuerys
ȝe worth an beth an meynma
ȝynny pu an ommelys
|
pan o an teyr maria
ogas dhe'n bedh devedhys
an men esa a-wartha
i a'n gwelas drehevys
an benynes yndellma
yntredha a leveris
dhiworth an bedh an men ma
dhyn ni piw a'n omhwelis
|
When the three Marys had come close to the grave, they saw the stone
that was on top raised up. so the women said to each other, ``who has
overturned the stone for us from the grave?
|
| 254 |
En benenas leun a ras
gans an beth fast powessens
worth an pen y a welas
ȝen beth yw leueris kens
vn flough yonk gwyn y ȝyllas
eyll o ha y ny woȝyens
scruth own mur askemeras
rag an marthus re welsens
|
an benynes leun a ras
gans an bedh fast powessens
orth an penn i a welas
dhe'n bedh yw leverys kyns
unn flogh yo'nk gwynn y dhillas
el o hag i ny wodhyens
skruth own meur a's kemmeras
rag an marthus re welsens
|
The women, full of grace, had paused close by the grave. At the head
of the grave, which has been mentioned before, they saw a young person
in white clothing. it was an angel and they did not know. a shudder of
great fear sei3ed them because of the wonder they had seen.
|
| 255 |
En eyll a gewsys ȝeȝe
na veȝough dyscomfortis
Ihesus crist a naȝary
del welsough a ve lethys
sevys gallas ȝe gen le
den a pert ha mur y breys
a wotta an le may ȝese
vmma nyn gew ef tregis
|
an el a gewsis dhedha
na vedhewgh diskonfortys
yesus krist a nasara
dell welsowgh a veu ledhys
sevys gallas dhe gen le
den apert ha meur y bris
awotta'n le mayth esa
omma nyns yw ev trygys
|
The angel spoke to them: ``Do not be discouraged. Jesus Christ of
na3areth who was slain as you saw has risen and gone to another place,
clearly a man of great worth. behold the place where he was. he does not
remain here.
|
| 256 |
Eugh yn fen ȝy ȝyschyblon
ha leuerough wy ȝeȝe
ha ȝe pedyr dos yn scon
erbyn ȝe alyle
ena crist an kuf colon
wy an kyff yn lowene
del leuerys y honon
yn kyg yn goys ow pewe
|
ewgh yn fen dh'y dhyskyblon
ha leverewgh hwi dhedha
ha dhe beder dos yn skon
er y bynn dhe galila
ena krist an kuv kolonn
hwi a'n kyv yn lowena
dell leveris y honan
yn kig yn goes ow pywa
|
``Go immediately to his disciples and tell them and Peter to come
quickly to meet him in galilee. there, christ the beloved you will find
in joy as he himself said, alive in flesh and blood.
|
| 257 |
Gans henna y a drylyas
confortis ha lowenek
hag eth tus crist rag whelas
hag as cafos moreȝek
y lauarsons ol an cas
y ȝeȝons yn vn tonek
bys yn galyle ȝy whelas
ha ȝe gows worth Ihesus wek
|
gans henna i a drelyas
konfortys ha lowenek
hag eth tus krist rag hwilas
hag a's kavas morethek
y lavarsons oll an kas
yth ethons yn unn tonnek
bys galila dh'y hwilas
ha dhe gows orth yesus hweg
|
With that they turned away, reassured and joyful, and went to look
for christ's people and found them grieving. they told them the whole
story. they went in one gathering to look for him and to speak to sweet
jesus.
|
| 258 |
Pan deȝons ȝe alyle
Ihesus crist y a welas
yn y ȝensys ow pewe
den apert ha mur y ras
ol y beyn yntremense
ha trylys ens yn ioy bras
hag a vyth ȝynny neffre
mar a cresyn ha bos vas
|
pan dheudhons dhe galila
yesus krist i a welas
yn y dhenses ow pywa
den apert ha meur y ras
oll y bayn y'n tremensa
ha trelys ens yn joy bras
hag a vydh dhyn ni nevra
mara krysyn ha bos 'vas
|
When they came to Galilee they saw Jesus Christ alive in his
humanity, manifestly a man and full of grace. all his pain had passed
him by. and they were transported into great joy, a joy which shall be
ours for ever if we believe and are good.
|
| 259 |
Del sevys mab du ay veth
yn erna ȝen tressa dyth
yn della ol ny a seff
deth brues drok ha da yn weth
obereth dremas a dyff
yn erna rych ef a vyth
drok ȝen yn gythna goef
ȝe gryst y fyth anbarth cleth
|
dell sevis mab dyw a'y vedh
y'n eur na dhe'n tressa dydh
yndella oll ni a sev
dydh breus drog ha da ynwedh
obereth dremas a dyv
y'n eur na rych ev a vydh
drog dhen y'n jydh na go-ev
dhe krist y fydh a'n barth kledh
|
As the Son of God then rose from his grave on the third day,
likewise we all shall rise on judgment day, bad and good alike. the good
man's work shall grow. then he will be rich. woe to a wicked man on that
day. he will be at christ's left hand.
|
