Matthew IV

1	Nena a ve Jesus humbregez ...abera tha wilderness, tha voaz temptez geen an Joule.
2	Ha pereeg e penes doganze Jorna ha dogans noze; e ve ouga nena gwage.
3	Ha an tempter theath thotha, ha lavarraz. mothosta mab Deew, lavare tha an maenow tha voas gwreeze bara.
4	Buz e gwerebaz ha lavarraz, ethyw screefez, nara dean bewah dreath bara e honnen, buz gen kenefra geer eze toaze meaze meaza ganaw Deew.
5	Nena an Jowl an comeraz e man abera an cyte Venegauz, ha an zettyez e war gwarha an eglos teeg,
6	Ha lavarraz thotha, mothosta maab Deew, towle tha honnen doare, rag ethew screffez, Era ry tha e eelez an pohar au hanesta - et ago doola yra tha doone man leez a turn vethal chee ra browe tha Drooze bedn mean.
7	Chreest a lavarraz thotha, ethew screffez arta, chee na raze demtya tha Arleth Deew.
8	Arta an Jowle an comeraz eu mann wor hugez meneth euhall, ha disquethaz thotha oll an gwellasketh an Beaze, han Worriance nonge.
9	Ha lavarraz thotha, oll a rima ve vedn ry theeze mor minta poz cotha an doer ha gortha ve.
10	Ameth Jesus thotha, ke thurtum Satnaz; rag thew screffez, Che ra gorthy tha Arleth Deew hag eu a honnen Che ra servya.
11	Nena an Jowle en garaz E; ha mero elez neve theth, ha droze thotha,
12	Leben pereg Jesus clowaz tero Jowan towlaz tha bressen, e geath tha Allale.
13	Ha garah Nazereth, E theath ha tregaz an Capurnahum, lebah yw a trea vor en pow Zebalon ha Nepthaly.
14	Malga e boaz composez ave cowsez gen Dean Deew Iziaz Dellma.
15	An pow Zebulon, ha Pow Nepthaly, reban Vor tha Mor pelha avel Jordan, Allale an Gentelles.
16	An poble erra zetha en tolgo a wellaz gullow broaze ha tha rimah erra zetha en pow reb....Ankow, ma gollow dereves man.
17	Thurt an termen notha Jesus reeg dalla a boroga, ha tha laale, greew gwel, rag ma Gulasketh Neve tha dorn.
18	Ha Jesus, gwandra reb a mor Alale wellas deaw broderath, Simnen criez Peder, ha Andrew e brodar a towlah rooze en mor (rag tho an giie poscadors).
19	Ameth E thonge, suyow Vee, ha Me vedn geel thew Poscadors a Deeze.
20	Ha straft an gee arass go roza, han suyas.
21	Ha moaze alenna e a wellaz moy deaw a brederath, Jamez mab Zebde, ha Joawan e brodar en goral gen Zebde go zeerah owna go roza; ha e grias thonze.
22	Ha angye thosympyas ha garaz an goral ha go zeerah ha an suyaz E.
23	Ha Jesus geth oll a dro der Alale, deske et ago Eglezow .....an gerryow Deew an Gulasketh, sawyah oll sorto Clevas, ha pesticks mesk an boble.
24	Ha e fauge geeth der ol Syrya, ha an gy droaze thotha oll an glevyan, ha rimah o comeraz gen pup sort clevyas ha tormentyas, ha rimah o comerez gen an Jowloo, ha rimah o frantik ha rimah o palgeaz, ha E o sawyaz.
25	Ha ennah an suyaz E ruth veer a boble, thor Alile, ha thor Decapolez ha thur Jerusalem, ha thur Judah, ha thur bararall a Jordan,
26	An duah a an bozverah Chaptra a Matthew.

Notes

• William Rowe 1668-1709

Links

Modern Cornish http://www.moderncornish.net/late-texts/Rowe-William-matthewIV.html