Pan

pan + present

• y worthye y teleth theys | mar vskys pan glew the lef
  y wordhya y telledh dhis | mar uskis pan glyw dha lev
  To worship him is incumbent on thee | So quickly when he hears thy voice (OM1775-6) after/since?
• ma ov wolon ov ranne | pan glewaf cous an par-ne
  'Ma ow holonn ow ranna | pan glywav kows a'n par na.
  My heart is separating | When I hear you talk so. (OM2181-2) upon?
• pan wreth hepcor an bevnens | hep guthyl na moy cheyson | a hugh an eleth han sens | ty a thue the nef thum tron
  pan wredh hepkorr an bywnans | heb guthyl namoy cheson | a-ugh an eledh ha'n sens | ty a dheu dhe nev dhe'm tron
  When thou shalt put away life, | Without suffering any more trouble, | Over the angels and the saints, | Thou shalt come to heaven to my throne. (RD459-62)
• a pylat wolcom os fest | rak me ath car dev yn test | pan yth welaf | del leuaraf yn tor-ma | gul drok thyso ny vynna | byth ny garaf
  A Pylat, wolkom os fest, | rag my a'th kar, dyw yn test! | Pan y'th welav, | dell lavarav, y'n tor' ma | gul drog dhiso ny vynna' | bydh ny garav.
  O Pilate ! thou art most welcome. | For I love thee, God witnesses it, | When I see thee ; | As I say at this time, | I will not do harm to thee ; | I never like. (RD1811-16)
• an eleth omma yv guyn | avel an houl pan thywhyn
  An Eledh omma yw gwynn | avel an howl pan dhewyn
  The angels here are white | Like the sun when it shines (RD2532-3)

pan + preterite

• pan gemert kyg a werhas
  pan gemer't kig a werghes
  when he accepted a virgin's flesh (PA3)
• ȝen bys pan deyskynnas
  dhe'n bys pan dhiyskynnas
  when he came down to Earth (PA5)
• I vam pan yn drehevys
  Y vamm pan y'n drehevis
  When his Mother (had) brought him up (PA10)
• Han ioull henna pan glewas
  Ha'n Jowl henna pan glewas
  And when the Devil heard this (PA11)
• Gans gloteny ef pan welas | cam na ylly y dolla
  Gans glotni ev pan welas | kamm na ylli y dolla
  When he saw that he could not trick him at all with gluttony (PA13)
• Pan welas en ethewon | bos crist au cuthyll meystry
  Pan welas an Edhewon | bos Krist ow kuthyl maystri
  When the Jews saw that Jesus Christ was exercising power (PA26)
• Pan eȝons oll ȝe wary
  Pan ethons oll dhe wari
  When they all went (had gone) away (PA34)
• pan gowsas
  pan gowsas
  When he said (PA68)
• pan gowsas crist yn della
  pan gowsas krist yndella
  when christ spoke thus (PA94)
• Henna pylat pan welas
  henna pilat pan welas
  When Pilate saw this (PA100)
• Henna Iudas pan welas | crist an bewnans na sawye
  ena yudas pan welas | krist an bywnans na sawya
  Then, when Judas saw that Christ would not save his life (PA103)
• moy pegh o pan dyspresyas | ys delo pan yn guerȝe
  moy pegh o pa'n dispresyas | es dell o pan y'n gwertha
  it was a greater sin when he scorned him than when he sold him (PA104)
• Ganse pylat pan glewas | bos Ihesus a galyle
  gansa pilat pan glewas | bos yesus a galila
  When Pilate heard from them that Jesus was from Galilee (PA108)
• Pan yn caffsons yn treȝe
  pan y'n kavsons yntredha
  When they got him among them (PA142)
• pan glewas cows yn della
  pan glewas kows yndella
  when he heard talk of this kind (PA143)
• pylat pan glewas henna
  pilat pan glewas henna
  when pilate heard that (PA145)
• Ena pylat pan glewas | an lauarow na ganse
  ena pilat pan glewas | an lavarow na gansa
  Then when Pilate heard those words from them (PA147)
• Camen pylat pan welas | na ylly crist delyffre
  kammenn pilat pan welas | na ylli krist delivra
  When Pilate saw that there was no way he could release Christ (PA150)
• heȝow pan eȝys yn mes
  hedhyw pan ethys yn-mes
  when you started out today (PA157)
• Pan welas y mab dygtis | gans an eȝewon mar veyll
  pan welas hy mab dyghtys | gans an edhewon mar vil
  When she saw her son treated so dreadfully by the Jews (PA165)
• Ena pan sevys yn ban
  ena pan sevis yn bann
  Then, when she stood up (PA166)
• Pan deth levff crist war en toll
  pan dheuth leuv krist war an toll
  When Christ's hand came over the hole (PA182)
• pan eth pylat ȝy redye
  pan eth pilat dh'y redya
  when pilate came to read it (PA187)
• pan eth yn mes yn sewyas | en dus vas del vynne ef
  pan eth yn-mes y'n sywyas | an dus 'vas dell vynna ev
  when he went out the good people followed him as he wished (PA213)
• Ihesus ȝoȝo a avas | pan welas y edrege
  yesus dhodho a avas | pan welas y edrega
  jesus forgave him when he saw his repentance (PA220)
• herd(h)ya an gyw pan welas
  herdhya an guw pan welas
  When she saw the thrusting of the spear (PA221)
• Pan deȝens y bys yn beth
  pan dheuthons i bys y'n bedh
  When they reached the grave (PA242)
• Ena pylat pan glewas | yn delma y ȝe gewsell
  ena pilat pan glewas | yndellma i dhe gewsel
  Then when Pilate heard that they were talking like this (PA249)
• En varogyon pan glewas | pylat ov cows yn della
  an varghogyon pan glewas | pilat ow kows yndella
  When the soldiers heard Pilate talking like this (PA251)
• Pan deȝons ȝe alyle
  pan dheuthons dhe galila
  When they came to Galilee (PA258)

pan + imperfect

• Dewsull blegyow pan ese | yn mysc y abestely
  De Sul Bleujyow pan esa | yn mysk y abesteli
  When he was among his apostles on Palm Sunday (PA27)
• war ben dewlyn pan ese
  war benn dewlin pan esa
  When he was on his knees (PA58)
• Pan o y besadow guris
  Pan o y besadow gwrys
  When his prayers were done (PA61)
• pan esa crist ow pesy
  pan esa Krist ow pesi
  when Christ was praying (PA62)
• In agis mysk pan esen
  yn agas mysk pan esen
  When I was among you (PA75)
• moy pegh o pan dyspresyas | ys delo pan yn guerȝe
  moy pegh o pa'n dispresyas | es dell o pan y'n gwertha
  it was a greater sin when he scorned him than when he sold him (PA104)
• Pan o Ihesus cryst dampnys | aberth yn crows may farwe
  pan o yesus dempnys | a-berth yn krows may farwa
  When Jesus Christ was condemned to die by crucifixion (PA151)
• Pan o kentrow lemmys
  pan o an kentrow lymmys
  When the nails were sharpened (PA160)
• pan esa yn (an) crows pren
  pan esa yn an krowsprenn
  when he was on the cross (PA183)
• Ha crist yn delma peynys | a berth yn crows pan ese
  ha krist yndella paynys | a-berth yn krows pan esa
  While Christ was thus in pain suffering crucifixion (PA185)
• Re ȝe gryst a leuery | a berth yn crows pan ese
  re dhe krist a leveri | a-berth yn krows pan esa
  Some said to Christ when he was crucified (PA197)
• a noȝo pan predery
  anodho pan brederi
  when she thought of him (PA231)
• Pan o pur holergh an gyth
  pan o pur helergh an jydh
  When it was very late (PA244)
• Pan o an tyr marya | ogas ȝen beth deuethys
  pan o an teyr maria | ogas dhe'n bedh devedhys
  When the three Marys had come close to the grave (PA253)

pan + pluperfect

• In delma crist pan wresse
  Yndelma Krist pan wrussa
  When Christ had done this (PA48)
• Then eȝewon pan doȝye
  Dhe'n Edhewon pan dhothya
  When he had come to the Jews (PA63)
• Pan doȝyans bys yn tyller
  Pan dhothyens bys y'n tyller
  When they had come to the place (PA65)
• pan doȝyans ȝy yntreȝe | pows Ihesus a ve dyskis
  pan dhothyens dhi yntredha | pows yesus a veu di'skys
  When they arrived there, between them jesus' garment was taken off (PA176)
• Then levff arall pan doȝyans | worth an grovs rag y faste
  dhe'n leuv arall pan dhothyens | orth an grows rag y fasta
  When they came to the other hand to fasten it to the cross (PA180)
• a vernans crist pan welse | kynyuer tra marthusy
  a vernans krist pan welsa | keniver tra marthusi
  When he had seen so many marvels concerning the death of christ (PA208)
• Dre y holon y ȝeth seth | y mab syndis pan welse
  dre hy holonn yth eth seth | hy mab shyndys pan welsa
  An arrow went though her heart when she had seen her son destroyed (PA223)

pan + pres. subjunctive

• arluth pan dyffy ȝet pow | predery a hanaff gura
  arloedh pan dhyffi dhe'th pow | prederi ahanav gwra
  Lord, when you come into your land, think of me (PA193)
• tarosfan a thue deffry | war tus vas pan vons yn chy | haga darasow degeys
  Tarosvann a dheu devri | war dus 'vas pan ons yn chi | ha'ga darasow deges.
  Phantoms come indeed | Upon good people when they are in house, | And their doors open. (RD1450-1)

pan + impf. subjunctive

• A(n) peynys a wotheuys | ny ve ragtho y honan | lemmyn rag pobyll an bys | pan vons y kefis mar wan
  An paynys a wodhevis | ny veu ragdho y honan, | lemen rag pobel an bys | pan vens i kevys mar wann.
  The tortures he suffered were not for himself alone but for the people of the world as they were found (to be) so frail. (PA6)
• mar callo trylye ȝe hes | lauar crist pan vo clewys
  mar kalla trelya dhe-hys | lavar krist pan ve klewys
  if he could twist round what christ had to say when it had been heard (PA109)
• rag an spykis o garow | pan vons gwyskis ȝy synsy
  rag an spikys o garow | pan vens gwyskys dh'y synsi
  for the spikes were rough when they were hit to secure him (PA159)

bys pan + preterite

• peynys bys pan ve marow
  paynys bys pan veu marow
  tortured till he was dead (PA2)
• ȝoȝo bys pan danvonas
  dhodho bys pan dhanvonas
  until christ sent to him (PA87)
• ȝoȝo Ihesus ȝy thampnye | pylat bys pan danvonas
  dhodho yesus dh'y dhampnya | pilat bys pan dhanvonas
  until pilate sent jesus to him to condemn him (PA110)
• Han ȝewna bys pan vons squyth | war crist y fons ov cronkye
  ha'n dhew na bys pan vons skwith | war krist y fons ow kronkya
  And these two were beating upon Christ until they were tired (PA132)

kepar ha pan + impf. subjunctive

• worth ihesus ef a fecle | kepar ha pan ve hegar
  Orth Yesus ev a fekla | kepar ha pan ve hegar
  Judas greeted Jesus falsely, as if he were being affectionate (PA40)

Unclear present or pres. subjunctive

• pan vynnough agis honon | wy a yll gull da ȝeȝe
  Pan vynnowgh agas honan | hwi a yll gul da dhedha
  You yourselves can do good for them whenever you want (PA37)
• meryasek pan vynnogh why | an forth dalleth yredy
  Meryasek, pan vynnowgh hwi | an fordh dalleth yredi
  Meriasek, when you wish | The way readily begin (BM42-3)
• pan prydyryf ay passon | nynsa ioy vyth ym colon
  Pan brederav/brederriv a'y basshyon | nyns a joy vydh y'm kolon.
  When I think of his Passion, | There is not any joy in my heart. (RD759-60)
• pan predyryf ay passyon | moreth am kymmer yn scon
  Pan brederav a'y Basshyon | moredh a'm kemmer yn skon
  When I think on his passion | Grief takes me immediately (RD1082-3)

Unclear imperfect or impf. subjunctive

• gans pub colmen may ȝelle | pan wyskens yn-mes an crow
  gans pub kolmenn mayth ella | pan weskens yn-mes an krow
  so that the blood would flow out with every knot when they struck (PA131)

since

• ay serys yma thyugh sport | pan vs dewen dymmo vy
  Ay syrrys, yma dhywgh sport | pan eus dughan dhymmo vy.
  O sirs, it is a sport to you | When it is grief to me. (BM1056-7)

Tewdar is angry at not receiving any comfort. This could be translated as "You have sport now, since I'm in grief" (not a general statement, but a comment on the current circumstance), or as "You have sport when I'm in grief" (a general habit). More examples need to be found before the correct translation can be determined.

• Pan vyn an tas yn della | reys yv y wruthyl porrys
  Pan vynn an Tas yndella, | res yw y wruthyl porres.
  Since the Father so wills, | Need it is to do it. (OM648-9)
• pan vs gveyth ov tesehe
  pan eus gwydh ow tesygha
  Since the trees are drying (OM1128)
• pan yv both dev yn della
  Pan yw bodh Dyw yndella
  Since the will of God is so (OM1342)
• nynsyw aga dev pleysys | genes gy pan os punsys | ty hath pobel mar calas
  Nyns yw aga Dyw plesys | genes jy pan os punshys | ty ha'th pobel, mar gales
  Their God is not pleased | With thee, since thou art punished | Thou and thy people so severely (OM1562-4)
• byneges yv an guel-ma | pan vs sawor sur mur da | ov tevos annethe y
  Bennigys yw an gwel ma | pan eus sawor sur mar dha | ow tevos anedha i
  Blessed are these rods, | For the savour is surely very good | Coming from them (OM1739-41)
• my a wor lemyn yn ta | pan yv mar whek aga eth
  My a woer lemmyn yn ta | pan yw mar hweg aga eth
  I now know it well | Since their breath is so sweet (OM1993-4)
• yn plath may mons y a sef | dretho ef pan yns plynsys
  Y'n plas may mons, i a sev, | dredho ev pan yns plynsys.
  In the place where they are they shall stand, | Through him since they are planted. (OM2091-2)

Unclear since or when

• pan yllyn ny yntrethon | drey dour an meen flynt garow
  pan yllyn ni yntredhon | dri dowr a'n men flynt garow
  When we can between ourselves | Bring water from the sharp flint stone (OM1859-60)

that

• gwef vyth pan veva genys
  Go-ev bydh pan veu va genys
  Woe to him that ever he was born (PA43)
• gony vyth pan veyn genys
  go-ni vydh pan ven genys
  Woe to us that we were ever born (PA246)

preterite since

• y demptye pan prederis
  y demptya pan brederis
  since Satan thought he would tempt Christ (PA19)

"When" meaning after all

• pan omsettyas ȝe demptye | guȝyll pegh neb na ylly
  pan omsettyas dhe demptya | guthyl pegh neb na ylli
  After all, he undertook to tempt him who could not commit sin! (PA20)